سحابة أوورت

من ويكيپيديا
اذهب إلى التنقل اذهب إلى البحث
لمسافة مابين سّحابة أوورت ولأجسام لوخرين د لمجموعة شّمسية ب سلم لوݣاريتمي.

سّحابة أوورت[1]، وصفها أول مرّة لفلكي لهولندي يان أوورت ف 1950[2]، هي سحابة نظرية ديال كواكب مصغّرة تلجية ومقتارحة بلّي راها كاتحيط ب شّمش ف واحد لمسافة مابين 2000 تال 200000 وحدة فلكية (0.03 تال 3.2 عام ضوئي).[3] سحابة أوورت مفرقة لجوج مناطق: سحابة دخلانية ب شّكل د قرص (أولا سحابة هيلز) وسحابة كروية أوورت خرجانية. لمناطق بجوج جاو برا من لهيليوسفير وف لفضاء بين نجمي.[3] لحزام كويپر ودّيسك لمفرّق، رّيزيڨوارات لوخرين ديال لأجسام مورا نپتونية، راها قل من ألف مرة بعد من شّمش ب لمقارنة مع سّحابة أوورت.

لحد لخرجاني ديال سّحابة أوورت كايعرّف لحدود لكوسموغرافية ديال لمجموعة شّمسية وفين واصل لمجال د هيل د شّمش.[4] سّحابة أوورت لخرجانية مامرتابطاش ب جّهد معا لمجموعة شّمسية، وداكشي علاش دغيا كاتأتر ب نجوم لي دايزين ولا ب مجرّة تبانة براسها. هاد لقوى كايخرجو لمدنّبات من لوربيط ديالهوم وكاتسيفطهوم ل لداخل ديال نّظام شّمسي.[3] من لوربيط ديالهم، أغلب لمدنبات لي عندها دور صغير ممكن تكون جات من دّيسك لمفرّق، بلحاق شي وحدين يمكن مازال يكون لأصل ديالهم من سّحابة أوورت.[3]

لمصادر[بدل | بدل لكود]

  1. "Oort". Oxford English Dictionary (3rd ed.). Oxford University Press. September 2005.
  2. Redd, Nola Taylor (October 4, 2018). "Oort Cloud: The Outer Solar System's Icy Shell". Space.com. Retrieved August 18, 2020.
  3. 3.0 3.1 3.2 3.3 Alessandro Morbidelli (2006). "Origin and dynamical evolution of comets and their reservoirs of water ammonia and methane". arXiv:astro-ph/0512256.
  4. "Kuiper Belt & Oort Cloud". NASA Solar System Exploration web site. NASA. Retrieved 2011-08-08.
Wikimedia Commons تقدر تزيد شوف بزاف د صور و معلومات ديال Oort cloud ف ويكيميديا كومنز.