انتقل إلى المحتوى

دود سطواني

من ويكيپيديا
لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.
دود سطواني
دود سطواني
معلومات عامة
سمية لعيلميةNematoda
(Karl Rudolphi، 1808)
لخاصية د ترتابفيلوم
تابع لانسلاخيات
لعيشة
عايش فلفترة525 ملاين دالسنين قبل لميلاد


الدود لخيطي ولا الدود السطواني كايشكلو لفيلوم لخيطيات (سمية علمية: Nematoda). النواع ف هاد لفيلوم كايعمرو نطاق واسع ديال لبيئات. لغالبية ديال النواع كايكونو عايشين حرّين، كاياكلو لميكروبات، بلحق شلا منهم كايكونو پارازيطيين. الدود لپارازيطي (الدود لمصراني) هوما السباب د مرض لتيهاب الدود لپارازيطي الدايز من التراب.

هوما كايتكلاصاو معا مفصليات الرجلين، تقيلات الزطمة و لحيوانات لخرين لي كاينسالخو ف التقسيمة كامليات التبدال (ولا الطيّاحيات). عكس الدود لفطح، الدود السطواني عندهم سيستيم هضمي عنبوبي، هوما عندهم عدد منقوص د جينات هوكس، و لايني لفيلوم لخت ديالتهم خيطيات الشكل خلّاو الجينوتيپ هوكس السلفي د لولانيات لفم، هادشي لي كايبيّن بلي التنقاص وقع وسط لفيلوم خيطيات.[1]

نواع لخيطيات يمكن ليهم يكونو صعاب باش تفرّز واحد من لاخر. ف التالي، تقديرات نوامر نواع الدود لخيطي ماميقونش منو. واحد الستيطلاع د 2013 د بيوتنواع لحيوانات قتارح بلي كاين كتر من 25,000 نوع.[2][3] تقديرات النمرة الطوطال د النواع لباقيين فيها مجادلة كبر. واحد لمقالة مرجع ب شكل كبير د 1993 قدّرات بلي يقدر يكون كتر من مليون نوع د لخيطيات.[4] واحد لمنشور لاحق تحدّى هاد لدّيعا، و قدّر بلي لعدد ديالهم يقدر يكون علاقل 40,000 نوع.[5] وخا التقديرات الطالعين (كتر من 100 مليون نوع) من ديك لوقت و هوما مهمولين، التقديرات لمدعمين ب لمنحنيات دالترقاق (rarefaction؛ معايرة النسمات)،[6][7] معا التخدام د لباركوضاج د لاديئين[8] و الزيادة ف معرفة النواع الصعاب ف التفراز عراضين النطاق بينات لخيطيات،[9] حطو عدد النواع قرب من مليون نوع.[10]


لخيطيات فلحو ف لأضاپطاسيو علاين ف أي إيكوسيستيم: من لما لبحري (لمالح) ل لما لحلو، التراب، من لمناطق لقطبيين ل لبلايص لمداريين، و حتى ف لعلوّات الطالعين و لحادرين ݣاع. هومايا شايعين ب زايد ف بيئات لما لحلو، د لبحر، و لأرضيين، فين دايماً كايكونو كتر من لحيوانات لخرين يا ف لحساب د لفراد ولا ف [[نوع (بيولوجيا)|النواع)، و كايتصابو ف مواضع منوعين بحال الجبال، الصحاري، و لخنادق لمحيطيين. هوما كايتلقاو ف كل طرف من الليطوسفير (غلاف لرض الصخري)،[11] حتى ف لفوندوات لكبار، 0.9–3.6 كم تحت من سطح لرض ف مناجم الدهب ف جنوب إفريقيا.[12] هوما كايمتلو 90٪ من ݣاع لحيوانات ف قاع لمحيط.[13] ف الطوطال، 4.4 × 1020 خيطي كايسكنو ف التراب لفوقاني د لرض، ولا تقريباً 60 مليار ل كل بنادم، لكتافات لكبر ݣاع تقشعو ف التوندرا ولا لغابات الشماليين.[14] لحكام النوامري ديالهم، لي دايماً كايفوت مليون فرد ف لميطرو مكعب و لي كايشكل جوايه 80٪ من ݣاع لحيوانات لفراد ف الدنيا، تنواع دورات حياتهم، و حضورهم ف شلا نيڤوات تقواتيين كاينعّت ل واحد الدور مهم ف بزاف د لإيكوسيستيمات.[15][16] هوما عندهم دوار حاسمين ف السيستيمات لإيكولوجيين لقطبيين.[17][18] على بونت 2,271 ݣنس محطوطين ف 256 فاميلة.[19] الشكال لپارازيطيين لمعددين كايجمعو مرّاضات ديال جل النبتات و لحيوانات. واحد التلت من لݣنوس كايكونو پارازيطات ديال السنسوليات؛ جوايه 35 نوع من الدود السطواني كايتعتابرو پارازيطات د بنادم.[20]

الطاكسونوميا و السيستيماتيات

[بدل | بدل لكود]

التاريخ

[بدل | بدل لكود]
كارل لينيوس وصف الدود السطواني ب لحساب د الدريݣو لمديني (Dracunculus medinensis)، لي كايبان ف التصويرة تحت من جلدة لفلان.[21]

ف 1758، كارل لينيوس وصف لخيطيات (nematodes) ب صيفتهم شي شوية د لݣناس كايشملو دودة لمصران (Ascaris) و الدريݣو (Dracunculus)، من بعد دخّل ݣنس الدودة (Vermes).[22] سمية لݣروپ خيطيات (Nematoda)، جات من (Nematoidea؛ شباه لخيطيات)، لي عرّفها ف لأصل كاغل غوضولفي ف 1808،[23] من ليونانية لقديمة نيما (νῆμα؛ خيط) و إييّديس (ειδής؛ 'نوع'). تعامل معاها كا فاميلة من بوْهمايسطه ف 1837.[24] ف لبدية ديالتها، "شباه لخيطيات" شملات ب شكل غالط لخيطيات و خيطيات الشكل (Nematomorpha)، لي خصّلهم طيوضوغ إغنست فون زيبولت ف 1843. هوما و مشوكات الراس (Acanthocephala)، لمتقبيات (Trematoda) و شباه السينتيات (Cestoidea؛ شباه الشريطيات)، شكلو لݣروپ لمهمول لحيوانات الدخلانيين (Entozoa)،[25] لي تصاوب من غوضولفي ف 1808.[26] هوما كانو مكلاصيين معا مشوكات الراس ف لفيلوم لمهمول الدوديات لخيطيين (Nemathelminthes) من ݣيݣينباوه ف 1859.[27] ف 1861، كاغل موغيتس ديزين تعامل معا لݣروپ ب صيفتو تنضيمة لخيطيات.[28] ف 1877، الطاكسون شباه لخيطيات، ب حساب فاميلة ݣورديات (Gordiidae؛ دود زغب لخيل)، تزيّد ل رتبة فيلوم من راي لانكيستر.[29] اول تفراز واضح بينات لخيطيات (nemas) و لݣورديات كان من فرانتيشيك ڤييْضوڤسكي منين سمّى لݣروپ لي فيه دود زغب لخيل تنضيمة خيطيات الشكل ف 1886.[30]

ف 1910، ݣغوبن قتارح لفيلوم دوديات لكيس (Aschelminthes) و لخيطيات تشملو ب صيفتهم كلاص لخيطيات معا لكلاصات حمالات الرويضة (Rotifera)، مزغبات لكرش (Gastrotricha)، محركات لقنوفة (Kinorhyncha)، لقضيبيات (Priapulida؛ ولا پرياپوليات) و خيطيات الشكل.[31] ف 1919، نايثن كوب قتارح بلي لخيطيات خصهم يتعتارف بيهم كا فيلوم بوحديتهم، و حط شبيهات لخيطيات (Nematoidea) ب صيفتهم مرادف ليهم ب لمعنى الضيّق.[32] ف 1932، پوتس طلّع لكلاص خيطيات ل مرتابة د فيلوم، و خلّا السمية النيت.[33] وخا لكلاصاجات د پوتس و كوب كانو مساويين، السميات ب جوج تخدّمو، و لخيطيات (Nematode) ولا مصطلح شعبي ف علم لحيوان.[34][35]

فيلوجينيا

[بدل | بدل لكود]

لعلاقات لفيلوجينيين ديال لخيطيات و قرابهم لقراب بينات لولانيات لفم مازال ماتلقى ليهم حل. ب شكل تقليدي، كانو كايتعتابرو ب صيفتهم نسل ديال راسهم، بلحق ف التسعينات، تقتارحو باش يشكلو لݣروپ طياحيات (Ecdysozoa) هوما و لحيوانات لي كاينسالخو، بحال مفصليات الرجلين. هوية لقراب لمرتابطين كتر ب لخيطيات من ديما كاتعتابر محلولة مزيان. لفيلوجينيات لموليكيين و لمورفولوجيين كايتافقو ف حطان الدود السطواني كا طاكسون خت ل خيطيات الشكل لبرزاطا؛ ب جوج بيهم، كايصايبو شبيهات لخيطيات (Nematoida). معا حمالات لعتلة (Scalidophora؛ ف لفايت قنوفيات الراس)، شبيهات لخيطيات كايصايبو التقسيمة حلقيات لعصاب (Cycloneuralia)، و لايني ماكانش واحد التيفاق بينات الضاطا لموليكية و لمورفولوجية. حلقيات لعصاب ولا لمقوقعيات (Introverta)–على حساب الشرعية د التقسيمة اللولى– ف لغالب كايتكلاصاو كا فيلوم فوقاني.[36] التحاليل لموليكيين الجداد حطّو لخيطيات قرب ل ݣاع-مفصليات الرجلين على حمالات لعتلة، ب تشكيل التقسيمة دوديات مخبيين (Cryptovermes) معا التقسيمة السابقة.[37] غير هو، شي دراسات دعمو فرضيات بدايل، ب حطان لخيطيات معا تقيلات الزطمة[38] ولا معا حمالات الدرع.[39] التحسان ف ف لفيلوجينيا لموليكية صفّا عاوتاني التعراشات الدخلانيين ديال لخيطيات.[40][41]

السيستيماتيات

[بدل | بدل لكود]

ب سباب النقصان د لمعرفة على بزاف ديال لخيطيات، السيستيماتيات دياولهم مازال كمّالين. واحد لكلاصاج بكراني و مؤتر فايت تقتارح من تشيتوود و تشيتوود[42]— ف اللاحق تعاود تراجع من تشيتوود[43]— لي قسّم لفيلوم ل جوج كلاصات—اللاطيفياويات (Aphasmidia) و الطيفياويات (Phasmidia)— و هاد الجوج ف اللاحق تعاودو تسماو حمّالات لغدّة (Adenophorea) و لفرّازيات (Secernentea)، ب شكل مرادف.[44] لفرّازيات كايشركو شلا خصايل، بحال لحضور د لعضو الطيف ولا لفاصما (phasmids)، لي هو فردة ديال لاعضاء لحسيين، مبلاصيين ف لموضع لبراني الجنبي، و هادشي تخدّم ب صيفتو ساس على قبل هاد التقسام. هاد الشيما تلتازم بيها ف شلا كلاصاجات لحقو، وخا حمّالات لغدّة ماكانوش ف واحد لݣروپ موحد.

الدراسات لبديانيين ديال تسنسيلات لاديئين[45] ماكاملينش قتارحو لوجود د خمسة ديال التقسيمات[46]:

  • حرباويات لحلق (Dorylaimida)
  • لمسلحيات (Enoplia)
  • لملوّيات (Spirurina)
  • رمحياويات لعقدة (Tylenchina)
  • لعصاويات (Rhabditina)

لفرّازيات كايبانو بلي هوما ݣروپ طبيعي مشكل من قراب مرتابطين ب شكل قريب، أما حمّالات لغدّة كايبانو بلي هوما واحد التستيفة مشابه التعراش (paraphyletic) ديال الدود السطواني لي بقى عندهم عدد مزيان من لمزيّات السلفيين. لݣروپ لقديم د لمسلحيات ماكايبانوش بلي هوما وحدانيين التعراش، بلحق كايملكو جوج نسولا مفرّزين. لݣروپ لقديم مزوقات الجلدة (Chromadorea) كايبانو بلي هوما واحد التستاف مشابه التعراش وحد آخر، معا فرّاديات لولّادة (Monhysterida) كايمتلو واحد لݣروپ صغير قديم بزاف ديال لخيطيات. بينات لفرّازيات، مدوبلات لمعدة (Diplogasteria) يمكن كايخصهم يتوحدو معا لعصاويات، أما رمحيات لعݣدة يقدرو يكونو مشابهات التعراش معا لعصاوياويات.[47]

لفهامة د سيستيماتيات الدود السطواني و لفيلوجينيا على حساب 2002 ملخصة لتحت:

فيلوم خيطيات

  • التنضيمة لقاعدية فرّاديات لولّادة (Monhysterida)
  • كلاص حرباوياويات لحلق
  • كلاص مسلحاويات (enoplea)
  • كلاص فرّازيات
    • كلاص تحتانية مدوبلات لمعدة (كايتناقش فيها)
    • كلاص تحتانية عصاوياويات (مشابهات التعراش؟)
    • كلاص تحتانية ملوّياويات
    • كلاص تحتانية رمحيات لعݣدة (كايتناقش فيها)
  • التستاف د"مزوّقات الجلدة" (Chromadorea)


لخدامي اللاحقين قتارحو لحضور د 12 تقسيمة.[48] ف 2019، واحد الدراسة عرّفات واحد التدخال-تزوال سينياتوري محفوض (conserved signature indel) واحد تصاب ب شكل حصري ف أعضاء من لفيلوم خيطيات من تحاليل جينيين مقارنيين.[49] الCSI مشكل من تدخال فرّادي د حمض أميني وسط لموضع لمحفوض د Na(+)/H(+) تباديل د پروتين عامل ريݣولاطور NRFL-1 و واحد الرشّام موليكي لي كايفرّز لفيلوم على النواع لخرين.[50] واحد التحليل ديال لاديئين لميطوكوندري كايقتارح بلي التستاف الجاي شرعي.[51]

  • كلاص تحتانية حريبياويات لحلق
  • تنضيمات عصيوياويات، الزغيّبيات (Trichinellida)، و لكورديات (Mermithida)
  • تنضيمة تحتانية عصيويات
  • تنضيمات سفليين ملوّيات الشكل و قزيبوماضيات الشكل

ف 2022 واحد لكلاصاج جديد د لفيلوم خيطيات كامل تحط من م. هودا. تبازا على الدليل لموليكي، النماوي و لمورفولوجي د دابايا.[52] تحت هاد لكلاصاج، لكلاصات و لكلاصات التحتانيين هوما:

  • كلاص مسلحات
    • كلاص تحتانية مسيلحاويات
    • كلاص تحتانية مخطافيات لحلق (Oncholaimia)
    • كلاص تحتانية تلاتيات لمخطاف (Triplonchia)
  • كلاص حرباويات لحلق

كلاص تحتانية حرباويات لحلق (Dorylaimia)

    • كلاص تحتانية غارقات السنان (Bathyodontia)
    • كلاص تحتانية مزغبات الراس (Trichocephalia)
  • كلاص مزوّقات الجلدة
    • كلاص تحتانية مزيوقات الجلدة (Chromadoria)
  • كلاص تحتانية مضفورات (Plectia)

التاريخ لفوصيلي

[بدل | بدل لكود]

بيضات لخيطيات من التقسيمات دوديات لمصران، لملوّيات و مزغبات الراس تكتاشفو ف لكوپروليتات (coprolites؛ لخرا لمحجر) من تشكيل طريميمبي من عصر لأوليݣوسين، لي كايمتل واحد اللاك قديمة (palaeolake) ف منطاقة ساو پاولو د دابا ب تستاف فوصيلي منوع ديال الطيور، لحوت، و مفصليات الرجلين، هادشي لي خلاها تكون بيئة مواتية ل واحد التنواع كبير د لخيطيات.[53] لخيطيات تصابو عاوتاني ف شلا مراسب د لاݣرسطاتن (lagerstätten)، بحال لكهرمان لبورمي، تشكيل مولطراسيو، و صوانة رايني، فين تعرفو أقدم لفوصيلات لمعروفين.

أناطوميا

[بدل | بدل لكود]
أناطوميا دخلانية د دكر ديال الجديدوعصوية الرشيقة.
مقطع عرضي ديال نتوا من ݣنس دودة لمصران، الدوّارات لكبار لعامرين ب دوّارات خضرين صغار هوما لولّادة و لبيضات. لخصلة الطويلة الضيّقة هو لمجرى الهضمي. الدوّارات لحمرين و الليمونيين الصغار هوما لمبايض و مسالك لبيض. التزاحيمة د الجلخات لخضرين و لكحلين ف ليمن لفوق و ليسر لتحت هوما لحبال لعصبيين (لكرشي و الضهري). دايرين ب لأعضاء الدخلانيين لعضلات الطوليين ب لخضر لخصّي، الجلدة التحتانية لعلاقة، و الجليّدة لبرانية لخضرا.

لخيطيات هوما دودات مسلوتين و صغار ب زايد. جلهم كايعيشو حرّين، دايماّ كايكونو قل من 2.5 مم ف الطول و شي وحدين كايكون فيهم غير 1 مم تقريباً. بزاف د لخيطيات كايكونو ميكروسكوپيين. شي خيطيات ديال التراب يمكن ليهم يوصلو حتى ل 7 مم ف الطول، و شي نواع بحريين يقدرو يوصلو حتى ل 5 سم. شي وحدين منهم كايكونو پارازيطيين و يمكن ليهم يوصلو ل 50 سم ولا كتر ف الطول.[54]

لكسدة دايماً كاتكون مزوقة ب نتوءات، خراصي، زغيّبات، ولا لقلدات لمفرّزين لخرين.[55]

الراس كايكون مميّز نسبياً. ف لوقيتة لي لباقي ف لكسدة كايكون مماتل ب شكل جاوجي (bilaterally symmetrical)، الراس كايكون مماتل ب شكل شعاوي (radially symmetrical)، ب زغيّبات حسيين و ف شلا حالات، 'دروع د الراس' صليبين خارجين ب شكل شعاوي جوايه لفم. لفم فيه يا تلاتة ولا ستة د الشلقومات، لي غالباً كايرفدو سيرية د السنان ف لقنات الدخلانيين دياولهم. واحد 'لغدة قزيبية' لاصقة دايماً كاتلقى ف لقمقومة ديال الزنطيط.[56] الجلدة لبرانية (epidermis) كاتكون يا واحد لمدموج خلوي (syncytium) ولا واحد الطبقة فرادية ديال لخلايا، و كاتكون مغطية ب واحد الجليّدة كولاجينية غليضة. الجليّدة ف لغالب واحد لقلدة معقدة و يقدرو يكونو فيها جوج ولا تلاتة د الطبقات لمفرّزين. تحت الجلدة لبرانية كاينة واحد الطبقة من لخلايا لعضليين ب شكل طولي. الجليدة الصليبة نسبياً كاتخدْم معا لعضلات باش تصايب واحد لهيدرو سكوليط (hydroskeleton)، حيتاش لخيطيات ناقصينهم لعضلات لمحيطيين (circumferential). لبروزات دايزين من السورفاص الدخلانية د خلايا لعضلات جيهة لحبال لعصبيين؛ هادشي ترتاب فرادي من نوعو ف مملاكة لحيوان، فين لحبال لعصبيين نورمالمو كايجبّدو اللياف ل لعضلة ف بلاصة مايكون لعكس.[57]

السيستيم لهضمي

[بدل | بدل لكود]

التجواف لفمّي مبطن ب جليّدات، لي دايماً كايكونو مصححين ب قلدات، بحال النتوءات، خصوصاً ف النواع اللحايميين، لي يقدرو يرفدو سنان معددين. لفم دايماً كايشمل واحد لمروْد (stylet) ماصي، لي كايدخّلو لحيوان ف لفريسة. عند شي نواع، لمروْد كايكون مجوّف و يقدر يتخدّم ف مصان السوايل من النبات ولا لحيوان.[58] التجواف لفمّي كايتحل ف واحد لبلعوم مصاص معضل، حتى هو مبطن ب الجليّدة. لغدد لهضميين كايتصابو ف هاد لموضع من لمصران، كاينتجو أونزيمات لي كايبداو يهدمو لماكلة. عند النواع حمالين لمروْد، هاد لأونزيمات يقدرو يتحݣنو ف لفريسة.[59]

ݣاعما حاضرة عندهم لمعدة، لبلعوم مربوط نيشان معا واحد لمصران لاعضلي لي كايصاوب الطول الساسي د لمصران. هادشي كايطلق أونزيمات كتر و كايمص حتى التقاوت من التبطان لغليض وحداني لخلية ديالو. الطرف اللخر من لمصران مبطن ب واحد الجليّدة، لي كاتشكل واحد لمسݣم (rectum)، لي كايصرّف الشياطة من الشرج تحت و لقدام د قمقومة الزنطيط. التحراك د لماكلة على طول السيستيم لهضمي هو لحاصول ديال التحراك لكسدي د الدودة. لمصران فيه ڤالڤات ولا عصّارات (sphincters؛ زيّارات) ف لختمات ب جوج باش يعاونو ف لكونطرول د تحراك لماكلة من لكسدة.[60]

سيستيم التخراج

[بدل | بدل لكود]

الشياطة النيكطروجينية كاتخرج على شكل أمونياك من سور لكسدة، و هاد لمادة ݣاعما كاتكون مقرونة ب شي عضو فلاني. غير هو، لقلدات على ود تخراج لملحة على قبل حفيض التنضام لأوزموزي (osmoregulation) كايكونو ف لعادة كتر ف التعقاد.[61]

كاينة واحد لغدة تخراجية، معروفة عاوتاني ب صيفتها خلية كرشية، ولا خلية لكليواتية (renette cell) عند النواع كاملين ف حمّالات لغدّة. عند لفرّازيات كاين واحد السيستيم مسلك تخراجي لي يمكن ليه ولا ݣاعما يمكن ليه يخدّم شي خلية غددية.[62]

السيستيم لعصبي

[بدل | بدل لكود]

ف لختمة لقدامية د هاد لحيوانات كاين واحد لخاتم د لعصب داير كايطوّق لبلعوم خدمتو بحال لمخ.[63] من هاد لخاتم ستة ديال لحبال لعصبيين لحلميين الشلقوميين كايتمدو ل ل لقدّام، ف لوقيتة لي ستة د لحبال لعصبيين؛ حبل عصبي كرشي (ventral؛ مقابل معا لتحت) كبير، واحد لحبل عصبي ضهري (Dorsal؛ مقابل معا لفوق) صغر و جوج فردات د لحبال التحت الجنبيين كايتجبّدو ل اللور.[64] كل عصب كاتّحط وسط شي حبل من النسيج الربّاط لي محطوط مور الجليدة و بينات لخلايا لعضليين. لعصبة لكرشية هي لكبيرة، و فيها قلدة مدوبلة لقدام د لمسام التخراجي. لعصبة الضهرية مكلفة ب لكونطرول لحركي، أما لعصبات الجنبيين كايكونو حسيين، و لعصبة لكرشية كاتجمع لوضايف ب جوج.[65]

السيستيم لعصبي هو لموضع لوحيد ف لكسدة لي فيه لهدب (cilia)؛ لي كاملين بيهم ماكايتحرّحوش ب وضيفة حسية.[66][67]

لكسدة كاتحون مغطية ب بزاف ديال الزغيّبات لحسيين و لحليّمات لي ب جوج بيهم كايمدو حاسة لمسان. مور الزغيّبات لحسيين ف الراس كاينين جوج تقيبات صغار (amphids). هاد التقييات مدعمين مزيان من لخلايا لعصبيين و ف لغالب هوما أعضاء كيموريسيپطورات (chemoreception؛ ستيقباليين كيماويين). شي شوية د لخيطيات لمائيين عندهم جوج نقطات ملونين د لعينين، بلحق واش هادو بصح حسيين ب طبيعتهم باقي ماواضحش.[68]

لمكاترة

[بدل | بدل لكود]
الطرف د واحد لخيطية دكر كايورّي ليبرة، لي كاتخدّم ف لمجامعة لبارّة= 100 ميكروميتر[69]

لغالبية ديال لخيطيات كايكونو جاوجيات السكنة (dioecious؛ نواع كاينتجو خلايا مكاتريين (ݣاميطات) وحدانيين الجنس لي كايكونو يا دكر يا نتوا)، ب فراد مفرقين بين الدكور و النتوات، وخا شي وحدين بحال الدودة لعصوية الجديدة الرشيقة (Caenorhabditis elegans)، كايكونو جاوجيات السكنة دكريين (androdioecious)، مشكلين من خنتات (hermaphrodites) و دكور نادرين. الجناس ب جوج عندهم غدة مناسلية (gonad) عمبوبية وحدة ولا جوج. عند الدكور، لماني كايتطلق ف لختمة ديال لغدة لمناسلية و كايسافر على طول كسدتهم و هوما كاينضجو. لفوييلات كايتحلو ف واحد لحويصلة منوية (seminal vesicle) عريضة نسبياً، من بعد ف وقيت لمجامعة كايتحلو ف واحد لمجرى رمّاي معضل و غددي مقرون ب لوعا النقال (vas deferens) و لمدرق (Cloaca). عند النتوات، كل مبيْض كايتحل ف لمجرى لبويضي (عند لخنتات، لبيض كايدخل ف اللول واحد الجوا منوي) و من بعد ل واحد لولّادة غددية. لولّادات ب جوج كايتحلو ف واحد لفرج/مهبل. ف لعادة مبلاصي وسط السورفاص لكرشية ب شكل مورفولوجي.[70]

لمكاترة كاتكون جنسية ف لعادة ، وخا لخنتات قادرين على التخصاب الداتي. الدكور عادةً صغر من النتوات ولا لخنتات ( دايماً صغر ب زايد) و دايماً عندهم واحد الزنطيط متني ولا على شكل فرفارة ب شكل خصايلي. وقيت التيصال الجنسي (copulation)، يبرة مكيتنة (chitinized spicules) وحدة ولا كتر كايخرجو من لمدرق و كايتخشاو ف لمسام لمناسلي د النتوا. لحيوان لمنوي أميبي الشكل (Amoeboid) كايبدا يزحف على طول لبرة ل لداخل د الدودة النتوا. لحيوان لمنوي د لخيطيات كايتشاف بلي هو لخلية حقيقية النوا لفرّادية لي بلا لپروتين لمكوّر أكتين-G.[71]

لبيضات يقدر يكونو مجننين (embryonated؛ فيهم جنين) ولا لامجننين (unembryonated؛ مافيهمش جنين) منين كايطّرحو من النتوا، هادشي معنيتو لبيض لمخصّب ديالهم يقدر يكون باقي ماتديڤلوپا. شي شوية ديال النواع معروفين بلي هوما بيايضولايديين (ovoviviparous). لبيض كايكون محمي ب واحد لقشرة برانية، مفروزة من لولّادة. عند الدود السطواني حر لعيشة، لبيض كايتفقس ل لارڤات، لي كايبانو مشابهين معا لبالغين، من غير واحد السيستيم مكاتري مامديڤلوپيش مزيان؛ عند الدود السطواني لپارازيطي، دورة لحياة غالباً كاتكون معقدة.[72] قلدة قشرة لبيض كاتكون معقدة و كاتشمل طبقات كتار؛ واحد لكادر عمل مصطلحي و أناطومي تقتارح ف 2023 على قبل هاد الطبقات.[73]

لخيطيات كاملين بيهم كايملكو واحد النطاق عريض ديال موضات لمكاترة.[74] شي خيطيات، كيف ما النواع ف ݣنس لعصوية لمبدلة (Heterorhabditis)، كايدوزو من واحد لعملية سميتها الزيادة الدخلانية قتالة لأم (endotokia matricida): لي هي زيادة وسط لولّادة د لم لي كاتودّي ل موت لم.[75] شي خيطيات كايكونو خنتاويين، و كايخلّيو بيضاتهم لمخصبين داتياً وسط لولّادة حتى كايفقسو. لخيطيات لبزاقل من بعد كايقصيو لخيطي لوالد. هاد لعملية مرّوج ليها ب شكل كبير ف لبيئات لي ب واحد الركيزة هابطة د لماكلة.[76]

النواع لموضيلات من لخيطيات C. elegans، C. brigssae و Pristionchus pacificus بينات نواع خرين، كايورّيو السكنة الجاوجية الدكرية،[77] لي من غير هادشي كاتكون نادرة بزاف بينات لحيوانات. لݣنس لفرّادي الدودة النتوية بتيخية الشكل (Meloidogyne؛ لخيطيات مجدرين لعقدة) كايورّيو واحد النطاق ديال موضات لمكاترة، بحال لمكاترة الجنسية، الجنسية اللامشروطة (فين لغالبية ديال الجيال، بلحق ماشي كلهم، كايتكاترو ب شكل لاجنسي)، و لموالدة لعزرية لي فيها التنصاص (meiotic) و التنصاص لمساوي (mitotic).

ݣنس لعصوية لموسطة (Mesorhabditis) كايورّي واحد الشكل مامولفش بيه ديال لموالدة لعزرية، فين الدكور لي كاينتجو لماني كايتاصلو جنسياً معا النتوات، و لكن لماني ماكايتدمجش معا لبويضة. لكونطاكط معا لماني كايكون لابدا منو ل لبويضة باش تبدا ف التقسام، و لايني حيت حتى شي نديماج د لخلايا ماكايطرا، الدكر ماكايعاون حتى ب شي مادة جينية ل التفريخة، لي هوما ف الساس كلونات (clones) ديال النتوا.[78]

الشرف

[بدل | بدل لكود]

النوع لخيطي لعصوية الجديدة الرشيقة (Caenorhabditis elegans) دايماً كاتخدّم ب صيفتها كائن حي موضيل على ود دراسة الشرف (aging) ف النيڤو لموليكي. متلاً، الشرف عند لعصوية الرشيقة كايقيص ب شكل سلبي الريپاراسيو د لاديئين (DNA repair)، و ل ع. الرشيقات لي وقعو ليهم طفرات و لي عمرهم طويل بان بلي عندهم زيادة ف قابلية الريپاراسيو د لاديئين.[79] هاد لملقيات كايقتارحو واحد لعلاقة محددة جينياً بينات الريپاراسيو د لاديئين و تيساع لعمر.[80] عند نتوات لعصوية الجديدة الرشيقة، عمليات لخط الجنسي (germline) لي كايكونطروليو ريپاراسيو د لاديئين و تشكال التقاطعات لكروموزوميين (chromosomal crossovers) وقيت التنصاص (ولا التقسام التنصاصي) بيّنو بلي كايدّهورو ب شكل مزايد معا لعمر.[81]

النواع حرار لعيشة

[بدل | بدل لكود]

نواع حرار لعيشة مبدلين كاياكلو مواد منوعين بحال لباكتيرية، الطحالب، و للفݣيع، لحيوانات الصغار، لمواد لخراويين، لكائنات لحيين لميّتين، و لانسيجة لحيين. لخيطيات لبحريين حرّين لعيشة هوما أعضاء مهمين و كتار من كائنات لقاع (meiobenthos). هوما عندهم شغل مهم ف عملية التفساخ (decomposition)، كايعاونو ف روسيكلاج التقاوت ف لبيئات لبحريين، و هوما حساسين ل التبدالات ف لبيئة ب سباب التلوات. واحد الدودة سطوانية، لعصوية الجديدة الرشيقة، لي كاتعيش ف التراب و تخدّمات كا كائن حي موضيل. ع.ج. الرشيقة فايت تسنسل جينومها كامل،[82] لمكتاب النماوي ديال كل خلية محدد، و كل عصيبينة مرسوم ليها لخريطة.[83]

النواع لبرزاطا

[بدل | بدل لكود]
پارازيطات خراويين لغالبية فيهم خيطيات، من لخرا ديال مسعودات لعالم لقديم.

لخيطيات ليكايبرزطو ب شكل شايع بنادم كايجمعو دوديات لمصران (Ascaris)، السلكيات، دودات الصنارة، دودات لفنيتة (ݣنس مصراني لعيشة، Enterobius)، و دودات لمسواط (Trichuris trichiura). النوع لمزغبة لببوشية (Trichinella spiralia)، كايمسّو الطوبّات، لحلالف، الدبوبا، و لبشر، و هوما السباب د مرض لمزغبيات (trichinosis). ݣنس دودة لمصران د بايليس (Baylisascaris) لي كاتقيص ف لعادة لحيوانات لبريين، و لايني يمكن ليها تكون قتّالة ل بنادم حتى هوما. النوع ديروفيلاريا إيميتيس (Dirofilaria immitis) معروف كايسبب مرض دودة لقاب ب السكنة ف لقلوب، الشراين، و الريّات د لكلاب و شي قطوط. النوع هيمونتشوس كونطورتوس (Haemonchus contortus) واحد من أكتر لأجوّات لكتار و لي كايقيصو لغنم ف ݣاع قنات لعالم، و كايودّيو ل خسران قتيصادي كبير ف لغنم. عكس من هادشي، لخيطيات مرّاضات لبخوش (entomopathogenic) كايبرزطو لبخوش و جلهم كايتعتابرو نافعين ل بنادم، بلحق شي وحدين كايهجمو عل لبخوشات النافعين.

واحد الشكل من لخيطيات كايكون معوّل ف خطرة على زنابر لكرموص، لي هوما لعوينة لفرّادية د تخصاب لكرموص. هوما كايفرسو الزنابر، كايركبو عليهم من لكرموصة الطايبة فين كايتزاد الزنبور ل نوارة لكرموص فين كايموت، تمايا كايقتلو الزنبور، و التفريخة ديالتهم كايساينو الزيادة د الجيل الجاي د الزنابر ف لوقيت لي لكرموص كايطيب.

ميكروݣراف لإيليكطرون ملوّن ديال خيطية فول الصوجا (Heterodera glycines) و بيضة.

واحد لخيطي برزاط من فاميلة ربعاويات لخيط (tetradonematid) تكتاشف ف 2005، ميرميكونيما نيوطروپيكوم (Myrmeconema neotropicum)، كايزنّدو التاميميكت د لفواكه ف النملة لمدارية سيفالوطيس أطراتوس (Cephalotes atratus). النملات لمعديات كايديڤلوپيو بطون (gasters؛ كروش) حمرين كايلمعو، و كايميلو باش يكونو خاملين، و كايتمشاو ب بطونهم ب واحد لوضعية مهزوزة و واضحة. هاد التبدالات ب شكل غالب كايخلّيو الطيور لفكايهيين يسحاب ليهم النمل توت، و كاياكلوهم. بيضات لپارازيط لمصرفين ف لخرا د الطير كايتجمعو ف اللخر من النملات لقلابات د ك. أطراتوس و كايعطيوهم ل اللارڤات دياولهم ياكلوهم، و بحال هاكدا كاتكمل دورة لحياة د ن. نيوطروپيكوم.[84]

ب شكل مشابه، تنواعات معددين من لخيطيات تصابو ف التجوافات لكرشيين ديال نحلة لعرق (Lasioglossum zephyrus) لي بدائية و جتيماعية. لداخل د كسدة النتوا، النوع لخيطي كايعكّل الديڤلوپي لبويضي و كايرد النحلة مامأكتيڤياش، عليها مفعولية قل ف جميع الرحيق.[85]

لفلاحة و لبستانة

[بدل | بدل لكود]

على حساب النوع، شي خيطية تقدر تكون نافعة ولا ضارّة ل صحة النبات. من لمنضور الزراعي و د لبستانة، لكاطيݣوريات الجوج ديال لخيطيات هوما لخيطيات لفرايسيين، لي كايقتلو لأفات ديال الجردة؛ و لخيطيات لأفات، لي كايهجمو عل النبات، ولا كايخدْمو كا نقًالا (Vectors) كايفرّقو ڤيروسات النبات بينات محصولات د النبات.[86] لخيطيات لفرايسيين كايجمعو لعصوية الطيفية لخنتى (Phasmarhabditis hermaphrodita) لي هي واحد لپارازيط قتال ديال معديات الرجلين بحال لغلال و لبعبول.[87] شي أعضاء من ݣنس خيطية سطاينر (Steinernema) بحال سطاينرنيما كارپوكاپسي (Steinernema carpocapsae) و سطاينرنيما ريوبراڤي (riobrave) كايكونو پارازيطات عامّيين د دودات الشبكة (لارڤات د لخنفوس)، الدود لقوارضي، الدود لعسكر، لمحزّمات، و شي حبّاكات، لخنفوس تقاب لخشب و لعت دود لودن لقطني.[88] هاد لكائنات لحيين معروفين ب شكل شعبي ب صيفتهم أجوّات كايكونطروليو لأفات لي يمكن ليهم يتخدّمو كا بدايل ل لمبيدات؛ تخدامهم كايتعتابر سالم ب زايد.[89] لخيطيات لبرزاطا د النبات كايشملو بزاف د لݣروپات لي كايسببو خيارات كبار ل لمحاصل، كايدّيو 10٪ ديال لمحاصل كل عام ف ݣاع الدنيا.[90] لݣنوس الشايعين ب كترة هوما شبيه رطب لحربة (Aphelenchoides؛ لخيطيات لمورّقين)، جاوجورمحي لعقدة (Ditylenchus)، مكوّر الجليدة (Globodera؛ خيطيات د لبطاطا)، مبدل الجليدة (Heterodera؛ خيطيات فول الصوجا)، طويل لحربة (Longidorus)، النتوية بتيخية الشكل (Meloidogyne؛ خيطيات مجدرات لعقدة)، ناكوبوس، رمحي لعقدة الرياضي، مزغّب لحربة (Trichodorus)، لخيطية لمسيّفة (Xiphinema؛ خيطيات لخنجر). شلا نواع ديال خيطيات برزاطا د النبات كايسببو ضرار نسيجيين ل الجدورا، بحال تشكال د ولسيسات باينين ل لعين (بحال لخيطيات مجدرات لعقدة)، لي هوما خصلات نافعين على قبل التشخيص ديالهم ف السيت. شي نواع د خيطيات كايدوّزو ڤيروسات النبات على طريق ماكلتهم ل الجدور. واحد منهم هو النوع زيفينيما إينديكس (Xiphinema index)، لي هو نقال ڤيروس لورقة لفرفارية د كرمة لعنب (grapevine fanleaf virus)، لي هو مرض مهم د لعنب، وحد آخر هو النوع زيفينيما ديڤيرسيكاوداتوم (Xiphinema diversicaudatum) نقال د ڤيروس لفسيفسا لعربية (mosaic virus). خيطيات خرين كايهجمو على اللحا و شجر لغابة. اكتر ممتل مهم د هاد لݣروپ هو النوع بورسافيلينتشوس زيلزفيلوس (Bursaphelenchus xylophilus)، لي هو خيطي د شجر الصنوبر، حاضر ف آسيا و أمريكا و مؤخراً تكتاشف ف أوروپا. هاد لخيطي كايدوز من شجرة ل شجرة على طريق خنفوس النشار (ݣنس وحداني الطرعة، Monochamus).[91]

لفّارميا د بيوت لغرس كايخدّمو لخيطيات مرّاضات لبخوش ب صيفتهم أجوّات نافعين باش يكونطروليو شنيولات لفݣيع. لخيطيات كايدخلو ل لارڤات الشنيولة من الشرج، لفم، و التنافس (spiracles؛ مسامات التنفاس) و من بعد كايطلقو باكتيريات لي كايقتلو لارڤات الشنيولة. نواع لخيطيات الشايعين ف التخدام على قبل كونطرول لأفات وسط محاصيل بيوت لغرس كايجمعو سطاينرنيما فيلسياي (Steinernema feltiae) على ود شنيولات لفݣيع و تريبسات النوار لغربيين، سطاينرنيما كارپوكاپسي لمخدّمة ف لكونطرول د دبانات الشواطي، سطاينرنيما كراوسي على قبل كونطرول د حبّاكات لكرمة لكوحل، و هيطيرورابديتيس باكطيريوفورا على وديت لكونطرول د لارڤات لخنفوس.[92]

تدوير النبات معا النواع ولا تنويعات لمقاومين ضد لخيطيات هي واحد لوسيلة ديال تسيير عدوات لخيطيات لپارازيطيين. متلاً، زريع نوّارات لݣمرة (marigolds) من ݣنس طاݣيطيس (Tagetes) كا محاصيل-غطا قبل مايزرعو ب شوية شي نبتة محسوسة ل لخيطيات، بيّن بلي كايقمع لخيطيات.[93] واحد لمقاربة خرى كاتشمل تخدام لمضادات الطبيعيين، ب الضبط لباكتيرية و لفݣيع، لي بيّنو بلي عندهم مفعولية ف قميع لخيطيات پرزاطين النبات،[94] بحال لفݣيعة ݣليوکلاديوم روزيوم (Gliocladium roseum). التشيطوسان (Chitosan)، لي هو واحد لبيوكونطرول طبيعي، كايحفّز ستيجابات الدفاعيين د النبتة باش تفنّي خيطيات لكيس لپارازيطيين على الجدور د محاصيل فول الصوجا، الدرة، شمندر السكار، لبطاطا، و ماطيشة بلا مايضرّو لخيطيات النافعين ف التراب. [95] تبخار التراب (Soil steaming) هي واحد لميطود فعالة ف قتيلة لخيطيات قبل مايتزرع شي محصول، بلحق كاتفنّي حيوانات التراب الضارّين و النافعين ب جوج. لخيطي الدهبي ݣلوبوديرا روسطوتشينسيس (Globodera rostochiensis) هي ب الضبط واحد لأفة ضارّة لي سببات ف كارونتينات (عزيل صحي)و خسارات ديال لمحاصيل ف ݣاع الدنيا. هاد النوع يقدر يتكونطرولا، غير هو. CSIRO، لكسدة لعلمية د لبحات د لحكومة لأوسطرالية، لقات واحد النقصان ب 13 ل 14 لمرّة ف كتافات نسمة لخيطيات ف لبقعات لي فيهم سمادات خوضر ديال لموطارد الشينوي (Brassica juncea) ولا لكسبة (seed meal) ف التراب.[96]

لمرضات عند بنادم

[بدل | بدل لكود]
عوام لعمر لمعدّلين ب التعويقة (DALY) على ود لعدوات لمصرانيين د لخيطيات ف ال100,000 ف 2002.
    <  25
  25–50
  50–75
  75–100
  100–120
  120–140
  140–160
  160–180
  180–200
  200–220
  220–240
    >  240
  حتى ضاطا
تأتير أونتي دودي ديال لپاپاين على النوع (Heligmosomoides bakeri

)]]

عدد من لخيطيات لمرّاضات د لمصارن كايسببو مرضات ل بنادم، بحال مرض لاسكارياس (ascariasis)، الزغيبيات (trichuriasis) و مرض دود الصنارة (hookworm disease). النواع ف ݣنس لا-مساوية لبرة (Anisakis) كايبرزطو لحوت و لبزوليات لبحريين و منين كايتكونصوماو من لبشر يقدرو يسببو مرضة لمشاخصيات (anisakiasis)، لي هو مرض د لمعدة ولا أليرجو-معدي.[97] لعدوات لمعدومصرانيين د لخيطيات عند لبشر كايكونو شايعين، ب جوايه 50٪ من النسمة لعالمية مقيوصين. البلدان الناميين هوما لي كايتقاصو كتر، طرف من هادشي ب سباب نقصان الدخول ل التهلية الصحية.[98]

مرض لمزغبيات (Trichinosis) كايبدا ف لمصارن و لايني اللارڤات يقدرو يسافرو ل لعضلة. لخيطيات السلكيين كايسببو ب مرضة لمسلكيات (filariases).

مرضة لمنبليات (Toxocariasis) هي واحد لعدوى حيوانية لبدية سبابها الدود السطواني و كاتدوز ب لكلاب، و شي خطرات لقطوط. يتقدر تنوّض شكال مبدلين من تسافيرات اللارڤا، بحال تسافيرات اللارڤا لفّاديين (visceral larva migrans)، و تسافيرات اللارڤا لعينيين (ocular larva migrans).

الدراسات ورّاو بلي لخيطيات لبرزاطا كايعديو حوتات النونة لأمريكية، هادشي لي كايسبب ف هليك ل نبولة لعومان عند النونة،[99] لحيوانات لحليبيين كيف ما لبݣرة و لݣاموس،[100] و ݣاع النواع د لغنم.[101]

إيكوسيستيمات التراب

[بدل | بدل لكود]

جوايه 90٪ من لخيطيات كايسكنو ف ال15 سم لفوقانية ݣاع من التراب. لخيطيات ماكايفسّخوش لمادة لعضوية، بلحق، ف بلاصة هادشي، كايكونو كائنات پارازيطيين و حرار لعيشة لي كاياكلو لمواد لحيّين. لخيطيات يمكن ليهم ب شكل فعال يريݣلو نسمة لباكتيرية و تركاب لمجتمعات—هوما يقدرو ياكلو حتى ل 5,000 باكتيرية ف الدقيقة. عاوتاني، لخيطيات يمكن ليهم يلعبو دور مهم ف الدورة النيطروجينية على طريق تعدان النيطروجين.[102] و لكن لخيطيات لبرزاطا د النبات كايسببو ملاير ديال الدولارات ف لعام ف هليك لمحاصيل ف ݣاع الدنيا.[103]

واحد لݣروپ ديال لفݣيعات اللحايميين، لفݣيع وكال لخيطيات (nematophagous fungi)، هوما مفتارسين د خيطيات لحمري.[104] هوما كايقدرو ينصبو مصايد ل لخيطيات على شكل حبال ولا قلدات لاصقين.[105][106][107] هوما يمكن ليهم يطلقو طوكسينات مجهدين منين كايتكونطاكطاو معا لخيطيات.[108]

قابلية النجو

[بدل | بدل لكود]

النوع لخيطي لعصوية الجديدة الرشيقة هو واحد لكائن حي موضيل مهم، تخدّم ب صيفتو طرف ف واحد لمشروع بحت باقي كمّال تدار ف الرحلة د 2003 مكوك فضاء كولمبيا STS-107، و نجا ف التفكاك د معاودة الدخول (re-entry breakup؛ رجوع لمكّوك من لفضاء ل لرض). هاد النوع كايتشاف بلي هو النوع لمعروف اللول ݣاع لي نجا من واحد النزول أطموسفيري مامحميش النيت ل السورفاص د لرض.[109][110] لخيطية لأنطاركتيكية پاناݣرولايموس داڤيدي (Panagrolaimus davidi) قدر باش يصبر على التجماد الداخل ل لخلية على حساب شحال توكّل.[111] ف 2023 واحد لفرد من پاناݣرولايموس كوليمينسيس (Panagrolaimus kolymaensis) عاود حيا من بعد 46,000 عام ف التراب الجمادي (ولا لپيرمافروست، permafrost) السيبيري.[112]

  1. ↑ Baker, Emily A.; Woollard, Alison (2019). "How weird is the worm? Evolution of the developmental gene toolkit in Caenorhabditis elegans". Journal of Developmental Biology. 7 (4): 19.
  2. ↑ Hodda, M. (2011). Zhang, Z.-Q. (ed.). "Phylum Nematoda (Cobb, 1932)". Animal biodiversity: An outline of higher-level classification and survey of taxonomic richness. Zootaxa. 3148: 63–95.
  3. ↑ Zhang, Z. (2013). Zhang, Z.-Q. (ed.). "Animal biodiversity: An update of classification and diversity in 2013". Animal biodiversity: An update of classification and diversity (Addenda 2013). Zootaxa. 3703 (1): 5–11.
  4. ↑ Lambshead, P. John D. (January 1993). "Recent developments in marine benthic biodiversity research". Oceanis. 19 (6): 5–24.
  5. ↑ Anderson, Roy C. (2000). Nematode Parasites of Vertebrates: Their Development and Transmission. CABI. pp. 1–2.
  6. ↑ Lambshead, P.J.; Boucher, G. (2003). "Marine nematode deep-sea biodiversity—hyperdiverse or hype?". Journal of Biogeography. 30 (4): 475–485.
  7. ↑ Qing, X.; Bert, W. (2019). "Family Tylenchidae (Nematoda): an overview and perspectives". Organisms Diversity & Evolution. 19 (3): 391–408.
  8. ↑ Floyd, Robin; Abebe, Eyualem; Papert, Artemis; Blaxter, Mark (2002). "Molecular barcodes for soil nematode identification". Molecular Ecology. 11 (4): 839–850.
  9. ↑ Derycke, S.; Sheibani Tezerji, R.; Rigaux, A.; Moens, T. (2012). "Investigating the ecology and evolution of cryptic marine nematode species through quantitative real-time PCR of the ribosomal ITS region". Molecular Ecology Resources. 12 (4): 607–619.
  10. ↑ Blaxter, Mark (2016). "Imagining Sisyphus happy: DNA barcoding and the unnamed majority". Philosophical Transactions of the Royal Society of London B. 371 (1702) 20150329.
  11. ↑ Borgonie, G.; García-Moyano, A.; Litthauer, D.; Bert, W.; Bester, A.; van Heerden, E.; Möller, C.; Erasmus, M.; Onstott, T. C. (June 2011). "Nematoda from the terrestrial deep subsurface of South Africa". Nature. 474 (7349): 79–82.
  12. ↑ Borgonie, G.; García-Moyano, A.; Litthauer, D.; Bert, W.; Bester, A.; van Heerden, E.; Möller, C.; Erasmus, M.; Onstott, T. C. (June 2011). "Nematoda from the terrestrial deep subsurface of South Africa". Nature. 474 (7349): 79–82.
  13. ↑ Danovaro, Roberto; Gambi, Cristina; Dell'Anno, Antonio; Corinaldesi, Cinzia; Fraschetti, Simonetta; Vanreusel, Ann; Vincx, Magda; Gooday, Andrew J. (2008). "Exponential Decline of Deep-Sea Ecosystem Functioning Linked to Benthic Biodiversity Loss". Current Biology. 18 (1): 1–8.
  14. ↑ van den Hoogen, Johan; Geisen, Stefan; Routh, Devin; Ferris, Howard; Traunspurger, Walter; et al. (24 July 2019). "Soil nematode abundance and functional group composition at a global scale". Nature. 572 (7768): 194–198.
  15. ↑ Platt, H.M. (1994). "foreword". In Lorenzen, S.; Lorenzen, S.A. (eds.). The phylogenetic systematics of freeliving nematodes. Ray Society (Series). Vol. 162. London, UK: Ray Society.
  16. ↑ van den Hoogen, Johan; Geisen, Stefan; Routh, Devin; Ferris, Howard; Traunspurger, Walter; et al. (24 July 2019). "Soil nematode abundance and functional group composition at a global scale". Nature. 572 (7768): 194–198.
  17. ↑ Lee, Charles K.; Laughlin, Daniel C.; Bottos, Eric M.; Caruso, Tancredi; Joy, Kurt; et al. (15 February 2019). "Biotic interactions are an unexpected yet critical control on the complexity of an abiotically driven polar ecosystem" (PDF). Communications Biology. 2 (1): 62
  18. ↑ Caruso, Tancredi; Hogg, Ian D.; Nielsen, Uffe N.; Bottos, Eric M.; Lee, Charles K.; Hopkins, David W.; Cary, S. Craig; Barrett, John E.; Green, T. G. Allan; Storey, Bryan C.; Wall, Diana H.; Adams, Byron J. (15 February 2019). "Nematodes in a polar desert reveal the relative role of biotic interactions in the coexistence of soil animals" (PDF). Communications Biology. 2 (1): 63.
  19. ↑ Anderson, Roy C. (8 February 2000). Nematode Parasites of Vertebrates: Their development and transmission. CABI. p. 1
  20. ↑ Anderson, Roy C. (8 February 2000). Nematode Parasites of Vertebrates: Their development and transmission. CABI. p. 1
  21. ↑ خطأ استشهاد: وسم <ref> غير صحيح؛ لا نص تم توفيره للمراجع المسماة "Cox 2002"
  22. ↑ Cox, F. E. G. (2002). "History of Human Parasitology". Clinical Microbiology Reviews. 15 (4): 595–612.
  23. ↑ Chitwood, B.G. (1957). "The English word "Nema" revised". Systematic Biology. 4 (45): 1619.
  24. ↑ Chitwood, B.G. (1957). "The English word "Nema" revised". Systematic Biology. 4 (45): 1619.
  25. ↑ Siddiqi, M.R. (2000). "Introduction, Historical Review and Techniques". Tylenchida: Parasites of plants and insects. CABI. pp. 23–29.
  26. ↑ Schmidt-Rhaesa, A. (2014). "Gastrotricha, Cycloneuralia, and Gnathifera: General history and phylogeny". In Schmidt-Rhaesa, A. (ed.). Handbook of Zoology (founded by W. Kükenthal). Vol. 1, Nematomorpha, Priapulida, Kinorhyncha, Loricifera. Berlin, Boston: de Gruyter.
  27. ↑ Chitwood, B.G. (1957). "The English word "Nema" revised". Systematic Biology. 4 (45): 1619.
  28. ↑ Chitwood, B.G. (1957). "The English word "Nema" revised". Systematic Biology. 4 (45): 1619.
  29. ↑ Chitwood, B.G. (1957). "The English word "Nema" revised". Systematic Biology. 4 (45): 1619.
  30. ↑ Bleidorn, Christoph; Schmidt-Rhaesa, Andreas; Garey, James R. (2002). "Systematic relationships of Nematomorpha based on molecular and morphological data". Invertebrate Biology. 121 (4): 357–364.
  31. ↑ Marcus, Ernesto (1958). "On the Evolution of the Animal Phyla". The Quarterly Review of Biology. 33 (1): 24–58.
  32. ↑ Cobb, N.A. (1919). "The orders and classes of nemas". Contrib. Sci. Nematol. 8: 213–216.
  33. ↑ Wilson, E.O. "Phylum Nemata". nematode.unl.edu. Plant and insect parasitic nematodes.
  34. ↑ Kaestner, Alfred (1964). Lehrbuch der Speziellen Zoologie [Invertebrate Zoology] (in German). Vol. I. VEB Gustav Fischer Verlag; John Wiley & Sons.
  35. ↑ Whittaker, R. H. (10 January 1969). "New Concepts of Kingdoms of Organisms". Science. 163 (3863): 150–160.
  36. ↑ "Bilateria". Tree of Life (tolweb.org). Tree of Life Web Project. 2002
  37. ↑ Howard, Richard J.; Giacomelli, Mattia; Lozano-Fernandez, Jesus; Edgecombe, Gregory D.; Fleming, James F.; Kristensen, Reinhardt M.; Ma, Xiaoya; Olesen, Jørgen; Sørensen, Martin V.; Thomsen, Philip F.; Wills, Matthew A.; Donoghue, Philip C. J.; Pisani, Davide (2022). "The Ediacaran origin of Ecdysozoa: integrating fossil and phylogenomic data". Journal of the Geological Society. 179 (4).
  38. ↑ Smythe, Ashleigh B.; Holovachov, Oleksandr; Kocot, Kevin M. (13 June 2019). "Improved phylogenomic sampling of free-living nematodes enhances resolution of higher-level nematode phylogeny". BMC Evolutionary Biology. 19 (1): 121.
  39. ↑ Laumer, Christopher E.; Fernández, Rosa; Lemer, Sarah; Combosch, David; Kocot, Kevin M.; Riesgo, Ana; Andrade, Sónia C. S.; Sterrer, Wolfgang; Sørensen, Martin V.; Giribet, Gonzalo (10 July 2019). "Revisiting metazoan phylogeny with genomic sampling of all phyla". Proceedings of the Royal Society B: Biological Sciences. 286 (1906) 20190831.
  40. ↑ Smythe, Ashleigh B.; Holovachov, Oleksandr; Kocot, Kevin M. (13 June 2019). "Improved phylogenomic sampling of free-living nematodes enhances resolution of higher-level nematode phylogeny". BMC Evolutionary Biology. 19 (1): 121.
  41. ↑ For an up-to-date view (as of 2022), see Phylogenomic Analysis of the Phylum Nematoda: Conflicts and Congruences With Morphology, 18S rRNA, and Mitogenomes.
  42. ↑ Chitwood, B.G.; Chitwood, M.B. (1933). "The characters of a protonematode". Journal of Parasitology. 20: 130.
  43. ↑ Chitwood, B.G. (1937). "A revised classification of the Nematoda". Papers on Helminthology published in commemoration of the 30 year Jubileum of ... K.J. Skrjabin ... Moscow: All-Union Lenin Academy of Agricultural Sciences. pp. 67–79.
  44. ↑ Chitwood, B.G. (1958). "The designation of official names for higher taxa of invertebrates". Bull Zool Nomencl. 15: 860–895
  45. ↑ Coghlan, A. (7 September 2005). "Nematode genome evolution" (PDF). WormBook: 1–15. doi:10.1895/wormbook.1.15.1. PMC 4781476. PMID 18050393. Archived from the original (PDF) on 5 March 2016.
  46. ↑ Blaxter, Mark L.; De Ley, Paul; Garey, James R.; Liu, Leo X.; Scheldeman, Patsy; et al. (March 1998). "A molecular evolutionary framework for the phylum Nematoda". Nature. 392 (6671): 71–75.
  47. ↑ "Nematoda". Tree of Life Web Project. 2002.
  48. ↑ Holterman, Martijn; van der Wurff, Andre; van den Elsen, Sven; van Megen, Hanny; Bongers, Tom; et al. (2006). "Phylum-wide analysis of SSU rDNA reveals deep phylogenetic relationships among nematodes and accelerated evolution toward crown Clades". Mol Biol Evol. 23 (9): 1792–1800.
  49. ↑ Khadka, Bijendra; Chatterjee, Tonuka; Gupta, Bhagwati P.; Gupta, Radhey S. (24 September 2019). "Genomic Analyses Identify Novel Molecular Signatures Specific for the Caenorhabditis and other Nematode Taxa Providing Novel Means for Genetic and Biochemical Studies". Genes. 10 (10): 739.
  50. ↑ Khadka, Bijendra; Chatterjee, Tonuka; Gupta, Bhagwati P.; Gupta, Radhey S. (24 September 2019). "Genomic Analyses Identify Novel Molecular Signatures Specific for the Caenorhabditis and other Nematode Taxa Providing Novel Means for Genetic and Biochemical Studies". Genes. 10 (10): 739.
  51. ↑ Liu, Guo-Hua; Shao, Renfu; Li, Jia-Yuan; Zhou, Dong-Hui; Li, Hu; Zhu, Xing-Quan (2013). "The complete mitochondrial genomes of three parasitic nematodes of birds: a unique gene order and insights into nematode phylogeny". BMC Genomics. 14 (1): 414.
  52. ↑ Hodda, M. (2022). "Phylum Nematoda: a classification, catalogue and index of valid genera, with a census of valid species". Zootaxa. 5114 (1): 1–289.
  53. ↑ Macêdo do Carmo, Gustavo; Garcia, Renato Araujo; Vieira, Fabiano Matos; de Souza Lima, Sueli; Ismael de Araújo-Júnior, Hermínio; Pinheiro, Ralph Maturano (May 2023). "Paleoparasitological study of avian trace fossils from the Tremembé Formation (Oligocene of the Taubaté Basin), São Paulo, Brazil". Journal of South American Earth Sciences. 125 104319.
  54. ↑ Ruppert, Edward E.; Barnes, Robert D.; Fox, Richard S. (2019). Invertebrate zoology: a functional evolutionary approach (Seventh, Seventh Indian Reprint ed.). Delhi, India: Cengage Learning. pp. 757–770
  55. ↑ Weischer, B.; Brown, D.J. (2000). An Introduction to Nematodes: General Nematology. Sofia, Bulgaria: Pensoft. pp. 75–76.
  56. ↑ Barnes, R.G. (1980). Invertebrate zoology. Philadelphia: Sanders College.
  57. ↑ Barnes, R.G. (1980). Invertebrate zoology. Philadelphia: Sanders College.
  58. ↑ Barnes, R.G. (1980). Invertebrate zoology. Philadelphia: Sanders College.
  59. ↑ Barnes, R.G. (1980). Invertebrate zoology. Philadelphia: Sanders College.
  60. ↑ Barnes, R.G. (1980). Invertebrate zoology. Philadelphia: Sanders College.
  61. ↑ Barnes, R.G. (1980). Invertebrate zoology. Philadelphia: Sanders College.
  62. ↑ Ruppert, Edward E.; Barnes, Robert D.; Fox, Richard S. (2019). Invertebrate zoology: a functional evolutionary approach (Seventh, Seventh Indian Reprint ed.). Delhi, India: Cengage Learning. pp. 757–770
  63. ↑ Barnes, R.G. (1980). Invertebrate zoology. Philadelphia: Sanders College.
  64. ↑ Huang, Yong; Guo, Yuqing (27 November 2021). Free-living Marine Nematodes from the East China Sea. Springer Nature
  65. ↑ Barnes, R.G. (1980). Invertebrate zoology. Philadelphia: Sanders College.
  66. ↑ "The sensory cilia of Caenorhabditis elegans". www.wormbook.org
  67. ↑ Kavlie, RG; Kernan, MJ; Eberl, DF (May 2010). "Hearing in Drosophila requires TilB, a conserved protein associated with ciliary motility". Genetics. 185 (1): 177–88
  68. ↑ Barnes, R.G. (1980). Invertebrate zoology. Philadelphia: Sanders College.
  69. ↑ Lalošević, V.; Lalošević, D.; Capo, I.; Simin, V.; Galfi, A.; Traversa, D. (2013). "High infection rate of zoonotic Eucoleus aerophilus infection in foxes from Serbia". Parasite. 20: 3. doi:10.1051/parasite/2012003. PMC 3718516. PMID 23340229.
  70. ↑ Barnes, R.G. (1980). Invertebrate zoology. Philadelphia: Sanders College.
  71. ↑ Nelson, G A; Roberts, T M; Ward, S (1 January 1982). "Caenorhabditis elegans spermatozoan locomotion: amoeboid movement with almost no actin". The Journal of Cell Biology. 92 (1): 121–131.
  72. ↑ Barnes, R.G. (1980). Invertebrate zoology. Philadelphia: Sanders College.
  73. ↑ Bond, Alan Thomas; Huffman, David George (2023). "Nematode eggshells: A new anatomical and terminological framework, with a critical review of relevant literature and suggested guidelines for the interpretation and reporting of eggshell imagery". Parasite. 30: 6.
  74. ↑ Bell, G. (1982). The masterpiece of nature: the evolution and genetics of sexuality. Berkeley: University of California Press.
  75. ↑ Johnigk, Stefan-Andreas; Ehlers, Ralf-Udo (1999). "Endotokia matricida in hermaphrodites of Heterorhabditis spp. and the effect of the food supply". Nematology. 1 (7–8): 717–726.
  76. ↑ Johnigk, Stefan-Andreas; Ehlers, Ralf-Udo (1999). "Endotokia matricida in hermaphrodites of Heterorhabditis spp. and the effect of the food supply". Nematology. 1 (7–8): 717–726.
  77. ↑ Haag, Eric S.; Helder, Johannes; Mooijman, Paul J. W.; Yin, Da; Hu, Shuang (2018). "The evolution of uniparental reproduction in Rhabditina nematodes: Phylogenetic patterns, developmental causes, and surprising consequences". In Leonard, J.L. (ed.). Transitions Between Sexual Systems. Springer. pp. 99–122.
  78. ↑ Barnes, R.G. (1980). Invertebrate zoology. Philadelphia: Sanders College.
  79. ↑ Hyun, Moonjung; Lee, Jihyun; Lee, Kyungjin; May, Alfred; Bohr, Vilhelm A.; Ahn, Byungchan (March 2008). "Longevity and resistance to stress correlate with DNA repair capacity in Caenorhabditis elegans". Nucleic Acids Res. 36 (4): 1380–9.
  80. ↑ Hyun, Moonjung; Lee, Jihyun; Lee, Kyungjin; May, Alfred; Bohr, Vilhelm A.; Ahn, Byungchan (March 2008). "Longevity and resistance to stress correlate with DNA repair capacity in Caenorhabditis elegans". Nucleic Acids Res. 36 (4): 1380–9.
  81. ↑ Raices, Marilina; Bowman, Richard; Smolikove, Sarit; Yanowitz, Judith L. (2021). "Aging Negatively Impacts DNA Repair and Bivalent Formation in the C. elegans Germ Line". Front Cell Dev Biol. 9 695333.
  82. ↑ c. Elegans Sequencing, Consortium (1998). "Genome sequence of the nematode C. Elegans: A platform for investigating biology". Science. 282 (5396): 2012–2018.
  83. ↑ "Neuronal Wiring". Wormatlas
  84. ↑ Yanoviak, S. P.; Kaspari, M.; Dudley, R.; Poinar, G. (April 2008). "Parasite-induced fruit mimicry in a tropical canopy ant". Am. Nat. 171 (4): 536–44.
  85. ↑ Batra, Suzanne W. T. (1 October 1965). "Organisms associated with Lasioglossum zephyrum (Hymenoptera: Halictidae)". Journal of the Kansas Entomological Society. 38 (4): 367–389.
  86. ↑ Purcell, Mary; Johnson, Marshall W.; Lebeck, Lynn M.; Hara, Arnold H. (1992). "Biological Control of Helicoverpa zea (Lepidoptera: Noctuidae) with Steinernema carpocapsae (Rhabditida: Steinernematidae) in Corn Used as a Trap Crop". Environmental Entomology. 21 (6): 1441–7.
  87. ↑ Wilson, M. J.; Glen, D. M.; George, S. K. (January 1993). "The rhabditid nematode Phasmarhabditis hermaphrodita as a potential biological control agent for slugs". Biocontrol Science and Technology. 3 (4): 503–511.
  88. ↑ Rajamani, Meenatchi; Negi, Aditi (2021). "Biopesticides for Pest Management". Sustainable Bioeconomy. pp. 239–266
  89. ↑ Ehlers, R.-U.; Hokkanen, H. M. T. (September 1996). "Insect Biocontrol with Non-endemic Entomopathogenic Nematodes (Steinernema and Heterorhabditis spp.): Conclusions and Recommendations of a Combined OECD and COST Workshop on Scientific and Regulatory Policy Issues". Biocontrol Science and Technology. 6 (3): 295–302.
  90. ↑ Smiley, Richard W.; Dababat, Abdelfattah A.; Iqbal, Sadia; Jones, Michael G. K.; Maafi, Zahra Tanha; Peng, Deliang; Subbotin, Sergei A.; Waeyenberge, Lieven (2017). "Cereal Cyst Nematodes: A Complex and Destructive Group of Heterodera Species". Plant Disease. 101 (10). American Phytopathological Society: 1692–1720.
  91. ↑ Gibbs, J.N.; Webber, J.F. (2004), "PATHOLOGY | Insect Associated Tree Diseases", Encyclopedia of Forest Sciences, Elsevier, pp. 802–8,
  92. ↑ Kloosterman, Stephen (April 2022). "Small Soldiers". Green House Product News. Vol. 32, no. 4. pp. 26–29.
  93. ↑ Krueger, R.; Dover, K. E.; McSorley, R.; Wang, K-H. "ENY-056/NG045: Marigolds (Tagetes spp.) for Nematode Management". Institute of Food and Agricultural Sciences.
  94. ↑ Pires, David; Vicente, Cláudia S. L.; Menéndez, Esther; Faria, Jorge M. S.; Rusinque, Leidy; Camacho, Maria J.; Inácio, Maria L. (October 2022). "The Fight against Plant-Parasitic Nematodes: Current Status of Bacterial and Fungal Biocontrol Agents". Pathogens. 11 (10): 1178
  95. ↑ US application 2008072494, Stoner, R.J.; Linden, J.C., "Micronutrient elicitor for treating nematodes in field crops", published 27 March 2008
  96. ↑ Loothfar, R.; Tony, S. (22 March 2005). "Suppression of root knot nematode (Meloidogyne javanica) after incorporation of Indian mustard cv. Nemfix as green manure and seed meal in vineyards". Australasian Plant Pathology. 34 (1): 77–83.
  97. ↑ Patiño, JA; Olivera, MJ (15 June 2019). "Gastro-allergic anisakiasis: The first case reported in Colombia and a literature review". Biomedica: Revista del Instituto Nacional de Salud. 39 (2): 241–246.
  98. ↑ Stepek, Gillian; Buttle, David J.; Duce, Ian R.; Behnke, Jerzy M. (October 2006). "Human gastrointestinal nematode infections: are new control methods required?". International Journal of Experimental Pathology. 87 (5): 325–341.
  99. ↑ Warshafsky, Zoemma T.; Tuckey, Troy D.; Vogelbein, Wolfgang K.; Latour, Robert J.; Wargo, Andrew R. (2019). "Temporal, spatial, and biological variation of nematode epidemiology in American eels". Canadian Journal of Fisheries and Aquatic Sciences. 76 (10): 1808–1818.
  100. ↑ Jithendran, K.P.; Bhat, T.K. (1999). "Epidemiology of Parasitoses in Dairy Animals in the North West Humid Himalayan Region of India with Particular Reference to Gastrointestinal Nematodes". Tropical Animal Health and Production. 31 (4): 205–214.
  101. ↑ Morgan, E.R.; van Dijk, J. (September 2012). "Climate and the epidemiology of gastrointestinal nematode infections of sheep in Europe". Vet Parasitol. 189 (1): 8–14.
  102. ↑ Brady, Nyle C.; Weil, Ray R. (2009). Elements of the Nature and Properties of Soils (3rd ed.). Prentice Hall.
  103. ↑ Jasmer, Douglas P.; Goverse, Aska; Smant, Geert (2003). "Parasitic nematode interactions with mammals and plants". Annual Review of Phytopathology. 41 (1): 245–270.
  104. ↑ Nosowitz, Fan (8 February 2021). "How California Crops Fought Off a Pest Without Using Pesticide". Modern Farmer.
  105. ↑ Pramer, C. (1964). "Nematode-trapping fungi". Science. 144 (3617): 382–388.
  106. ↑ Hauser, J.T. (December 1985). "Nematode-trapping fungi" (PDF). Carnivorous Plant Newsletter. 14 (1): 8–11.
  107. ↑ Ahrén, D.; Ursing, B.M.; Tunlid, A. (1998). "Phylogeny of nematode-trapping fungi based on 18S rDNA sequences". FEMS Microbiology Letters. 158 (2): 179–184.
  108. ↑ Lee, CH; Lee, YY; Chang, YC; Pon, WL; Lee, SP; Wali, N; Nakazawa, T; Honda, Y; Shie, JJ; Hsueh, YP (18 January 2023). "A carnivorous mushroom paralyzes and kills nematodes via a volatile ketone". Science Advances. 9 (3) eade4809.
  109. ↑ Szewczyk, Nathaniel J.; Mancinelli, Rocco L.; McLamb, William; Reed, David; Blumberg, Baruch S.; Conley, Catharine A. (December 2005). "Caenorhabditis elegans Survives Atmospheric Breakup of STS–107, Space Shuttle Columbia". Astrobiology. 5 (6): 690–705.
  110. ↑ "Columbia Survivors". Astrobiology Magazine. 1 January 2006
  111. ↑ Raymond, Mélianie R.; Wharton, David A. (February 2013). "The ability of the Antarctic nematode Panagrolaimus davidi to survive intracellular freezing is dependent upon nutritional status". Journal of Comparative Physiology B. 183 (2): 181–8.
  112. ↑ Shatilovich, Anastasia; Gade, Vamshidhar R. (27 July 2023). "A novel nematode species from the Siberian permafrost shares adaptive mechanisms for cryptobiotic survival with C. elegans dauer larva". PLOS Genetics. 19 (7) e1010798.
مرجّعة من "https://ary.wikipedia.org/w/index.php?title=دود_سطواني&oldid=585570"