انتقل إلى المحتوى

زعانفيات الرجلين

من ويكيپيديا
زعانفيات الرجلين
زعانفيات الرجلين
معلومات عامة
سمية لعيلمية Pinnipedia
(يوهان كارل فيلهلم إيليغر، 1811)
لخاصية د ترتاب رتبة سفلى
تابع ل كلبيات الشكل
لعيشة
عايش فلفترة 24 ملاين دالسنين قبل لميلاد
لمودة د لعيشة حتال 46 عام
لخاريطة ديال فين عايش لكائن


زعانفيات الرجلين (Pinnipeds)، معروفين ب شكل شايع ب لفقمات، هوما واحد التقسيمة ديال لكارنيڤورات منوعين و مفرّقين ب شكل عريض، مزعنفين الرجلين، و نص بحريين، كايدوّزو لاغلابية د وقتهم ف لما. كايجمعو لفاميلات د لفضيّات (لي باقي غير لفض عايش فيها)، عجليات لبحر (لفقمات ب لودنين: عجول لبحر و فقمات لفرو)، و لفقميات (لفقمات بلا ودنين، ولا لفقمات لحقيقيين)، ب 34 نوع باقي و كتر من 50 نوع منقارض توصفو من لفوصيلات. وخا لفقمات تشافو ب شكل تاريخي بلي تفرّخو من جوج د لخطوط سلفيين، الدليل لموليكي كايدعمهم ب صيفتهم واحد لݣروپ وحداني لعرش (تفرّخ من جد واحد). زعانفيات الرجلين كاينتاميو ل التنضيمة التحتانية كلبيات الشكل لي وسط التنضيمة كارنيڤورا؛ أقرب النواع ليهم هوما شباه لعرسيات (بني عرس، الراكونات، الضرابن و لپانضات لحومر)، هاد الجوج تقسيمات تفرْقو على بعضياتهم جوايه 50 مليون عام هادي.

لفقمات كايتفاوتو ف لقد من 1 ميطرو و 45 كيلوݣرام عند فقمة لبايكال ل 5 ميطرو و 3,200 كݣ عند فقمة لفيل الجنوبية. شلّا نواع كايورّيو الديمورفية الجنسية. عندهم كسدات نسيابيين و ربعة د الطراف لي تموديفياو ل مجادف. وخا ما سراعينش كيف دنفيل، لفقمات فليكسيبل و خفاف ف لحركة كتر. عجليات لبحر كايخدّمو ب شكل ساسي طرافهم لقداميين باش يدفعو ريوسهم وسط لما، ف لوقيتة لي لفقميات و لفضاض كايخدّمو ب شكل ساسي طرافهم اللورانيين على قبل هاد لغرض. عجليات لبحر و لفضاض عندهم طراف لورانيين لي يمكن ليهم يتجرّو تحت لكسدة و يتخدّمو كيف شي رجلين ف لوطا. ب لموقارنة معا لفقميات، لي لحركة لرضية نتاعتهم تقيلة كتر. عجليات لبحر عندهم ودنين برّاويين كايتشافو، أما لفقميات و لفضاض كاينقصهم هادشي. زعانفيات الرجلين عندهم حواس مديڤلوپيين مزيان–الشوف و السميع دياولهم مآضاپطيين معا لهوا و لما ب جوج، و عندهم واحد السيسطيم حسي كسدي متطور ف سبولاتهم. شي نواع مآضاپطيين مزيان على ود لغطيس ف فوندوات زايدين. عندهم واحد الطبقة شحمية، تحت الجلد باش يخلّيو ريوسهم دافيين ف لما لبارد، و من غير لفض، النواع كلهم مغطيين ب لفرو.

وخا زعانفيات الرجلين مفرّقين ب شكل عريض، جل النواع كايخيّرو لبحور لباردين د النص الشمالي و النص الجنوبي. كايدوّزو جل حياتهم ف لما، و لايني كايجيو ل لكوشطا باش يتجاوجو، يولدو، ينسالخو ولّا باش يجتانبو لمفتارساين د لمحيط، بحال الروكانات و لأوركات. لفقمات كايعيشو ب شكل ساسي ف لبيئات لبحريين بلحق يمكن ليهم يتلقاو ف لما لحلو. كاياكلو لحوت و اللاسلسوليات لبحريين ب شكل كبير؛ و شي وحدين، كيف فقمة النمر، كاياكلو السلسوليات لكبار، بحال لپانݣوانات و لفقمات لخرين. لفضاض مختصين ف ماكلة الرخويات لي كايزحفو ف لقاع. دكر زعانفيات الرجلين ف لعادة كايتلاقى معا كتر من نتوا وحدة (تعدد جوجات)، وخا نسبة التعدد كاتبدّل بينات النواع. الدكور ديال النواع لمجاوجين ف لوطا كايميلو باش يتلاقاو معا واحد لعدد كبر من النتاوي على هادوك النواع لي كايتجاوجو ف لݣلاص. السطراتيجيات ديال شي زعانفي الرجلين دكر على قبل النجاح ف لمكاترة كايتنوعو بينات الدفاع على النتوات، الدفاع على الزونات لي كايجدبو النتوات و التْوْرية د لمغازلة ولّا لمجاوجة د ليك (lek mating). الجراوا كايتولدو ف لعادة ف الشهور د الربيع و الصيف و نتوات لي كايهزو تقريباً ݣاع لمسؤولية ف تربيتهم. لماوات د شي نواع كايصومو و كايرضّعو صغارهم ل واحد لوقيتة قصيرة نسبياً ف لوقيتة لي وحد آخرات كايديرو تسركيلات د لعليف ف لبحر بينات لوقيتات د الرضاعة. لفضاض معروفين بلي كايرضّعو صغارهم ف لوقيتة لي هوما كاينين ف لبحر. لفقمات كايطلقو عدد من الشكال الصوتيين، ب لاخص النباحات د عجول لبحر لكاليفورنيين، لعيطات لي بحال لݣونݣ ديال لفضاض و لغنايات لمعقدين ديال فقمات ويدل.

اللحم، طبقة الشحمة، و الجلد د زعانفيات الرجلين تخدّمو ب شكل تقليدي من الشعوب لأصليين د لقطب الشمالي. لفقمات تصوّرو ف تقافات منوعين ف لعالم كامل. كايخلّيوهم محبوسين ب شكل شايع و شي مرّات كايدريسيوهم باش يديرو التقوليبات. شحال هادي كانو كايتصيّدو من الصناعات التجاريين على قبل لمنتجات دياولهم، لفقمات دابا محميين من لقانون الدولي. عجل لبحر الجاپوني و فقمة الراهب لكاريبية ولاو منقارضين ف لقرن لفايت، ف لوقيتة لي فقمة الراهب لمتوسطية و فقمة الراهب هاوايية مكلاصيين ب صيفتهم مهددين من التيحاد الدولي على قبل لمحافضة على الطبيعة. آپار من الصيادة، زعانفيات الرجلين كايجيوهم تهديدات من لمكايد لعلّاويين، التلووت لبحري، التبدال لمناخي و الصراعات معا الناس اللوكال.

إيتيمولوجيا

[بدل | بدل لكود]

السمية "زعانفيات الرجلين" ب الداريجة، طرجامة حرفية ديال لكلمات اللاتينيين پينا 'زعنيفة' و پيس، پيديس 'رجل'.[1] السمية "فقمة" لي الشايعة ف الدارجة، جات من لعربية لفصحى "فقمة".

الطاكسونوميا

[بدل | بدل لكود]

زعانفيات الرجلين
فقميات
فيقميات

فقمة مو لحية




فقمة مو قناع


فقييميات (قبيلة)





فقمة خاتمية



فقمة بايكال




فقمة قزوين





فقمة منقطة



فقمة لمرسى





فقمة رمادية





فقمة مشرطة



فقمة ݣرينلاند






راهبيات

وكالات لعقريش(قبيلة)



فقمة ويدل



فقمة النمر




فقمة وكالة لعقريش




فقمة روص



ميرونݣيات

فقمة لفيل جنوبية



فقمة لفيل شمالية


(فقمات لفيل) 

رويهبيات (قبيلة)

فقمة الراهب متوسطية



فقمة الراهب د هاواي


(فقمات الراهب) 

(لفقمات بلا ودنين)

عجليات لبحر

فقمة لفرو الشمالية





عجل لبحر د سطيلر




عجل لبحر لكاليفورني



عجل لبحر د ݣالاپاݣوس






عجل لبحر جنوب أمريكي




عجل لبحر أوسطرالي



عجل لبحر نيوزيلانضي






فقمة لفرو قهوية



فقمة لفرو شبه أنطاركتيكية





فقمة لفرو أنطاركتيكية




فقمة لفرو ݣوادالوپية



فقمة لفرو د خوان فيرنانديز





فقمة لفرو أوسطرالوسياوية




فقمة لفرو د ݣالاپاݣوس



فقمة لفرو جنوب أمريكية








(لفقمات ب لودنين)
فضيات

 فض




عالم الطبيعة لالماني يوهان كاغل ڤيليلم إليݣه كان هو أول واحد عتارف ب زعانفيات الرجلين كا وحدة طاكسونومية مفرّزة؛ ف 1811 عطى السمية زعانفيات الرجلين (Pinnipedia) ل لفاميلة و التنضيمة ب جوج.[2] عالم لحيوان لميريكاني جوويل آزاف آلن راجع زعانفيات الرجلين د لعالم ف واحد لمونوݣراف د 1890، تاريخ زعانفيات الرجلين الشمال أمريكيين، واحد لمونݣراف د لفضاض، عجول لبحر، دبوبا د لبحر و لفقمات ديال أمريكا الشمالية. ف هاد لمنشور، طراصا التاريخ د السميات، عطا سوارت ليدونتيفيكاسيو ل لفاميلات و لݣنوسا، وصف النواع الشمال أمريكيين و مد السينوپسيسات د النواع لي ف قنات خرين ف الدنيا.[3] ف 1989، آناليزا بيرطا و معاونينها قتارحو التقسيمة لمامرتباش شباه زعانفيات الرجلين (Pinnipedimorpha) باش تجمع لݣنس لفوصيلي إينالياركطوس (Enaliarctos) و لفقمات لعصريين ب صيفتهم ݣروپ خت.[4] زعانفيات الرجلين كاينتاميو ل تنضيمة لكارنيڤورات و التنيضيمة كلبيات الشكل (معروفين ب لكارنيڤورات لي دّايين ل لكلب).[5] وسط التلاتة د لفاميلات لباقيين، عجليات لبحر (Otariidae) و لفضيّات (Odobenidae) مݣروپيين ف لفاميلة لفوقانية شباه عجليات لبحر (Otarioidea)،[6] أما لفقميات (Phocidae) كاينتاميو ل لفاميلة لفوقانية شباه لفقميات (Phocoidea).[7] موجود 34 نوع باقي د زعانفيات الرجلين،[8] و كتر من 50 نوع فوصيلي د شباه زعانفيات الرجلين.[9]

عجليات لبحر معروفين عاوتاني ب سمية لفقمات ب لودنين ب سباب لأوريكولات (لودنين لبراويين). هاد لحيوانات كايعومو ب شكل ساسي ب تخدام مجادفهم لقداميين لمديڤلوپيين مزيان. كايمكن ليهم عاوتاني "يتمشاو" عل لوطا ب تكحاز طرافهم اللورانيين ل لقدّام تحت من لكسدة.[10] لختمة د الجبهة ف لعضم الجبهي (frontal bone) د شي عجل لبحر كايبرز بينات لعضم النيفي (nasal bones)، ب واحد التقبة فوق تقبة لعين (supraorbital foramen). واحد الشوكة زايدة كاتفرق بين لحفرة فوق شوكة لكتف (supraspinatous fossa) و لمجرى د لهوا لي مقسمين ف الجبهة.[11] عجليات لبحر مشكلين من جوج تيپّات: عجول لبحر و فقمات لفرو؛ اللخرين كايكونو ف لعادة صغر، ب قموفات كتر ف التقمقيم، مجادف قداميين طوْل و كبابط د لفرو تْقْل.[12] خمسة د لݣنوس و سبعة د النواع (نقارض دابا واحد) د عجول لبحر موجودين، ف لوقيتة لي كاينين جوج ݣنوس و تسعود د النوع ديال فقمة لفرو. وخا عجول لبحر و فقمات لفرو تعتاتبرو ب شكل تاريخي كا فاميلات تحتانيين مفروقين (فيقميات و دبيات الراس ب شكل مرادف)، لبراهن الجينيين و لموليكيين دحضو هادشي، و لمّحو بلي فقمة لفرو الشمالية بيدائية ب النسبة ل عجليات لبحر لخرين و عجل لبحر لأوصطرالي و عجل لبحر النيوزيلانضي قراب كتر ل دبيات الراس على عجول لبحر لخرين.[8]

لفضيّات باقي عايش فيهم غير عضو واحد: لفض (walrus). هاد لحيوان يقدر يتفرّز ب قدّو لكبير (فايتينو غير فقمات لفيل)، جلدو لي تقريباً ملط، قنوفتو لمسطحة و نيابو لفوقانيين الطوال (tusks). و بحال عجليات لبحر، لفضاض كايمكن ليهم يتمشاو ف لرض ب طرافهم اللورانيين. منين كايكونو كايتحركو ف لما، لفضاض كايعولو على طرافهم اللورانيين، أما طرافهم لقداميين كايتخدّمو ف الصوݣان. زيد، ماعندهمش لودنين لبراويين.[13][14] لعضم الجنبي جنحي الشكل (epipterygoid) نتاع لفك مديڤلوپي مزيان و اللور د لعضام النيفيين كايكون أوفوقي. ف الرجلين، عضم لݣدم (calcaneuses) كايكون بارز ف لوسط.[11]

لفقميات معروفين ب لفقمات لحقيقيين ولا لفقمات بلا ودنين. هاد لحيوانات كاينقصوهم لودنين لبراويين و ماكايقدروش يبلاصيو طرافهم اللورانيين باش يتحركو ف لوطا، هادشي لي كايردهم تقال. هادشي سبابو عضام شوڤييْتهم الضخام و كعابهم لمسطحين. ف لما، لفقمات لحقيقيين كايعولو على لحركة د مجادفهم اللورانيين من جنب ل جنب و كايعولو على كسدتهم السفلية باش يتحركو ل لقدّام.[15] جمجومة لفقميات فيها خشاوات (mastoids) مغلّضين، عضام نواضريين (entotympanic) منفوخين، عضام نيفيين ب قمقومة مقمقمة ف اللور و غايبة عندهم التقبة فوق التقبة لعينية. لوْرْك فيه حرقفة (ilium) مقلوبة.[11] واحد الديراسة موليكية د 2006 كادعم التقسام د لفقميات ل جوج فاميلات تحتانيين وحدانيات لعروش: الراهبيات (Monachinae)، لي مشكلين من فقمات لفيل، فقمات الراهب و فقمات أنطاركتيكا؛ و لفيقميات (Phocinae)، لي مكونين من ݣاع النواع لباقيين.[8][11]

التطوور

[بدل | بدل لكود]
معاودة تشكال ديال پويجيلا

واحد لفرضية شعبية كاتقتارح بلي زعانفيات الرجلين جاوجيات لعروش (diphyletic) (جايين من جوج د لخطوط سلفيين)، معا لفضاض و عجليات لبحر كايشركو واحد الجد مشروك قريب معا الدبوبا؛ و لفقميات كايشركو واحد معا شباه لعرسيات. غير هو، لبراهن لمورفولوجيين و لموليكيين كايدعمو واحد لأصل وحداني لعرش.[16] واحد الديراسة جينية د عام 2021 صابت بلي زعانفيات الرجلين قراب كتر ل شباه لعرسيات.[17] زعانفيات الرجلين تفرْقو على كلبيات الشكل لخرين هادي 50 مليون عام ف وقيت لإيوصين.[18] أبكر فوصيل د زعانفيات الرجلين متورخ ل أوليݣوصين اللخراني.[19] لحيوانات لفوصيليين لي كايمتلو نسولا قاعديين (بيدائيين-Basal) منهم پويجيلا (Puijila)، د لميوصين اللولاني ف كاناضا لقطبية. هاد لحيوان كان كايشبه ل شي تعلب لبحر عصري، و لايني ورّى براهن على لعومان رباعي الطراف–بقى عندو واحد الشكل من لحركة لمائية لي ودّى ل هاد لحركات لمائيين لي كايتوضفو من زعانفيات الرجلين لعصريين. پوطاموثيريوم (Potamotherium)، لي عاش ف نفس لوقت ف أوروپا، كان كايشبه ل پويجيلا بلحق كان مائي كتر.[20] صندوق الدماغ د لپوماثيريوم كايورّي دليل بلي كان كايخدّم السبولات دياولو باش يصيّد، كيف لفقمات د دابا.[21] لفوصيلات د پوماثيريوم و پويجيلا ب جوج تلقاو ف رواسب د اللاك، هادشي لي كايلمّح بلي جدود لفقمات كانو ف لأصل مآضاپطيين على لما لحلو.[20]

فوصيل د إينالياركطوس

إينالياركطوس لي هو نوع فوصيلي من كاليفورنيا د لأوليݣوصين اللخراني/لميوصين اللولاني (22–24 مليون عام هادي)، كان قريب ف الشباه معا زعانفيات الرجلين لعصريين؛ كان مآضاپطي على واحد عيشة مائية ب مجادف و سلسول فليكسيبل. سنانو كانو كتر بحال شي مفتارس أرضي لاحقاش كانو مآضاپطيين كتر على التشراݣ. مجادفو اللورانيين واقيلا كانو كايخلّيوه يتمشى ف لوطا، و ف لغالب ماكانش كايخلْي لبلايص الساحليين بحال قرابو لعصريين. إينالياركطوس كان ف لغالب عوام قدامي التجديفة، بلحق يقدر يكون ف لغالب كايعوم ب طرافو كاملين.[16] واحد النوع، إينالياركطوس إيملونݣي، ورّى ديمورفية جنسية واضحة، هادشي لي كايلمّح بلي هاد لخصلة لفيزيائية تقدر تكون واحد الدافع موهيم ف تطوور زعانفيات الرجلين.[22] واحد لقريب قرْب ل زعانفيات الرجلين لباقيين كان لپطيروناركطوس (Pteronarctos)، لي عاش ف أوريݣون هادي 15–19 مليون عام. كيف ما عند لفقمات لعصريين، عضم لفك لفوقاني د لپطيروآركطوس كايتقاطع معا لحيط د تقبة لعين. لفاميلة لمنقارضة ديسماطوفقميات (Desmatophocidae) عاشت هادي 10–23 مليون عام ف شمال لموحيط لهادي. كانو عندهم جماجم طوال ب تقاوس كبار، عضام حنكيين (zygomatic) مشابكين و ضراس طحانين و ضراس قبليين مضورين. كانو عاوتاني ديمورفيين جنسياً و واقيلا كانو قادرين يعومو ب أي فردة من مجادفهم.[16] هوما مݣروپيين معا زعانفيات الرجلين لعصريين، و لكن كاين مجادلة على واش هوما قراب كتر ل لفقميات ولا ل عجليات لبحر و لفضاض. [8][23]

معاودة تشكال د أركيدوبينوس أماتسكي من فاميلة لفضيات

الجدود د شباه عجليات لبحر (Otarioidea) و شباه لفقميات (Phocidea) تفرْقو هادي 25 مليون عام.[24] لفقميات معروفين بلي موجودين من هادي 15 مليون عام علاقل،[16] و الدليل لموليكي كايدعم واحد التفراق ديال النسولا د الراهبيات و لفيقميات ف جوايه نفس لوقيتة.[8] لݣنوس لفوصيليين مونوثيريوم (Monotherium) و ليپطوفوكا (Leptophoca) د جنوب شرق أمريكا الشمالية كايمتلو لاعضاء اللولا د الراهبيات و لفيقميات ب شكل مرادف.[16] النسولا ب جوج يقدرو يكونو تأصلو ف الشمال د لأطلاسي، و ف لغالب وصلو ل لموحيط لهادي على طريق لبحر د أمريكا لوسطانية. لفيقميات بقاو ب شكل ساسي ف النص الشمالي، ف لوقيتة لي الراهبيات تنوعو ف الجنوب.[8] النسولا د عجليات لبحر و لفضيّات تفرْقو جوايه 20 مليون عام هادي.[24] أول تشجال فوصيلي ديال عجليات لبحر كان ف الشمال لهادي و تتورخ ل جوايه 11 مليون عام هادي. لݣنوس لفوصيليين اللوالا منهم پيثانوطاريا (Pithanotaria) و طالاصوليون (Thalassoleon).[16] النسل د لكالورينوس (Callorhinus) تفرق هو اللول، تبعوه النسل د يوميطوپياس/زالوفوس (Eumetopias/Zalophus) و من بعد لي بقى، لي ستعمرو النص الجنوبي.[8][16] لفوصيلات اللولانيين د لفضيّات–پروطوطاريا (Prototaria) د الجاپون و پرونوثيريوم (Proneotherium) د أوريݣون–تتورخو ل 16–18 مليون عام هادي. هاد لفضاض لبيدائيين كان لقد د نيابهم عادي و كانو كاياكلو لحوت ف عوض الرخويات. الطاكسات اللخرين بحال ݣومفوطاريا (Gomphotaria)، پونطوليس (Pontolis) و دوسينݣاثوس (Dusignathus) كانو عندهم نياب طوْل ف لفك لفوقاني و السفلي. النياب لفوقانيين الطوال ب زايد لي معروفين عند لفض تضيڤلوپاو ف ݣنوس ڤالينيكتوس (Valenictus) و أوضوبينوس (Odobenus). النسل د لفض لعصري يقدر يكون تفرّق من الشمال لهادي ل الشمال لأطلاسي على طريق بحورا د لكاريبي و أمريكا لوسطانية 5–8 مليون عام هادي، و من بعد رجع ل الشمال لهادي على طريق لقطب مليون عام هادي، ولا ل لقطب و من بعد الشمال لأطلاسي ف اللخر ف وقيت لپلايسطوصين.[16]

لأناطوميا و لفيزيولوجيا

[بدل | بدل لكود]
السكوليطات د سبع لبحر لكاليفورني (لفوق) و د فقمة لفيل الجنوبية

زعانفيات الرجلين عندهم كسدات نسيابيين، و على شكل مغزل ب جلافط د لودن لي كايكونو صغار ولا يقدرو مايكونوش ݣاع، ريوس ضايرين، قنانف قصار، عناق فليكسيبل، طراف تموديفياو ل مجادف و زناطط صغار.[25][26][27] لغدد لبزوليين و لاعضاء الجنسيين (genitals) يمكن ليهم يتخشاو ف لكسدة.[25] لفقمات فرّاديين وسط لكارنيڤورات حيتاش لحيوط النواضريين دياولهم مشكلهم لفك لفوقاني ف لغالب و ݣاعما مخشيين ب شي عضتم وجهيبن فلانيين.[16] ب لمقارنة معا لكارنيڤورات لرضيين، زعانفيات الرجلين عندهم سنان قل، لي مقمقمين و مخروطيين الشكل. هوما مآضاپطيين على قبيط لفرايس لي كايزهقو ف بلاصة تشراݣ اللحم بحال السنان اللحايميين لي عند لكارنيڤورات لخرين. لفض عندو نياب فوقانيين طوال و أونيك.[28]

زعانفيات الرجلين كايتفاوتو ف لقد من 1 ميطرو و 45 كيلوݣرام عند فقمة لبايكال ل 5 ميطرو و 3,200 كݣ عند فقمة لفيل الجنوبية. ب شكل عام، كايميلو باش يكونو كبر من لكارنيڤورات لخرين.[25] شلّا نواع عندهم ديمورفية جنسية مبازية على الدكر لي كاتعول على شحال نسبة النوع ف تعدد الجوجات: النواع الزايدين ف التعدد بحال فقمات لفيل كايكونو ديمورفيين جنسياً ب شكل شديد، ف لوقيتة لي النواع الناقصين ف تعدد الجوجات عندهم دكور و نتوات قرابين ف لقد، ولا، ف لحالة د فقمات أنطاركتيكا، النتوات كبر ب شكل معتادل. الدكورا د النواع لي عندهم الديمورفية الجنسية عاوتاني كايميلو باش يكونو عندهم خصايل جنسيين تانويين، بحال ريوس، عناق، صدورا، عراف، نيوف/خراطم و نياب كبر ولا بارزين كتر، و زيد فروات و لبدات غلض.[29][30] وخا النواع لي كتر ف تعدد الجوجات كايميلو باش يكونو ديمورفيين جنسياً، شي براهن كايلمّحو بلي التبدالات ف لقد بينات الجنسين تأصلو ب سباب تبدالات إيكولوجيين، أما تعدد الجوجات تضيڤلوپا من بعد.[31][32]

دكر و نتوا د سبع لبحر الجنوب أمريكي، كايورّيو الديمورفية الجنسية

تقريباً ݣاع زعانفيات الرجلين عندهم كبابط د لفرو، الستيتناء هو لفض، لي مغطي غيرغير شوية د لفرو. وخا شي نواع مغطيين كاملين ب لفرو (ب الضبط عجول لبحر) فروهم قل من لبزوليات لرضيين. فقمات لفرو عندهم كبابط عامرين مشكلين من واحد لفرو سفلي و زغب عساس.[33] ف النواع لي كايعيشو ف لݣلاص، الجراوا الصغار كايكون عندهم كبابط غلض عل لبالغين. الزغبات لفرديين لي ف لكبوط، معروفين ب سمية اللانوݣو (lanugo)، يمكن ليهم يشدّو السخونية من الضو د الشمش و يخلّيو الجرو دافي.[34] زعانفيات الرجلين ف لعادة عكّاسين ل الضل (countershaded)، و لوانهم غلق ب شكل ضهري/فوقاني (dorsally) و فتح ب شكل كرشي/تحتاني (ventrally)، هادشي لي كايخدْم باش يكونطري تأتيرات التضلال الداتي (self-shadowing) لي سبابو الضو اللامع فوق لما د لموحيط. لفرو لبيْض الصافي ديال الجراوا د فقمة ݣرينلاند (harp seal) كايسترهم وسط لبيئة لقطبية ديالهم.[35] بزاف د النواع عندهم نماط مضّاربين ديال التصبغ اللوني لفاتح و لغالق.[25][35] ݣاع النواع لي عندهم لفرو كاينسالخو؛ لعملية تقدر تكون مزروبة ولا تدريجية هادشي كايعول على النوع.[36] لفقمات عندهم واحد الطبقة ديال الشحمة التحت جلدية، لي كاتكون ب الضبط غليضة عند لفقميات و لفضاض.[25][34] طبقة الشحمة كاتخلّي لحيوانات دافيين و كاتمد لينيرجي و التقاوت منين كايكونو صايمين. تقدر تشكل 50٪ من لماص د شي زعانفي الرجلين. الجراوا لي عاد مولودين عندهم واحد الطبقة رقيقة د الشحمة، و لايني شي نواع كايعوضو هادشي ب لانوݣوات غلاض.[34]

لمعدة لبسيطة د زعانفيات الرجلين نوعية عند لكارنيڤورات. جل النواع ماعندهومش لا عوْر (cecum) لا شي علمة واضحة كاتفصل بينات لمصران لكبير و الصغير؛ لمصران لكبير صغير ب لمقارنة معا لمصران الصغير و عرض منّو ب شوية. الطولة د لمصران الصغير كاتفاوت بين 8 لمرّات (عجل لبحر لكاليفورني) ل 26 مرّة (فقمة لفيل) د طولة لكسدة. الطولة د لمصران تقدر تكون واحد لاضاپطاسيو ديال لغطيس لغارق لمداوم، هادشي لي كايسمح يكون عندهم بيوت كتر ف لمجرى لهضمي على ود لماكلة لمهضومة ب شكل جزئي. لمصرانة الزايدة غايبة عند لفقمات.[37] كيف ما لحال عند لاغلابية من لبزوليات لبحريين، لكلاوي مقسمين ل فصوص و كايفيلطريو لملحة الشايطة برّا.[38]

لحركة

[بدل | بدل لكود]
فقمة لمرسى (لفوق) و سبع لبحر لكاليفورني كايعومو. اللول كايعوم ب مجادفو اللورانيين، و اللخر كايعوم ب مجادفو لقدّاميين.

زعانفيات الرجلين عندهم جوج فردات د لمجادف ف لقدّام و اللور، لمجادف لقدّاميين و لمجادف اللورانيين. لكواد (elbows) و الشوڤييات دياولهم ماكايبانوش من برّا.[39] زعانفيات الرجلين ماسراعش بحال لبالينيات، ف لعادة كايعومو ب 5–15 لعقدة ف الساعة (9–28 كم) ب لمقارنة معا جوايه 20 عقدة ف الساعة (37 كم) عند بزاف د النواع من الدنفيل. لفقمات كايكونو رشيقين و فليكسيبل كتر،[40] و شي عجليات لبحر، بحال عجل لبحر لكاليفورني، كايمكن ليه يدير ضورات ضهريين، اللور د راسو يقدر يقيص مجادفو اللورانيين.[41] زعانفيات الرجلين عندهم شلّا آضاپطاسيوات على قبل تقلال لمقاومة لمايعة (مقاومة السوايل). زيد على كسداتهم النسيابيين، عندهم ريزوات ملسين د لحزمات لعضليين (muscle bundles) ف جلدهم لي يقدر يزيد التدفاق الصفيحي (laminar flow) لي كايخلّيهم كايتقبو لما و هوما عايمين. عضلات تشواك الزغبة (hair erector muscles) كايكونو غايبين، باش فروهم يقدر يجي ف نفس لخط معا لكوران منين كايكونو عايمين.[42]

منين كايكونو كايعومو، عجليات لبحر كايعولو على مجادفهم لقداميين على قبل لحركة ب واحد الشكل غادي ل لهزان د الجوانح بحال لپانݣوانات و فكارن لبحر. لحركة د لمجادف لقدّاميين ماكاتكونش مكمّلة، و لحيوان كايبدا يݣلايدي معا كل تدريعة.[43][44] ب لمقارنة معا لكارنيڤورات لرضيين، عضام الطرف لقدّامي عند عجليات لبحر كايكونو منقوصين ف الطول، هادشي لي كايعطيهم مقاومة قل ف مفاصل لكود ف لوقيتة لي كايكونو لمجادف كايفرفطو؛[45] لمجادف اللورانيين هوما لي كايصوݣوهم.[46] لفقميات و لفضاض كايعومو ب تحراك طرافهم اللورانيين و كسدتهم السفلية من جنب ل جنب، ف لوقيتة لي مجادفهم لقداميين كايتخدّمو ب شكل ساسي ف الصوݣان.[44][47][48] شي نواع كاينقزو من لما، و "كايركبو" عل لمّاج.[49]

زعانفيات الرجلين كايمكن ليهم يتحركو ف لرض، وخا ماشي بحال لحيوانات لرضيين. عجليات لبحر و لفضاض قادرين يضوّرو مجادفهم اللورانيين ل لقدّام و تحت من لكسدة باش يمكن ليهم "يتمشاو" على طرافهم ب ربعة.[50] لمجادف لقدّاميين كايتحركو معا واحد النيڤو عرضي (transverse plane)، ف عوض النيڤو السهمي (sagittal plane) كيف الطراف د لبزوليات لرضيين.[51] عجليات لبحر كايكوّنو الزخم (momentum) ب تزعزيع ريوسهم و عناقهم ب شكل عرضي.[51][52] عجول لبحر فايتين تشجلو كايتشعبطو السلالم. لفقميات كاتنقصهم لقدرة على لمشيان ب مجادفهم اللورانيين، و كايخصهم يطيّشو و يلوّيو كسداتهم ل لقدّام ف لوقيتة لي مجادفهم لقداميين كايخلّيوهم تابتين. ف شي نواع، لمجادف لقدّاميين يقدرو يخدْمو بحال لمجادف د لفلوكة ب الدفيع كونطر لرض. لفقميات كايقدرو يتحركو زرب عل لݣلاص، حيت كايوليو قادرين باش يزلقو.[53]

لحواس

[بدل | بدل لكود]
نعيكاس د الضو ف لعين د فقمة لفيل

عينين زعانفيات الرجلين كبار ب لمقارنة معا قدهم و محطوطين قراب ل لقدّام د الراس. غير لعينين الصغار د لفض لي مبلاصيين ف كل جنب من الراس؛[54][55] مادام كايعلفو ف لقاع على قبل الرخويات لخاملين.[54] عين لفقمة كاتكون لايقة ل الشوفان تحت لما و ف لهوا. الشبكية ف لغالب كاتكون مكافية لمسافة على لمدار د لعدسة لمكورة. لقرنية عندها واحد السونطر فطح فين التهراس (refraction) ماكايتبدلش بين لهوا و لما. لقزحية لوعائية عندها واحد لعضلة وساعة (dilator) مجهدة. لمومّو لمكمش كايكون ف لعادة خوخي الشكل، وخا هاداك لي عند لفقمة مو لحية كايكون أفقي كتر. ب لمقارنة معا فقمات لفيل لي كايغطسو غارق، لقزحية د النواع لي كايغطسو قراب ل السطح، بحال فقمات لمرسى و عجول لبحر لكاليفورنيين، ماكاتبدلش بزاف ف لقد بينات التكماش و التوساع.[56] لفقمات قادرين يشوفو ف الضلام ب واحد الطاپية شفافة (tapetum lucidum)، لي هي طبقة عاكسة لي كاتزيد ف لحساسية ب عكيس الضو من لخلايا لعصويين (Rod Cells).[57]

منضر قدّامي ديال الراس د فقمة لفرو لقهوية

فوق لرض، زعانفيات الرجلين كايكونو قراب الشوف ف الضو لخافت. هادشي كاينقص ف الضو اللامع لاحقاش لمومّو لمكمش كايقلل لقدرة د لعدسات و لقرنية ف تهراس (تعواج) الضو.[58] لفقمات لعايشين ف لقطب كيف فقمة ݣرينلاند عندهم قرنيات لي مآضاپطيين على الضو اللامع لي كايعكس التلج و لݣلاص. و بحال هاكدا، ماكايجيهومش لعمى د التلج.[58][59] زعانفيات الرجلين كايبانو بلي عندهم الشوفان د اللون محدود حيتاش كاينقصوهم لخلايا لعصويين لمخروطيين (S-cones) هوما كايتعتابرو ب شكل عام عندهم عمى اللوان.[60] حركة لعين لفليكسيبل توتقات ف لفقمات.[61] لفض يقدر يخرّج عينيه برّا التقبة ل لقدّام و لفوق ب جوج ب سباب عضلات لعين ديالو لمتطورين و ب سباب لغياب د واحد السقف مقوس (orbital roof).[47] عين لفقمة صليبة حيتاش الضهارة (epithelium) د لقرنية قاصحة ب لكيراتين، الصليبة (sclera) كاتكون غليضة ب شكل كافي باش تصبر على الضغط د لغطيس. لفقمات عاوتاني كايفرْزو لخنونة من لغدّة الدمعية باش يكاليو على عينيهم. كيف ما لحال عند بزاف ديال لبزوليات و الطيور، زعانفيات الرجلين عندهم غشاوات رمشيين (nictitating membranes).[62]

ودن زعانفيات الرجلين مآضاپطية على ود السميع تحت لما، فين تقدر تسمع تردودات صوتيين كتر من 70,000 هيرتز. ف لهوا، السميع ب شي طريقة كايقلال عند زعانفيات الرجلين ب لمقارنة معا شلّا بزوليات أرضيين. وخا حساسية السميع لمهزوزة ف لهوا عندهم ب شكل عام قل من لبشر، باقي عندهم واحد لمادى د التردود عريض.[63] واحد الديراسة د تلاتة د النواع—فقمة لمرس، عجل لبحر لكاليفورني و فقمة لفيل الشمالية—صابت بلي عجل لبحر کان مآضاپطي حسن على قبل سميع لمهزوزات ف لهو، فقمة لفيل ف السميع تحت لما و فقمة لمرسى كانت مآضاپطية على لخصايل ب جوج.[64] وخا زعانفيات الرجلين عندهم واحد لحاسة د الشمان مزيانة فوق لرض،[65] ماكايكون عندها حتى شي فايدة تحت لما مادام التقابي د نيفهم كايتسدّو.[66]

لڤيبريسات د لفض

زعانفيات الرجلين عندهم حواس طاكتيل (حسيين كسديين) مديڤلوپيين مزيان. السبولات ولا لڤيبريسات (vibrissae) د زعانفيات الرجلين لي كايشبهو ل لموسطاش عندهم كونيكسيوات د لعصب كتر ب عشرة د لخطرات ب لمقارنة معا لبزوليات لرضيين، هادشي لي كايخلّيهم يقلّعو ب شكل فعّال لڤيبراسيوات ف لما.[67] هاد لڤيبراسيوات كايتولّدو، متلاً، ف لوقيتة منين شي حوتة كاتعوم على طريق لما. تقلاع لڤيبراسيوات فيه لفايدة منين هاد لحيوانات كايكونو كايعلفو، و يقدرو يتزادو معا الشوف ولا يقدرو ياخدو بلاصتو ݣاع، ب الضبط ف وقيت الضلام.[68][69] فقمات لمرسى كايمكن ليهم يتبعو طرقان هيدروديناميكيين مصنوعين من حيونات خرين شي دقايق قبل، هادشي بحال شي كلب تابع شي طراص د الريحة، و يقدرو ݣاع يفرّزو لقد و النوع د لأوبجي لمسؤول على الطراص.[70]

على عكس لبزوليات لرضيين، بحال لقوارض، زعانفيات الرجلين ماكايحرّكوش سبولاتهم على شي أوبجي منين كايكونو كايختابروه، و لكن كايمكن ليهم يطوّلو الزغب د السبولات ل لقدّام و هوما مخليينو تابت، هادشي لي كايماكسيميزي التقلاع ديالهم.[71][72] الزاوية د لڤيبريسة ب النسبة ل لكوران كاتبان بلي هي لعامل لموهيم كتر ف لقدرة على التقلاع.[72] السبولات د شي عجليات لبحر كايكبرو طوال ب زايد—هادوك ديال فقمة لفرو لأنطاركتيكية كايقدرو يوصلو ل 41 سم.[73] لفضاض هوما لي عندهم أكتر عدد د لڤيبريسات، ف 600–700 زغبة عند لفرد. هاد لڤيبريسات موهيمين ف لوقيتة د التقلاب على لفرايس ف لقاع. زيد على لعليف، السبولات يقدرو عاوتاني يلعبو دور ف التنقال؛ لفقمات لمنقطين كايبانو بلي كايخدّموهم باش يقلّعو التقابي د التنفاس ف لݣلاص.[74]

لأضاپطاسيوات د لغطيس

[بدل | بدل لكود]
فقمة ويدل تحت لما

شي زعانفي الرجلين باش يغطس، كايخصو يزفر بزاف د لهوا برّا الرية و يسد تقابي النيف و غضارف لقرجوطة باش يكالي على لقصبة د لهوا.[75][76] لمجاري د لهوا مدعومين ب حلاقي غضروفيين و عضلة ملسة، و عضلات الصدر و لحويصلات كايمكن ليهم يتكمشو ف خطرة ف وقيت لغطيس لغارق.[77][78] ف لوقيتة لي بزوليات لرض ݣاعما يمكن ليهم يخويو رياتهم من لهوا، زعانفيات الرجلين كايقدرو يعاودو يضخمو رياتهم وخا بعد النهيار التنفوسي.[78] لودن لوسطانية فيها جيوب لي ف لغالب كايعمرو ب الدم ف وقيت لغطسات، هادشي كايجنّبهم التزيار د لودن لوسطانية.[79] لقلب د شي فقمة كايكون مسطح ب شكل معتادل باش يخلّي الرية تتكمش. لقصبة د لهوا كاتكون فليكسيبل ب شكل كافي باش تنهار تحت الضغط.[75] ف وقيت لغطيس لغارق، أي هوا باقي ف كسداتهم كايتّخزن ف لقصيبات و لقصبة د لهوا، هادشي لي كايجنّبهم من مرض تخفاف الضغط (decompression sickness)، التسمام ب لأوكسيجين و التخدار ب النيطروجين. زيد على هادشي، لفقمات كايقدرو يتسامحو معا لكميات لكبار من آسيد اللاكتيك، لي كايقلل من لعيا د لعضلات السكوليطيين ف وقيت النشاط لكسدي لمجهد.[79]

سيسطيم ضوران الدم عند زعانفيات الرجلين كايكون كبير و مفصل. لخط د الشبكة الناضية (retia mirabilia) وسط الجدع و الطراف، كايسمح ب تخزان د لأوكسيجين كتر ف وقيت لغطيس.[80] كيف ما لحال عند لبزوليات لي كايغطسو، زعانفيات الرجلين عندهم كميات كبار من ليموݣلوبين و لميوݣلوبين لي مخزّنين ف دمهم و عضلاتهم ب شكل مرادف. هادشي لي كايخلّيهم يبقاو تحت لما ل پيروضات من لوقت و هوما مازال عندهم أوكسجين كافي. النواع لي كايغطسو ف لغرق بحال فقمات لفيل عندهم حجَام د الدم لي كايمتلو حتى ل 20٪ من التقل د كسدتهم. منين كايكونو غاطسين، كاينقصو من موعدل لقلب، و تدفاق الدم كايكون ف لغالب محصور ف لقلب، الدماغ، و الرية. باش يخلّيو الطونسيو د دمهم تابتة، لفقميات عندهم واحد الشريان بهر (aorta) كايتجبّد لي كايبدد شي شوية من لينيرجي د كل دقة د لقلب.[79]

الريݣلاج د لحرارة

[بدل | بدل لكود]
فقمة لفيل الشمالية مرتاحة ف لما

زعانفيات الرجلين كايخلّيو ريوسهم سخان ب مليك كسدات كبار و غلاض، فرو و طبقة د الشحمة عازلين، و ستيقلاب (metabolism) مزروب. درجة حرارة كسدتهم و هي خاملة ف جوايه 38 °C ضد 0–5 °C ديال لما د لمحيط. لموعدال الستيقلابي د نواع مبدلين كايتنوع بينات 1.5 ل 3 د لمرّات على هاداك د بزوليات لرض.[81] زيد، لوعية الدمويين ف مجادفهم مآضاپطيين على لقليب لمعاكس د لكوران؛ لعروق الصغار الضايرين الشراين كايوصلو الدم من لوسط د لكسدة، و كايشدو السخونية منهم.[82] ف لوقيتة لي طبقة الشحمة و لفرو كايخلّيو لفقمات دافيين ف لما، كايقدرو عاوتاني يسخّنو لحيوان فوق اللازم منين كايكون ف لرض. باش يكونطريو السخونية لما فوق اللازم، بزاف د النواع كايبرّدو ريوسهم ب تغطية ريوسهم ب الرملة. فقمات الراهب يقدرو ݣاع يحفرو ل الطبقات الاردني د الرملة. فقمة لفرو الشمالية كاتبرّد راسها ب الشهيق.[83]

النعاس

[بدل | بدل لكود]

زعانفيات الرجلين ف شي وقات كايدوّزو بزاف د الشهورا ف لبحر، عليها كايخصهم ينعسو ف لما. لعولاما فايتين شجلوهم ناعسين ل شي دقايق ف شي وقات و هوما مجرورين ب شوية ل لتحت و كروشهم مقابلين معا لفوق.[84] بحال لبزوليات لبحريين لخرين، لفقمات كاينعسو ف لما و النص د دماغهم فايق باش يمكن يقلّعو و يهربو من لمفتارسين، و حتى الطلوع ل السورفاص على قبل لهوا بلا ما يفيقو ب شكل كامل. منين كايكونو ناعسين ف لرض، الجناب د الدماغ ب جوج بيهم كايكونو ف لموض د النعاس.[85]

التوزيع و لموؤل

[بدل | بدل لكود]
فض فوق صفيحة د لݣلاص. هاد النوع عندو واحد التوزيع مقطع ف الدوارة لقطبية الشمالية.

زعانفيات الرجلين لعايشين مفرّقين ب شكل عريض ف لمياه لبركانيين لباردين؛ ب الضبط الشمال لأطلاسي، الشمال لهادي و لمحيط الجنوبي. على لعكس، لمياه لإندوملاياويين الدافيين ب شكل مداوم مافيهمش حتى فقمة.[86] فقمات الراهب و شي عجليات لبحر كايعيشو ف لمياه الستيوائيين و الشبه ستيوائيين. لفقمات ف لعادة كايحتاجو مياه باردين، عامرين ب التقاوت ف درجات د لحرارة ماكاينزلوش 20 °C. وخا حتى ف لمناخات لي الستيوائيين كتر، درجات لحرارة النازلين و لمنتوجية لبيولوجية يقدرو يتمدّو من لكورانات.[86][87] غير فقمات الراهب لي كايعيشو ف مياه لي ب شكل عام كاينقصوهم هاد لخصايل.[86] لفقمة لقزوينية و فقمة لبايكال كايتلقاو ف لكسدات د لما لمسدودين ب لرض (بحر قزوين و ضاية بايكال ب شكل مرادف).[16]

ب شكل عام، زعانفيات الرجلين يقدرو يتصابو ف تنويعة من لموايل لمائيين، ف لغالب لمياه الساحليين، و لكن عاوتاني ف لمحيط لمحلول، لمياه لغارقين حدا لݣزاير لبحريين، لمياه لمالحين و حتى ف الضايات د لما لحلو و لوديان (rivers). فقمة لبايكال هي النوع لي بوحدو كايعيش ف لما لحلو ب شكل حصري.[88] زعانفيات الرجلين عاوتاني كايخدّمو واحد لعدد من لموايل و الركايز لرضيين، ف لقارة و لݣزيرة ب جوج. ف لمناطق اللاقطبيين، كايجولو ف السواحل الصخريين، لپلاجات الرمليين و لحصويين، لبقع الرمليين، التسطيحات الترابيين ولا الضايات الصغار د لمد و لجزر، و ف غيران لبحر. شي نواع كايرتاحو عاوتاني ف لقلدات د لبني لمصنوعين من بنادم على طول لكوشطا ولا الساحل. زعانفيات الرجلين يقدرو يتحركو بعاد من لما ب تخدام كتبان الرملة ولا النبات، ولا حتى الجراف الصخريين.[89] عجول لبحر النيوزيلانضيين يقدرو يسافرو من لمحيط 2 كيلوميطر ل لغابة.[90] ف لمناطق لقطبيين، لفقمات كايدخلو و يخرجو ف لݣلاص لمزروب (fast ice) و لݣلاص لمنجارف (drift ice). شي وحدين كايوکّرو تحت لݣلاص، ب الضبط ف النتوءات د الضغط و الشقاق.[91]

السلوك و التاريخ د حياتهم

[بدل | بدل لكود]
سبوع لبحر د سطيلر ف لما و مواضع الترياح.

زعانفيات الرجلين عندهم واحد الستيل د لعيشة برمائي؛ هوما ف لغالب مائيين، و لكن كايجيو ل ليابسة باش يتجاوجو، ينسالخو، يرتاحو، يتشمشو ولا باش يجتانبو لمفتارسين. بزاف د النواع معروفين بلي كايرحلو ل مسافات واسعين، ب الضبط كا ستيجابة ل التبدالات لبيئيين. فقمات لفيل كايكون ف لما لغالبية د لعام و كاينين مسافات واسعين بينات مواضعهم د لمجاوجة و النسيلاخ. فقمة لفيل الشمالية من أكتر لبزوليات لي كايرحلو بعيد، كاتسافر 18,000–21,000 كم. عجليات لبحر كايميلو باش يرحلو قل من لفقميات، ب لاخص النواع الستيوائيين.[92] لفقمات لمسافرين يقدرو يوصلو ل لوجهة ديالهم ب تخدام لحقول الجيومغناطيسيين، لما و لكورانات د الريح، لمواضع الشمشيين و لݣمريين و درجة لحرارة و التركيب لكيماوي ديال لما.[93]

زعانفيات الرجلين يقدرو يغطسو ف وقيت لعليف ولا باش يجتانبو لمفتارسين. منين كايكونو كايعلفو، متلاً، فقمة ويدل ف لعادة ماكاتغطسش كتر من 15 دقيقة و 400 ميطرو ف لغرق، بلحق كايمكن ليها تغطس حتى ل 73 دقيقة و توصل ل 600 م ف لغرق. فقمات لفيل الشماليين ديما كايغطسو 350–650 م ل مدة كاتوصل حتى ل 20 دقيقة. كايمكن ليهم عاوتاني يغطسو 1,500 م ل كتر من ساعة. لغطسات د عجليات لبحر كايميلو باش يكونو قصار و قل ف لغرق. هوما ف لعادة كايبقاو 5–7 دقايق ب متوسط فوندوات من 30–45 م. وخا هاكداك ، عجل لبحر النيوزيلانضي تشجل كايغطس ل ماكسيموم د 460 م و بقى تحت لما حتى ل 12 دقيقة.[94] الريجيم د لفضاض ماكايخلّيهومش محتاجين باش يغطسو ل غرق كبير ولا ل مدة طويلة. زعانفيات الرجلين ب شكل عام كايعيشو 25–30 عام.[95]

لعليف و لفريس

[بدل | بدل لكود]
سبع لبحر لكاليفورني كايفرس يا صومو ولا طروتة حديدية الراس

ݣاع زعانفيات الرجلين كايكونو لحايميين و فرايسيا. ب شكل عام، ف لغالب كاياكلو لحوت و راسيات الرجلين (cephalopods)، و لايني كايكونسوميو حتى لقشريات، جاوجيات لكوكياجة (bivalves)، لعوالق لحيوانيين و لفرايس دخلانيين لحرارة (سخان الدم) كيف طيور لبحر.[96] ف لوقيتة لي جل النواع عندهم ريجيم عامّي، واحد الشوية منهم عندهم ريجيم مختص. لإيكزومپلات هوما لفقمات وكالين لعقارش لي كاياكلو لكريل (krill)، لفقمات لخاتميين وكالين لقشريات، لختيصاصيين ف لكالامار بحال فقمة روص و فقمة لفيل الجنوبية، و لفقمة مو لحية و لفض، لي مختصين ف اللاسلسوليات د الزونات لقاعيين (benthic).[86]

زعانفيات الرجلين يقدرو يصيّدو يا ب شكل وحداني ولا ب شكل جتيماعي. السلوك اللول نوعي منين كايكونو كايصيدو لحوت لي مامحرّكش و لي برا لفرݣ ولا اللاسلسوليات التقال ف لحركة و لفرايس دخلانيين لحرارة. النواع لعلايفيا لوحدانييين كايصيدو ف لعادة ف لما السطحي ولا د السواحل. واحد الستيتناء ديال هادشي هي فقمة لفيل الشمالية، لي كاتصيد غارق ف لمحيط لمحلول على قبل لحوت. زيد على هادشي، لفضاض كاياكلو ب شكل وحداني و لايني كايكونو دايماً حدا لفضاض لخرين ف ݣروپات صغار ولا كبار. على ود لفراݣي د لحوت ولا لكالامار، زعانفيات الرجلين بحال شي عجليات لبحر كايصيدو ب شكل جتيماعي ف ݣروپات كبار، هادشي لي كايخلّيهم يقلّعو و يسرْحو فرايسهم. شي نواع، بحال عجول لبحر لكايفورنيين و الجنوب أمريكيين، كايصيدو معا طيور لما و لبالينيات.[97]

لفقمات ف لعادة كايسرطو ماكلاتهم كاملة، و كايشرݣو لفريسة طراف يلا كانت كبيرة ب زايد.[98][99] لفقمة النمرية، لي هي واحد لمفتارس كبير ل لپانݣوانات، معروفة كاتحرك ب شكل عنيف لفريسة ديالها حتى لموت.[100] التشنقيرات لمعقدين د سنان النواع لي كاياكلو ب لفيلطر (filter-feeding)، بحال لفقمات وكالين لعقارش، كايخلّيو لما يتسرّب برا و هوما كايسرطو ماكلتهم د لعوالق.[86] لفض فرّادي من نوعو حيت كايكونصومي لفرايس ديالو ب الشفيط (suction feeding)، ب تخدام لسانو ف مصان اللحم د شي جاوجية لكوكياجة برا لكوكياجة.[101] ف لوقيتة لي زعانفيات الرجلين كايصيدو ف لما ف لغالب، عجول لبحر الجنوب أمريكيين معروفين بلي كايتبعو لپانݣوانات ف لوطا.[102] شي نواع يقدرو يسرطو لحجر ولا لحصى على قبل أسباب مامفهومينش.[103] وخا ݣاعما يمكن ليهم يشربو لما د لبحر، زعانفيات الرجلين كاياخدو جل لمدخولات د السوايل من لماكلة ديالتهم.[104]

فقمة النمر كاتقبط واحد لپانݣوان براطور

زعانفيات الرجلين ب راسهم معرضين ل لفريس. لاغلابية د النواع كايتفرسو من لأوركا. و باش يخضّعو و يقتلو لفقمات، لأوركات كايضربوهم ب ريوسهم ولا زناططهم–اللخرين كايخلّيوهم يتسيّبو ف لهوا–ولا ب شكل بسيط كايتلاحو عاضّين عليهم و كايشرݣوهم طراف. هوما ف لهادة كايتصادو ب ݣروپات د 10 د لبالينات ولا قل، و لايني شي خطرات كايتصادو ب ݣروپات كبر ولا ب فراد خلويين. ݣاع لفئات لعمريين كايكونو مستهدفين، بلحق أكتر وحدين هوما الجراوا. الروكانات لكبار حتى هوما مقتارسين كبار ل زعانفيات الرجلين–كايكون ف لعادة الروكان لبيض لكبير و لكن حتى الروكان لببري و روكان ماكو. الروكانات ف لعادة كايهجمو ب غفيل لفقمات من اللور. لفقمات لمعطوبين لي كايهربو كايكونو ف لعادة قادرين يبراو من الجروح نتاوعهم. عجليات لبحر لي تستهدفو ف الربع د الطرف اللوراني عندهم حتيمال كتر ينجاو، ف لوقيتة لي لفقميات عندهم حتيمال كتر ينجاو ف لعطبات د الطرف لقدّامي. زعانفيات الرجلين عاوتاني كايتفرسو من لمفتارسين لرضيين و لݣلاصيين (pagophilic). الدب لقطبي هو مفتارس كبير ل لفقمات لقطبيين و لفضاض، ب الضبط الجراوا ديالهم. الدبوبا يقدر يقلّبو على لفقمات، ولا ب بساطة كايتسناوهم يجيو. مفتارسين أرضيين خرين منهم لپومات، الضبوعا لقهويين و شلّا نواع من لكلبيات، لي ف لغالب كايڤيزيو الصغار.[105]

أوركا كاتصيد واحد لفقمة د ويدل

زعانفيات الرجلين كايقللو الشونص د لفريس ب التجماع ف ݣروپات.[106] شي نواع كايكونو قادرين على التسباب ب جروح ضارّين على لهاجمين ب نيابهم لماضيين. لفضاض لبالغين ب الضبط فريسة فيها الريسك ل الدبوبا لقطبيين.[105] منين كايكونو ف لبحر، فقمات لفيل الشماليين كايغطسو برا لخطر د لأوركات و الروكانات لبويض لي عزيز عليهم يصيدو ف السورفاص.[107] ف أنطاركتيكا، لي كاينقصوه لمفتارسين لرضيين، نواع زعانفيات الرجلين كايدوّزو وقت كتر ف لݣلاص على ݣرانهم لأركتيكيين (قطبيين شماليين).[108]

لفريس الدخلاني ف النوع بينات زعانفيات الرجلين كايوقع. فقمة النمرية معروفة بلي كاتفرس بزاف د النواع لخرين، ب لاخص لفقمة وكالة لعقارش. لفقمات النمريين ب شكل نوعي كايڤيزيو الجروا د لفقمات وكالين لعقارش، ب الضبط من نونبر ل يناير. لفقمات وكالين لعقارش لي كبار ف لعمر كايصبرو على ليمارات من لهجمات لفاشلين د فقمة النمر؛ واحد الديراسة د عام 1977 لقات بلي 75٪ من واحد لعيينة د 85 فرد من وكالين لعقارش كانو عندهم هاد ليمارات.[105][109] لفضاض، وخا هوما مختصين ف لماكلة د اللاسلسوليات الزاحفين ف لقاع، شي مرات كايفرسو لفقمات لقطبيين. كايقتلو لفريسة ب نيابهم الطوال و كاياكلو طبقتهم د الشحمة و جلدتهم. عجول لبحر د سطيلر فايتين تشجلو كاياكلو فقمات لمرسى، فقمات لفرو الشماليين و عجول لبحر لكاليفورنيين، ب الضبط الجراوا و لبالغين الصغار. عجول لبحر النيوزيلانضيين كاياكلو الجراوا د شي نواع من فقمات لفرو، و عجل لبحر الجنوب أمريكي يقدر يفرس فقمات لفرو الجنوب أمريكيين.[105]

السلوك د لمكاترة

[بدل | بدل لكود]
فقمات لمرسى ف پلاج مرمل. هاد النوع كايتجاوج ف لوطا و لايني كايتلاقاو ف لبحر.

السيسطيم د لملاقية عند زعانفيات الرجلين كايتبدّل من تعدد الجوجات الشديد ل الجواج لوحداني لمسلسل (serial monogamy). النواع لي كايتجاوجو ف لوطا (ليابسة) كايكونو ف لعادة عندهم تعدد الجوجات، لاحقاش النتوات كايتجمّعو ف جماعات كبار و دكورا كايكونو قادرين يتلاقاو معاهم و يحاميو عليهم عاوتاني من لمنافسين. النواع لي عندهم تعدد الجوجات منهم فقمات لفيل، لفقمات الرماديين و لاغلابية ف عجليات لبحر.[29] زعانفيات الرجلين لي كايتجاوجو ف لوطا كايفضلو يتلاقاو ف لݣزاير فين موجودين مفتارسين أرضيين قلال. لݣزاير اللايقين كايكونو فيهم إمدادات قلال و كايميلو باش يكونو مزاحمين ب النواع. مادام لوطا لي كايتجاوجو عليه كايكون تابت، النتوات كايرجعو ل نفس لمواضع ل بزاف د لعوام. الدكور كايوصلو بكري ف لموسم و كايتسناو النتوات. الدكور كايبقاو ف لوطا باش يحتاكرو النتوات؛ و يقدرو يصومو ل شهور ماحد غايخسرو مقامهم يلا مشاو ياكلو ف لبحر.[110] النواع لي عندهم تعدد الجوجات كايميلو عاوتاني باش يكونو ديمورفيين جنسياً ب شكل شديد ل جيهة الدكر. هاد الديموفية كاتبان ف الصدور و لعناق لكبار، نياب طوْل و فرو عمْر–ݣاع لمزيّات لي كايسلّحو الدكر ل شي كومبا. الدكور لي كبر ف لقد عندهم طباقي د الشحمة كتر، عليها خزّان طاقي كتر على ود الصيام.[29]

لفقمات لخرين، بحال لفض و جل لفقميات، كايتجاوجو عل لݣلاص و كايتاصلو جنسياً ف لما–و شي شوية د النواع لي كايتجاوجو ف لوطا حتى هوما كايتلاقاو ف لما.[29][111] النتوات د هاد النواع كايميلو باش يكونو مباعدين كتر و عليها مواضع عزاز (site fidelity) قل، مادام لݣلاص ماكايكونش تابت بحال لوطا. و على قبل هادشي، تعدد الجوجات كايميل باش يكون ضْعْف ف النواع لي كايتجاوجو ف لݣلاص. واحد الستيتناء د هادشي هو لفض، لي التوزيع د ماكلتو كايبزز على نتوات لفض يكونو حدا بعضياتهم. زعانفيات الرجلين لي كايتجاوجو عل لݣلاص لمزروب كايميلو باش يتجمّعو معا بعضياتهم كتر من هادوك لي كايتجاوجو عل لݣلاص لمنجارف.[112] لفقمات لي كايتجاوجو ف لݣلاص كايميلو باش تكون عندهم ديمورفية جنسية قليلة ولا تقدر ماتكونش ݣاع. ف لفقمات لقطبيين، كاين واحد لاڤونطاج ب النسبة ل لقد ل جيهة النتوات. لفضاض و لفقمات مّو قناع فرّاديين من نوعهم بينات النواع لي كايتجاوجو ف لݣلاص حيت عندهم ديمورفية جنسية بارزة ل جيهة الدكور.[29][113]

مستعمارة ديال لمجاوجة (حريم) د فقمة لفيل الشمالية

الدكور لبالغين د زعانفيات الرجلين عندهم شلّا سطراتيجيات باش يضمنو النجاح د لمكاترة. كايقدرو دكور عجليات لبحر يوصلو ل النتوات ب لمصايبة د زونات فين يقدرو النتوات يتشمشو و يولدو و يملكو موارد موهيمين بحال الضل، ضايات د لمد و لجزر ولا لوصولية ل لما. الزونات ف لعادة كايترشمو ب بارييرات طبيعيين،[114] و شي زونات يقدرو يكونو تحت لما ب شكل كلّي ولا جزئي.[115] الدكور كايحاميو على لحدود د الزونات دياولهم ب شكال صوتيين د التهديد و وضعيات كسديين، ولايني لمطايفات لكسديين ماكايكونوش ف لعادة عنيفين ب زايد، و ف لغالب ماكايفوتوش اللول د لموسم.[116] لفراد عاوتاني كايرجعو ل نفس لموضع د الزون ف كل موسم د لمجاوجة. ف شي نواع فلانيين، بحال عجل لبحر د سطيلر و فقمة لفرو الشمالية، شي دكر حاكم يقدر يخلّي الزون ديالو حتى ل 2–3 شهور. النتوات يقدرو يتحركو ب حرية بينات الزونات و الدكور ماكايقدروش يبززو على النتوات لي ناويين يمشيو ف حالهم يبقاو، و لكن ف شي نواع بحال فقمة لفرو الشمالية، عجل لبحر الجنوب أمريكي و عجل لبحر لأوسطرالي، الدكور كايخلّيو النتوات ف زوناتهم ب تْوْريات د التهديد ولا حتى لعنف. ف شي نواع د لفقميات، بحال فقمة لمرسى، فقمة ويدل و لفقمة مّو لحية، الدكور منهم كايصايبو "زونات بحريين" (maritories) و كايديرو حملات و كايحاميو على لما لي عندو حدود معا لبلايص ليابسين لي كايرتاحو فيهم النتوات، و من بعد كايتسناو بيدما النتوا تدخل ل الزون.[114] هاد الزونات عاوتاني كايحافضو عليهم ب الشكال الصوتيين.[117] الزونات لبحريين ديال الدكور د فقمة ويدل منهم دخلات ل تقابي التنفاس د النتوات ف لݣلاص.[118]

جوج دكور د فقمة لفيل الشمالية كايتطايفو على ود السيطرة و النتوات

السيسطيمات د ليك (Lek systems) معروفين بلي موجودين بينات شي نسمات د لفضاض.[114] هاد الدكور كايتجمّعو حدا لقطيع د النتوات و كايجرّبو يجدبوهم ب تْوْريات د لمغازلة مفصلين و شكالات صوتيين.[114][119] الليكينݣ يقدر عاوتاني موجود بينات عجول لبحر لكايفورنيين، فقمات لفرو الجنوب أمريكيين، عجول لبحر النيوزيلانضيين و فقمات لمرسى.[114][120] ف شي نواع، بحال فقمات لفيل، لفقمات الرماديين، لفضاض لي ماكايديروش السلوك د ليك، الدكور كايجرّبو ينسبو النتوات لي باغيينهم ليهم و كايحاميو عليهم من لمنافسين. دكور فقمات لفرو، ب الضبط، كايطبقو هرميات لحكيم (السيطرة) على طريق التوريات و لمطايفات، الدكور لي مقامهم عالي كايكون عندهم واحد لحتيكار قريب على النجاح د لمكاترة.[114] شي دكر آلفا يمكن ليه يكون عندو حريم (Harem) ديال 100 نتوا.[121] دكور لفقمات الرماديين كايبلاصيو ريوسهم ف لعادة بينات جماعات د النتوات لي لاعضاء ديالهم يقدرو يتبدلو معا لوقت،[122] ف لوقيتة لي الدكور د شي نسمات د لفض كايعسو على لقطيع د النتوات.[114] الدكور د لفقمات لخاتميين، وكالين لعقارش، لمنقطين، و مو قناع كايتبعو و كايحاميو على المتوات لقراب و كايتلاقاو معاهم منين كايوصلو ل الدورة لوداقية. هاد النتوات يقدرو يكونو نتوات وحدانيات ولا ف ݣروپات صغار.[114][123] عجول لبحر الجنوب أمريكيين كايتعتابرو نواع لي كايحاميو عل الزون و لي كايحاميو عل النتوات ب جوج.[114] الدكور كايبداو لموسم ب لمصايبة و الدفاع عل الزون بلحق كاينسبو و كايحاميو عل النتوات منين كايوصلو.[124]

الدكور الصغار ولا لي قل ف السيطرة د زعانفيات الرجلين يقدرو يجرّبو يحققو النجاح د لمكاترة ب طرقان خرين بحال التسلات، التبسال عل النتوات ولا حتى التقطاع (disruption) لمنسّق د لمستعمارة. نتوات زعانفيات الرجلين كايبانو بلي عندهم شي ختيارات ف لعزيلة د لملاقيين، ب الضبط ف النواع لي كايديرو لمجاوجة د ليك بحال لفض، بلحق كاينين حتى ف فقمات لفيل فين الدكور كايجرّبو يسيطرو على ݣاع النتوات لي كايبغيو يتلاقاو معاهم.[125] منين النتوا د فقمة لفيل ولا لفقمة الرمادية كايركب عليهم شي دكر ماباغيينوش، كايحاولو يقاوموه و يهربو ف حالهم. هاد اللغيط كايجدب دكور خرين ل لمشهد، و الدكر لي كتر ف السيطرة غايحكم و يتلاقى ب راسو معا النتوا.[126][127] النتوا لمسيطرة د فقمة لفيل كاتبقى ف السونطر د لمستعمارة فين كايكونو وسط النطاق د شي دكر كتر ف السيطرة، ف لوقيتة لي كايبقاو عند النتوات لمهمشات غير الدكور التابعين.[128] النتوا ديال عجل لبحر د سطيلر يقدرو يطلبو الدكور لي ف الزون ديالهم يتلاقاو معاهم.[129]

الزيادة و تربية الصغار

[بدل | بدل لكود]
واحد لم د فقمة لمرسى كاترضّع جرو

من غير لفض، لي عندو خمس سنين حتى ل ست سنين د طرعات بينات كل زيادة، نتوات زعانفيات الرجلين كايدخلو الدورة لوداقية ب شوية من مور ماكايولدو، و عليها يمكن ليهم ينتجو الجراوا كل عام. ݣاع النواع عندهم زريع معطل (delayed implantation)، فين الجنين ماكايدخلش ل لولّادة ل سيمانات ولا شهور.[130] الزريع لمعطل كايخلّي النتوا تسنى الضروف اللايقين ل الزيادة.[131][132] لحبيل ف لفقمات (كايشمل الزريع لمعطل) ب شكل نوعي كايبقى عام.[133] عند جل النواع، الزيادة كاتاخد بلاصة ف فصول الربيع و الصيف.[134] ف لعادة، غير فردة د الجراوا واحد لي كاتزاد؛[133] التوام كايكونو نادرين و عندهم موعدالات د لموت زايدين.[135] الجراوا د لغالبية د النواع كايتزادو مديڤلوپيين نسبياً و مامكمولينش (precocial).[133]

لحليب د زعانفيات الرجلين فيه "شوية د لاكطوز ولا مافيهش ݣاع".[136] لماوات د زعانفيات الرجلين عندهم سطراتيجيات مبدلين على قبل التهلية د لم و الرضاعة. لفقميات بحال لفقمات مو قناع، لفقمات الرماديين و فقمات لفيل عندهم وقت د الرضاعة لي كايبقى يامات ولا سوامن، ف ديك لوقيتة كايصومو و كايرضّعو جراواتهم عل لوطا ولا على لݣلاص. لحليب د هاد النواع مشكل من كتر من 60٪ دهنيات، هادشي لي كايخلّي الصغار يكبرو دغيا. ف كل نهار حتى كايفطمو، الجراوا د فقمة لفيل الشمالية كايتزادو 4 كيلوݣرام. شي جراوا كايتزادو ف التقل ب الزربة على وحد آخرين ب لهريف على حليب كتر من لماوات لخرين. التربية اللاوالدية (Alloparenting) كايطرا ف هاد النواع لي كايصومو؛[137] ف لوقيتة لي لغالبية د ماوات فقمة لفيل الشمالية كايرضّعو صغارهم و كايرفضو ترضاع الجراوا لبرّانيين، شي وحدين منهم كايقبلو يرضّعو الجراوا لبرانيين ف نفس لوقت معا صغارهم.[138]

فقمة لفرو أنطاركتيكية بالغة معا جراوا

عند عجليات لبحر و شي فقميات بحال فقمة لمرسى، لماوات كايصومو و كايرضّعو جراواتهم ل شي يام ف شي وقات. بينات لحصص د الترضاع، النتوات كايعلفو ف لبحر أما ولادهم كايبقاو ف ليابسة. يلا كانت ماكلة كافية حدا ليابسة، النتوا تقدر تمشي ل نهار علاقل، و لايني يلا ماكانتش تقدر تمشي ل لبحر و تبقى فيه حتى ل تلاتة د السيمانات.[139] الرضاعة عند عجليات لبحر تقدر تبقى 6–11 لشهر؛ عند فقمة لفرو د ݣالاپاݣوس تقدر تبقى حتى ل تلت سنين. الجراوا د هاد النواع كايفطمو ف تقل زيْد من ݣرانهم د لفقميات، بلحق اللخرين كايكبرو دغيا.[140] لفضاض فرّاديين من نوعهم لاحقاش لماوات كايرضّعو صغارهم ف لبحر.[141] زعانفيات الرجلين الصغار ف لعادة كايبداو يعومو ل ريوسهم و شي نواع يمكن ليهم ݣاع يعومو و هوما عاد مولودين. الصغار يقدرو يتسناو يام ولا سوامن قبل مايدخلو ل لما؛ فقمات لفيل كايبداو لعومان شي سيمانات من بعد لفطيم.[142]

ب شكل عام، زعانفيات الرجلين الدكور كايلعبو دور صغير ف تربية الصغار.[143] دكور لفض يقدرو يعاونو الصغار لي ماعندهومش تجريبة و هوما كايتعلمو لعومان، و فايتين تشجلو كايتهلاو ف ليتامى. منين شي ݣروپ كايكون مهدد، ݣاع الدكور كايقدرو يحاميو الصغار.[144] الدكور د عجول لبحر لكاليفورنيين فايتين تحضاو كايعاونو ف تحصان الجراوا لعايمين من لمفتارسين.[145] الدكور يمكن ليهم عاوتاني يشكلو تهديدات على السلامة د الجراوا، ب الضبط ف وقيت لمدابزات.[143] الجراوا د شي نواع يقدرو يتخطفو، يطرا ليهم تعدو ولا يتقتلو من الدكور، ف لغالب ب سباب لكعية الجنسية.[146]

التواصول

[بدل | بدل لكود]
دكور لفض معروفين بلي كايطلقو تشكالات صوتيين باش يجدبو لملاقيين

زعانفيات الرجلين يقدرو يطلقو عدد من الشكالات الصوتيين. ف لوقيتة لي جل الصوات كايكونو مسموعين ل لودن لبنادمية، فقمات ويدل فايتين تشجلو ف أنطاركتيكا كايديرو عيْطات فوق صوتيين (ultrasonic) تحت لما.[147] زيد على هادشي، الصوات د فقمات لفيل الشماليين يقدرو يطلقو ڤيبراسيوات تحت صوتيين (infrasonic). الصوات كايتطلقو ف لهوا و تحت لما ب جوج؛ اللول شايع كتر بين عجليات لبحر و اللخر بين لفقميات. فقمات أنطاركتيكا كايكونو جعواقين عل لوطا ولا لݣلاص عل فقمات أركتيكا (لقطبيين شماليين) ب سباب لغياب د الدبوبا لقطبيين.[117] الصوات د الدكور كايكونو ف لعادة حرش من صوات النتوات. الشكالات الصوتيين كايكونو ب الضبط موهيمين ف وقيت مواسم لمجاوجة. الدكور لمسيطرين د فقمة لفيل كايورّيو مقامهم و النفود ديالهم ب "ضربات التهديد" و عيطات مجهدين بحال الطبل[148] لي يقدرو يتموديفياو ب لخرطوم.[149] دكور عجليات لبحر عندهم زئير، نبحات، و تݣرݣيرات مجهدين. الدكور د لفض معروفين بلي كايطلقو عيطات بحال لݣونݣ منين كايجرّبو يجدبو النتاوي، هاد الصوات كايتضخمو تحت لما ب كياس قرجوطيين كايتنفخو.[150]

فقمات ويدل عندهم واقيلا أكتر ريپيرطوار صوتي، ب طليق الصوات لمهزوزين ف لهوا و لي تحت لما. التزغنين (Trilling)، صوت الجغيم (gluping)، التغريد (chirping)، التطقطيق (chugging) و الزديح إيكزومپلات من لعيطات لي كايتطلقو تحت لما. منين كايحدّرو فقمات خرين، لعيطات يقدرو يتنطقو ب "پريفيكسات" و "سوفيكسات".[117] الصوات لي تحت لما د فقمات ويدل يقدرو يبقاو 70 تانية، لي طويلة ب لمقارنة معا شي عيطة د بزولي بحري. شي عيطات فيهم جوايه سبعة د النماط ديال الريتم و يقدرو يتصنفو "غنايات".[151] لعيطات لمشابهين فايتين تشجلو ف فقمات أنطاركتيكيين خرين[152] و لفقمات مو لحية. ف شي نواع د زعانفيات الرجلين، كايبان بلي كاينين لهجات بينات لمناطق ولا حتى تنواعات فرديين ف شكالات الصوت. هاد التبدالات ف لغالب موهيمين ل الدكور لحدوديين يولّيو مولفين ل جيرانهم (تأتير لعدو لعزيز-dear enemy effect) و لماوات و الجراوا لي محتاجين يبقاو ف كونطاكط معا لپلاجات لمزاحمين. النتوات د لفقمات كايطلقو واحد لعيطة د لكونطاكط "فيها الزديح و لغوات"، ف لوقيتة لي الجراوا كايجاوبو التنقنيق (squawking). عيطات لكونطاكط ب الضبط موهيمين ل لماوات د عجليات لبحر لي راجعين من لبحر.[153] التشكالات الصوتيين لخرين لي كايطلقوهم لفقمات منهم، التنهاد (grunts)، التهرنيط (rasps)، التخشخيش (rattles)، الزوْيان (creaks)، التزغريت (warbles)، لكليك (clicks) و التصفار (whistles).[117]

سبع د لبحر كايوازن بالون

التواصول اللاصوتي ماكايكونش شايع عند زعانفيات الرجلين بحال لي عند لبالينيات. وخا هاكداك، منين كايحسو ب ريوسهم مهددين، فقمات لمرسى و فقمات بايكال لي ف ليابسة يقدرو يطرشو ريوسهم ب مجادفهم باش يصايبو واحد الصوت ديال لينضار. تقرقيب السنان، التهسهيس و الزفير حتى هوما كايصنعو إنضارات عنيفين من زعانفيات الرجلين. التوريات الشوفيين حتى هوما كايطراو؛ فقمات روص لي مريْحين عل لݣلاص كايوريو لخطوط لي على صدرهم و كايكشرو سنانهم على شي تهديد موجود، أما فقمات ويدل لي عايمين كايوريو واحد لپوستور كسدية على شكل S باش يخوْفو لمنافسين تحت لݣلاص.[117] الدكور د لفقمات مو قناع كايخدّمو لغشاوات النيفيين دياولهم لي كايتنفخو باش يورّيو و يجدبو النتاوي.[30]

الداكا

[بدل | بدل لكود]

ف واحد الديراسة ديال طاش د مواتية لعيينة (match-to-sample task)، واحد لعجل د لبحر كاليفورني قدر يبيّن واحد لفهامة ديال لمماتلة (symmetry)، النتيقالية و لمكافية (equivalence)؛ واحد لفقمة جاوجة ماقدراتش تكمل الطاشات.[154] هوما بيّنو قدرة على فهيم السينطاكس لبسيط و لكومونضات منين علّموهم واحد اللوغة د لإشارة صطيناعية، وخا خدّمو غير و ب شكل نادر لإشارات ب شكل سيمانتيكي (Semantically) ولا منطيقي.[155] ف 2011، و لعجل د لبحر كاليفورني كاپتيڤ سميتو رونان تشجل كايزعزع راسو ب توافوق معا الريتمات د لموسيقى. هاد "الترفاه الريتمي" تشاف ف السابق غير ف بنادم، لپاپاغيوات و شي طيور خرين عندهم التقليد الصوتي.[156] دكور فقمات لفيل لبالغين يمكن ليهم يعرفو الصوات د بعضياتهم ب لعقيل على الريتم و التامبر (Musical timbre).[157] ف عوام 1970، واحد لفقمة د لمرسى سميتها هووڤر دريساوها على قبل باش تقلد لهدرة و الضحكة د بنادم.[158]

ب النسبة ل عجول لبحر لي تخدّمو ف الترفيه، الدريسورات كايلوحو شي بالون على لحيوان ولا غير كايبلاصو لوبجي ف جيهة نيفو، باش ف اللخر يفهم السلوك لي باغيينو منو. عجل د لبحر يقدر يخصو عام ديال الدريساج قبل مايبدا يأدي ب شكل پوبليك. لميموار طويلة لمادى نتاعو كاتخلّيه يأدي شي تقوليبة وخا يدوّز تلت شهور بلا أداء.[145]

لعالاقات معا بنادم

[بدل | بدل لكود]

ف التقافة

[بدل | بدل لكود]
منحوتات د شعب لإينويت على شكل فقمة ف متحف ليندين، ألمانيا

بزاف د التقافات لبنادميين من هادي ألفيات كايصورو زعانفيات الرجلين. ف لأوديسة د هوميروس، رب لبحر پروطييوس سرْح واحد لمستعمارة د لفقمات.[159] ف شمال سكوتلانضا، لكيلتيين د أوركني و لهيبريديس آمنو ب لفقمات–السيلكيز لي يمكن ليهم يوليو ب سيفة بنادم و يتمشاو ف لوطا.[160] ف لميطولوجيا د لإينويت، هوما مرافقين معا الربة سيدنا، لي شي مرات كاتحوول ل لفقمة. كان كايتآمن بلي لبزوليات لبحريين، لي منهم لفقمات، جاو من صبعانها لمهلوكين.[161] ف التقافة لعصرية، زعانفيات الرجلين كايتشافو ب صيفتهم فيݣورات زويونين، ضراف و كوميكيين.[162]

ف لكاپتيفيطي

[بدل | بدل لكود]
سبع د لبحر محبوس ف حديقة حيوانات كوبي أووجي، كوبي، الجاپون

زعانفيات الرجلين يمكن ليهم يتلقاو ف لمرافق ف بزاف د لقنات ف الدنيا، مادام لقد و الضرافة ديالهم كايخلّيوهم شعبيين.[163] لفقمات مخلّيينهم كاپتيڤ من يامات روما لقديمة هلاقل و لقابلية ديالهم على الدريساج (trainability) تقشعات من پلينيوس لقديم. عالم لحيوان جوغج كوِڤييه قشع ف لقرن 19 بلي لفقمات لبريين وراو عاطفة كاتخاد ف لبال ل بنادم و علق بلي هوما الجاوجين من بعد شي قرودا بينات لحيوانات لبريين ف لقابلية على الترويض. فرانسيس ݣالتن ف لعمل ديالو لمؤتير على الدوميستيكاسيو بلي لفقمات كانو واحد ليكزومپل ناضي ديال شي حيوان لي يقدر غالباً عمرو مايتضوميستيكا، وخا ب الضرافة، لقابلية على النجو و "لحب د الراحة" ديالهم، حيتاش ماكايصلاحو ل حتى شي تخدام عملي ل بنادم.[164]

شي معارض عصريين فيهم پيسين ب مواضع د الراحة ديالهم و خلفية صخرية، ف لوقيتة لي وحدين خرين كايسكّنوهم ف تخبيات كاينين فوق شي پيسين لي يقدرو منهم ينقزو فيه. لمعارض لي كتر ف التفصيل فيهم پيسينات غارقين لي يمكن ل الناس يشوفوهم تحت لما ب سيما لي كاتميميكي الصخر ب صيفتهم مواطع د الراحة. أكتر زعانفي الرجلين ف الشعبية هو عجل لبحر لكاليفورني، ب سباب لقابلية ديالو على التعلم و لقابلية ديالو على لاضابطاسيو. نواع خرين كايخلّيوهم كاپتيڤ ب شكل شايع منهم لفقمة الرمادية و فقمة لمرسى. لحيوانات لكبر ف لقد بحال لفضاض و عجول لبحر د سطيلر كايكون قل ف الشيعان.[163] شي منضمات بحال لمجتمع لبنادمي د لولايات لمتاحدة و لحماية لعالمية د لحيوان كايعتارضو على التخلية د لبزوليات لبحريين ف لكابتيڤيطي. كايعلقو بلي لمعارض مايقدروش يكونو كافيين ف لكبورية باش يسكّنو حيوانات لي تطوورو باش يكونو مهاجرين، و لپيسين عمرو مايعوّض لقد و التنواع لبيولوجي د لمحيط. هوما كايعلقو عاوتاني بلي لقوالب لي كايأديوهم ل لجمهور كايكونو "تشكالات مبالغ فيهم ديال سلوكاتهم الطبيعيين" و كايلهيو الناس بلي هوما عايشين ف بيئة ماشي طبيعية.[165]

عجول لبحر لكاليفورنيين كايتخدّمو ف التطباقات د لعسكر من پروݣرام لبحرية لميريكانية د لبزوليات لبحريين، لي بحال تقلاع اللغام/لمينات لبحريين و لغطاسا د شي عدو. ف لخليج لعربي، هاد لحيوانات تدريساو باش يعومو مور لغطاسا لي مقربين ل شي باطو د لبحرية لميريكانية و باش يلصّقو شي سيرجوان (Clamp) ب قنّبة ف رجل لغطاس. لمسؤولين د لبحرية كايقولو بلي عجل لبحر يقدر يدير هادشي ف تواني، قبل مايدري لعدو شنو طرا.[166] لمنضمات بحال پيطا (شخاص على قبل معاملة أخلاقية معا لحيوانات) كايآمنو بلي بحال هاد لعمليات كايردو لحيوان ف خطر.[167] لبحرية كاتحكّر بلي عجول لبحر كايتحييدو غير كايساليو خدمتهم.[168]

الصيادة

[بدل | بدل لكود]
رجال كايقتلو فقمات لفرو الشماليين ف ݣزيرة سان پول، ألاسكا، ف نصاصة عوام ال1890

لبشر كايصييدو ف لفقمات من لعصر لحجري. ف لأصل، لفقمات كانو كايضربوهم ب الزراوط ف وقيت الراحة ديالهم. ف اللخر، سلاحات قتالين كتر تخدّمو، بحال الرماح و لحرابن. كانو عاوتاني كايقبطوهم ف الشباكي. التخدام د السلاح الناري ف تصياد لفقمات ف لعصر الجديد زاد ب شكل جدري ف عدد لقتيلات. زعانفيات الرجلين كايتصادو ف لعادة على قبل لحمهم و طبقة الشحمة ديالتهم. جلود فقمات لفرو و لفقميات كايردّوهم كبابط، و النياب الطوال ديال لفض خدّموهم كيف لعاج.[169] تدار واحد التفراز بينات التصياد على ود لعيشة من السكان لأصليين ديال لقطب الشمالي و بين التصياد التجاري: الصيادا اللولين كايعوّلو على منتوجات لفقمات على قبل باش يبقاو عايشين.[170] السلطات لوطنيين و الدوليين عطاو واحد لمعاملة خاصة ل الصيادا لأصليين مادام ميطوداتهم ف لقتيلة تشافو مداومين كتر و صغر ف النطاق. غير هو، الناس لأصليين بداو ف اللواخر يخدّمو الطيكنولوجيا لعصرية كتر و ولاو كايتنفّعو كتر من منتوجات لفقمة ف لمارشي. لعولاما د بنادم كايجادلو بلي مصطلح "على قبل لعيشة" خصو حتى هو يطّبق على هاد لانشيطة، ماحد باقيين محليين ف النطاق. كتر من 100,000 نوع من لفقميات (ب لاخص لفقمات لخاتميين) و عاد جوايه 10,000 فض كايحصدوهم ب شكل سنوي من الصيادا اللوكال.[169]

جلدة مسلوخة د فقمة خاتمية

تصياد لفقمات التجاري نافس تصياد لبالينات ب صيفتو صناعة موهيمة على طول التاريخ. النواع لمحصودين منهم فقمات ݣرينلاند، لفقمات مو قناع، لفقمات لقزوينيين، فقمات لفيل، لفضاض، و ݣاع النواع د فقمات لفرو.[171] من مور عوام 1960، لحصاد د لفقمات قلال ب شكل كبير ب صيفتو صناعة[169] من مور مادخّلات لحكومة لكاناضية تيخادات على قبل حماية لفقمات النتوات و على قبل تكبال موسم الصيادة.[172] شلّا نواع لي كانو كايستاغلوهم ب شكل تجاري عاودو طلعو ف لعدد؛ متلاً، فقمات لفرو لأنطاركتيكيين يقدرو يكونو وصلو ل لعدد لي كان عندهم قبل مايبدا لحصاد. فقمات لفيل الشماليين على بونت و كانو غاينقارضو ف اللخر د لقرن 19، ب غير نسمة صغيرة بقات ف ݣزيرة ݣوادالوپي. من ديك لوقت عاودو ستيعمار بزاف د لقنات من لمادى نتاعهم التاريخي، و لايني عندهم عنق الجاجة سكاني (population bottleneck).[171] ب لعكس من هادشي، فقمة الراهب لمتوسطية تݣلّعات من بزاف د لقنات من لبحر لمتوسط و لمادى ديالها د دابا مازال محدود.[173]

شلّا نواع من زعانفيات الرجلين باقيين كايستاغلوهم. لمعاهدة على قبل حماية لفقمات د أنطاركتيكا كاتحمي النواع وسط لقطب الجنوبي و لما لي ضاير بيه، بلحق كايسمحو ب الصيادة لمكبلة د لفقمات وكالين لعقريش، فقمات النمر و فقمات ويدل. تصياد فقمة ويدل كايكون ممنوع بينات شتنبر و فبراير يلا كان لحيوان كبر من عام، باش يضمنو واحد النمو د النسمة صحي.[174] لحكومة لكاناضية عطات لإدن ب تصياد فقمات مو قناع. هادشي جاب واحد اللغيط و مناقشات. لمئييّدين د صيادة لفقمات كايحكّرو بلي لحيوانات كايتقتلو ب شكل بنادمي و الجراوا لي كايكون فروهم كبوط بيض ماكايدّيوهمش، أما لمعارضين كايجادلوهم بلي قتيلة لفقمات مو قناع فعلة لامسؤولة مادام هوما أصلاً مهددين ب تنقاص لموايل.[175][176]

فقمة الراهب لكاريبية كايقتلو و كايستاغلو فيها من لمستوطنين لوروپيين و حفادهم من 1494، هادشي بدا معا كريسطوف كولومبوس ب راسو. لفقمات كانو سيبلات ساهلين ل صيادين لفقمات لمنضمين، الصيادا د لحوت، الصيادا د لفكارن و لبوكانيريين (buccaneers) لاحقاش هوما تطوورو ب ضغط قليل من لمفتارسين لرضيين و عليها ولاو "مدريسيين جينياّ". ف لباهاماس، حتى ل 100 فقمة تݣزرو ف ليلة وحدة. النوع تعتابر بلي ديجا نقارض ف النصاصة د لقرن 19 حتى تصابت واحد لمستعمارة صغيرة حدا شبه ݣزيرة يوطاكان ف 1866. لقتيلات د لفقمات كمّلو، و التقرير لموتوق اللخر بلي لحيوان حي كان ف 1952 ف الضفة د سيرانييّا. التيحاد الدولي ل محافضة على الطبيعة ديكلارا بلي لحيوان نقارض ف 1996.[177] عجل لبحر الجاپوني كان شايع ف جوايه لݣزاير الجاپونيين، ساعة الستيغلال لمافوق لقياس و لمنافسة بين لمحلات د لحوت هبّطو ب شكل جدري ف النسمة ف عوام 1930. آخر فرد تشجل كان تحت بالغ ف 1974.[178]

لمشاكيل د لمحافضة

[بدل | بدل لكود]
جرو د فقمة الصنج (فقمة ݣرينلاند). هاد النوع لي كايعيش ف لݣلاص محسوس ل تأتيرات تبدال لمناخ

على حساب 2021، التيحاد الدولي ل محافضة على الطبيعة كايعتارف ب 36 نوع د زعانفيات الرجلين. و عجل لبحر الجاپوني و فقمة الراهب لكاريبية نقارضو ف اللواخر، 10 خرين كايتعتابرو ف الريسك و مكلاصيين كا:[179]

  • "مهدد": فقمة الراهب د هاواي، فقمة الراهب لمتوسطية، فقمة لفرو د ݣلاپاݣوس، عجل لبحر لأوسطرالي، عجل لبحر النيوزيلانضي، فقمة قزوين، و عجل لبحر د ݣالاپاݣوس.
  • "محسوس": فقمة لفرو الشمالية، فقمة مو قناع، و لفض.

زعانفيات الرجلين عندهم بزاف د التهديدات. هوما كايتقبطو ب شكل مافيهش النية ب الشباكي د لحوت من لمصايد د لحوت التيجاريين و كايسرطو ب شكل علّاوي الصنارات. الصيادة د لخياشم (Gillnetting) و الصيادة ب الجرّان (Seine netting) هوما مسببات د لموت موهيمين ل لفقمات و لبزوليات لبحريين لخرين. النواع لي كايوحلو ف الشباكي ب شكل شايع منهم عجول لبحر لكاليفورنيين، فقمات الراهب د هاواي، فقمات لفرو الشماليين و فقمات لفرو لقهويين.[180] زعانفيات و كايتأترو عاوتاني ب التلووت د لبحر. لمواد لكيماويين لأورݣانيك كايميلو باش يتكدسو ف هاد لحيوانات ماحد هوما طالعين ف السنسلة د لماكلة و عندهوم خزاين كبار د طبقات الشحمة. لماوات لي كايرضّعو يمكن ليهم يدوّزو الطوكسينات ل ولادهم. هاد لمواد لملوتين يمكن ليهم يسسبو ب كونصيرات د السيسطيم لهضمي، و تقلال لخصوبة و لمناعة ضد لمرضات لي كايعديو.[181] مسببات خرين سبابهم من بنادم منهم تخراب لموايل ب سباب تخراج لپيطرول و لݣاز، التجاوزات من الزوارݣ،[180] و الصداع تحت لما.[182]

فقمة رمادية ف پلاج مستعمرينو لبشر حدا نييتشورزي، پولانضا. زعانفيات الرجلين و بنادم يقدرو يتنافسو على ود التيساع و لموارد.

النواع لي كايعيشو ف لموايل لقطبيين محسوسين ل التأتيرات د التبدال لمناخي على لمحيطات، ب الضبط نقصان لݣلاص د لبحر.[183] ف 2010 و 2011، لݣلاص د لبحر ف شمال غرب لأطلاسي وصل ولا كان على بونت و يوصل ل أحدر نيڤو ف ݣاع لوقات و فقمات ݣرينلاند زيد لفقمات لخاتميين لي كايتجاوجو عل لݣلاص الرقيق وقعو ليهم زيادات ف موعدالات لموت.[184][185] ف أنطاركتيكا، لوقت الناقص و لمادى د لݣلاص د لبحر و لوفرة د التقاوت يقدرو ب شكل محتامل ينقصو من النجو د جراوا فقمات ويدل و يقدر يكون عندهم مضاعفات موهيمين على موعدلات نمو النسمة.[186] فقمات لفرو لأنطاركتيكيين ف جورجيا الجنوبية ف جنوب لأطلاسي شافو نقصان كبير على طول واحد الديراسة د 20 عام، فين لعولاما عبرو تبدالات ماشي عاديين ف درجات حرارة السورفاص د لبحر.[187]

شي نواع ولاو كتار بزاف ل درجة ولاو يديرو صراعات معا الناس اللوكال. ف ميريكان، زعانفيات الرجلين محميين تحت قانون حماية لبزوليات لبحريين د 1982. من داك لعام، نسمات عجل لبحر لكاليفورني تزادو ل 250,000. هاد لحيوانات بداو يستاغلو بيئات مصاوبين من بنادم كتر، بحال السطارات، على قبل مواضع الراحة. بزاف د السطارات مامديزاينينش باش يهزو التقل ديال بزاف د عجول لبحر لمريّحين. لمودارا د لحياة لبرية خدّمو شلّا ميطودات باش يكونطروليو لحيوان، و شي مسؤولين د لمدينة عاودو ديزاين السطارات باش يقدرو يقاومو حسن التخدام د عجل لبحر.[188][189] عجول لبحر النيوزيلانضيين لي كايعيشو وسط لوطا كايواجهو صراعات فرّاديين من نوعهم معا بنادم بحال لكسايد د الطريق و التدرام ل لبنيات التحتيين د بنادم.[190] لفقمات عاوتاني كايتصارعو معا الصيادا د لحوت.[191] ف 2007، MMPA عطاوها لإدن باش تسمح ب التحياد لقتال ديال عجول لبحر من سباقات الصومو ف سد بونڤيل.[192] ف عوام 1980 و عوام 1990، السياسيين الجنوب إفريقيين و الصيادا د لحوت طلبو ب الستينقا (Culling) د فقمات لفرو، حيت شافو بلي لحيوان كان كاينافس لمصايد د لحوت التيجاريين. الديراسات لعلميين لقاو بلي فقمات لفرو لمستنقيين غايكون عندهم ف لحقيقية تأتير سلبي على الصناعة د لحوت، و لوپسيو د الستينقا تزوْلات ف 1993.[193]

مصادر

[بدل | بدل لكود]
  1. ^ Elias, J. S. (2007). Science Terms Made Easy: A Lexicon of Scientific Words and Their Root Language Origins. Greenwood Publishing Group. ص. 157. ردمك 978-0-313-33896-0.
  2. ^ Scheffer، Victor B. (1958). Seals, Sea Lions, and Walruses: A Review of the Pinnipedia. Stanford University Press. ص. 52. ردمك 978-0-8047-0544-8.
  3. ^ Allen, J. A. (1880). History of North American pinnipeds, a monograph of the walruses, sea-lions, sea-bears and seals of North America. Miscellaneous publications (Geological and Geographical Survey of the Territories (U.S.)). Washington: Government Printing Office.
  4. ^ Berta, A.؛ Ray, C. E.؛ Wyss, A. R. (1989). "Skeleton of the oldest known pinniped, Enaliarctos mealsi". Science. 244 (4900): 60–62. Bibcode:1989Sci...244...60B. doi:10.1126/science.244.4900.60. JSTOR 1703439. PMID 17818847. Unknown parameter |s2cid= ignored (معاونة)
  5. ^ Arnason, U.؛ Gullberg, A.؛ Janke, A.؛ Kullberg, M. (2007). "Mitogenomic analyses of caniform relationships". Molecular Phylogenetics and Evolution. 45 (3): 863–74. doi:10.1016/j.ympev.2007.06.019. PMID 17919938.
  6. ^ "Superfamily Otarioidea Lucas 1899". Paleobiology Database. تطّالع عليه ب تاريخ 1 يوليوز 2013.
  7. ^ "Superfamily Phocoidea Smirnov 1908". Paleobiology Database. مأرشيڤي من لأصل ف 9 مارس 2016. تطّالع عليه ب تاريخ 1 يوليوز 2013.
  8. ^ a b c d e f g Berta, Annalisa; Churchill, Morgan; Boessenecker, Robert W. (30 May 2018). "The Origin and Evolutionary Biology of Pinnipeds: Seals, Sea Lions, and Walruses". Annual Review of Earth and Planetary Sciences. 46 (1). Annual Reviews: 203–228.
  9. ^ Deméré, T. A.؛ Berta, A.؛ Adam, P. J. (2003). "Pinnipedimorph evolutionary biogeography" (PDF). Bulletin of the American Museum of Natural History. 279: 32–76. doi:10.1206/0003-0090(2003)279<0032:C>2.0.CO;2. Unknown parameter |s2cid= ignored (معاونة)
  10. ^ Riedman, Marianne (1990). The Pinnipeds: Seals, sea lions, and walruses. University of California Press.
  11. ^ a b c d Berta, A. "Pinniped evolution" in Perrin, Würsig & Thewissen 2009, pp. 861–866
  12. ^ Riedman 1990, pp. 68–70
  13. ^ Riedman 1990, pp. 3, 82–83.
  14. ^ Kastelein, R. A. "Walrus" in Perrin, Würsig & Thewissen 2009, pp. 1212–1216
  15. ^ Riedman 1990, p. 64.
  16. ^ a b c d e f g h i j Berta, A. "Pinniped evolution" in Perrin, Würsig & Thewissen 2009, pp. 861–866
  17. ^ Hassanin, A.; Veron, G.; Ropiquet, A.; van Vuuren, B. J.; Lécu, A.; Goodman, S. M.; Haider, J.; Nguyen, T. T. (2021). "Evolutionary history of Carnivora (Mammalia, Laurasiatheria) inferred from mitochondrial genomes". PLOS ONE. 16 (2): e0240770
  18. ^ Hammond JA, Hauton C, Bennett KA, Hall AJ (2012). Nikolaidis N (ed.). "Phocid seal leptin: Tertiary structure and hydrophobic receptor binding site preservation during distinct leptin gene evolution". PLOS ONE. 7 (4): e35395.
  19. ^ Valenzuela-Toro, Ana; Pyenson, Nicholas D. (27 November 2019). "What do we know about the fossil record of pinnipeds? A historiographical investigation". Royal Society Open Science. 6 (11): 191394.
  20. ^ a b Rybczynski, N.; Dawson, M. R.; Tedford, R. H. (2009). "A semi-aquatic Arctic mammalian carnivore from the Miocene epoch and origin of Pinnipedia". Nature. 458 (7241): 1021–24.
  21. ^ Lyras, G. A.; Werdelin, L; van der Geer, B. G. M.; van der Geer, A. A. E. (2023). "Fossil brains provide evidence of underwater feeding in early seals". Communications Biology. 6 (1): 747.
  22. ^ Cullen, T. M.; Fraser, D.; Rybczynski, N.; Shroder-Adams, C. (2014). "Early evolution of sexual dimorphism and polygyny in Pinnipeda". Evolution. 68 (5): 1469–1484.
  23. ^ Boessenecker, R. W.; Churchill, M. (2018). "The last of the desmatophocid seals: a new species of Allodesmus from the upper Miocene of Washington, USA, and a revision of the taxonomy of Desmatophocidae". Zoological Journal of the Linnean Society. 184 (1): 211–235.
  24. ^ a b Nyakatura, K; Bininda-Emonds, O. R. P. (2012). "Updating the evolutionary history of Carnivora (Mammalia): a new species-level supertree complete with divergence time estimates". BMC Biology. 10: 12.
  25. ^ a b c d e Berta, A. "Pinnipedia, overview" in Perrin, Würsig & Thewissen 2009, pp. 881–884
  26. ^ Karleskin, G.; Turner, R. L.; Small, J. W. (2009). Introduction to Marine Biology. Cengage Learning. p. 328.
  27. ^ Berta, Sumich & Kovacs 2006, p. 165
  28. ^ Riedman 1990, p. 162, 164
  29. ^ a b c d e Ralls, K.; Mesnick, S. "Sexual dimorphism" in Perrin, Würsig & Thewissen 2009, pp. 1005–1011
  30. ^ a b Berta 2012, pp. 73–74.
  31. ^ Gonzalez-Suarez, M.; Cassini, M. H. (2014). "Variance in male reproductive success and sexual size dimorphism in pinnipeds: testing an assumption of sexual selection theory" (PDF). Mammal Review. 44 (2): 88–93.
  32. ^ Kruger, O.; Wolf, J. B. W.; Jonker, R. M.; Hoffman, J. I.; Trillmich, F. (2014). "Disentangling the contribution of sexual selection and ecology to the evolution of size dimorphism in pinnipeds". Evolution. 68 (5): 1485–1496.
  33. ^ Riedman 1990, pp. 3, 68–70
  34. ^ a b c Riedman 1990, p. 16
  35. ^ a b Berta 2012, p. 62.
  36. ^ Riedman 1990, pp. 253–255
  37. ^ Berta, Sumich & Kovacs 2006, p. 317.
  38. ^ Riedman 1990, p. 31
  39. ^ Berta 2012, p. 62
  40. ^ Riedman 1990, pp. 5.
  41. ^ Fish, F. E. (2003). "Maneuverability by the sea lion Zalophus californianus: Turning performance of an unstable body design". Journal of Experimental Biology. 206 (4): 667–74.
  42. ^ Riedman 1990, pp. 3–4.
  43. ^ Feldkamp, S.D. (1987). "Swimming in the California sea lion: morphometrics, drag and energetics" (PDF). The Journal of Experimental Biology. 131 (1): 117–135.
  44. ^ a b Fish, F. E. (1996). "Transitions from drag-based to lift-based propulsion in mammalian swimming". Integrative and Comparative Biology. 36 (6): 628–41
  45. ^ Berta 2012, p. 62–64
  46. ^ Riedman 1990, p. 7.
  47. ^ a b Kastelein, R. A. "Walrus" in Perrin, Würsig & Thewissen 2009, pp. 1212–1216
  48. ^ Berta 2012, p. 63.
  49. ^ Riedman 1990, pp. 7–8.
  50. ^ Riedman 1990, p. 11.
  51. ^ a b English, A. W. (2009). "Limb movements and locomotor function in the California sea lion (Zalophus californianus)". Journal of Zoology. 178 (3): 341–364.
  52. ^ Riedman 1990, pp. 11–12.
  53. ^ Riedman 1990, p. 12.
  54. ^ a b Riedman 1990, p. 43.
  55. ^ Berta 2012, pp. 67.
  56. ^ Mass, A. M.; Supin, A. Y. (2007). "Adaptive features of aquatic mammals' eye". The Anatomical Record. 290 (6): 701–15.
  57. ^ Riedman 1990, p. 45.
  58. ^ a b Riedman 1990, p. 46.
  59. ^ Lavigne, D. M. "Harp seal" in Perrin, Würsig & Thewissen 2009, pp. 542–546
  60. ^ Davis, Randall W. (2019). Marine mammals. Adaptations for an aquatic life. Springer.
  61. ^ Hanke, F. D.; Hanke, W.; Scholtyssek, C.; Dehnhardt, G. (2009). "Basic mechanisms in pinniped vision". Experimental Brain Research. 199 (3–4): 299–311.
  62. ^ Riedman 1990, pp. 3, 49
  63. ^ Riedman 1990, p. 39.
  64. ^ Kastak, D.; Schusterman, R. J. (1998). "Low-frequency amphibious hearing in pinnipeds: Methods, measurements, noise, and ecology". The Journal of the Acoustical Society of America. 103 (4): 2216–2228.
  65. ^ Kowalewsky, S.; Dambach, M.; Mauck, B.; Dehnhardt, G. (2006). "High olfactory sensitivity for dimethyl sulphide in harbour seals". Biology Letters. 2 (1): 106–09.
  66. ^ Riedman 1990, p. 40.
  67. ^ Schusterman, R. J.; Kastak, D.; Levenson, D. H.; Reichmuth, C. J.; Southall, B. L. (2000). "Why pinnipeds don't echolocate". The Journal of the Acoustical Society of America. 107 (4): 2256–64.
  68. ^ Miersch, L.; Hanke, W.; Wieskotten, S.; Hanke, F. D.; Oeffner, J.; Leder, A.; Brede, M.; Witte, M.; Dehnhardt, G. (2011). "Flow sensing by pinniped whiskers". Philosophical Transactions of the Royal Society B: Biological Sciences. 366 (1581): 3077–84.
  69. ^ Schulte-Pelkum N, Wieskotten S, Hanke W, Dehnhardt G, Mauck B (2007). "Tracking of biogenic hydrodynamic trails in harbour seals (Phoca vitulina)". Journal of Experimental Biology. 210 (Pt 5): 781–787.
  70. ^ Grant R, Wieskotten S, Wengst N, Prescott T, Dehnhardt G (2013). "Vibrissal touch sensing in the harbor seal (Phoca vitulina): how do seals judge size?". Journal of Comparative Physiology A. 199 (6): 521–531
  71. ^ Miersch, L.; Hanke, W.; Wieskotten, S.; Hanke, F. D.; Oeffner, J.; Leder, A.; Brede, M.; Witte, M.; Dehnhardt, G. (2011). "Flow sensing by pinniped whiskers". Philosophical Transactions of the Royal Society B: Biological Sciences. 366 (1581): 3077–84
  72. ^ a b Murphy, T.C.; Eberhardt, W.C.; Calhoun, B.H.; Mann, K.A.; Mann, D.A. (2013). "Effect of Angle on Flow-Induced Vibrations of Pinniped Vibrissae". PLOS ONE. 8 (7): e69872.
  73. ^ Renouf, D. (1991). "Sensory reception and processing in Phocidae and Otariidae". In Renouf, D. (ed.). Behaviour of Pinnipeds. Chapman and Hall. p. 373.
  74. ^ Riedman 1990, p. 42.
  75. ^ a b Riedman 1990, p. 25
  76. ^ Berta 2012, p. 69.
  77. ^ Berta, Sumich & Kovacs 2006, p. 245
  78. ^ a b Miller, N. J.; Postle, A. D.; Orgeig, S.; Koster, G.; Daniels, C. B. (2006b). "The composition of pulmonary surfactant from diving mammals". Respiratory Physiology & Neurobiology. 152 (2): 152–68.
  79. ^ a b c Costa, D. P. (2007). "Diving physiology of marine vertebrates". Encyclopedia of Life Sciences (PDF).
  80. ^ Berta, Sumich & Kovacs 2006, p. 241
  81. ^ Riedman 1990, pp. 14, 18.
  82. ^ Berta 2012, p. 65.
  83. ^ Berta, Sumich & Kovacs 2006, p. 220.
  84. ^ Mitani, Y.; Andrews, R. D.; Sato, K.; Kato, A.; Naito, Y.; Costa, D. P. (2009). "Three-dimensional resting behaviour of northern elephant seals: Drifting like a falling leaf". Biology Letters. 6 (2): 163–166
  85. ^ Lapierre, J. L.; Kosenko, P. O.; Kodama, T.; Peever, J. H.; Mukhametov, L. M.; Lyamin, O. I.; Siegel, J. M. (2013). "Symmetrical serotonin release during asymmetrical slow-wave sleep: Implications for the neurochemistry of sleep–waking states". The Journal of Neuroscience. 33 (6): 2555–2561.
  86. ^ a b c d e Lavinge, D. M.; Kovacs, K. M.; Bonner, W. N. "Seals and Sea lions" in MacDonald 2001, pp. 147–155
  87. ^ Riedman 1990, p. 61.
  88. ^ Riedman 1990, pp. 94–95
  89. ^ Riedman 1990, p. 96.
  90. ^ Frans, Veronica F.; Augé, Amélie A.; Edelhoff, Hendrik; Erasmi, Stefan; Balkenhol, Niko; Engler, Jan O. (2018). "Quantifying apart what belongs together: A multi-state species distribution modelling framework for species using distinct habitats". Methods in Ecology and Evolution. 9 (1): 98–108
  91. ^ Riedman 1990, p. 99
  92. ^ Forcada, J. "Distribution" in Perrin, Würsig & Thewissen 2009, pp. 316–321
  93. ^ Riedman 1990, pp. 256–257
  94. ^ Riedman 1990, pp. 172–175
  95. ^ Berta 2012, pp. 70, 78
  96. ^ Riedman 1990, pp. 144–145.
  97. ^ Riedman 1990, pp. 166–168.
  98. ^ Roffe, T. J.; Mate, B. R. (1984). "Abundances and feeding habits of Pinnipeds in the Rogue River, Oregon". The Journal of Wildlife Management. 48 (4): 1262–1274.
  99. ^ Riedman 1990, p. 162
  100. ^ Riedman 1990, p. 153
  101. ^ Berta 2012, pp. 67
  102. ^ Riedman 1990, p. 155
  103. ^ Riedman 1990, pp. 161–162
  104. ^ Riedman 1990, pp. 31–32
  105. ^ a b c d Weller, D. W. "Predation on marine mammals" in Perrin, Würsig & Thewissen 2009, pp. 923–931
  106. ^ Riedman 1990, p. 218
  107. ^ Mitani, Y.; Andrews, R. D.; Sato, K.; Kato, A.; Naito, Y.; Costa, D. P. (2009). "Three-dimensional resting behaviour of northern elephant seals: Drifting like a falling leaf". Biology Letters. 6 (2): 163–166.
  108. ^ Riedman 1990, p. 138
  109. ^ Siniff, D. B.; Bengtson, J. L. (1977). "Observations and hypotheses concerning the interactions among crabeater seals, leopard seals, and killer whales". Journal of Mammalogy. 58 (3): 414–416.
  110. ^ Riedman 1990, pp. 178–179
  111. ^ Riedman 1990, p. 212
  112. ^ Riedman 1990, pp. 184–188, 196
  113. ^ Riedman 1990, pp. 187–188
  114. ^ a b c d e f g h i Mesnick, S. L.; Ralls, K. "Mating systems" in Perrin, Würsig & Thewissen 2009, pp. 712–718
  115. ^ Odell, D. K. "The Fight to Mate: Breeding strategy of California sea lions" in MacDonald 2001, pp. 172–173
  116. ^ Campagna, C. "Aggressive behavior, intraspecific" in Perrin, Würsig & Thewissen 2009, pp. 18–22
  117. ^ a b c d e Dubzinski, K. M.; Thomas, J. A.; Gregg, J. D. "Communication in marine mammals" in Perrin, Würsig & Thewissen 2009, pp. 260–268
  118. ^ Riedman 1990, p. 186
  119. ^ Riedman 1990, pp. 212–215
  120. ^ Boness, D. J.; Bowen, D.; Buhleier, B. M.; Marshall, G. J. (2006). "Mating tactics and mating system of an aquatic-mating pinniped: the harbor seal, Phoca vitulina". Behavioral Ecology and Sociobiology. 61: 119–30.
  121. ^ Leboeuf BJ (1972). "Sexual behavior in the Northern Elephant seal Mirounga angustirostris". Behaviour. 41 (1): 1–26.
  122. ^ Lidgard, D. C.; Boness, D. J.; Bowen, W. D.; McMillan, J. I. (2005). "State-dependent male mating tactics in the grey seal: the importance of body size". Behavioral Ecology. 16 (3): 541–49.
  123. ^ Riedman 1990, p. 196
  124. ^ Campagna, C., B. Le Boeuf (1988). "Reproductive behavior of southern sea lions". Behaviour. 104 (3–4): 233–261.
  125. ^ Riedman 1990, pp. 209–210, 212–215
  126. ^ Cox, C. R.; Le Boeuf, B. J. (1977). "Female incitation of male competition: A mechanism in sexual selection". The American Naturalist. 111 (978): 317–35.
  127. ^ Boness, D. J.; Anderson, S. S.; Cox, C. R. (1982). "Functions of female aggression during the pupping and mating season of grey seals, Halichoerus grypus (Fabricius)". Canadian Journal of Zoology. 60 (10): 2270–2278.
  128. ^ Reiter, J.; Panken, K. J.; Le Boeuf, B. J. (1981). "Female competition and reproductive success in northern elephant seals". Animal Behaviour. 29 (3): 670–687.
  129. ^ Riedman 1990, p. 215
  130. ^ Berta 2012, pp. 75–76
  131. ^ Berta 2012, p. 76
  132. ^ Riedman 1990, p. 224
  133. ^ a b c Berta 2012, pp. 76–78
  134. ^ Riedman 1990, p. 245
  135. ^ Riedman 1990, p. 222
  136. ^ Riedman 1990, p. 265.
  137. ^ Berta 2012, pp. 76–77.
  138. ^ Riedman, M. L.; Le Boeuf, B. J. (1982). "Mother-pup separation and adoption in northern elephant seals". Behavioral Ecology and Sociobiology. 11 (3): 203–13.
  139. ^ Berta 2012, pp. 77–78
  140. ^ Mann, J. "Parental behavior" in Perrin, Würsig & Thewissen 2009, pp. 830–835
  141. ^ Berta 2012, p. 78.
  142. ^ Renouf, D. (2012). The Behaviour of Pinnipeds. Springer Science & Business Media. p. 263.
  143. ^ a b Cassini, M. H. (1999). "The evolution of reproductive systems in pinnipeds". Behavioral Ecology. 10 (5): 612–616.
  144. ^ Riedman 1990, p. 290.
  145. ^ a b Nowak, R. M. (2003). Walker's Marine Mammals of the World. Johns Hopkins University Press. pp. 80–83.
  146. ^ Campagna, C.; Le Boeuf, B. J.; Cappozzo, J. H. (1988). "Pup abduction and infanticide in southern sea lions". Behaviour. 107 (1–2): 44–60.
  147. ^ Cziko, Paul A.; Munger, Lisa M.; Santos, Nicholas R.; Terhune, John M. (1 December 2020). "Weddell seals produce ultrasonic vocalizations". The Journal of the Acoustical Society of America. 148 (6): 3784–3796.
  148. ^ Riedman 1990, pp. 328, 335
  149. ^ Sanvito, S.; Galimberti, F.; Miller, E. H. (2007). "Having a big nose: Structure, ontogeny, and function of the elephant seal proboscis" (PDF). Canadian Journal of Zoology. 85 (2): 207–220.
  150. ^ Riedman 1990, p. 327.
  151. ^ Thomas, J. A.; Terhune, J. "Weddell seal Leptonychotes weddellii" in Perrin, Würsig & Thewissen 2009, pp. 1217–1219
  152. ^ Opzeeland, I. V.; Parijs, S. V.; Bornemann, H.; Frickenhaus, S.; Kindermann, L.; Klinck, H.; Plötz, J.; Boebel, O. (2010). "Acoustic ecology of Antarctic pinnipeds" (PDF). Marine Ecology Progress Series. 414: 267–291.
  153. ^ Riedman 1990, pp. 325–326, 329–330, 332, 334–335.
  154. ^ Schusterman, R. J.; Kastak, D. (1993). "A California sea lion (Zalophus californianus) is capable of forming equivalence relations" (PDF). Psychological Record. 43 (4): 823–39.
  155. ^ Gisiner, R.; Schusterman, R. J. (1992). "Sequence, syntax, and semantics: Responses of a language-trained sea lion (Zalophus californianus) to novel sign combinations" (PDF). Journal of Comparative Psychology. 106 (1): 78–91
  156. ^ Cook, F.; Rouse, A.; Wilson, M.; Reichmuth, M. (2013). "A California sea lion (Zalophus californianus) can keep the beat: Motor entrainment to rhythmic auditory stimuli in a non vocal mimic". Journal of Comparative Psychology. 127 (4): 412–427.
  157. ^ Mathevon, N; Casey, C; Reichmuth, C; Charrier, I (2017). "Northern elephant seals memorize the rhythm and timbre of each others voices". Current Biology. 27 (15): 2352–2356.
  158. ^ Riedman 1990, p. 331.
  159. ^ Dickenson 2016, p. 87.
  160. ^ Jøn, A. Asbjørn (1998). "Dugongs and Mermaids, Selkies and Seals". Australian Folklore: A Yearly Journal of Folklore Studies (13): 94–98.
  161. ^ Dickenson 2016, pp. 106–109
  162. ^ Sigvaldadóttir, Sigurrós Björg (2012). "Seals as Humans—Ideas of Anthropomorphism and Disneyfication" (PDF). Selasetur Working Paper (107).
  163. ^ a b Larson, S. (1999). "Seal and Sea lion". In Bell, C. E. (ed.). Encyclopedia of the World's Zoos. Vol. 3. Taylor & Francis. pp. 1148–50.
  164. ^ Dickenson 2016, pp. 59–61.
  165. ^ "The Case Against Marine Mammals in Captivity" (PDF). Humane Society of the United States and World Animal Protection. pp. 3, 18.
  166. ^ Leinwand, D. (27 February 2003). "Sea lions called to duty in Persian Gulf". USA Today.
  167. ^ Kreider, R. (31 May 2011). "The Real Navy Seals – and Sea Lions and Dolphins and Whales". ABC News
  168. ^ "Frequently Asked Questions". U.S. Navy Marine Mammal Program.
  169. ^ a b c Reeves, R. "Hunting of marine mammals" in Perrin, Würsig & Thewissen 2009, pp. 585–588
  170. ^ Riedman 1990, p. 115
  171. ^ a b Riedman 1990, p. 112.
  172. ^ Beckman D. W. (2012). Marine Environmental Biology and Conservation. Jones & Bartlett Publishers. p. 315.
  173. ^ Johnson, W. M.; Karamanlidis, A. A.; Dendrinos, P.; de Larrinoa, P. F.; Gazo, M.; González, L. M.; Güçlüsoy, H.; Pires, R.; Schnellmann, M. "Monk Seal Fact Files". monachus-guardian.org.
  174. ^ Riedman 1990, pp. 112–113.
  175. ^ Noronha, C. (4 April 2010). "Canada's harp seal hunt kicks off". NBC News.
  176. ^ Gillies, R. (23 March 2009). "Canada seal hunt begins amid controversy". Huffington Post.
  177. ^ Duffield, D. A. "Extinction, specific" in Perrin, Würsig & Thewissen 2009, pp. 402–404
  178. ^ "Zalophus californianus japonicus (CR)". Japan Integrated Biodiversity Information System. Red Data Book (in Japanese). Ministry of the Environment (Japan).
  179. ^ "Taxonomy search: Phocidae, Otarridae, Odobenidae". The IUCN Red List of Threatened species. IUCN. 2013.1.
  180. ^ a b Riedman 1990, p. 115.
  181. ^ Metchalfe, C. (23 February 2012). "Persistent organic pollutants in the marine food chain". United Nations University.
  182. ^ Berta 2012, p. 161.
  183. ^ Laidre, K. L.; Stirling, I.; Lowry, L. F.; Wiig, Ø.; Heide-Jørgensen, M. P.; Ferguson, S.H. (2008). "Quantifying the sensitivity of Arctic marine mammals to climate-induced habitat change". Ecological Applications. 18 (2 Suppl): S97 – S125.
  184. ^ Stenson, G. B.; Hammill, M. O. (2014). "Can ice breeding seals adapt to habitat loss in a time of climate change?". ICES Journal of Marine Science. 71 (7): 1977–1986.
  185. ^ Ferguson, Steven H.; Young, Brent G.; Yurkowski, David J.; Anderson, Randi; Willing, Cornelia; Nielsen, Ole (2017). "Demographic, ecological, and physiological responses of ringed seals to an abrupt decline in sea ice availability". PeerJ. 5: e2957.
  186. ^ Garrott RA, Rotella JJ, Siniff DB, Parkinson CL, Stauffer GE (2012). "Environmental variation and cohort effects in an Antarctic predator". Oikos. 121 (7): 1027–1040.
  187. ^ Forcada, Jaume; Trathan, P. N.; Reid, K.; Murphy, E. J. (2005). "The Effects of Global Climate Variability in Pup Production of Antarctic Fur Seals". Ecology. 86 (9): 2408–2417.
  188. ^ French, C. (10 April 2013). "Sea lions take over Ventura docks". the Log.com.
  189. ^ Bruscas, A. (27 July 2012). "Shocking new idea for sea lion control". The Daily World.
  190. ^ Frans, Veronica F.; Augé, Amélie A.; Fyfe, Jim; Zhang, Yuqian; McNally, Nathan; Edelhoff, Hendrik; Balkenhol, Niko; Engler, Jan O. (2022). "Integrated SDM database: Enhancing the relevance and utility of species distribution models in conservation management". Methods in Ecology and Evolution. 13 (1): 243–261.
  191. ^ Sheets, B. (3 February 2012). "As sea lion populations grow, conflicts increase". Herald Net.
  192. ^ "Endangered Salmon Predation Prevention Act". Northwest Regional Office, National Oceanic and Atmospheric Administration. 26 July 2012.
  193. ^ Lavigne, D. (2003). "Marine mammals and fisheries: The role of science in the culling debate". In Gales, N.; Hindell, M.; Kirkwood, R. (eds.). Marine Mammals: Fisheries, Tourism and Management Issues: Fisheries, Tourism and Management. Csiro Publishing. p. 41
مرجّعة من "https://ary.wikipedia.org/w/index.php?title=زعانفيات_الرجلين&oldid=425133"