سعيد بن دريس اللول
 مقالة ؤلا فقرة خاصها تّقاد. هاد لمقالة ؤلا هاد لفقرة مرونة شوية، خاصّها تّقاد ؤ تزيد تّنضّم. مشاكيل:
|
سعيد بن دريس اللول
| ||
| معلومات عامة | ||
| زيادة | 760 | |
| لموت | 803 (42/43 عام) | |
| لجنسية | إمارة نّكور | |
| لحرفة | عاهل | |
سعيد بن دريس (760 – 803) كان أمير ديال إمارة نكور. نقل العاصمة من تمسمان ل نكور، لي كان أسسها.
الجدّ ديالو صالح كان من الناس اللي على حساب شي روايات جاو من اليمن للمغرب فـ الفتح الإسلامي اللول، و ستاقرّ فـ واحد المرسى قريب من نكور فـ الشمال ديال المغرب (فـ الريف، على البحر الأبيض المتوسط).
لأمازيغ ف ديك المنطقة (من صنهاجة و غمارة) سلمو على يدو، و من بعد ما مات، دازو لحكم ل حفيدو سعيد فـ عام 167 هـ.
فـ الوقت ديالو عمرات مدينة نكور و ولات مزداهرة، و ولاو كاتجيوها الباطوات من مرسى المرية ف الأندلس.
حكم سعيد 67 عام، و توفّى ف فـ نكور.[1]
على حساب البكري، صالح بن منصور الحميري أسس إمارة نكور ف بداية القرن الثاني للهجرة. سعيد بن إدريس كمل البني ديال المدينة اللي كان بداها باه إدريس بن صالح، فاش كان كيفكر يدير عاصمة جديدة ل إمارة نكور عوض ما يبقى فـ تمسمان. وهكا ولى سعيد هو أول واحد دار مدينة نكور عاصمة ديالو. و من جهة أخرى، النسب العربي اليمني الحميري اللي كانو أمراء نكور كيدّاعيوه، كان حاجة عادية باش يبررو الحق ديالهم ف الحكم، و هاد الفكرة هي اللي تبناوها لمؤرخين ديال الدولة الأموية.
ولكن حيت الروايات اللي كتهضر على قيام الإمارة كانت مختالفة و ضعيفة، فـ رواية اليعقوبي اللي زار نكور بعد ما مات صالح بن إدريس (اللي قال بلي من حمير) كتأكد بلي الأصل الحقيقي ديال مؤسس إمارة نكور هو صنهاجي نفزي.[1]
كيتّرجّح بلي صالح بن منصور الحميري كان من اللوالا اللي سلمو و تفقهو ف الدين ف إفريقيا، و من بعد كلفوه بمهمة نشر الإسلام ف بلاد الريف. و كيقول الزياني باللي حسان بن النعمان الغساني، اللي كان والي على إفريقية ف زمان عبد الملك بن مروان، هو اللي صيفط صالح بن منصور يفتح المغرب، فا نزل ف الريف.
ولكن البكري و بن خلدون قالو العكس، و قالو بلي أول قائد عربي وصل الريف فـ الفتوحات الإسلامية اللولة هو صالح بن منصور المعروف بـ العبد الصالح، و كان مرافق ل عقبة بن نافع ف الحملة ديالو اللولة (ما بين 670 و 674 ميلادية). و وخا داكشي، بزاف ديال المؤرخين، و على راسهم الزياني، ما تقبلوش هاد الرواية، و قالو بلي صالح بن منصور ما جاش من المشرق العربي، بل جا من جهة إفريقيا، يعني بلي راه أمازيغي من شمال إفريقيا، ماشي عربي كما قالو بن خلدون و بن الخطيب.[1]
- 1 2 3 العياط, العربي بن رمضان (2022). "الجريمة والعنف في تاريخ المغرب:, نماذج من تاريخ المغرب الوسيط والحديث". مجلة جيل العلوم الإنسانية والاجتماعية: 83. doi:10.33685/1316-000-090-006.