زمامرة

زمامرة
‫زمامرة‬ (ar) ⵣⵎⴰⵎⵔⴰ (tzm)
لبلاصة
لبلاد	لمغريب
لإقليم	إقليم سيدي بنور
السكان
شحال دالسكان	13,993 (2024)
شحال دلفاميلات	3,413 (2024)
معلومات خرين
الرمز لجغرافي	6546788

زّمامرة مدينة مغريبية و جماعة ترابية حضرية كاينة ف إقليم سيدي بنور، جهة دّار لبيضا سطات، ساكنين فيها 13279 واحد، على حسب لإحصاء لعام 2014.

لموقع لجغرافي

كـتـعـتـابر زمامرة مـركز حـضري طـالع فـمنطقة دكالة، وهي مـعروفة بـلـأرض ديالها لـفلاحية لـخـصـيبة لـي كـتـسـتـافد من نـظام الـسـقي ديال "لـمكتـب لـجهوي لـلـإستـثمار لـفـلاحي لـدكالة".

هاد لـوضع خـلى لـمدينة تـكون قـطب لـإنتاج الـسـكّـر (بـالـأخص الـشـمندر سـكري) ولـحـليب، وتـطـورات فـيها صـناعة غـدائية مـرتبطة بـهاد لـمنتوجات.

وعلى لـمستوى الـرياضي، لـمدينة مـشهورة بـالـفريق ديالها نـهضة الـزمامرة لـي قـدر يـفرض لـوجود ديالو فـلـبطولة لـإحتـرافية، وهادشي عـطى لـلـمدينة إشعاع وطني كـبير.

كـتـعرف زمامرة حتى بـلـحركية الـتـيجارية فـلـأسواق ديالها، وكـتـلعب دور لـهمزة ديال لـوصل بـين لـمدن لـكبار ديال لـمحيط لـأطلسي ولـمدن الـداخلية ديال لـغرب، هادشي لـي كـيـخلي لـإقـتصاد لـمـحلي ديالها ديما فـحركة مـسـتـمرة

لـبنية الـتحتية

عرفات لـبنية ـتحتية فـلـمدينة إعادة هيكلة جـدرية، فين تـزفـتات الـطرقان وتـجهزات بـضواو مـقادّة عـطاتها طـابع ديال لـأمان ولـإستقرار. كدلك تـبناو جـردات وساحات عـمومية كـبيرة، أهمها ساحة 9 مارس فـحي الـنهضة، وساحة لـإنـبـعاث فـحي لـشباب. وزيادة على هادشي، تـبنى سبيطار كـبير فـحي لـنهضة ومـستـوصفات فـحي الـسلام وحي لـمحمدي.

ولـأشغال مازال خـدامة بـاش يـتـدارو مـشاريع ضـخمة، بـحال لـقاعة لـمغطاة لـمتـعددة لـإختصاصات، مع إعادة لـهيكلة ديال تـيران أحمد شـكري بـاش يـولي عـصري وبـتـيران ديال لـعـشب لإصطناعي لـمـرخـص بيه.

وتـزادت هاد لـمشاريع بـتـقوية لـقنوات ديال لـواد لـحار وتـصريف مياه الـشـتا بـاش يـحميو لـمدينة من لـفيضانات، مع تـوسيع لـمساحات لـخضرا لـي ولات كـتـعـتـابر مـتـنفس حـقيقي لـلـسكان. كدلك تـحـسّـنات لـمـرافق لـإدارية لـمحلية بـاش تـقـرب لـخدمات من لـمواطنين وتـسـرّع لـأغراض ديالهم.

تعليم

• نسبة لأمية (نّاس لّي ما كايعرفوش يقراو ولا يكتبو) : 24,1%
• نسبة سّكان لّي قاريين فوق الليسي (ليسي و جامعة): 22,4%

قتيصاد

• نسبة نّاس نّشيطين (لّي يقدرو يخدمو): 48,9%
• نسبة لبطالة (نّاس لّي ما خدامينش و تايقلبو على خدمة): 14,9%
• نسبة نّاس اللي خدامين ف دّولة (ولا لبيطاليين اللي سبق ليهوم خدمو): 21,5%
• نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):33,4%

بعض لـأحياء

حي لـنهضة

​كـيـتـعـتـابر من أهم لـأحياء حيت قـريب من كاع لـحاجيات لـيومية بـحال صبيطارات ولـقراية بـكاع لـمستويات ديالها مدارس ،تانويات و لمراكز ديال تكوين ، وزيد عليها لـإدارات ولـحوانت لـكثار، وقـريب حتى من ـسوق لأسبوعي. يـمكن نـقولو بلي هو لـقـلب ديال لـمدينة.

لـحي لـمحمدي

​أولا كيف كـيـسميوه الـناس بـلـعامية "بـلوك"، وجا قـريب من الـنهضة لـي هي لـمركز ديال زمامرة.

حي الـسلام

​أولا لـحي صناعي، لـي فـيه بزاف ديال لـحـريفية و صناعات لـمـتنوعة،و هو أقدم حي فـلـمدينة وكـيـنـقـسم لـجوج أشـطار: لـأول و تاني.

حي الـشباب

​مـكون من فـيلات بـحـجم لمـتوسط وحتى لـكبير، بـعـيد على صداع ديال لـمركز، ومـعروف بلي ما فـيهش لـحوانت ديال لـبيع ولـشرا.

لـحي لـفلاحي و "لاصـيتي".

​هاد جوج أحـياء مـتـشابهين فـلـفـصالة ديالهم، ديور بـجـردات صـغار، بـجوجهم تـبناو فـلأصل من شـركات:

​لأولى فـلاحية،

​الـتانية ديال صـناعة لـقـصب ديال سكر لـي كانت فـلـمدينة شـحال هادي.

مصادر

ويكيميديا كومنز عندا تصاور و معلومات على زمامرة.

هادي زريعة ديال مقالة خاصها تّوسع. تقدر تشارك ف لكتبة ديالها.