سبيطار ماتر دي
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
سبيطار ماتر دي
| ||
| معلومات أساسية | ||
| نوع د لمؤسسة | صبيطار | |
| لبلاد | مالطا | |
| تاريخ د تّأسيس | 2007 | |
| سّيت رّسمي | deputyprimeminister.gov.mt… | |
| معلومات إضافية | ||
| عضو ف | لجامعة د مالطا | |
| تسمّات على | السيدة مريم | |
.JPG)
| ||
سبيطار ماتير ديي (لمالطية: MDH) لمعروف ب بساطة ب سمية ماتر دي، هو سبيطار عمومي فـ مدينة مصيدة فـ مالطا، كاياخد حالات مستعجلة و كايقدّم خدمات عامة و تخصصية. تفتح فـ 2007 و عوّض سبيطار سانت لوك. هاد السبيطار تابع لـ جامعة مالطا و كيستعملوه حتى فـ التعليم و التدريب ديال الطلبة فـ ميدان الطب.
السبيطار تحلّ نهار 29 يونيو 2007، و ولا كيعوّض سبيطار سانت لوك ك سبيطار عمومي رئيسي. المجمع كيغطي مساحة ديال 250,000 ميترو مربع، و فيه 825 ناموسية و 25 قاعة عمليات.
البني دارتو شركة سكانسكا مالطا JV، و هي فرع ديال الشركة السويدية سكانسكا. المشروع كان مخطط باش يكلف جوايه 50 مليون ليرة مالطية (علاين 116 مليون يورو)، ولكن التكاليف طلعات بزاف وصلات لكثر من 250 مليون ليرة مالطية (علاين 582 مليون يورو).
شركة سكانسكا تكلّفت ب لبني ديال سبيطار عام جديد ف مالطا، و سبيطار ماتر دي اللي كيتعتبر "أحدث ما كاين" كلف كثر من 700 مليون يورو. ولكن من بعد، تكتشف بلي سكانسكا ستعملات سيمة بجودة عيانة، نفس النوع اللي كيستعملوه عادة ف لبني ديال الطروطوارات. و بسباب هاد الشي، السبيطار ما قدرش يبني إيطاجات إضافية ولا يصاوب هيلوپاد (موقف ديال لهيليكوپطيرات) فوق السطح.[1][2][3][4][5][6]
السبيطار كاين حدا جامعة مالطا، و كيضمّ كليات العلوم الصحية، الطب و الجراحة، و جراحة السنان ف جناح خاص ب المدرسة الطبية. قبل جايحة كوڤيد-19، كان السبيطار كيحتاوي على مكتبة العلوم الصحية، اللي هي فرع ديال مكتبة جامعة مالطا.
مركز السير أنتوني ماما ل أمراض لكونصير ستقبل أول 50 مريض براني نهار 22 دجنبر 2014. بدا التنقيب على المركز ف 2010 و لبني ديالو بدا ف 2012. المركز مسمّي على السمية ديال أول رئيس د جمهورية مالطا، السير أنتوني مامو. تكلف علاين 52 مليون يورو، و كيحتاج علاين 8 ملايين يورو ف لعام لتشغيل ديالو.
المركز كيوفّر علاج إشعاعي متطور كثر ب تخدام جوج ماكينات جابوهم من مركز لييدز سپنسر، اللي تمّ تقديمهم ف 2013. هاد الماكينات كتسمح ب علاج إشعاعي أدق و بجرعات أقوى، اللي كتقلّل مدة و عدد الجلسات. الحكومة المالطية كتفكّر توسّع خدمات العلاج الإشعاعي باش تشمل زرع الخلايا الجذعية الذاتية. زيدون كيناقشو إنشاء وحدة للتجارب السريرية باش يستافدو المرضى المالطيين من أدوية جديدة مازالت ما دخلاتش للسوق.
عدد الناموسيات ف المركز زاد من 78 ف سبيطار بوفا لـ113، و عدد لكلينيكات د المرضى لبرانيين تزاد من 2 لـ12. نوع العلاج الكيماوي اللي كيتعطى مطور كتر. عدد ناموسيات الرعاية التلطيفية تزاد من 10 ف بوفا لـ16. لماكينة د رنين مغناطيسي جديدة غتعاون ف تقليل الليستات الإنتظار. المرضى و عائلاتهم كيتبعوهم قبل، ف لوقت و بعد العلاج، و كاين تكوين أكثر للعاملين. ف يوم الإفتتاح، توظّفو 47 محترف جديد ف المركز.[7]
- Rudolf، Uwe James (2018). Historical dictionary of Malta (طبعة 3). Lanham: Rowman & Littlefield. pp. 143, 144. OCLC 1040078334. ردمك 9781538119181.
- ^ Balzan, Saviour (21 شتنبر 2015). Skanska snubs government over hospital damage claims. Malta Today. Retrieved 1 يوليوز 2016.
- ^ Waiver exonerated Skanska and Maltese partners on Mater Dei.
- ^ PM orders investigation into Mater Dei concrete.
- ^ Read: Hospital inquiry report, Arup report on Emergency Department.
- ^ ARUP report. Volume 2 مؤرشف 2020-09-24 فموقع وايباك ماشين.
- ^ Inquiry report مؤرشف 2020-09-24 فموقع وايباك ماشين.
- ^ Times of Malta. "Oncology Hospital welcomes first patients", Times of Malta, Malta, 22 دجنبر 2015. Retrieved on 17 غشت 2015.