دار لمڭانة
دار لمڭانة
| ||
 | ||
| معلومات عامة | ||
| نوع | دار و ساعة د لما | |
| لبلاد | لمغريب | |
| لموضع | فاس | |
| تاريخ د لبني | 6 ماي 1357 | |
| تحل فـ | 1357 | |
| تصنيف تراتي | جزء من مواقع التراث العالمي | |
دار لمڭانة هيّ واحد لمعلمة ف فاس، لي بناوها لمرينيين ف لقرن 14. لي أمر ب لبني ديالها هوّ السلطان أبو عنان فارس، باش تكون فيها ساعة د لما خدامة ب لوزان. جات دار لمڭانة قبالت لمدراسة لبوعنانية ف الطلعة لكبيرة.
هاد لمبنى شي مرات كيتسمى "دار بن ميمون" حيت كاينة رواية كاتڭول بلي لفيلسوف ليهودي موسى بن ميمون كان ساكن تماك.[1][2]
لمڭانة كانت طرف من موركّاب لي داخلة فيه تا لمدراسة لبوعنانية، و لي بناه السلطان لمريني أبو عنان فارس.[2] على حساب التوارخي لمغريبي أبو لحسن علي الجزنايي، تسالات لمصاوبة ديال لمڭانة ف 6 ماي 1357 (14 جمادى اللولة 758 هـ). لي صاوبها كان ميقاتي سميتو أبو لحسن بن علي أحمد التلمساني.[3] الديزاين ديالها تبع نفس لمبدا ديال ساعة د لما خرة لي كانت ف جامع لقرويين، و لي كانت تصاوبات ف لعهد ديال السلطان أبو سعيد عتمان التاني ف عام 1317.[3]
دار لمڭانة ف لبدية د لقرن لفايت. كانو واحد لكورات ديال لمعدن كيخرجو من 12 بّيّبات باش يطيحو ف زلافات ديال النحاس لي كاينين فوق بارّات تحتانيين، و يعلنو على الساعة. لبارّات د لخشب لفوقانيين كانو كيدعمو سقف لي دابا تحيّد
دار لمڭانة ف عام 1925
لفاصاد ديال دار لمڭانة بعد الترميم، بلا الزلافات د النحاس
.jpg)
- ↑ Lintz, Yannick; Déléry, Claire; Tuil Leonetti, Bulle (2014). Maroc médiéval: Un empire de l'Afrique à l'Espagne. Paris: Louvre éditions. pp. 492–493. ISBN 9782350314907.
- 1 2 Touri, Abdelaziz; Benaboud, Mhammad; Boujibar El-Khatib, Naïma; Lakhdar, Kamal; Mezzine, Mohamed (2010). Le Maroc andalou : à la découverte d'un art de vivre (2 ed.). Ministère des Affaires Culturelles du Royaume du Maroc & Museum With No Frontiers. ISBN 978-3902782311.
- 1 2 Lintz, Yannick; Déléry, Claire; Tuil Leonetti, Bulle (2014). Maroc médiéval: Un empire de l'Afrique à l'Espagne. Paris: Louvre éditions. ISBN 9782350314907.
 هادي زريعة ديال مقالة خاصها تّوسع. تقدر تشارك ف لكتبة ديالها. |