زليج
الزليج ولّا الجليج هو واحد الفن ديال الفسيفساء اللي كيتكون من قطع خزفية[تدريج] صغار، كيتجمعو باش يصاوبو أشكال هندسية مزوّقة. بان أول مرة في مدينة فاس وتطور في الأندلوس والمغرب العربي.[1] وكيتميّز بالتصاميم المعقّدة والألوان الزاهية.
كلمة "زليج" جاية من الفعل لعربي "زلج" اللي كيعني "تزلق"، فإشارة للسطح الملس واللامع ديال القطع الخزفية. هاد الفن بدا فالعصر الوسيط فالمغرب والأندلس، وتطوّر مع الوقت باش يولي جزء من الهندسة المعمارية التقليدية فهاد المناطق.[2]
الزليج كيتصاوب من الغيس اللي كيتشكّل و يتحرق ف فرّان، من بعد كيتلوّن ب صباغة ديال الجاج و كيترسم عليه. من بعد، كيتقطّع ل طراف صغار بأشكال هندسية، و كيتجمعو بشوية و بحرص باش يكوّنو التصاميم المطلوبة. هاد العملية كتطلب دقة و صبر، و كتبيّن المهارة ديال الصنايعي التقليدي.[3]
.jpg)
الزليج كيتستعمل بزاف فزواق لحيوطا، الأرضيات، النافورات، و حتى السقوفا. كيلقاه ف الجوامع، القصورا، الرياضات، و حتى فالدّيور العصرية اللي بغاو يحتافظو بالطابع التقليدي. التصاميم ديالو كتنوع بين النجوم، الزهور، و الأشكال الهندسية المعقّدة.
لحرايفيا اللي كيديرو الزليج كيتسمّاو "معلمين الزليج"، و هما ناس عندهم مهارة كبيرة ف هاد الحرفة. المدون بحال فاس، مكناس، و مراكش معروفين بهاد الفن، و كاينين مدارس تقليدية كتعلم هاد الصنعة للأجيال الجديدة باش يبقا هاد التراث حي.[4]
وخا كاين تطور كبير ف مجال الديكور، الزليج باقي شاد بلاصتو، و كيتستعملوه حتى ف التصاميم العصرية. الناس كيعجبهم يخلطو هاد الفن ف الديكور ديال الدّار باش تبان ديك لمسة ديال الأصالة والجمال وتعطي منظر ناضي وأيضا كيخلي الواحد إعتّز بالتاريخ ديالو.
- ^ KADDOURI (2025-01-30). "الزليج مغربي وليس مغاربيا أو مشتركا، وأصله "فاس" وتطور في الأندلس والمغرب العربي". OujdaCity (ب لفرانساوية). تطّالع عليه ب تاريخ 2025-01-31.
- ^ Anderson, Glaire D. "The Islamic Villa in Early Medieval Iberia." (Cambridge University Press, 2013).
- ^ Grabar, Oleg. "The Formation of Islamic Art." (Yale University Press, 1987).
- ^ Michell, George. "Architecture of the Islamic World." (Thames & Hudson, 1978).