دماغ د ماطريوشكا
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
الدماغ د ماطريوشكا[1][2] هو ميڭاقلدة فتيراضية لي عندها قوة حواسبية مڭضّرة بزاف، و كاتاخد الطاقة ديالها من كورة د ضايصون. لمفهوم قتارحو لكاتب لميريكاني روبرت ج. برادبوري ف 1997.[3] كايتّعتابر الدماغ د ماطريوشكا موطور نجمي ديال لكلاص B، لي كايخدّم الطاقة ديال نجمة بشكل كامل.[4] السمية ديال هاد لمفهوم موخودة من لمونيكات د ماطريوشكا الروسية.[5] برادبوري خدّم هاد لمصطلح ف لأنطولوجيا "عام مليون: الصيونص ف لحد لبعيد ديال لمعرفة" Year Million: Science at the Far Edge of Knowledge.[6][7]
لمفهوم ديال الدماغ د ماطريوشكا جا من لفكرة ديال تخدام كورة د ضايصون باش تشارجي ؤرديناتور ب حجم نجمة. لكلمة د "ماطريوشكا" خداها برادبوري من مونيكات ماطريوشكا الروسية لي كاتكون كلا وحدة مخشية ف لخرة، كيما الدماغ د ماطريوشكا كيكون مبني على كورات ديال ضايصون وحدة وسط وحدة.
لقلدة ديال الدماغ د ماطريوشكا كاتبدى من لكورة د ضايصون الدخلانية لي كاتاخد الطاقة نيشان من النجمة، و التحوسيب ديال الدماغ د ماطريوشكا كايطلق مقدار كبير بزاف ديال الصهد الضايع لي كاتخدّمو الطبقة التانية ديال لكورة د ضايصون و هيّ غادية. باش ماتضيعش الطاقة بزاف، خاص الطبقات يكونو متقاربين بزاف. الشروط و لموارد لمطلوبين باش يتصاوب دماغ د ماطريوشكا كيتجاوزو لقدرة ديال لحضارة لبشرية ديال دابا.[8] برادبوري قدّر بلي لبشرية غادي تكون عندها لقدرة باش تصايب دماغ د ماطريوشكا ف جوايه عام 2250.
الدماغ د جوپيتر هوّ بحال الدماغ د ماطريوشكا ولايني على مستوى قل، حيت كيكون مبني على كوكب ماشي على نجمة، و لفعّالية ديالو قوى حيت السينيال كينتاقل فيه بشكل زربان كتر على الدماغ د ماطريوشكا.[9][10] الدماغ د جوپيتر و ماطريوشكا يقدرو يتطلّبو لمصاوبة ديال مادة لكومپيوترونيوم لفتيراضية (لي تقدر تّصاوب ب تخدام طيكنولوجيا النانو) و لي فتيراضيا يقدر لواحد يصنع بيها مادة قابلة للبرماجة.[11]
ف عدد ديال لكتابات لمستقبلية و ديال التعاويد لعلمي، كاينين شكال مختالفين ديال التخدام د الدماغ د ماطريوشكا:
- ف رواية أكسيليرانضو ديال تشارلز صطروص، بنادم ف لموستقبال كيبني دماغات د ماطريوشكا ب لمادة ديال لكواكب عطارد، ڤينوس، و لمريخ لي هرّسوهم بشكل كامل، باش يقادّو محاكية ديال عوالم ڤيرتوالية لي يقدرو يعيشو فيه الناس بعدما يأپلوديو لعقل ديالهم للؤرديناتور.[12]
- ف رواية Godplayers ديالت لكاتب داميان برودريك كيڭول بلي الدماغ د ماطريوشكا يقدر يسمح ب محاكية أكوان كاملة ف لورديناتور.[13]
- عالم لمستقبليات و لموفكّير لموربنادمي أنديرس صاندبيرڭ ف مقال ديالو ناقش النتائج ديال لحساب على ماكينة حواسبية مڭضرة بحال الدماغ د ماطريوشكا. لمقال نشراتو مؤسسة لأخلاقيات و الطيكنولوجيا الطالعة.[9]
- ^ Bradbury، Robert J. (July 21, 1999). "Matrioshka Brains" (PDF). www.gwern.net.
- ^ "Matrioshka Brain: How advanced civilizations could reshape reality". Big Think. October 28, 2018.
- ^ Remembering Robert Bradbury, March 6, 2011, by George Dvorsky, Sentient Developments, 2011, issue 3.
- ^ Bradbury، Robert J. "Matrioshka Brain Home Page". مأرشيڤي من لأصل ف February 23, 2009. تطّالع عليه ب تاريخ August 28, 2009.
- ^ "Matrioshka Brains – Some Intermediate Stages in the Evolution of Life" (PDF). Department of Astronomy, University of Virginia. تطّالع عليه ب تاريخ August 28, 2009.
- ^ Horgan، John (June 13, 2008). "The Shape of Things to Come (review of Year Million)". The Wall Street Journal. تطّالع عليه ب تاريخ August 28, 2009.
- ^ Levy، Brett (August 26, 2008). "Book Review: 'Year Million: Science at the Far Edge of Knowledge', edited by Damien Broderick". Los Angeles Times. تطّالع عليه ب تاريخ August 28, 2009.
- ^ Kanchwala، Hussain (2019-02-23). "What Is Matrioshka Brain?". ScienceABC (ب نڭليزية). تطّالع عليه ب تاريخ 2024-12-15.
- ^ a b Sandberg، Anders (1999). "The Physics of Information Processing Superobjects: Daily Life Among the Jupiter Brains". Journal of Evolution and Technology. 5 (1). تطّالع عليه ب تاريخ 20 April 2022.
- ^ "Jupiter & Matrioshka Brains: History & References". Robert Bradbury. مأرشيڤي من لأصل ف September 7, 2010. تطّالع عليه ب تاريخ August 28, 2009.
- ^ Vatinno، Giuseppe (2010). "Per una parusia tecnologica : la singolarità prossima ventura : Ich bin ein singularitarian (Ray Kurzweil)". Per Una Parusia Tecnologica (ب نڭليزية): 1000–1004. doi:10.1400/156178. تطّالع عليه ب تاريخ 20 April 2022.
- ^ Stross، Charles (2006). Accelerando. Ace Books. ردمك 0-441-01415-1.
- ^ Broderick، Damien (2005). Godplayers. Thunder's Mouth. ردمك 1-56025-670-2.