دير سان سالڤادور دي لييري
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
دير سان سالڤادور دي لييري
| ||
| ||
| معلومات عامة | ||
| نوع | benedictine abbey و معلم تذكاري إسباني | |
| لبلاد | سپانيا | |
| لموضع | Yesa | |
| تاريخ د لبني | لقرن 9 | |
| لمالك | Government of Navarra | |
| سّتيل | عمارة رومانسكية و Pre-Romanesque architecture | |
| تصنيف تراتي | معلم تراثي ذو أهمية ثقافية و جزء من مواقع التراث العالمي | |
| معلومات إضافية | ||
| السيت الرسمي | monasteriodeleyre.com | |
دير سان سالڤادور دي لييري (ب لباسكية: Leireko San Salbatore monasterioa صبليونية: Monasterio de San Salvador de Leyre) هو دير رومانسكي كاين على علو 771 ميترو، قريب من ضاية ييسا ف ناڤارا (صبانيا).
تأسس دير ف لبدية د لقرن حضاش، كانت هي لبلاصة د دفين د لملوك د ناڤارا و تكرسات لكنيسة ف عام 1057.[1] ف داك لوقت كانو كيتختارو لأساقفة د پامپلونا من بين روايس ديال دير د لييري.
ف لقرن طناش، مورما توحدات لمملكة د ناڤارا مع مملكة أراڭون، تهجر دير لييري؛ حيت لملوك فضلو بلاصتو دير سان خوان دي لا پينيا. تضررات لمالية د دير و سمعة ديالو بسباب مشاكيل طويلة بين رهبان و لأسقف د پامپلونا.
تهجر دير ف لقرن تسعطاش، و موراها من 1954 عاودو عمروه رهبان لبينديكتين لي كانو ف دير سيلوس؛[1] عاودو صلحو لباطيمات و بداو كيديرو تراتيل لڭريڭورية. تحل ؤطيل ف لباطيمات ف لقرن سبعطاش.
كاتكون لمجموعة من حنيات كاتمتل شكال ديالها ريوسا د لحيوانات و ماسكات، و كيهيمن برج على كلشي.
كاين دهليز تحت من لكنيسة رومانية لفوقانية لي كاترجع ل لقرن حضاش، كاتبان قدم، فيها سواري قويين، وقبات كبار مزينين ب شكالات هنداسية، وعندها نفس لبلان د لكنيسة.
كيدي دهليز، على طريق واحد تونيل، ل تمتال سان ڤيريلا، لي هو رايس قديم ديال دير، و لي على حساب لأسطورة دوز تلتمية عام كيسمع ل صوت د لبلبل.[2]
كيرجع ل لقرن طناش، وهو مزوق بزاف. كاتمل طبلة لمسيح ضاير بيه لقديس بولس و لقديس يوحنا على ليسر ديالو و لقديس بطرس و سيدة مريم لعدرة على يمين ديالو و جوج ديال تمتالات خرين مامعروفينش ب سباب مامحافضينش عليهم مزيان. اطبلة هي لخدمة ديال لمعلم إسطيبان. فوق من لقواس د لباب كيبان لقديس ميكائيل راكب على دراڭون، و لقديس نوليلو و لقديس ألوديا كيجريو فرحانين ل تعديب.
كيرجع تاريخ د لهيكل ل لقرن حضاش، ف لوقت لي كيرجع فيه تاريخ صحن د لكنيسة لي عندو ستيل رومانسكي ل قرون حضاش و طناش. ف وسط لمحراب كاين تمتال ديال سانطا ماريا دي لييري.
على طول سور شمالي كيبان تمتال د لمسيح على صليب كيرجع ل لقرن ربعطاش، و ف واحد لبلاصة مسدودة ب شبيك كاين صندوق خشبي منحوت لي هو لبلاصة د دفين د لملوك لولين د ناڤارا.[2]
ف لجيهة لجانوبية، كاتدي واحد دخلة رومانسكية ل كنيسة صغيرة فيها حاجز خلفي كيرجع تاريخ ديالو ل لقرن سبعطاش وكيعاود لحياة د لقديس نوليلو و لقديس ألوديا.
تدفن في دّير بزاف د ناس من سّلالة لملكية د خيمينيز، لي أصلهم من لمنطاقة د لييري. تجمعو لعضوما لملكية ف صندوق ف 1613. تركبات ف 1915 بلاكة تدكارية فيها سميات ناس لي توفاو ف دير.
ليستة د لقبورا لملكية:
- إنييڭو أريسطا، ماليك ناڤارا (824-851)
- ڭارسيا لول، ماليك ناڤارا (851-882)
- فورتون، ماليك ناڤارا (882-905)
- سانشي لول، ماليك ناڤارا (905-925)
- ڭارسيا تاني، ماليك ناڤارا (925-970)
- راميري، ماليك ڤيڭيرا (970-981)
- سانشي تاني، ماليك ناڤارا (970-994)
- ڭارسيا تالت، ماليك ناڤارا (994-1000)
- أندري فيبوس، أمير ڤيانا (1501-1503)
-
دير. -
دير. -
دهليز. -
لباب لغربي. -
سانطا ماريا دي لييري.
- ^ a b "Monastère de Leyre à Yesa". Spain.info (ب لفرانساوية). تطّالع عليه ب تاريخ 2025-03-07.
- ^ a b "Monastère de Leyre". VisitNavarra (ب لفرانساوية). تطّالع عليه ب تاريخ 2025-03-07.