سعيد الجديدي
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
سعيد الجديدي
| ||
 | ||
| معلومات عامة | ||
| زيادة | 1947 تطوان | |
| لموت | 27 شتنبر 2025 (77/78 عام) | |
| لجنسية | لمغريب لحماية الصبليونية على لمغريب | |
| لحرفة | صحافي، شخصية د الراديو، أنيماتور، كاتب و طرجمان | |
| لّوغات لي كيعرف | صبليونية، نڭليزية و عربية | |
| لجوايز | ||
سعيد الجديدي (مزيود ف 1947 ف تطوان، توفى ف 27 شتنبر 2025) هوّ صحافي مغريبي و مقدّيم د لخبار ب الصبليونية ف لقناة اللولة لمغريبية. الجديدي كان حتى طرجمان من لعربية للصبليونية، و هوّ أول مغريبي قدّم لخبار ف التلفازة لمغريبية ب الصبليونية، و كيتّعتابر مؤسس ديال الصحافة الناطقة ب الصبليونية واحد من أهم الروائين ب الصبليونية ف لمغريب.[1][2]
تزاد سعيد الجديدي ف تطوان ف 1947، ف فاميلة علمية عريقة. قرا الليسي ف تطوان، قبل ما يمشي ل النڭليز و سپانيا باش يقرا الجامعة.[3]
بدا لكاريير الصحافية ديالو مراسل ب الصبليونية، و لتاحق ب الديبارطومو د الصبليونية ف التلفازة و الراديو لمغريبي، و تماك ولّى رئيس التحرير و من بعد رئيس ديال الديپارطومو. كان أول واحد كيقدم لخبار ب الصبليونية ف الراديو و ف لقناة اللولة، و خدم 39 عام قبل ما يتقاعد ف 2007.[4] كان خدم حتى ف وسائل د لميديا برّانية بحال جورنال "إل پاييس" El País الصبليوني، و قنوات تيليڤيسا ڭالاڤيسيون Televisa-Galavisión و إنفوريد Inforred لمكسيكية.[5]
كمّل موراها لخدمة ديالو ف الطرجامة و التأليف،[6] و كان معروف ب لمحاضرات ديالو ف لمغريب و على برا، و زار بزاف د لبلدان الناطقة ب الصبليونية سيرتو لارجونتين و سپانيا. أسس جورنال "لوپينيون سيمانال" L'Opinion Semanal و "لامانيانا" La Mañana، و كان كايسيّر بلوڭ "كون أسينتو ماروكي" Con Acento Marroquí و السيت الناطق ب الصبليونية "إنفو مارويكوس" Info Marruecos.[7][8]
- 2018: وشّحو لماليك د سپانيا فيليپي السادس ب وسام لإستحقاق ديال سپانيا.[9][8]
- ↑ صوت الإسبانية في الإعلام المغربي
- ↑ "رحيل الإعلامي المغربي سعيد الجديدي". 2025-09-28. تطّالع عليه ب تاريخ 2025-10-13.
- ↑ وداعا سعيد الجديدي: قامة إعلامية وثقافية تركت إرثا مستمرا
- ↑ الإعلامي والأديب سعيد الجديدي في ذمة الله
- ↑ "Journalist & writer Saïd Jedidi passes away". 2025-09-28. تطّالع عليه ب تاريخ 2025-10-13.
- ↑ "وفاة الصحافي سعيد الجديدي رائد النشرات الإسبانية بالمغرب". 2025-09-28. تطّالع عليه ب تاريخ 2025-10-13.
- ↑ "وفاة سعيد الجديدي أيقونة نشرات الأخبار الإسبانية على التلفزيون المغربي". 2025-09-28. تطّالع عليه ب تاريخ 2025-10-13.
- 1 2 3 4 "Moroccan journalist Saïd Jedidi pioneer of Spanish media passes away". 2025-09-28. تطّالع عليه ب تاريخ 2025-10-13.
- ↑ وشحه العاهل الإسباني بوسام الاستحقاق ..
- ↑ "Said Jedidi, a great professional and pioneer of Spanish-language journalism in Morocco passes away". 2025-09-29. تطّالع عليه ب تاريخ 2025-10-13.