دوار (لمغريب)
| دوار (لمغريب) | |
|---|---|
 | |
| كلاص فرعية ديال | تّقسيم تّرابي د لمغريب، نجع، المستوى السادس من التقسيم الإداري، دوار  |
| بلاد | لمغريب |
الدوّار ف لمغريب هوّ مصطلح كيشير ل قرية ولّا تجمع قروي. كايكون عادةً مكوّن من مجموعة د السكان لي كاتربطهم علاقة د الدم ولّا كينتاميو ل نفس لقبيلة ولّا ساكنين ببساطة ف نفس لموضع الجغرافي. هاد لمصطلح مخدّم تا ف بلدان خرين ديال لمغرب لكبير.
يقدر يكون الدوّار مركّز ف موضع واحد و كايتسمى ف هاد الحالة "دوّار مجمّع"، ولّا مفرّق ف كتر من موضع و كيكون ف هاد لحالة إما "دوّار مجزّأ" ولّا "دوّار مشتّت". يقدر يتسمى التجمع السكني "دوّار" ل أسباب طبيعية، تاريخية ولّا رسمية ف إطار التقسيم لإداري لمغريبي.[1][2][2][2][3][3]
كلا دوّار كينتاخبو السكان ديالو مومتيل ديالهم ف مجلس الجماعة لمحلية، و كاتعيّل السلطات أعوان ديال السلطة باش يمتلوهم ف عدد ديال الدواور. هاد لأعوان كيكونو هوما لوساطة مابين السكان ديال الدوار و مابين لقايد، رئيس الدائرة، الجادارمية، و مؤسسات خرين ديال الدولة بحال لبوسطة، الجماعات و غيرهم. هاد لأعوان هوما الشيخ ولّا أمغار و لمقدّم.[4][5] الشيخ ولّا أمغار كيخدم ف إطار مجموعة ديال الدواور لي كاتسمى "مشيخة"، و كايعاونوه لمقدّمين لي كيكون كلّا واحد منهم مكلف ب دوار ولّا دواور وسط لمشيخة.
أمغار يقدر يلعب دور ف حل لمطايفات بين لعائلات و غيرها من لمشاكيل لي كاتطرى بين مّالين الدوار.