ديسكورد
 | هاد لمقال مامراجعش. (فبراير 2026) |
ديسكورد
| ||
 | ||
مثال ديال بوت سميتو "Pigeon ex3" وهو خدام وسط منصة ديسكورد. | ||
| معلومات عامة | ||
| تاريخ د لبدية | 13 ماي 2015 | |
| شكون طورو | Discord Inc. | |
| لونڭاج | جافا سكريبت، إليكسير، رست، بايثون و سي++ | |
| ريپو د لكود | https://github.com/discord | |
| تّرخيص | رخصة امتلاكية | |
| سيستيم د تّشغيل | ماك أو إس، لينوكس، آي أو إس، سيستيم د التشغيل أندرويد، سركال الويب، مايكروسوفت ويندوز، إكس بوكس و بلاي ستيشن | |
| لستيعمال | تضافر و نقل الصوت باستعمال بروتوكول الإنترنت | |
| لموقع رّسمي | https://discord.com/، https://discord.gg و https://discord.new | |
ديسكورد (ب لونڭلي: Discord) هو صوفتوير ومنصة ديال تواصل لإجتماعي كايخلي الناس يهضرو بالصوت، لڤيديو، الشات د الكتبه، ويصيفطو لبعضياتهم لفيشيات. كايتخدم بزاف ف اللعاب، لقراية، لمجمتعات، والخدمة عن بعد. تلونصا ف ماي 2015 وخدام ف ويندوز، ماك أو إس، أندرويد، آي أو إس، لينوكس وحتى ف السيتات د الويب.[1]
ديسكورد قادوه جيسون سيترون وستانيسلاف فيشنيفسكي. لغرض ديالهم كان هو يديرو شي بلاتفورم ساهلة ف التواصل بين لڭيمرز بلا ما يوقع ليهم مشكل ف الصوت ولا "اللاڭ". الاسم "Discord" تختار حيت ساهل ف النطق وعندو علاقة بالهضرة.[2]
خرج لبرنامج للناس ف ماي 2015، وسرعان ما ولا مشهور بزاف وسط اللعابة، ومن بعد كبر حتى ولاو يخدموه الطلبة، لفنانين، والشركات.[3]
ديسكورد فيه بزاف د لمزايا بحال الشات د لكتيبة، لكونفيرساسيون بالصوت ولڤيديو، ومشاركة الشاشة. كايعتامد على السيرفرات ولقنوات، وفيه نظام ديال الرتب والبوتات اللي كايزيدو وظائف جديدة.[4]
السيرفر ف ديسكورد هو مجتمع فيه بزاف د لقنوات (نصية وصوتية). الناس يقدروا يعطيو رتب للأعضاء باش يسيرو الصلاحيات، بحال لمشرفين والإدارة.[5]
ديسكورد فيه نسخة ب لفلوس سميتها "نيترو"، كاتعطي مزايا زايدة بحال لفيشيات كبار، "جيفات" (GIFs) ف لبروفايل، كاليتي طالعة، وإيموجيات مخصصين.[6]
ف اللول كان ديسكورد معروف غير عند لڭيمرز، ولكن دابا كايستعملوه الطلبة، لمبرمجين، الشركات الصغيره، وصانعي لمحتوى ف كاع لمجالات.[7]
ديسكورد واجه انتقادات على قبل التنمر لكتيروني، ومشاكل لخصوصية. بعض الدول فرضات عليه قوانين قاصحة بسباب مراقبة لمحتوى اللي كايتشارك فيه.[8]
ديسكورد تابع لشركة "ديسكورد إنكوربوريتيد" اللي كاينة ف سان فرانسيسكو ف الولايات المتحدة د ميريكان. الشركة بقات مستقلة وخدامة ف العالم كامل.[9]
- ↑ "Discord" (ب الإنجليزية). Retrieved 2026-01-28.
{{cite web}}: Text "Encyclopædia Britannica" ignored (معاونة) - ↑ "Discord Company Information". Discord (ب الإنجليزية). Retrieved 2026-01-28.
- ↑ "Discord (software)" (ب الإنجليزية). Retrieved 2026-01-28.
- ↑ "Discord Features Overview". Discord Support (ب الإنجليزية). Retrieved 2026-01-28.
- ↑ "Getting Started with Discord Servers". Discord Support (ب الإنجليزية). Retrieved 2026-01-28.
- ↑ "Discord Nitro". Discord (ب الإنجليزية). Retrieved 2026-01-28.
- ↑ "Discord expands beyond gaming". The Verge (ب الإنجليزية). Retrieved 2026-01-28.
- ↑ "Discord controversies and moderation issues" (ب الإنجليزية). Retrieved 2026-01-28.
- ↑ "Discord Inc. Company Profile". Crunchbase (ب الإنجليزية). Retrieved 2026-01-28.
| عالمي | |
|---|---|
| جغرافيا | |
| فنانين | |
| غيرهم | |
