سلام دانك (مانڭا)
 مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف صفحة لمعاونة. يلا بان ليك بلي هاد لمقال مامحتاجش ل تصاور، زيد التصنيف تصنيف:ستيتناء من طاݣ ناقصين تصاور ف لّخر معا التصنيفات و حيّد هاد لموضيل. |
سلام دانك
| ||
 | ||
| معلومات عامة | ||
| لعنوان لأصلي | SLAM DUNK | |
| نوع د لمانڭا | مدرسي، أنيمي و مانڭا كوميدية، أنيمي و مانڭا رومانسية و أنيمي و مانڭا د الرياضة | |
| مانڭاكا | طاكيهيكو إنووي | |
| لّوغة لأصلية | جاپونية | |
| تاريخ د لبدية | 1 أكتوبر 1990 | |
| تاريخ دلمسالية | 23 مارس 1996 | |
_1.png) | ||
سلام دانك (لعنوان لأصلي Slam Dunk) سيرية د مانڭا د الرياضة جاپونية كتبها و رسمها لمانڭاكا طاكيهيكو إينووي. كانت كاتّنشر ف مجلة ويكلي شونن دجامپ ديال الشونن لي تابعة ل شووييشا مابين أكتوبر 1990 و يونيو 1996، ب مجموع ديال 31 طانكوبون.[1] لمانڭا كاتعاود لقصة ديال هاناميتشي ساكوراڭي (حسّان ف لڤيرسيون ب لعربية)، درّي كايقرا ف الليسي متهوّر و مندافع لي بغى ينضمّ ل فرقة ديال لباسكيط ف ليسي شوهوكو لي جا ف منطقة شوونان ف الجاپون.
لمانڭا تأضاپطات ل سيرية د أنيمي ب نفس السمية من عند ستوديو طويي أنيميشن لي تبتّات ف التلفازة مابين أكتوبر 1993 و مارس 1996. و بانت ف التلفازة ف بزاف د لبلدان بحيت ولّات عندها شعبية كبيرة ف الجاپون، ؤروپا، و عدد ديال لبلدان د أسيا.
سلام دانك تباعو منّو 185 مليون نسخة، شي لي كايخلّيه من بين أكتر لمانڭات لي تباعو ف التاريخ. ف 1994، خدا جايزة شوڭاكوكان د لمانڭا ف لكاطيڭوري د الشونن. ف الجاپون كايتعتابر سلام دانك أعظم مانڭا د الرياضة جميع لأزمان، و كيتڭال بلي ساهم ف طلوع الشعبية ديال لباسكيط بين الشباب الجاپوني ف التسعينات. ف 2010، تّشكرات السيرية من عند الجامعة الجاپونية د لباسكيط حيت عاونات ف تعميم هاد الرياضة ف الجاپون.
- ↑ "Slam Dunk (スラムダンク)". Retrieved 2026-02-19.
- Slam Dunk official anime website at Toei Animation فموقع وايباك ماشين (مؤرشف 2009-05-12)