زلزال

الزلزال هو واحد الظاهرة اللي طبيعية، كتوقع ملي كتزعزع الأرض وكتبدى ترج وتدور، وهاد الرجّة كتكون ف المدة ديالها قصيرة، تقدر تكون غير ثواني. هاد الشي كيوقع ملي كتحرك الصفائح ديال القشرة الارضية، وهاديك البلاصة اللي كيبدا منها الزلزال سميتها البؤرة.

الزلزال كيتبعوه موجات زلزالية اللي كيخرجُو من البلاصة اللي تكسّرات فيها الحجرة، وهاد التهراس كيوقع من بعد ما كيتجمع الضغط على الصخور مع الوقت حتى كيولي ما بقاوش قادرين يتحمّلو بعضهم وهادشي اللي كيخلي الصفائح تحرك

الأغلب ديال الزلازل كيوقعو فالحواف ديال هاد الصفائح. وكاينين زلازل اللي كيوقعو بسباب البراكين ملي كيتفركعو، وكاين اللي كيكونو بسباب الانزلاقات اللي كتوقع فالطبقات ديال الأرض.

الزلازل كيديرو شقات فالأرض، وبسبابهم يا إما كيبانو عيون جداد ولا كايبسو، وكيوقعو حتى ارتفاعات وانخفاضات فالقشرة الأرضية. وزيد عليهم، ملي كيكونو تحت البحر كيديرو أمواج كبار بحال التسونامي. ومن غير هاد الشي، الزلازل كيتسبو فخراب كبير فالبنيّات، الطرقان، والمنشآت.

الدرجة

كتحدد درجة الزلزال بمؤشر، وكيتقيم من واحد لعشرة :

• من واحد لربع - الزلازل ما يمكنش يتسبب ف أي ضرر ممكن غير نحسو بيه صافي.
• من ربعة لست - زلازل موايان الضرر ممكن يتسبب ف الضرر للديور والباتمات.
• من 7 ل 10 - القوة المجهدة، أي ان الزلزال ممكن يدمّر المدينة كلها ويحفرها تحت الأرض حتى تغبر مع الضرر للمدن لي حداها.

كيفاش كايتكون الزلازل؟

كيفاش كيتكون زلزال.

منين كتبدا القشرة الأرضية كتزعزع، كيتخلقو ستة دالأنواع ديال موجات الصدمات. جوج منهم كيدوزو فلداخل ديال الأرض وكيأثرو على الجزء لدخلاني ديالها، والربع دالموجات لا خرين كيمشيو فوق السطح (موجات سطحية).

كنقدرو نفرقو بين هاد الموجات حتى ف كيفاش كتحرك جزيئات الحجرة. الموجات اللّولة (كيسمّيوهم موجات الضغط) كتدفع الجزيئات يتحركو القدّام واللور فالنفس الإتجاه اللي ماشية فيه الموجة. أما الموجات الثانية (المستعرضة) كتهزّ الجزيئات لفوق وتحت ولا لجنب، يعني بشكل عمودي على الطريق اللي ماشية فيه الموجة.

وعادة، الموجات الأولية كتكون أسرع من الموجات الثانوية. داكشي علاش ملي كيوقع الزلزال، أول موجات كتوصل وكتشجّل فمحطات قياس الزلازل فالعالم كامل هي موجات الضغط (الأولية) ومن بعدهم كيجيو الموجات الثانوية..

النظريات ديال نشوء الزلازل

منين تنشئات الأرض، كانت واحد الكوكب لي سخون بزاف بحال ڭاع الكواكب. ومع الوقت، ملي بدات تبرد، تشكل فوقها الغلاف المائي (البحر والما) ومن بعد جدب ليها الغلاف الهوائي (الجو). ومع كثرات البرودة، تكونات واحد الطبقة قاصحة من الفوق سماوها القشرة الأرضية. ولكن، لداخل ديال الأرض بقا سخون حتى لدابا، وكاينا فيه واحد المادة سخونة كتسمّى الصهارة، اللي كتكون كتغلي وكتحرّك لحجر اللي الفوق منها، وهادشي كيخلي لحجر يتجمع عليهم الضغط مع الوقت.

القشرة الأرضية ماشي كتلة وحدة، هي مقسّمة لشي ألواح كبار بزاف، كلا لوح كيشد قارة ولا كثر. هاد اللواح كيتلاقاو فبلايص كيسمّيوهم العولاما "الصدوع" ولا "الفوالق"، وهما الحدود ديال هاد الألواح. فهاد البلايص كيتجمع الضغط بزاف، حتى كيجي واحد النهار اللي الصخور ما كتقدّش تصبر، وكتطلق داك الضغط مرة وحدة فشكل موجات مجهدة كتزعزع الأرض وكتدير الزلزال.

بسباب هاد الظاهرة، كاينين بلايص فالعالم كيسمّيوهم "أحزمة الزلازل"، وهما المناطق اللي الأرض كتخرج منهم الطاقة اللي كتكون محبوسة فيها. ومن بين هاد الأحزمة كاين:

• حزام المحيط الهادي اللي كيبدا من جنوب شرق آسيا وتايطلع الشمال.
• حزام غرب أمريكا الشمالية على طول المحيط الهادي.
• حزام غرب الأمريكتين (فنزويلا، الشيلي، الأرجنتين).
• حزام وسط المحيط الأطلسي اللي كيوصل حتى الغرب ديال المغرب ومن بعد كيطلع ل سپانيا، الطاليان، اليونان، و شمال تركيا، ومن تما كيلتاقى مع جبال زاڭروص بين العراق و إيران.
• حزام الألب (جبال الألب فجنوب أوروپا).
• حزام شمال الصين اللي كيمشي من الشرق للغرب وكيلتاقى مع منطقة القوقاز.
• وكاين واحد الحزام اللي ضعيف مقارنة مع الآخرين، اللي كيبدا من جنوب تركيا (الأناضول)، كيمشي على البحر الميت، حتى لخليج السويس ف جنوب سينا، و من تما وسط البحر الحمر حتى للفالق الإفريقي العظيم، و كيمسّ اليمن، إثيوبيا، ومنطقة الأخدود الإفريقي الكبير.

الأرض هي كتلة وحدة، ولكن النشاطات الزلزالية اللي كتوقع ف واحد البلاصة ماشي ضروري تكون مرتبطة بنشاط فبلاصة خرة. كل حزام زلزالي عندو خصائص ديالو فالأرض (جيولوجياً)، والتركيبة ديال الصخور تحت الأرض، وهداك النشاط الزلزالي كيبقى خاص بديك المنطقة بوحدها. وحتى إلا كانو الزلازل كيوقعو فمناطق مختالفة فالقريب ديال الوقت، هادشي ماشي معناه أنهم مربوطين ببعضهم، ولكن كاين عوامل كثيرة فالداخل ديال الأرض اللي باقي الإنسان كيدرسها ومفاهمهاش مزيان حتى دابا.

الاسباب ديال الزلازل.

كاين بزاف دالعوامل لي كتسبب في الزلزال:

1. الانفجار البركاني اللي كيجي معاه زلزال.
2. الشقوق و الانزلاق اللي معروفة ب الزلازل التكتونية.

كاينين بزاف ديال العوامل اللي كيتسبّبو فثورة الزلازل فوق الأرض. هاد العوامل كتقسم لجوج: عوامل داخلية اللي عندها علاقة بكيفاش مكوّنة الأرض اللي فيها بزاف دبال الطبقات، من برا للداخل: كاينة القشرة، ومن بعد الوشاح، ومن التحت كاين لقلب دبال الأرض..

لقلب ديال الأرض كيتكوّن من واحد الكرة قاصحة مصنوعة من الحديد والنيكل، وكتكون سخونة بزاف كتوصل السخونية جيالها لآلاف الدرجات (جوايه 6000 درجة مئوية). وبما بلي طبقات الأرض ماشي متجانسة، الحرارة كتنتاقل من بلاصة لبلاصة، إما بالتوصيل فالمناطق القاصحة، أولا بالحمل فالمناطق السائلة، أولا بالإشعاع ملي كتخرج الحرارة لسطح الأرض.

ملي كتراكم الطاقة فالداخل ديال الأرض فشي منطقة، كيدخلو فهادشي الشمس والقمر اللي كيديرو موجات ديال الجذب وكيأثرو على الأرض، وهكذا كيتطلق داك السخون اللي مخزون فباطن الأرض على شكل زلازل ولا براكين.

وزيد عليهم حتى ظاهرة اقتران الكواكب (ملي كيكونو الكواكب متراصين فخط واحد)، هادشي كيزيد فالقوة ديال المدّ ديال الشمس والقمر، وكيخلّي حرارة الأرض كتتحرر بسهولة، وهادشي كيزيد يفسّر علاش ملي كيوقع الاقتران الكوكبي، الزلازل والبراكين كيوقعو فمدة قصيرة.

حتى الجيولوجيا ديال البلاصة عندها دور مهم فحدوث الزلازل. حيت السمك ديال القشرة الأرضية، والفوالق والتشقوقات اللي فيها، وكاين فرق واش الأرض جزيرة فالبحر ولا أرض صخرية، ڭاع هادشي كيأثر.

وكلما الكوكب كيقرّب للشمس، كتزاد الجاذبية اللي كتشدو وهادشي كيخليه يتعرض لزلازل وبراكين كبار، بحال اللي واقع فكوكب الزهرة. ومن جهة خرة، الكواكب اللي كبار وباعدين على الشمس، كيكونو فيهم الزلازل والبراكين قليلة.

الأرض كتاخد الطاقة ديالها من جوج مصادر: اللول هو الشمس اللي كتسخّن غير السطح (الجزء العلوي ديال القشرة) وهاد السخونية ما كتفوتش 28 حتى لـ30 متر فالأرض. أما المصدر الثاني فهو السخونية اللي جاية من داخل الأرض، وهادشي كيكون بسبب النشاط الإشعاعي ديال بعض العناصر بحال اليورانيوم والثوريوم، اللي هما عناصر كتخرج طاقة إشعاعية كبيرة.

فنفس الوقت اللي كيتّفقو فيه العولاما بلي أغلب الزلازل كيوقعو بسباب حركة الصفائح التكتونية، كاينين بعض الباحثين اللي كيقولو بلي حتى البشر كيساهمو فحدوث الزلازل بسباب بعض الأنشطة ديالهم. من بين هاد الأنشطة كاين تخزين كميات كبار بزاف ديال الما فالخزانات ديال السدود (وحتى البنايات اللي كتكون ثقيلة بزاف)، وحفر الآبار وحقنهم بالسوائل، وحتى استخراج الفحم وحفر آبار النفط.

أكثر مثال واضح على هادشي هو الزلزال اللي وقع فـ سيتشوان فالصين فـ 2008، اللي خلّى جوايه 69 ألف قتيل، وكيجي فـ المرتبة 19 من حيث أكثر الزلازل فتكاً فالعالم. بعض الباحثين المستقلين كيعتابرو بلي سد زيبنجبو كان عندو يد فهاد الزلزال، بحيث بلي الكمية الهائلة ديال الما اللي كانت مخزّنة وراه زادت من الضغط على الطبقات الصخرية وخلّات الحركة ديالهم تسرّعات.

حتى أكبر زلزال تسجّل فالتاريخ ديال أستراليا، كاين اللي كيقولو بلي الأعمال ديال البشر كانت سبب فتنشيط داك الزلزال، خصوصاً التنقيب واستخراج الفحم. المدينة ديال نيوكاسل مبنيّة فوق واحد القطاع كبير ديال الفحم اللي كانو كينقبّو عليه وكيتستخرج بكميات كبيرة. هاد الزلزال تسجّل بلي بدا وتقوّى حيت تزادو الضغطات فالمنطقة بعدما تحيدو ملايين الأطنان ديال الفحم من تحت الأرض.

وفجميع الحالات، هادشي كيبقى غير آراء ديال بعض الباحثين فالميدان ديال الجيولوجيا، حيت فالأصل، أغلب المناطق اللي وقعو فيها هاد الزلازل راهم مناطق اللي معروف عليها النشاط التكتوني من قبل.

التنبؤات ديال الزلزال

فوق سطح ديال الأرض كتسمّى البلاصة اللي كيخرج منها الزلزال بـ "المركز السطحي". الطاقة اللي كيطلقها الزلزال كتمشي فكل الإتجاهات على شكل موجات زلزالية (سيزمية). كاينين موجات كيمشيو لتحت الأرض، وكاينين اللي كيدوزو فوق السطح. الموجات السطحية كتكون أسرع من الموجات اللي كيدوزو فداخل الأرض.

الموجات اللي كيخرجهم زلزال كبير كيمكن يتسجلو فالأجهزة ديال قياس الزلازل حتى فالبلايص اللي بعاد بزاف، يعني فالجهة لخرة من العالم. وهادوك الموجات كتوصّل لسطح الأرض فمدة ديال علاين 21 دقيقة.

أنوع د الزلازل.

كيتصنفو الزلازل حسب عمق القاعدة، و هي تلاتة:

1. الزلازل السطحية وكيتشكل على عمق 70 كيلومتر.
2. الزلازل المتوسطة وكيتشكل على عمق بين 70 و 300 كلم.
3. الزلازل العميقة و كتظهر على عمق 300-700 كيلومتر.

شدة الزلزال.

قياس شدة الزلزال.

شدة الزلازل كيتقاسو بجوج مقاييس مهمين. اللول كيسمّيوه "شدة الزلزال"، وهاد الشدة كتعني كيفاش الزلزال كيأثر على الناس وعلى الممتلكات ديالهم. ولكن حيث هاد المقياس وصفي (يعني الناس هما اللي كيقولو شنو حسّو)، فكيختلف من بلاد لبلاد، حسب كيفاش عايشين الناس، وحسب كيفاش كيوصفو الأضرار (كاين اللي كيهوّل وكاين اللي كينقص). من بين أشهر هاد المقاييس كاين "مقياس ميركالي المعدّل" اللي فيه 12 درجة. مثلا ملي الزلزال كيكون فـ الدرجة 12، راه كيكون خطير بزاف، كيخرّب كلشي، كيتسبّب فـ البراكين وكيخرج الحمم من باطن الأرض، وكيهزّ الأرض كاملين حتى كتولي كتتحرك وسط المجموعة الشمسية.

أما المقياس الثاني كيسمّيوه "قوة الزلزال" ولا "Magnitude"، اللي دارو العالم الميريكاني تشارلز فرانسيس ريشتر وتسمّى على سميتو (مقياس ريشتر). هاد المقياس كيعتمد على الطاقة الحقيقية اللي كتخرج فالزلزال، وكيحسبوها من خلال الموجات الزلزالية اللي كيتسجلو فمحطات القياس اللي كاينة فالعالم كامل. وداكشي علاش، إلا تحسب زلزال فمرصد ديال حلوان فمصر ولا فمرصد أبسالا فالسّويد، غادي تلقى نفس الرقم، ماكاينش فرق.

القياسات الزلزالية.

القدر القاسية.	وصف	القوة، مقياس ريكتر.
I	كتقدر لابارياي تاع السيسكوغراف تحس بيه	-
II	الناس لي في حالة راحة مكيحسوش بيه	3.5
III	بحال الهزات تاع الكاميونات الصغار	4.2
IV	بحال الهزات تاع الكاميونات الكبار	4.3
V	الهزات يقدرو يحسو بها الناس لي ناعسين وتفيقهم من النعاس	4.8
VI	الهزة كتحرك الفراش ديال الدار	4.8 - 5.4
VII	كايسبب الشقوق في البني.	5.5 - 6.1
VIII	شي طريفات من البني كيطيحو	6.2 - 6.8
IX	الديور كايطيحو وكايتهرسو القنوات اللي تحت الارض	6.9
X	كيريبو القنطرات والبارات دبال السدود والسكة ديال التران	7 - 7.3
XI	البني المجهد كيريب والانهيارات الكبار ديال الارض	7.4 - 8.1
XII	لمدون كلها تاتريب وفوق الارض كيتبدل.	8.1 (ماكس 8.9)

الفرق بين شدة الزلزال و قوة الالزلزال.

العولاما كيعتمدو على جوج مفاهيم باش يهضرو على حجم الزلزال: شدة الزلزال وقوة الزلزال. شدة الزلزال هي المصطلح اللي كيتستعمل باش يقيسو الطاقة اللي كيطلّقها الزلزال، وقوة الزلزال كتتقاس بمقياس ريختر اللي فيه 9 درجات.

مثلاً، فحالة فتيراضية، إلا وقعات بؤرة زلزال عميقة تحت مدينة "س"، وهاد المدينة كانت هي المركز السطحي ديال الزلزال، الدمار غيكون فيها أكبر من الدمار اللي غيكون فمدينة "ص" اللي بعيدة شوية. يعني شدة الزلزال فـ"س" غتكون كثر من "ص".

ولكن، قوة الزلزال كتبقى ثابتة، ما كتبدّلش حسب البلاصة اللي كيوقع فيها الزلزال. يعني الزلزال اللي وقعات قوتو مثلاً 6 فريختر، كتبقى 6 فكلشي، سوا فـ"س" ولا "ص".

الموجات و التلاحق.

منين كيوقع الصدع فالأرض وكيتكوّن فيه البؤرة ديال الزلزال، كيتحركو الصفائح الأرضية بقوة على طول داك الصدع، وهاد الحركة المفاجئة والسريعة كيطلقات واحد الطاقة حركية كبيرة بزاف اللي كتمشي على شكل موجات ديال الاهتزاز (الموجات الزلزالية).

هاد الموجات كيتخرجو من البؤرة ديال الزلزال وكينتاشرو فالمناطق اللي دايرة بها. كاينين جوج أنواع أساسية ديال الموجات: الموجات الابتدائية (P) اللي كتمشي بسرعة، والموجات المستعرضة (S) اللي كتجي من بعدها، ومعاهم كاين نوع ثالث اللي هو الموجات السطحية (L) اللي كتكون أبطأ منهم وكتدير أكبر تأثير فوق السطح.

هاد الموجات الثلاثة ماشي كيوصلو فنفس الوقت لمحطات قياس الزلازل، حيت كل موجة عندها السرعة ديالها. الموجات الزلزالية كيتسجلو بواحد الجهاز كيسمّيوه السيسموغراف، وهاد الجهاز كيعطينا معلومات على شدة الموجات والوقت اللي وصلو فيه."

كاينة علاقة مهمة كتساعدنا نعرفو المسافة اللي دازت فيها الموجات الزلزالية من البؤرة ديال الزلزال حتى لمحطة الرصد اللي فيها جهاز التسجيل (السيسموغراف). هاد العلاقة كتعتامد على الفرق فالوقت بين وصول الموجات الابتدائية (P) والموجات المستعرضة (S).

هاد الفرق فالتوقيت كيتناسب مع المسافة بين محطة الرصد والبؤرة ديال الزلزال، وب هاد كيمكننا نميّزو بين الموجات حسب وقت ما وصلات لمحطة الرصد.

وكلما وقع صدع فالطبقات الأرضية، كتكون اهتزازات كتمشي فالأرض وكيتسجلوها الأجهزة ديال الرصد."

تحديد موقع نقطة زلزال

كيمكن نحددو فين كاينة البؤرة ديال الزلزال بواسطة تعاون ثلاثة محطات ديال الرصد اللي قريبات من بلاصة الزلزال. كيقيسو المسافة بين كل محطة والزلزال إما بإستعمال رسم بياني أولا بحساب الوقت اللي وصلات فيه الموجات الزلزالية والسرعة ديالها.

كيطبقو قانون: المسافة = الزمن × سرعة الموجات.

من بعد، كيترسمو ثلاث دوائر، كل دائرة مركزها هو المحطة ونصف القطر ديالها هو المسافة اللي حسبوها. النقطة اللي كتتقاطع فيها الدوائر الثلاث هي البلاصة اللي كاينة فيها بؤرة الزلزال.

الزلازل المشهورة.

كاينين بزاف ديال الزلازل كبار وقعات فالتاريخ وكانت مدمرة بشكل كبير، بحال زلزال شانشي اللي وقع عام 1556، اللي مات فيه علاين 830 ألف واحد وتشرّدو ملايين الناس.

التصرف المناسب خلال الزلزال

• إلا كنتي فشي بناية، وقف تحت باب المدخل ولا تحت طاولة قوية، وبعيد على النوافذ والزجاج.
• إلا كنت برا البناية، وقف بعيد على البنايات، الشجر، خطوط الهاتف والكهرباء.
• إلا كنت فشي طوموبيل، حيد راسك على الأنفاق والجسور، وماتخرجش من الطوموبيل.
• حاول تبقى هادي ومطمن، ومتخافش بزاف.
• حاول تعاون الناس اللي محتاجين إسعاف.
• وخّا تكون مضطرب، حاول تهدّي الناس اللي معاك، خصوصاً الأطفال، باش ما يولي عندهم خوف ولا مشاكل نفسية من بعد.
• ترقد على الأرض وحاول تحتمي عبر الزحف تحت طاولة متينة ولا قطعة من الفرشي، وتمسك بيها حتى يوقف الاهتزاز. إلا ماكانش عندك فرشي، غطي وجهك ورأسك بذراعيك ومشي لشي ركن فالبناية.
• بعد على الزجاج، النوافذ، الأبواب الخارجية، الحيطان، وأي حاجة ممكن تطيح عليك بحال لمبات الضو ولا الفرشي.
• إلى كان الزلزال طاح وانت ناعس فراسّك، بقا فالفراش وحط مخدة على وجهك.
• بقا داخل حتى يسالي الزلزال ومن بعد خرج بأمان من البناية، حيث الدراسات بينات بلي بزاف ديال الإصابات كيطراو ملي الناس كتحاول تتحرك ولا تخرج وسط الزلزال.
• كون عارف بلي الكهرباء ممكن تقطع ولا تشتغل صفارات الإنذار.
• ماتستعملش الأسنسير.
• قطع الكهربا والما وسد الغاز مزيان.
• ماتشعلش السجارة ولا عود الثقاب.
• ماتوقفش حافي، وجيب معاك حوايج سخونين إلا كنت فبلاصة باردة.
• بقا في بلاصتك ومتحركش بسرعة.
• بعد على البنايات العالية والقديمة، وأعمدة الضو، والأسلاك ديال المرافق.
• إلا كنت برا، وقف ثابت حتى يسالي الاهتزاز. الخطر الكبير ديال الزلزال كاين قريب من البناية وببابها والجدران اللي برا.
• أغلب الناس اللي كيموتو فالزلزال كيموتو بسبب طيحان الحيطان، الزجاج المتناثر، والحوايج اللي كتطيح عليهم.
• توقف السيارة بشكل طبيعي و سست السرعة.
• تجنب الوقوف قريب من مصاوبة، شجرة، جسر، نفق، أولا أسلاك الكهرباء.
• كن حذر لما يتوقف الزلزال.
• تجنب الطرق والجسور اللي ضاعوا من الزلزال.

شوف عاد

• موجات زلزال