دي ڤي دي

الدي ڤي دي هو واحد الديسك الرقمي اللي كيتستعمل باش نخزنو فيه الصوت، الڤيديو، و البيانات الأخرى. بدا كايتستعمل فـ 1995 و ولا من الوسائط لمشهورين ڭاع ف العالم باش يتخزنو الأفلام، الموسيقى، و البرامج.

الوصف

الدي ڤي دي بحال السي دي ولكن كيعطي قدرة تخزين كبر بزاف. الحجم ديالو عادة 12 سنتيمتر، و كيقدر يخزن بين 4.7 حتى 17 ڭيڭابايت على حساب النوع. كاينين نواع مختالفين:

• سطح واحد كيخزن حتى ل 4.7 ڭيڭابايت.
• جوج سطوح كيخزن حتى ل 8.5 ڭيڭابايت.
• جوج سطوح و جوج جوانب كيخزن حتى ل 17 ڭيڭابايت.

التاريخ و الإنتاج

الدي ڤي دي تصاوب على يد شركات كبيرة بحال فيليپس، صوني، پاناصونيك، و طوشيبا باش يكون سرع و كبر من السي دي. بدا كايتباع فـ 1996 و نتاشر بزّربة خاصة ف الأفلام و لپيسيات.

التخدامات

• تخزين الأفلام و البرامج د التلفازة.
• تخزين ألعاب الڤيديو و البرامج ديال الأورديناطور.
• نقل و مشاركة البيانات الرقمية.

المميزات

الدي ڤي دي كيعطي جودة عالية ديال الصوت و الصورة مقارنة ب السي دي، و كيمكنو يخزن البيانات كثر ف حجم صغير. وخا بانو تقنيات جداد بحال البلو-راي و الخدمات الرقمية. الدي ڤي دي مازال مستعمل من الناس اللي كيبغيو يحتافظو ب نسخ فيزيائية (ماشي غير رقمية).

الإصدار

الدي ڤي دي كيتباع ف محلات الموسيقى و الڤيديو، و حتى ف الإنترنت، و كيتصدر ب شكال مختالفين: أفلام، برامج، و ألعاب. كاينين أفلام قدام اللي خرجو ف السينيما ولا التلفازة، عندهم نسخة ف الدي ڤي دي.

مصادر

هادي زريعة ديال مقالة خاصها تّوسع. تقدر تشارك ف لكتبة ديالها.