ريتشارد بن عزوز
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
ريتشارد بن عزوز
| ||
| معلومات عامة | ||
| زيادة | 24 نونبر 1950 (74 عام) Oulad Teima | |
| لجنسية | الولايات المتاحدة د ميريكان لمغريب | |
| لحرفة | ناشط حقوقي، مفتش الضرائب و يوتوبر | |
| لّوغات لي كيعرف | الداريجة لمغريبية | |
   
| ||
رحال الهواري لمعروف ب ريتشارد بن عزوز (مزيود ف 24 نونبر 1950 ف ولاد تايمة) هوّ ناشط و يوتيوبر مغريبي عندو الجنسية د لميريكان. عزوز معروف ب لمعارضة ديالو للنظام السياسي ف لمغريب، لي عبّر عليها ف ڤيديوات ديالو ب داريجة فيها بزاف ديال تخصار لهضرة.[1][2]
ريتشارد بن عزوز تزاد ف ولاد تايمة حدا تارودانت، و كبر ف الدارلبيضا. خدم كوليكتور ديال الضرائب، و تتّاهم ب الرشوة و لإبتزاز، و تطرد من خدمتو. هادشي خلاه يهاجر للميريكان ف 1972. ف السنوات اللخرة ولّا عضو ف حاراكة معارضة ديال الجمهوريين لمغاربا، لي أسسها أحمد تاشفين بلقزيز ف 7 ماي 2012.[1][3]
تّشهر عزوز من 2013 بسباب لمواقف ديالو لي كاتعارض لملكية و تامغرابيت، سيرتو من مورما لإصلاحات لي تبعو حركة 20 فبراير ماعطاوش النتائج لي كانو بزاف د الشباب كيتسناوها. الشباب لمغاربا ولاو كينشرو لمقاطع ديال لڤيديوات ديالو و كيعاودو عبارات لي كيڭولها ف دوك لڤيديوات، كا طريقة للتعبير على السخرية.[1][2]
تال 14 ماي 2017، كانو عندو 40000 أبوني ف لقناة ديالو ديال يوتوب، و 13 مليون مشاهدة ديال لڤيديوات ف لمجموع.[2]
بشكل عام كيعتابر عزوز بلي التقافة لغربية متفوّقة على التقافة ديال لمغريب، و هادشي كيفسّر علاش بدل سميتو ل "ريتشارد".[1] ف نفس لوقت كيعتابر بلي لمغريب "سيطرات عليه التقافة لعربية"، و بلي لمغاربا خاصهم يردّو لقوة و لإعتبار للتقافة لأمازيغية.[2][4]
لأفكار ديال ريتشارد عزوز ماكانش عندها شي تأتير فكري وسط الشباب، حتى من بين الناشطين لأمازيغ، ولايني لمقاطع ديال لڤيديوات و السكرينات ديالهم تنتاشرو ف أنتيرنيت على شكل ميمات بسباب لأسلوب لكوميدي ديالو.[1]
- ^ a b c d e Benharousse، Rachid (30 يوليوز 2020). "Against the Homeland: Popular exilic antagonism through "Azzouz is Mad"". مأرشيڤي من لأصل ف 17 شتنبر 2020. تطّالع عليه ب تاريخ 27 أبريل 2025. Cite journal requires
|journal=(معاونة) - ^ a b c d Anass، Sedrati (2017). "The use of YouTube in Morocco as an instrument of social critique and opposition: Three cases: Richard Azzouz, Hamid El Mahdaouy, Najib El Mokhtari" (PDF). مأرشيڤي من لأصل (PDF) ف 14 مارس 2020. تطّالع عليه ب تاريخ 27 أبريل 2025. Cite journal requires
|journal=(معاونة) - ^ "مساخيط العهد الجديد.. الحلقة السابعة : "ريتشارد عزوز"". hibapress. 2019-12-30. تطّالع عليه ب تاريخ 2025-04-27.
- ^ ""اليوتيوبيون" المغاربة وشيطنة الرأي العام : (ريتشارد عزوز نموذجا)". 2017-04-15. تطّالع عليه ب تاريخ 2025-04-27.