ديڤيد لينتش

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.

ديڤيد لينتش
معلومات عامة
زيادة	20 يناير 1946 ميسولا
لموت	16 يناير 2025 (78 عام) لوس أنجلوس
طريقة دلموت	موتة طبيعية
سباب لموت	نفاخ رئوي و الاسترواح
لجنسية	الولايات المتاحدة د ميريكان
لحرفة	مخرج د لأفلام، مومتيل، سيناريست، ملحّين، ممتل د الصوت، رسام د الروسوم، زوّاق، مونتور، ممتيل د التلفازة، شاعر د لغنا، فنان تشكيلي، ممتيل د لأفلام، مونتيج د أفلام، مصوّر، موخريج، كتاتبي د لأغاني، مصوير سينيماطوڭرافي، فنان موسيقي، كاتب د السينيما، كاتب و مونتيج
لّوغات لي كيعرف	نڭليزية
لفاميلة
لواليد	Donald Lynch
لواليدة	Sunny Lynch
خوت	Martha Lynch Levacy و John Lynch
شريك	Peggy Reavey (1967–1974), طلاق Mary Fisk (1977–1987), طلاق ماري سويني (2006–2007), طلاق Emily Stofle (2009–2023), طلاق
لولاد	جينيفر لينش Lula Boginia Lynch Austin Jack Lynch Riley Lynch
معلومات خرى
لأعمال	(1977) رأس ممحاة (1980) الرجل الفيل (1986) بلو فلفت (1992) توين بيكس: النار تمشي معي (1997) الطريق السريع المفقود (2001) طريق مولهولاند
ستيل	فلم دراما، نيو-نوار، فيلم د لخلعة، فلم إثارة نفسية، فلم إثارة، فيلم رعب نفسي، سينما سريالية، فلم مستقل، فلم تجريبي، فلم دراما وجريمة، فيلم درامي نفسي، إثارة وجريمة، فيلم خيال علمي، فيلم رعب عن الجسد، فيلم د لجريمة، فلم تاريخي، فيلم دراما تاريخي، فيلم تشويق، فلم خيال، فيلم كوميديا كحلة، فلم رياضة و فلم سيرة ذاتية
لجوايز	(2020)  جائزة سيدجيس الشرفية الكبرى (2020)  جائزة الأوسكار الشرفية (1 أكتوبر 2007)  نيشان جوقة الشرف من رتبة ضابط (2006)  جائزة الأسد الذهبي (2006)  جائزة الأسد الذهبي للمسيرة الفنية (2002)  وسام جوقة الشرف من رتبة فارس (2001)  جائزة كان لأفضل إخراج, على لخدمة طريق مولهولاند (1999)  جائزة الفيلم الأوروبي لأفضل فيلم غير أوروبي, على لخدمة القصة المستقيمة (1993)  جائزة زحل (1990)  السعفة الذهبية, على لخدمة وايلد ات هارت (1982)  جائزة سيزار (1982)  جائزة سيزار لأفضل فلم أجنبي, على لخدمة الرجل الفيل  الخاتم القيصري لغوسلار  النسر الكشفية

ديڤيد كيث لينتش (مزيود ف 20 يناير 1946، توفى ف 16 يناير 2025) صانع أفلام، فنان تشكيلي، موسيقي و مومتيل ميريكاني. كيتّعتابر لينتش بشكل عام من أعظم صنّاع لأفلام ف التاريخ، و بزاف كيڭولو عليه بلي كان "ڤيزيونير"، و خدا إشادات كبيرة على لأفلام ديالو لي تميّزات ب السوريالية و التجريبية. ف لكاريير ديالو لي متدات على 5 د لعقود، نال بزاف د الجوائز، بحال السبع الدهبي ديال لإنجاز ف لكاريير ف مهرجال لأفلام د ڤينيسيا ف 2006، و جايزة لؤسكار الشرفية ف 2019.

لينتش درس الرسيم و دار أفلام قصار قبل مايدير أول فيلم طويل ديالو، لي هوّ فيلم د لخلعة الجسدية ب عنوان راس لڭومة Eraserhead (1977) لي لقى نجاح كا فيلم ديال نص الليل. خدا إشادة ديال النقّاد و ترشيحات ل جايزة لؤسكار على أحسن مخريج على الدراما لبيوڭرافية الراجل لفيل (1980) Elephant Man، و على لأفلام لفنية د النيو نوار و د لغموض لمخمل الزرق (1986) Blue Velvet و طريق مولهولاند (2001) Mulholland Drive. و على فيلم الدراما الرومانسية و الجريمة همجي ف لقلب (1990) Wild at Heart، خدا الجريدة د الدهب Palme d'Or ف مهرجان كان د لفيلم. زيادة على هادشي، دار لإخراج ديال فيلم لؤپيرا د لفضاء جبيّل (1984) Dune، فيلم النيو نوار لوطوروط لمفقودة (1997) Lost Highway، فيلم الطريق لقصة لمسڭدة (1999) The Straight Story، و لفيلم التجريبي د لپسيكولوجيا و لإتارة لإمبراطورية الداخلية (2006) Inland Empire.

لينتش دار معا مارك فروصط لإنتاج ديال السيرية د التلفازة د لخلعة السوريالية "توين پيكس" Twin Peaks ف قناة إي بي سي، مابين 1990 و 1991. و خدا على ودّها 5 د الترشيحات ل جايزة إيمي د پرايمتايم، منها وحدة على "إخراج متميّز ديال سيرية د الدراما" و وحدة على "سيناريو متميز ديال سيرية د الدراما". لينتش شارك ف السيناريو و لإخراج ديال لفيلم د التسبيقة توين پيكس: لعافية كاتمشي معايا (1992) Twin Peaks: Fire Walk with Me و لموسم التالت د السيرية ف 2017. لكاريير د التمتيل ديالو شملات أدوار ف سيريات بحال توين پيكس، ذ كليڤلاند شوو (2010 تال 2013) The Cleveland Show، لوي (2012) Louie، و أفلام بحال مزهار (2017) Lucky و ذ فابلمانز (2022) The Fabelmans. و دار لإخراج ديال ڤيديو كليپات ل فنانين بحال كريس إزاك، إكس جاپان، موبي، إنطرپول، ناين إنتش نييلز و ضونوڤان، و إشهارات تجارية ديال ماركات بحال ضيور، إيڤ سان لورون، ڭوتشي Gucci و ديال الديپارطومو د نيويورك ديال الصرف الصحي.

لينتش خدم تا موسيقي، و خرّج ألبومات صولو، و خدم تا ف الديزاين ديال لموبل، الرسيم لكارتوني، لانيماصيون، لفوطوڭرافي، و لكتابة. كان كيمارس لميديطاسيو التجاوزية Transcendental Meditation، و دار مؤسسة ديڤيد لينتش باش يموّل دروس ديال لميديطاسيو للناس لي كيعانيو من صعوبات. لينتش كان كيكمي حياتو كلها، و توفى بسباب تعقيدات ديال نفاخ الرية Emphysema، بعدما تّعتق من دارو فاش طراو لعوافي د جنوب كاليفورنيا د يناير 2025.