سميث إلي
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
سميث إلي جونيور
| ||
 | ||
| معلومات عامة | ||
| زيادة | 17 أبريل 1825 هانوڤر تاونشيپ | |
| لموت | 1 يوليوز 1911 (86 عام) ليڤينݣستون | |
| لجنسية | الولايات المتاحدة د ميريكان | |
| لحرفة | سياسي و محامي | |
| لّوغات لي كيعرف | نڭليزية | |
| لفاميلة | ||
| لواليد | Epaphras Cook Ely | |
| لواليدة | Julia Ann Ely | |
| معلومات خرى | ||
| لحيزب | لحزب الديموقراطي | |
 | ||
  | ||
سميث إلي جونيور (تزاد نهار 17 أبريل 1825 – مات نهار 1 يوليوز 1911) كان سياسي ميريكاني، الرئيس رقم 82 ديال بلدية نيويورك، و عضو في مجلس النواب ديال ميريكان من ولاية نيويورك في القرن 19.
تزاد ف هانوڤر تاونشيپ، نيو جيرسي، نهار 17 أبريل 1825. باه، سميث إلي سينيور، كان تاجر ديال الجلد و كان عسكري في حرب 1812 و جدو من جهة باه كان سميتو موزيس إلي، اللي حارب تحت القيادة ديال جورج واشنطن في حرب الإستقلال لميريكانية.[1] جدو من جهة مو كان سميتو أمبروز كيتشيل.[2] خوتو كانو عايشين مجموعين، منهم خوه لكبير، أمبروز كيتشيل إلي (1823–1907)،[3] ويليام هنري إلي (1829–1913) و مرتو، ماريا جوزفين روجرز (ماتت ف 1924)، إدوين أوݣوستوس إلي (1836–1927)،[4][5] و ماريا لويز إلي (1844–1922)، اللي تزوجات بجورج بوريت ڤاندرپويل (مات ف 1925).[1][6]
كمل قرايتو التحضيرية و تخرج من جامعة مدينة نيويورك (دابا جامعة نيويورك)، و ف 1845، من كلية الحقوق ف جامعة نيويورك.[7]
قرا فبيرو ديال المحامي فريديريك دي بييستر،[2] و تقبل ف نقابة المحامين ف 1845، ولكن عمرو ما خدم كمحامي. عوض هادشي، دخل ف التجارة و الأعمال في نيويورك مع شركة Ely, Vanderpoel & Kitchell اللي تأسسات ف 1868.[1] بحال باه، كان تاجر ديال الجلد ف منطقة "Swamp" حتى شرا منو "Leather Trust" و تقاعد للفيرمة ديالو ف نيو جيرسي.[2]
كان ناشط ف بزاف ديال المناصب العمومية منها، مفوض ديال المدارس ف الدائرة 17 من 1856 حتى ل 1860؛ عضو في مجلس الشيوخ ديال ولاية نيويورك من 1858 و 1859؛ مراقب ديال مقاطعة نيويورك من 1860 ل 1870؛ و مفوض ديال التعليم العمومي ف 1867.
من 4 مارس 1871، حتى ل 3 مارس 1873، خدم كممثل ديموقراطي في الكونݣريس التنين و ربعين. ما ترشحش باش يعاودو ينتخبوه ف 1872، ولكن عاودو نتخبوه مرة أخرى كممثل في الكونݣريس ربعة و ربعين من 4 مارس 1875، حتى التاريخ فاش ستاقل نهار 11 دجنبر 1876. ملي كان في الكونݣريس، خدم كرئيس ديال لجنة المصاريف في وزارة الخزانة. ملي كان في المنصب، دار خطاب نهار 29 يوليوز 1876، على الطريقة ديال تصنيع الأوراق النقدية و السندات ديال الحكومة.[8]
مورا ما ستاقل من الكونݣريس، إلي خدم كرئيس ديال بلدية نيويورك من 1877 ل 1878،[9] غلب الرئيس السابق ديال ولاية نيويورك الجنرال جون أدامز ديكس ب 55.000 صوت.[2] ف 1895، تعين كمفوض ديال المنتزهات و خدم حتى ل 1897، فاش تقاعد من الحياة العامة.
إيلي، اللي عمره ما تزوج، مات في عمر 86 عام نهار 1 يوليوز 1911، ف ليڤينݣستون، مقاطعة إيسيكس، نيو جيرسي. تدفن ف مقبرة خاصة ف الفيرمة ديالو.[2]
التركة ديالو، اللي كانت قيمتها كثر من مليون دولار، تقريبا كاملة خلاها للأعمال الخيرية، منها 50.000 دولار لواحد الصندوق ديال الدراري الصغار باش "يعاون الشباب اللي دارو شي غلط باش يبداو بداية جديدة في الدنيا"، 100,000 دولار لـ الاتحاد الميريكاني لمدرسة الحد، 100.000 دولار لـ United Charities، و فلوس لـ Orange و Morristown Memorial Hospitals.[10] الوصايا ديالو تزادو على الملايين اللي كان كيعطيها للأعمال الخيرية في حياتو.[10] خوتو حتى هما كانو كيعطيو بزاف للأعمال الخيرية ملي ماتو.[11]
- 1 2 3 "488 GREENWICH STREET HOUSE, Manhattan" (PDF). nyc.gov. Landmarks Preservation Commission. July 24, 2007. مأرشيڤي من لأصل (PDF) ف أبريل 13, 2018. تطّالع عليه ب تاريخ December 19, 2017.
- 1 2 3 4 5 "SMITH ELY, EX-MAYOR, DIES, 86 YEARS OLD; As Democratic Head of City Government, He Fought John Kelly and Tammany. ENEMY OF OLD BOSS TWEED Refused Political Bait Rather Than Favor Jake Sharp's Broadway Railway Job--Reduced Taxation and Debt". The New York Times. July 2, 1911. تطّالع عليه ب تاريخ December 19, 2017.
- ↑ "DIED. Ely". The New York Times. February 8, 1907. تطّالع عليه ب تاريخ December 19, 2017.
- ↑ "DIED. Ely". The New York Times. June 21, 1927. تطّالع عليه ب تاريخ December 19, 2017.
- ↑ "BROTHER OF EX-MAYOR IS 90; Edwin Ely Celebrates at Hewlett, L.I., With His Neighbors". The New York Times. June 16, 1926. تطّالع عليه ب تاريخ December 19, 2017.
- ↑ "DIED. Vanderpoel". The New York Times. October 17, 1925. تطّالع عليه ب تاريخ December 19, 2017.
- ↑ "Smith Ely, Jr". Biographical Directory of the United States Congress. تطّالع عليه ب تاريخ February 23, 2011.
- ↑ Ely، Smith (1876). Speech of Hon. Smith Ely, Jr. in the House of Representatives, July 29, 1876 [microform]. [S.l : s.n.] تطّالع عليه ب تاريخ December 19, 2017.
- ↑ "The Great Misrepresented". The New York Times. November 3, 1876. تطّالع عليه ب تاريخ December 19, 2017.
- 1 2 "ELY'S MONEY TO CHARITY.; Former Mayor Leaves $1,000,000 to Many Institutions -- Fund to Aid Boys". The New York Times. July 9, 1911. تطّالع عليه ب تاريخ December 19, 2017.
- ↑ "EDWIN ELY ESTATE PUT AT $2,982,963; New Jersey Man's Niece Gets Life Interest in $2,532,445-- Bequests to Charities. STATE SOCIETY GETS BOOKS Debts Cut A.H. Wolff Property to $307,650--W.M. Barnum Left $745,933". The New York Times. April 1, 1928. تطّالع عليه ب تاريخ December 19, 2017.
- ↑ "Bronx Street Names: Ely Avenue - The Bronx Chronicle". The Bronx Chronicle. August 20, 2014. Archived from the original on February 24, 2016. تطّالع عليه ب تاريخ December 19, 2017.CS1 maint: unfit url (link)
 هادي زريعة ديال مقالة خاصها تّوسع. تقدر تشارك ف لكتبة ديالها. |