ساريتة الفاسي
ساريتة الفاسي
| ||
| معلومات عامة | ||
| زيادة | 1952 طانجا | |
| لموت | 2 فبراير 2025 (72/73 عام) | |
| لجنسية | إسرائيل | |
| لحرفة | مغنية | |
| لّوغات لي كيعرف | لعبرية | |
| لفاميلة | ||
| لإتنية | مغاربة يهود | |
| معلومات خرى | ||
| لألة | صوت | |
ساريتة الفاسي (مزيودة ف 1952 ف طانجا، توفات ف 2 فبراير 2025) هيّ مغنية إسرائيلية من أصل يهودي مغريبي. كانت معروفة ب سميتها لفنية إيڤا فرانسيس Eva Francis، و أشهر أغنية ديالها هيّ "بحر الدموع" (لعبرية: ים של דמעות).[1]
ساريتة لفاسي تزادت ف طانجا، و هاجرات معا فاميلتها ل پيتاح تيكڤا، إسرائيل، ف 1963 و ف عمرها 11 عام. ملي كان ف عمرها 8 سنين ديجا كانت بدات كاتغني ب ستيل كوپليكس (لي كيميّز ليهود الناطقين ب اللادينو). ف 1968، ملي كان ف عمرها 16 عام، لموروّيج لموسيقي أڤرام ألون تعرّف على لموهبة دياها، و بدات كاتخدم معاه كا مدير ديال لأعمال الشخصي ديالها.
كيتڭال بلي ساريتة كانت زوينة بزاف،[2] و كانت كاتغني ف النوادي و لوطيلات ف عدد د لمناطق إسرائيل ب بزاف د اللوغات بحال لعبرية، الصبليونية، لفرانساوية، الطاليانية و النڭليزية. ف لبدية د السبعينات، بدات كاتخدم معا مروّيج جديد هوّ إيتان ڭافني.
ف 1971، دارت أول تسجيل ديالها ف ستوديو، ديال أغنية "بحر الدموع" لي ماعرفاتش نجاح كبير ديك الساع،[3][4] و ماتعرفات مزيان تا غناها لمغني زوهار أرڭوڤ 15 عام من بعد، و عاوتان ف 2003 ملي غناها نينيت طيب و ربح بيها ف مسابقة ديال التلفازة.[5][6]
ف 1972، سجلات أغاني خرين، ب عناوين "أنا ديما هاكا" (لعبرية: אני תמיד כזאת)، "نتا" (لعبرية: אתה) و "كانو جوج صحاب" (لعبرية: היו שני חברים). و ف 1973 شاركات ف مهرجان "ريتم برّاني" ب أغنية "لفراشة" لي غناتها ب الطاليانية.
سافرات من بعد ل جنوب إفريقيا ف ضورة فنية د 6 شهور. ملي رجعات ل إسرائيل دارت حفلة قدّام لعساكريا ف لوقت ديال حرب أكتوبر 1973. عاود مشات ل جنوب إفريقيا،[2] و بقات كاتغني تماك تا عتازلات لغنا ف 1978. من بعد، تّنسات ساريتة لفاسي بشكل كبير من الداكرة لفنية.[5]
ساريتة لفاسي عندها 4 د لولاد، و مور ما رجعات ل إسرائيل ف 1991، سكنات ف مدينة ريشون ليتسيون تال 2004. ف داك لعام رجعات ل مدينة پيتاح تيكڤا و خدمات ف لبلدية د مدينة، و بقات فيها تا ماتت.
- لڤيرسيون لأصلية ديال أغنية "بحر الدموع"
- ^ "נחשף לראשונה: הסיפור המצמרר מאחורי "ים של דמעות" של זוהר ארגוב". 2019-01-17. تطّالع عليه ب تاريخ 2025-06-17.
- ^ a b ""המושג מעברה כבר מזמן הפסיק להיות ביטוי של אומללות, הוא אפילו הפך למותג"". 2020-03-19. تطّالع عليه ب تاريخ 2025-06-17.
- ^ "סיפור אהבה סוחט דמעות על "ים של דמעות"". تطّالع عليه ب تاريخ 2025-06-17.
- ^ "From Joe Amar to Omer Adam: A parade of the country's 50 Mediterranean songs". 2024-05-13. تطّالع عليه ب تاريخ 2025-06-17.
- ^ a b "כשהפילהרמונית פגשה את זוהר ארגוב: המופע "הפרח בגני" הוא חיבור מוזיקלי מזהיר". 2024-03-14. تطّالع عليه ب تاريخ 2025-06-17.
- ^ "ים של דמעות". تطّالع عليه ب تاريخ 2025-06-17.