روما لقديمة
روما لقديمة (ب النڭليزية Ancient Rome) هوّ مصطلح ف علم التاريخ لعصري لي كيشير ل لحضارة الرومانية من التأسيس ديال مدينة روما الطاليانية ف لقرن 8 قبل لميلاد، حتال لإنهيار ديال لإمبراطورية الرومانية لغربية ف لقرن 5. هادشي كيشمل مملكة روما (753 حتال 509 قبل لميلاد)، الجمهورية الرومانية (509 حتال 27 قبل لميلاد)، و لإمبراطورية الرومانية من 27 ق.م تال 476 ميلادية فاش نهارت لإمبراطورية الرومانية لغربية.[1][a]
روما لقديمة بدات بحال تجمع سكني طالياكي (ديال شبه ڭزيرة الطاليان)، لي التقاليد كيڭولو بلي تأسس ف 753 قبل لميلاد، حدا واد تيبر. هاد التجمع تطور باش يعطي مدينة روما، و معا لوقت بدا كيسيطر على لمحيط ديالو ب مزيج ديال التحالفات و لقوة لعسكارية. و وصل باش يسيطر على شبه ڭزيرة الطاليان، و متص التقافة ليونانية لي كانت ديك لوقت مسيطرة ف جنوب الطاليان (ماڭنا ڭريكيا)، زيادة على التقافة لإتروسكية، باش يولّي أكبر قوة ف لميديطيراني و مناطق من ؤروپا. ف لأوج ديال روما لقديمة، سيطرات على سواحل شمال إفريقيا، مصر، جنوب ؤروپا، أغلبية ديال ؤروپا لغربية، لبلقان، قريميا، مناطق كبيرة من الشرق لأوسط بما فيها أناطوليا و الشام، و شوية من بلاد بين لويدان و لڭزيرة لعربية. لإمبراطورية لي بناو الرومان كاتّعتابر وحدة من أكبر لإمبراطوريات لي دازو ف التاريخ لقديم، و كانت مساحتها وصلات ل 5 مليون كلم مربع ف عام 117، تحت لحكم ديال لإمبراطور طرايان،[2] ب 50 تال 90 مليون د السكان، لي كيمتّلو 20% د لبشرية ف داك لوقت.[b] الدولة الرومانية تطورات من مملكة نتيخابية، ل جمهورية كلاسيكية، و من بعد بشكل متزايد ل ديكتاتورية عسكارية ؤطوقراطية ف لفترة لإمبراطورية.
روما لقديمة ف لعادة كاتّجمع معا ليونان لقديمة ف مصطلح لعصر لقديم لكلاسيكي، و لمجتمعات و التقافات لمتشابهين لي كوّنو بجوج كيشكّلو لعالم ليوناني الروماني. لحضارة الرومانية لقديمة ساهمات ف اللوغات لعصرية باش كانهضرو، ف الدين، لمجتمع، الطيكنولوجيا، لقانون، السياسة، لحكومة، فن لحرب، لفن، لأداب، لمعمار و لهنداسة. روما خلقات عسكر حتيرافي و موسع، دارت نظام ديال لحكومة لي سماتو ريس پوبليكا res publica، لي كان مصدر إلهام ديال لأنظمة الجمهورية بحال ف فرانسا و لميريكان.[3] و قدرات تدير إنجازات عظيمة ف الطيكنولوجيا و لمعمار، بحال لبني ديال قنالات د لما و طرقان على جميع لمناطق د لإمبراطورية، زيادة على معالم و مرافق فخيمة.
- ↑ The specific dates vary, depending on whether one follows Roman tradition, modern archaeology, or competing views of which particular events mark endpoints.
- ↑ There are several different estimates for the population of the Roman Empire.
- Scheidel, Saller & Morris 2007, p. 2 estimates 60 million.
- Goldsmith, Raymond W. (September 1984). "An Estimate of the Size And Structure of the National Product of the Early Roman Empire". Review of Income and Wealth. 30 (3): 263. doi:10.1111/j.1475-4991.1984.tb00552.x. estimates 55.
- Beloch, Karl Julius (1886). Bevölkerung der griechisch-römischen Welt (ب الألمانية). Duncker. p. 507. estimates 54.
- Maddison, Angus (2007). Contours of the World Economy, 1–2030 AD. Essays in Macro-Economic History. Oxford University Press. pp. 51, 120. ISBN 978-0-1992-2721-1. estimates 48.
- Roman Empire Population estimates 65 (while mentioning several other estimates between 55 and 120).
- McLynn, Frank (2011). Marcus Aurelius: Warrior, Philosopher, Emperor (ب الإنجليزية). Random House. p. 3. ISBN 978-1-4464-4933-2.
[T]he most likely estimate for the reign of Marcus Aurelius is somewhere between seventy and eighty million.
- McEvedy, Colin; Jones, Richard (1978). Atlas of world population history. New York: Penguin. ISBN 0-1405-1076-1. OCLC 4150954. OL 4292284M.
- an average of figures from different sources as listed at the US Census Bureau's Historical Estimates of World Population مؤرشف 13 أكتوبر 2013 فموقع وايباك ماشين
- Kremer, Michael (1993). "Population Growth and Technological Change: One Million B.C. to 1990" in The Quarterly Journal of Economics 108(3): 681–716.
- ↑ "ancient Rome - Facts, Maps, & History". Encyclopædia Britannica (ب الإنجليزية). Retrieved 5 شتنبر 2017.
- ↑ Taagepera, Rein (1979). "Size and Duration of Empires: Growth-Decline Curves, 600 B.C. to 600 A.D.". Social Science History. 3 (3/4): 125. doi:10.2307/1170959. ISSN 0145-5532. JSTOR 1170959. Turchin, Peter; Adams, Jonathan M.; Hall, Thomas D (December 2006). "East-West Orientation of Historical Empires". Journal of World-Systems Research. 12 (2): 222. doi:10.5195/JWSR.2006.369. ISSN 1076-156X.
- ↑ Furet, François; Ozouf, Mona, eds. (1989). A Critical Dictionary of the French Revolution. Harvard University Press. p. 793. ISBN 978-0-6741-7728-4.; Luckham, Robin; White, Gordon (1996). Democratization in the South: The Jagged Wave. Manchester University Press. p. 11. ISBN 978-0-7190-4942-2.; Sellers, Mortimer N. (1994). American Republicanism: Roman Ideology in the United States Constitution. NYU Press. p. 90. ISBN 978-0-8147-8005-3.
