خدمة د الدراري الصغار

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.

خدمة ديال دراري صغار: هي ظاهرة الستيغلال ديال دراري صغار فأي نوع من أنواع الخدمة كيما بغا يكون، سوا كانو قادين عليها سوا لا،^[1] وسوا كيتخلصو عليها ولا لا،^[1] واللي تيحرم هاد دراري من طفولتهم، وتيبلوكي القدرة ديالهم وما تيخليهومش إمشيو للمدرسة،^[2] وكيأتر فيهم سوا عقليا ولا جسديا ولا إجتماعيا وحتى روحيا.^[1]^[2]

كيختالف معدل الخدمة ديال دراري صغار. مثلا ف القرن تسعطاعش ولول ديال القرن عشرين، كانو بزاف ديال دراري صغار بين 5 و14 سنة من العائلات اللي ما عندهومش، كيخدمو فالدول الغربية و المستعمرات ديالها. كانو كيخدمو بزاف أساسا فالزراعة، والديور، فلوزينات، فالمعادن، وخدامي خرين، و كانو كيخدمو بالليل لمدة تقدر توصل حتى ل12 ساعة. مع التحسن ديال المدخول ديال الأسر، و المدارس ولاو كتار، زيادة على القوانين اللي تدارت على الخدمة ديال دراري، نقصات بزاف معدلات ديال هاد الخدمة هادي.

هاد الستيغلال ممنوع فقوانين جميع أنحاء العالم، واخا هاد القوانين هادو ما كيتطبقوش على جميع أنواع الخدمة ديال دراري صغار، بحال الخدمة ديالهم فالفن، والواجبات العائلية، والتدريب اللي تيكون تحت الإشراف، وبعض أنواع الخدامي لخورين، ولا الخدمة ديال دراري عند شي شعوب وقبائل، بحال دراري ديال الأميش ودراري ديال السكان الأصليين فأمريكا.

منعات الخدمة ديال دراري قل من 14 عام فأي وزين ما عدا لوزينات ديال الفاميلة وفالمدارس الفنية ولايني بموافقة السلطات العامة وتحت الإشراف ديالها

فالبلدان الفقيرة د العالم، واحد من كل ربعة ديال دراري كتلقاه خدام، وبزاف ديالو هادو، أي شي (29%) كتلقاهم فأفريقيا جنوب الصحرا الكبرى. فعام 2017 ربعة ديال الدول إفريقية (مالي، بنين، و تشاد و غينيا بيساو) كانت فيهم كتر من 50% دراري من 5 سنين حتى 14 سنة كلهم خدامين. الزراعة فالعالم كتمتل المجال اللول فاش تيخدمو دراري صغار. الغالبية العظمى ديال الدراري الصغار اللي خدامين كاينة فالعروبية والضواحي ديال المدون، هنا كنلقاو دراري فالغالب تيخدموهم والدهم، عوض ما يصيفطهوم للوزينات. الفقر و نقص المدارس هو السبب الكبير فالخدمة ديال دراري. بين 1960 و 2003 وعلى حساب البنك الدولي نقص معدل الخدمة ديال دراري من 25٪ إلى 10٪. و واخا هكاك، ما زال العدد ديال دراري اللي خدامين مرتفع. اليونيسيف و منظمة العمل الدولية أكدوا باللي علاين 168 مليون دري بين 5 و 17 سنة من العالم دارو شي خدمة فعام 2013.^[3]

شنو كتعني خدمة دراري؟

هي الخدمة اللي كتكون عبء تقيل على الدري،^[2] وكتشكل خطر على السلامة ديالو وصحتو ورفاهيتو، الخدمة اللي كتستغل ضعف الدري و عدم القدرة ديالو على الدفاع على حقوقو، الخدمة اللي كتخدم دراري صغار بتمن رخيص من داكشي باش تيخدمو بيه الكبار، الخدمة اللي كتخدم دراري صغار و ما كتعاونهومش باش إنميو القدرات ديالهم، الخدمة اللي كتعرقل تعلم دري الصغير اوما كتدربوش إبدل حياتو ويبني مستقبلو.^[4]

الخدمة ديال دراري فالمواتيق والمعايير الدولية

خرجات الجمعية العامة د الأمم المتحدة عام 1989 واحد الإتفاقية سميتها إتفاقية حقوق الدري اللي عرفات الدري بلي كل إنسان ما فايتش 18 عام من عمرو،^[5] ووكدات على ضرورة السعي للحماية ديالو من الستيغلال الإقتصادي ومن أي خدمة ممكن تشكل عليه خطر أولا تبلوكي التعليم ديالو وتمنعو من القراية أولا تهدد صحتو ولا النمو البدني ولا العقلي ولا الروحي ولا المعنوي ولا الإجتماعي، وزيرات الدول اللي وقعات عليها باش تدير قوانين إدارية وإجتماعية وتربوية اللي كتضمن الحماية للدري، وبالخصوص يتدار حد أدنى لسن الخدمة ونظام مناسب للساعات ديال الخدمة والظروف ديالو وتفرض عقوبات مناسبة باش هاد القوانين تطبق و ما تبقاش مجرد مداد فالورقة، الأردن سينات على هاد الإتفاقية في عام 1991،^[6]^[7] زيادة على بزاف ديال الدول العربية ودول العالم.^[8]

وكانت الجمعية العامة قررات فنفس العام (1989) الإعلان العالمي لحقوق الدري اللي تدرات المسودة ديالو من عام 1957، هاد الإعلان هدا قال باللي "خاص الكفالة والوقاية ديال الدري من جميع أنواع الإهمال والتعدو والستيغلال، وما يتباع ما يتشرى بأي وسيلة من الوسائل، وما يخدمش قبل ما يوصل لواحد السن مناسب، وما يخدم حتى حرفة أولا خدمة كتضر بصحتو أولا كتبلوكي قرايتو أولا كتضر النمو ديالو البدني ولا العقلي ولا الأخلاقي. وكيتضمن موضوع الخدمة ديال دراري فالمواتيق والمعايير الدولية جميع التفاصيل المبينة اللي غادي نهضرو عليها لتحت، وخاصة إتفاقيات العمل الدولية اللي كتعلق بالحد الأدنى لسن الخدمة وأسوأ أشكال خدمة دراري وإتفاقية حقوق الدري وإعلان المبادئ والحقوق الأساسية فالخدمة زيادة على إتفاقيات العمل العربية اللي صدراتها منظمة العمل العربية.^[9]^[10]^[11]^[12]^[13]^[14]^[15]

منظمة العمل الدولية

صدرات هاد المنظمة بزاف ديال الإتفاقيات اللي كتعالج ݣاع الأمور ديال الخدمة كيما بغات تكون،^[16] ومنها الإتفاقيات بتمانية اللي كتكتل المعايير الأساسية ديال حقوق بنادم فالخدمة،^[17] واللي كان آخرها الجوج إتفاقيات نمرة 138 لعام 1973 اللي كتخص الحد الأدنى لسن الخدمة،^[18] والإتفاقية نمرة 182 ديال 1999 اللي كتخص أسوأ أشكال الخدمة ديال دراري،^[19] واللي بجوج بيهم كيتعتبرو من الإتفاقيات التمانية اللي هضرنا عليهم الفوق، ومن أهم الإتفاقيات اللي دراتها الاجتماعات ديال منظمة العمل الدولية فمجال خدمة دراري واللي ما زالة جديدة، حيت كتعتبر الأحكام اللي كاينة فيها معايير أساسية لحقوق د بنادم فالخدمة اللي كتلتزم بها الدول المنضمة إليها وكتتم المساءلة ديالها فحالة الإخلال فالوفاء بهاد الإلتزامات وفحالة ما كتطبقهاش، وكولشي ݣاع الدول الأعضاء واخا ما تكونش سنيات على هاد الإتفاقيات، فهي ملزمة بمج^[20] رد بلي عضو فهاد المنظمة بلي تحترم المبادئ اللي كتعلق بالحقوق والمبادئ الأساسية اللي جات فهاد الإتفاقيات، وكاتعززها وتخدم بنية حسنة باش تحققها، كيما تينص على داكشي الدستور ديال هاد المنظمة.^[21]

الإتفاقية الدولية د العمل نمرة 138

هاد الإتفاقية، الهدف ديالها على المدى البعيد هو تحيد ݣاع الخدمة ديال دراري صغار، حيت دارت واحد الحد أدنى ديال الخدمة باش يكمل الدري التعليم الإلزامي ديالو،^[18] و عتابرات بلي ما يمكنش الدري يخدم قبل 15 عام، و منعات الخدمة ديال دراري قل من 18 عام ف الخدامي اللي كتعرض الصحة و السلامة ديالهم أولا الأخلاق ديالهم للخطر، بسباب الطبيعة ديالها أولا الظروف اللي كتخدم فيها، و زيرات الدول الموقعة باش تتبع سياسة وطنية باش ما تبقاش الخدمة ديال دراري، و القضاء على أسباب هاد الخدمة و اللي هي بلي الوالدين كتلقاهم ما قاريينش أولا مستواهم التعليمي ضعيف بزاف.^[22]^[23]

الإتفاقية الدولية د العمل نمرة 182

هاد الإتفاقية جات باش تكمل على الإتفاقية نمرة 138 وباش تنبه لأسوأ أشكال الخدمة ديال دراري،^[19] ومن بعد باش تسالي بمرة مع الخدمة ديال دراري،^[19] هاد الإتفاقية هضرات على أهمية التعليم الأساسي اللي فابور، وعلى تكوين دراري اللي خدامين والإدماج ديالهم والإهتمام بالفاميلات ديالهم.^[24]

هاد الإتفاقية أكدت حتى بلي الفقر هو السبب الرئيسي للخدمة ديال دراري، وأن الحل هو تحقيق النمو الإقتصادي، وحددات الخدامي اللي عتابرتها من أخيب الخدامي اللي ممكن تأدي دراري وهي العبودية ب جميع نواعها والخدمة بالسيف و تجنيد دراري ف الحروب و التخدام ديالهم ف الدعارة أولا فأعمال الپورنو أولا باش يخدمو شي خدايم لامشروعة بحال التبزنيس،^[25] زيادة على شي خدايم اللي كتشوف الدولة اللي موقعة على هاد الإتفاقية بلي غادي تأدي الدري و غادي تسبب لو أضرار على صحتو أولا سلامتو أولا أخلاقو، و زيرات الدول بلي مرة مرة تدير ليستة ديال هاد الخدايم الخطيرة.^[25]

كيما زيرات الدول الموقعة بلي تدير ميكانيزمات وطرق باش تراقب تطبيق الأحكام ديال هاد الإتفاقية، و تدير پروݣرام باش تسالي مع خدمة دراري صغار، و تدير عقوبات زجرية ف القوانين ديالها بحق المخالفين.^[25]

إعلان المبادئ والحقوق الأساسية فالخدمة

ف تأكيد لداكشي اللي جا ف الإتفاقيات التمانية ل حقوق الإنسان ف الخدمة، صدرات منظمة العمل الدولية عام 1998 واحد الإعلان ديال المبادئ و الحقوق الأساسية فالخدمة،^[26] باش يكون أداة تروج بها المنظمة للمبادئ ديالها واللي الهدف منها هو ضمان حتيرام الحقوق الأساسية فالخدمة، باش تحقق العدالة الإجتماعية، حيت جا فالبند التاني ديال هاد الإعلان:

"صدرات منظمة العمل الدولية بزاف ديال التفاقيات اللي كتعالج جميع ما يتعلق بالخدمة، منها ثمانية ديال الإتفاقيات اللي كتمتل أهم معايير حقوق الإنسان ف الخدمة، و اللي كان آخرها الجوج إتفاقيات نمرة 138 لعام 1973 واللي كتعلق بالحد الأدنى لسن د الخدمة والإتفاقية 182 ديال 1999 واللي كتهضر على أسوأ أشكال الخدمة ديال دراري، هاد جوج إتفاقيات كيتعتبرو من أهم الإتفاقيات اللي دارتها منظمة الرعمل الدولية فمجال الخدمة ديال دراري، حيت كتعتبر الأحكام اللي كاينة فيها معايير أساسية لحقوق الإنسان فالخدمة، خاص الدول اللي وقعات عليها تلتزم بها وإلا كتعرض للمساءلة في حالة الإخلال بها وعدم الوفاء بالإلتزامات، وحتى الدول لوخرين واخا ما موقعينش عليها، فا راه خاص يلتزمو بها أدبيا، حيت هيّ عضو ف هاد المنظمة، داكشي علاش خاص تلتازم ݣاع بداكشي اللي تيصدر منها و ب الدستور و المبادئ ديالها و اللي منها:

الحرية النقابية و العتيراف الفعلي التفاوض الجماعي.
القضاء على كل شكل من أشكال العمل الإجباري أولا الإجباري.
القضاء الفعلي على لخدمة د الأطفال.
القضاء على التمييز ف التخدام و المهنية.^[27]

الإتفاقيات الدولية لخرة للخدمة ديال دراري

اللي معروف على منظمة العمل الدولية بلي سنويا ف الإجتماعات ديالها اللي كتنظم كل عام، بلي تيكون فيها تمتيل تلاتي متساوي بين الحكومات والخدامة وصحاب الخدمة، وهكا كتبني الإتفاقيات اللي كتحدد معايير الخدمة دوليا، و من نهار تأسسات هاد المنظمة عام 1919 وحتى لدابا تبنات 183 إتفاقية،^[16] فيها مواضيع كتيرة عندها علاقة ب الخدمة، ومن بين هاد التفاقيات اللي عالجت الخدمة ديال دراري كنلقاو:

الإتفاقية نمرة 5 على السن الأدنى (الصناعة) ل عام 1919:

منعات الخدمة ديال دراري قل من 14 ولا قبل ما يكملو التعليم الإلزامي ف الخدايم اللي ماشي صناعيين ب الليل، و هادشي داخل فيه 14 ساعة متواصلة من 8 د الليل حتى للتمنية د الصباح، منعات حتى الخدمة ديال دراري قل من 18 بالليل لكتر من 12 ساعة متواصلة من العشرة د الليل حتى للستة د الصباح.^[28]

الإتفاقية نمرة 6: على عمل دراري صغار ب الليل ف الصناعة. لعام 1919:

منعات الخدمة ديال دراري قل من 18 سنة فالباطوات اللي تيميشيو بالفاخر, إما كفرناتشي أولا مساعد فرناتشي.^[29]

الإتفاقية نمرة 7. على السن الأدنى (الخدمة فالبحر) لعام 1920:

منعات الخدمة ديال دراري قل من 14 سنة ف الباطوات، إلا يلى كان الهدف هو التدريب ولايني بموافقة السلطات العامة و تحت الإشراف ديالها.^[30]

الإتفاقية نمرة 10. على السن الأدنى (الزراعة) لعام 1921:

منعات الخدمة ديال دراري قل من 14 عام فشي فيرمة إلا برا ديال الوقيتة ديال القراية، وما يكونش داكشي على حساب قرايتهم.^[31]

الإتفاقية نمرة 15. على السن الأدنى (الفرناتشية والمساعدون ديالهم) لعام 1921:

هاد الإتفاقية تدارت كمراجعة للإتفاقية نمرة (7) ورفعات السن الأدنى للدراري فالباطوات إلى خمسة عشر سنة عوض 14سنة، إلا إلى كان الهدف هو التدريب ولايني بموافقة من السلطات العامة المختصة.^[32]

الإتفاقية نمرة 16. على الكونصولطاسيون للدراري (الخدمة فالباطوات) لعام 1921:

هاد الإتفاقية كتعتبر هي أول إتفاقية عربية فمجال الخدمة ديال دراري، حيت جات باش تكمل السلسلة ديال المبادئ اللي أكدات عليها الإتفاقيات العربية السابقين ف هاد الضومين، و عرفات الدري بأ، ه الشخص اللي قل من 13 عام ومازال ما كملش 18 عام، هاد الإتفاقية شملات جميع الأنشطة الإقتصادية ما عدا الخدمة ف الفيرمات و الفلاحة و الخدامي اللي ما فيهموش لا خطر لا مضر على الصحة مع حتيرام طبعا الحد الأدنى ديال الخدمة د دراري.

الإتفاقية نمرة 33. على السن الأدنى (الخدامي غير الصناعية) لعام 1932:

منعات دراري قل من 14 عام أولا قبل ما يكملو التعليم الإجباري من الخدامي غير الصناعيين، ما عدا الخدامي الخفاف بالنسبة اللي واصلين 12 سنة، بشرط ما يفوتوش ساعتين كل نهار، وتكون هاديك الخدمة ما كتضرش بصحتهم و على القراية ديالهم.

الإتفاقية نمرة 58 على السن الأدنى (العمل فالباطوات: مراجعة) لسنة 1973.:

هاد الإتفاقية تدارت كـ مراجعة للإتفاقية نمرة 5 و اللي رفعات الحد الأدنى للسن ديال الخدمة عند دراري ف لوزينات ل 15 عام ف عيواط 14 عام، ما عدا الپروجيات ديال الفاميلة ولا المدارس الفنية بعد موافقة السلطات المختصة.

الإتفاقية نمرة 59 على السن الأدنى (الصناعة-مراجعة) لعام 1937:

طلبات من الدول يديرو حد أدنى ل سن لخدمة ف المناجم و اللي كيما كان الحال ما خاصوش يكون قل من 16 عام.

الإتفاقية نمرة 60. على الحد الأدنى للسن (الأعمال اللاصناعية-مراجعة) لعام 1937:

هاد الإتفاقية صدرات كمراجعة للإتفاقية نمرة 33 و رفعات الأدنى ديال السن للدراري ف المشاريع غير الصناعية ل 15 عام أولا سن التعليم الإلزامي، ما عدا الخدامي الخفاف اللي فوق من 13 سنة، بشرط ما يزيدش على ساعتين يوميا و ف خدايم اللي ما كتضرش ب صحتهم ولا ب قرايتهم.

الإتفاقية نمرة 77 على الكونصولطاسيون للدراري (الصناعة) لعام 1946:

منعات الخدمة ديال دراري قل من 18 سنة فلوزينات، إلى ما عندهم شهادة طبية كتبت اللياقة و القدرة ديالهم، من خلال كونصولطاسيون كيديرو طبيب معتامد, و يبقا هاد الفحص يتعاود كل عام.

الإتفاقية نمرة 78 على الفحص الطبي للدراري (المهن غير الصناعية) لعام 1946:

منعات الخدمة ديال الدري قل من 18 سنة فالخدامي غير الصناعية، إلا يلى عندو فحص طبي كيتبت اللياقة ديالو وكديرو جهة طبية معتمدة من السلطة، و خاص هاد الفحص يتعاود كل عام علاين.

الإتفاقية نمرة 79 على الخدمة بالليل للدراري (المهن اللاصناعية) ل عام 1946:

منعات الخدمة ديال دراري قل من 14 ولا قبل ما يكملو التعليم الإلزامي ف الخدايم اللي ماشي صناعيين ب الليل، و هادشي داخل فيه 14 ساعة متواصلة من 8 د الليل حتى للتمنية د الصباح، منعات حتى الخدمة ديال دراري قل من 18 ب الليل ل كتر من 12 ساعة متواصلة من العشرة د الليل حتى للستة د الصباح.

الإتفاقية نمرة 90. على الخدمة ديال دراري بالليل (الصناعة) لعام 1948:

منعات الخدمة ديال دراري اللي ما واصلينش 18 سنة فأي وزين بالليل ما عدا إلى كان متدرب بالنسبة اللي عندهم 16 سنة وبموافقة السلطة المختصة من بعد المداكرة مع صحاب الخدمة.

الإتفاقية نمرة 112 على الحد الأدنى للصيادة ديال الحوت لعام 1959:

منعات الخدمة ديال دراري اللي ما واصلينش 15 على الباطوات ديال الصيد إلا ف العطل المدرسية وبشرط ما يكونش داكشي مضر بالصحة أولا النمو ديالهم أولا على حساب قرايتهم وما تكونش الخدامي اللي تيديرو بغرض تجاري.

الإتفاقية نمرة 123 على السن الأدنى (العمل تحت الأرض) لعام 1965:

هاد الإتفاقية صدرات كمراجعة للإتفاقية نمرة 33 ورفعات الأدنى ديال السن للدراري فالمشاريع غير الصناعية إلى15 عام أولا سن التعليم الإلزامي، ما عدا الخدامي الخفاف للي فوق من 13 سنة، بشرط ما يزيدش على ساعتين يوميا وفخدايم اللي ما كتضرش بصحتهم ولا بقرايتهم.

الإتفاقية نمرة 124 بشأن الفحص الطبي للدراري (العمل تحت الأرض) لعام 1965:

زيرات على ضرورة يتدار فحض طبي منين نبݣيو نخدمو أي عامل قل من 21 سنة ف المناجم تحت الأرض و هاد الفحص خاصو يتدار سنويا.

الإتفاقية العربية نمرة 18 لسنة 1996 ديال الخدمة د دراري

وكانت الجمعية العامة قررات فنفس العام الإعلان العالمي لحقوق الطفل اللي كان تدارت المسودة ديالو فعام 1957، هاد الإعلان كال باللي "واجب الكفالة والوقاية ديال الطفل من جميع أنوع الإهمال والقسوة والستيغلال، وما يتعرضش للاتجار بيه بأي وسيلة من الوسائل، وما يخدمش قبل ما يوصل سن مناسب، وما يخليوهش يدير شي حرفة أولا ولا شي خدمة اللي تضر بصحتو أولا تعرقل التعليم ديالو أولا تضر النمو البدني أولا العقلي أولا الأخلاقي ديالو. الموضوع ديال خدمة دراري فالمواثيق والمعايير الدولية بينات جميع التفاصيل ديال الحد الأدنى لسن الخدمة و أسوأ أشكالالخدمة ديال دراري وحقوق دراري وإعلان المبادئ والحقوق الأساسية فالخدمة. هدا دوليا أما عربيا فراه كاينة حتى إتفاقيات العمل العربية الصادرة على منظمة العمل العربية عمالة الاطفال بالارقام.

هاد الإتفاقية هادي، قالت باللي خاص الخدمة ما تمنعش دراري من التعليم الإلزامي، وما يكونش العمر ديال دري اللي بغا يخدم قل من العمر فاش خاصو يكمل قرايتو الإلزامية، وخاص الدولة تقلب على الأسباب اللي كتخلي دراري يمشيو يخدمو، و تدير التوعية بأضرار الخدمة ديالهم. فالصناعة منعات هاد الإتفاقية الخدمة ديال الدراري قل من 15 سنة وفالخدامي الخفاف اللي كتديرهم عائلتو ما خصش إكون عمرو قل من 14 سنة، وكيما كان الحال خاص المراقبة ديال الخدمة د دراري والحماية ديالهم صحيا وأخلاقيا والتأكد من أنهم قادرين يخدمو وأن لياقتهم كتسمح ليهم يخدمو.

هاد المنظمة دارت حتى لدابا 19 إتفاقية و 8 توصيات، و كان فيها بزاف ديال النصوص على الخدمة وعلى الخدمة ديال دراري و الأسرة، حيت هاد التفاقيات هتمات بزاف ب تنظيم الخدمة ديال دراري وبشكل خاص الحد الأدنى ديال الخدمة و اللي ترفع باش يتناسب مع المخاطر اللي كتشكلها الخدمة والمشقة ديالها، كما عطات القيمة للرعاية الطبية مرة مرة و تحديد ساعات العمل.

دات هاد الإتفاقية نصوص كتنظم الخدمة ديال دراري فالمجالات التالية: الفحص الطبي، الخدمة ب الليل، الخلاص، سوايع د الخدمة، الزيادة ديال سوايع، الكونجي، الخدمات الإجتماعية، إلتزامات مول الخدمة، مراقبة التطبيق، العقوبات.^[33]

شنو هي الخدمة ديال دراري الإيجابية؟

كتعني الخدمة الإيجابية ديال دراري، الخدايم اللي كتكون بدون مقابل وحتى اللي كيتخلصو عليها، و اللي كتناسب العمر و القدرات ديالو، و يمكن يكون عندها تأتير إيجابي على النمو ديالو العقلي و الجسمي، و اللي تيديرها الدري و هو فرحان و محافظ على الحقوق ديالو، و اللي كتعلمو المسؤولية و التعاون و التنظيم و التسامح و التطوع مع ناس خرين.

حجم ظاهرة الخدمة ديال دراري

الدراري اللي عندهم بين 5 و17 سنة ف فلسطين تقدر العدد ديالهم سنة 1998 بشي 125900 دري، أي بنسبة 34.6 ف المية ديال مجموع السكان، هاد دراري هادو فيهم 82.8 ف المية خدامين و العدد ديالهم 24900 والباقي تيقلبو على الخدمة و مستاعدين يخدمو و عددهم 7260 على حساب لإحصاء ديال الخدامة اللي تدار ف فلسطين عام 1999.

أسباب وتأتيرات الخدمة ديال دراري

خاصنا نعرفو بلي الخدمة ديال دراري ماشي غير بسباب إقتصادي، ولكن كاينين حوايج خرين، بحال الطبقة الإجتماعية للي كينتمي ليها الدري، و شي مرات ف المجتمعات النامية، يماعتيكولو بلي الدراري اللي ما عندهومش من حقهم يخدمو، ولايني مكاينش شي واحد اللييكعترف بحق هؤادادراري فخلصةمناسب ةللطاقة اللي يكقدمونا.ووالمجهود اللي كيديروه، عمنيناكنهضرو على الخدمة ديال دراري وعدد و نسبة ديال دراري اللي تم اللي خدامين كنلقاو بلي ماشي الخدمة فحد ذاتها فاش خاصنا نهضرو. ولكن فالنوع ديال هاد الخدمة اللِّي كَتّْعْطَى لدراري، وْالْظروف فاش تيخدمو، وِلْخطرَ وْالتَّعَدُّو اللِّي كيتعرضو لِيها فْالْخدمة، هاد هو الأهم من كولشي. كِيفَاشْ. كاين نقص كبير فالبيانات فهاد الجانب هدا، و هادشي كيخلي من الصعب تحديد دراري اللي كايشاركو ف الخدمة ولا كيخدمو فظروف اللي يمكن تكون ضارة على صحتهم ولا أفكارهم و لا عاطفيتهم، و هاد الأرقام الرسمية خايبة بزاف فهاد المجال. اما المعلومات لوخرين اللي موجودة فالدراسات والتقارير الرسمية فهي من نوعية متغيرة. وْشِي مواضيع مَا ما عندهاش حتى أهمية بالمقارنة مع مواضيع خرة. وبالمناسبة، كاين دراسات واسعة حول دراري ديال الشارع، و لكن ما المعلومات ديالنا على الظروف ديال العمل ديال دراري وظروف اللي خدامين فالزراعة و أولا فديور، الأعمار ديالهم، كتبقى هي الشاغل الرئيسي، حيت عدد كبير ديال دراري صغار تيخدوهوم، خاصة فالعروبية، لأنهم ماشي معقول وماشي مألوف نشوفوهم فسن 5 ولا 6 سنين وهما خدامين، ولكن الغالبية ديال صحاب 10 و14 سنة كنلقاوهم هما الفاعلين الإقتصاديين. و لكن النسبة ديال اللي تحت سن 10 سنة ما يمكنش نتجاهلوها واللي ممكن توصل حتى ل 20% في بعض البلدان.

الأسباب ديال الخدمة ديال دراري

المستوى التقافي ديال العائلة: الفايدة ديال التعليم ما معروفاش عندهم.
الفقر.: الأطفال كايبغيو إ‘اونو الفاميلات ديالهم، اللي ما قادرينش يصرفو عليهم.
قلة المدارس و التعليم الإلزامي.
ماعارفينش قوانين د الخدمة د دراري.
العنصرية.
الإستعمار، والحروب، والأزمات اللِّي كاتسبب عبء إقتصادي كبير.
النظام التعليمي السائد: اللي كايسبب التخلّي على المدرسة بحال سوء المعاملة أولا الخوف من المعلمين، عدم الرغبة فالقراية، عدم القدرة على النجاح فالقراية، يمكن حتى التوقيت ديال الدراسة ما تيكونش هو هداك مع ساعات الخدمة ديال دراري (بحال فالزراعة متلا) و يمكن تكون المدرسة بعيدة وختصة بالنسبة للبنات، زيد على هادشي كامل غياب النقل وبالخصوص فالمناطق البعيدة.
قلة البرامج الدولية لمحاربة الفقر.

الفقر هو السبب الكبير ديال الخدمة ديال دراري، حيت بزاف فيهم كيضطر يخدم باش يلقى ما ياكل، خاصة إلى كانت الفاميلة مخصوصة وكولشي خاصو ينوض يخدم باش إصورو طرف دل الخبز، إوا كيفاش والحالة هده غادي يقدرو يقريو ولادهم؟؟ القراية كيما هو معروف مكلفة بزاف، والأسر الفقيرة خاصها مصاريف الكتوبا واللوازم المدرسية والحوايج والطرونسپور. و حتى الخلصة ديال المعلمين فشي بلايص، وفشي بلايص القراية فالابتدائي كتكلف الأسرة التلت ديال داكشي اللي كتدخل.

بزاف ديال الأسر عندها كتر من ولد فالعمر ديال القراية، زيد عليهم بلي هاد الدراسات ݣاع ما كتهضر على النقص الكبير فالعائدات ديال الأسر، خصوصا منين الولد تيمشي يقرا و ما تيعاونش فالخدمة، وهادشي كلو هو اللي تيفسر علاش دراري بزز عليهم ينوضو يخدمو، واللي هي توفير الحوايج والمصاريف ديال القراية، حيت خاص الأسر فشي بلايص إمولو المدارس وشي مرات كنلقاو المدارس والإدارة ديالها كتحمل السكان جزء من المصاريف ديالها. بزاف ديال الناس تيعيشو فمناطق ما فيهاش ݣاع المدارس، وبالتالي ما كاينش بديل على الخدمة، وكاين علائلات كتشوف بلي التعليم كيعرقل القدرات ديالها، حيت كتشوف بلي الإستتمار خاصو يكون فشي حاجة مربحة، وكتشوف بلي التعليم والقراية فبزاف ديال الحالات دون المستوى وما كيزرعش الأمل فأي تقدم إجتماعي، وما كيستحقش التضحية، وكاينين أمثلة بزاف ديال أسر بغات تشوف ولادها واصلين لدرجة عالية ديال التعليم، ولكن الغالب الله، ما عندهاش الأدوات وكتشوف باللي التكلفة غالية جدا.

الإحصائيات الإقتصادية كتبين باللي المصروف ديال القراية كيكون مرتفع بزاف وبالخصوص فالابتدائي، البنك المريكاني ديال التنمية عبر العلاقة بين الإستتمار فالتعليم الابتدائي والنمو الإقتصادي فربعطاعشر دولة فأمريكا اللاتينية ومنطقة البحر الكاريبي، ولقا بلي المويان ديال العائد الإجتماعي هو 17 فالمية، وفهاد الصدد كيدكرنا التاريخ بلي النوضة الصناعية ما كانتش سابقة التعليم الأساسي: ألمانيا، لوطريش، ميريكيان، جاپون، وعلى دكر جاپون فمنين بدات النوضة الصناعية ديالها كانت الأمية منخفضة، من هنا كنستنتجو بلي زيادة عدد أفراد الأسرة عندو تأتير كبير وحاسم على القراية ديال دراري. حيت الإحصائيات كتكول باللي قد ما كترو أفراد الأسرة قد ما ارتفعت فرص تشغيل دراري، وقد ما نقصات فرص القراية، والعكس بالعكس، أي قد ما كان عدد أفراد الأسرة قلال قد ما قلالت فرص تشغيل دراري، و قد ما زادت فرص القراية ديالهم.

التأتيرات الخايبة والمدمرة ديال الخدمة د دراري صغار.

كاين ربعة د الحوايج جوهرية كيتأتر بها الدري منين كايتستغل إقتصاديا فالخدمة اللي كايدير وهي:

التطور والنمو الجسدي: الصحة ديال الطفل كتأتٍ من حيت التنسيق الجسدي والقوة، و الشوف. والسمع، وداكشي بسباب الجروح الجسدية، والسقوط من بلايص عاليين، والخنق بالغازات السامة، وصعوبة التنفس، النزيف، و غيرها من التأتيرات.
التطور المعرفي: التطور التعلمي ديال الدري اللي تيغيب على المدرسة وتيمشي للخدمة، فالقدرات والتقدم العلمي ديال الدري كتأتر وكتنقص عندو القدرات ديال القرايةو الكتابة والحساب، وبالإضافة إلى بلي الإبداع ديالو تيقل.
التطور العاطفي.: التطور العاطفي ديال الدري الخدام كيتأتر وهكا تيفقد الحتيرام لراسو، وتيقل الإرتباط ديالو بعائلتو، وقبوله للخورين، وهادشي بسباب البعد ديالو على عائلتو، و النعاس فالخدمة، و التعرض للعنف والتعدو من عند مول الخدمة أولا من عند صحابو.
التطور الإجتماعي والاخلاقي: النمو الإجتماعي والأخلاقي ديال الدري اللي كايخدم كيتأتر بزاف بما في دلك الشعور بالانتما للجماعة والقدرة على التعاون مع لخورين، والقدرة على التمييز بين الصح والغلاط، له، حيت الدري الصغير اللي خدام تيشوف راسو بحال العبد قدام سيدو.

المخاطر النفسية

الباحتين كايقولو من شحال هادي بلي شي أنواع ديال الخدمة هما اللي كايسببو مشاكل نفسية وإجتماعية خطيرة للدراري. هادا كايكون خطر كبير على دراري، وخاصة بالنسبة للبنات اللي كايكونو كايخدمو فالديور و كايكونو عايشين بعاد من العائلات ديالهم. كاين شي معلومات كتقول باللي بزاف منهم كيخدمو فظروف قاسية، و كايمنعوهم علاين من أي إتصال مع العائلات ديالهم وصحابتهم. شي مرات كيكونو فيهم حتى ضحايا ديال العنف الجسدي والنفسي والجنسي. وكل هادشي كايهدد التوازن النفسي والإجتماعي ديالهم.

على حساب فرقة منظمة الصحة العالمية، دراري اللي خدامين فكينيا. تيعانيو من آلام وأعراض خطيرة، من بينها الانطواء و الشيخوخة. المبكرة، و الإكتئاب..

الدعارة هي نوع خور ديال الخدمة ديال دراري، حيت كاين بزاف منهم كتسبب لو ضرر كبير وخاصة البنات، كيما ممكن يسبب الإيدز، وكاينين شي ناس بالغين اللي تيشوفو فممارسة الجنس على دراري أفضل طريقة باش إحميو راسهم من هاد المرض. بزاف ديال السلطات المسؤولة على السياحة فبزاف ديال الدول كيتساهلو مع هاد القضية هادي. زيادة على إمكانية إهز الدري الإيدز، فإن دراري كتكون عندهم مشاكل نفسية خطيرة، بسباب العزلة اللي كتفرض عليهم، والحقيقة بلي بزاف ديال دراري اللي تيجيو من العروبية تيقطعو علاقتهم مع الأسر ديالهم نهائيا

الخدمة ديال دراري فالعروبية والتأتير ديالو السلبي.

فالعروبية تيكون معدل ديال الدراري اللي تيخرجو من القراية مرتفع بزاف فالابتدائي، واللي خاصنا نعرفو بلي دراري اللي تيخرجو من المدرسة كيضطرو يخدمو أولا كيخدمو حيت خلاو المدرسة لأسباب خرة. الخدمة لساعات طويلة كتستنزف الدراري اللي خدامين و تيسبب ليهم بزاف ديال الحواديت. زيادة على بلي الخدمة بوقت طويلة كيشكل خطر على القدرة ديالهم على التعلم.

على حساب داكشي اللي نشروه الباحتين المريكانيين، القراية ديال الشباب بين 12 و17 سنة كينقص المستوى ديالها من بعد 15 حتى ل 20 ساعة ديال الخدمة فالسيمانة. واخا هكاك فراه فالدول النامية المعدل فايت بزاف هاد التقديرات، زيد عليها بلي دراري الخدامين فهاد الدول كاين اللي قل من 12 سنة. كتشير الدراسات حتى بلي تأتير الخدمة فالصغر على الأداء المدرسي ديال دراري كبير بزاف، زيد عليها الأخطار البدنية. على سبيل المتال، اللي تيجمعو الزبل فالفلبين كيتعرضو لخطر الإصابة بمرض أولا الإ‘اقة الدايمة. تركيز مرتفع ديال الزواق (الزئبق) والكحول (الرصاص) فالدم، الإصابات ديالى التعدو وسوء المعاملة، التهابات خطيرة بحال التيتانوس، المشاكل ديال التنفس، تشوهات فالهيكل العظمي بسباب التقل، الأمراض الجلدية، وغيرها من الأمراض اللي كتكون بسباب انعدام النظافة.

كتستحق الزراعة إهتمام خاص، حيت الخوبارا كيعتبروه من أكتر القطاعات خطورة على الصحة والسلامة، وحيت هو القطاع اللي تيخدم نسبة كبيرة من دراري صغار خصوصا اللي كيتمعشو منها (الزراعة المعيشية)، وحيت الخدمة فيها كتكون لساعات طويلة كتمنع الدراسة.

دراري كايتعرضو لجميع أنواع المخاطر

من بينها، التغيرات المناخ. و الأوزان التقيلة، و الأدوات الحادة. زيد عليها الآلات اللي كيدخلهوم ف الزراعة، و المواد الكيماوية السامة و الآلات، و اللي كتستعمل غالبا بلا تدريب. و بدون تيخاذ الحذر الضروري، توصفاتالخدمة الصعيبة ديال دراري فالعروبية في مقال على الخدمة ديال دراري فأفريقيا تنشر عام 1993 فمجلة العمل الدولية: واخا الأنظمة ديال الخدمة ديال دراري متنوعة من دولة الدولة، ولايني اللي تيجمعها هو بلي الظروف ديالها قاسية.

من الضغوط والمخاطر اللي كاينة حتى فالفيرمات، كنلقاو الحشرات، الزواحف الحيوانات، الأرض القاسحة، الأدوات القديمة. و يمكن تكون المسافات طويلة بزاف، ولا ساعات الخدمة طويلة بزاف، وكلشي ممكن يزيد من سوء الحالة الصحية ديال دراري.

نشوف متال محدد ديال الدراري اللي تيخدمو فإفريقيا كرعاة. وحدة من المهام اللي مطالبين بها هي يوصلو الشياه للبير، و منين كيكون البير غاربق بين 40 حتى 50 ميترو ولا كتر، خاصهم يجبدو الما بمساعدة الحيوانات. كيما خاصو يبقى يجري بين الحوض فاش تيسقهم وبين البير ويبقى يرجعهم للبير بالزربة.

يلى عتابرنا بير فيه 40 متر والدلو فيه 30 لتر. فراه خاص الدري يقطع 27 كيلومتر مشي ومجي باش يشرب قطيع فيه 200 جمل. و اللي تيبين بلي الحياة قاسية تما بلي الدري كتلقاه منجدب بزاف للحياة فالمدينة. وكتعتبر هاد الهجرة للمدينة فإفريقيا حتى بالنسبة للدراري، مرتابطة بصعوبة الظروف ديال الخدمة فالعروبية.

هادشي هو ليكشوف وظيفة أقل تعب. ولو كان يمكن نضمن البقاء على أقل تكلفة. كُلّْ حُكْمَة فَشْلَتْ فْرْدْ الْوْلَادْ لْلْمُدُنْ وْلَا الشّْبَابْ اللِّي مْشَاوْ. حتى بعد تجربة الظروف المعيشية اللي مرفوضة في الشوارع و الحيات الفقيرة في لمدون. و الأطفال يفضلو هادا عشان العالم الريفي.

الأتر الإقتصادي والإجتماعي للخدمة ديال دراري

بزاف تيربطو بين الفقر والمشاركة ديال دراري صغار فالأنشطة الإقتصادية، وأن الفقر هو السبب فالخدمة ديال دراري، ,انه كينقص من فرص الارتقاء الإجتماعي. كتر من داكشي كاين اللي تيشوف بلي الخدمة ديال دراري كتطول الفقر، حيت كينعكس على إمكانية التعلم اللي ممكن تحقق ليه مكاسب حياتو كاملة. ومن وجهة نظر الإقتصاديين والمهتمين بدراري صغار، فإن الخدمة ديالهم كتطول الفقر ديالهم بسباب التأتير على الصحة والسلامة ديالهم، حيت كتطيح براس المال البشري اللي ضروري باش تحقق التنمية الاقصتادية والإجتماعية

كيتقال فبزاف ديال المرات بلي الخدمة ديال دراري كتزيد الفقر حيت كتسبب الشوماج و كتحيد الخدمة للناس الكبار. ولكن صعيب نعممو، حيت داكشي كيرتبط ب نوع الخدمة اللي كيديرو هادوك دراري. وبالنسبة للخدمة اللي كيتخلصو عليها فلوزين متلا، راه ممكن دراري صغار يحولوهوم يديرو الخدمة ديال ناس كبار، وهادشي طبعا عندو تـأتير سلبي على جودة الخدمة والخصلة وظروف الخدمة.

وباش نبينو العلاقة بين تأتير خدمة دراري على فرص الخدمة ديال الكبار، خاص ندكرو بلي بزاف ديال المزارعين وصحاب المشاريع الصغيرة حافظو على الخدامي ديالهم، الشي اللي تيعني بلي خدمة دراري صغار ماشي ديما كتأتر على فرص خدمة الكبار، فمتلا دراري اللي كيخدمو فمناطق لارسمية فتأتيرهم ضعيف ولا ما كاينش كاع، حيت تيخدمو غير الخدامي اللي ما تيبغوهومش الكبار، بحال يبيعو الميكا فالسوق، يسيرو الصباط، البنات اللي تيخدمو فالديور عند العائلات اللي ما يقدروش إخلصو خدامة كبيرة فالعمر، هادشي كامل تيبين بلي دراري تيعانيو من تمييز خطير فالخدمة وهادشي راه ما متوافقش مع الديمقراطية والعدالة الإجتماعية.

ساعات العمل القانونية ديال دراري

كتشكل ساعات الخدمة الهم التاني، حيت الخدمة كتبقى شي مرات نشاط مستامر، كل نهار ولساعات طويلة، وهادشي ما يمكنش يتوافق مع القراية، على عكس دراري فالدولة المتقدمة اللي كيخدمو غير شي مرات، ولا فالعطلة ديال الويكاند أولا العطل المدرسية، باش إصورو شوية ديال المصروف الشخصي، على عكس دراري ديال الدولة الفقيرة اللي ضروري خاصهم يخدمو إلى بغاو يعيشو، هادشي تيخيلهوم يتعرضو لضغط ساعات العمل الطويلة، والمشكلة تنلقاو البنات تيخدمو كتر من لولاد خاصة اللي خدامين فالديور، حيت تيخدمو ساعات طويلة، وهادشي كينطبق حتى على بنات خدامين خدامي خورين، زيد عليهم بلي فيهم اللي خاصهم يعاونو والديهم فالشغالات ديال الدار زيادة على الخدمة ديالهم، وهنا خاصنا ندكرو الإتفاقية نمرة 60 ديال 1973 اللي كتعلق بالحد الأدنى للسن ديال الخدمة فالمجال غير الصناعي، كتقول بلي أي طفل تحت 14 عام، ما يقدرش يخدم فخدامي خفاف لكتر من ساعتين فاليوم، سوا فأيام القراية سوا فأيام العطلة، و ما خاصوش حتى يدوز بين المدرسة والخدامي الخفاف كتر من سبع سوايع يوميا. غالبًا ما كنتساءلو على العلاقة بين الخدمة ديال دراري والحضور ديالهم للقراية. صحيحأن بزاف منهم كيجمعو بين الخدمة والقراية ولايني بزاف منهم ما كيمشيوش للمدرسة. كما بلي دراسات ديال منظمة العمل الدولية بينات بلي 30 حتى ل 50 فالمية من دراري تيخدمو فالبرازيل وغانا والهند وإندونيسيا والسنيغال وتركيا خرجو من القراية نهائيا.

الأسباب اللي كتخلي الدري يخرج يخدم على حسابو هو

النتائج بينات بلي السبب اللي تيخلي دراري يخرجو للخدمة على حساب ما صرحو به هما، هو جوج أسباب لول إجتماعي والتاني إقتصادي، حيت تبين بلي 67.7 فالمية من اللي خرجو للخدمة خرجو بأسباب إقتصادية، أي حيت مخصوصين، واللي بغاو يزيدو من المدخول ديال الأسر ديالهم شكلو 31.7 فالمية، أما الأسباب الإجتماعية فتفرقات بين الستيغلال والإعتماد على النفس بنسبة 10.8 فالمية وملء الفراغ بعد الخروج من القراية بنسبة 12.4 فالمية.

هادا من جهة من جهة خرى، الطفل كيتعرض للتعدو سوا جسديا سوا بالسبان وتخسار الهضرة أولا بجوج بهم، من مول الخدمة ولا صحابو فالخدمة ولا الكليان اللي كيتعامل معهم. المهم الخدمة ديال دراري صغار راه مشكل خطير بزاف. وقد ما كان الدر يصغير قد ما المخاطر كتزيد بحال المخاطر الفيزيائية، و الكيمياويةوغيرها اللي كتكون فبلايص د الخدمة وبالطبع الستيغلال الإقتصادي ديالهم.^[34]

موقف الطفل تجاه ظروف الخدمة

على حساب النتائج، 35.4٪ من دراري كايشوفو بلي الخدمة ديالهم مكرفصة بزاف.
15.4% كايشوفو بلي الخدمة ديالهم خطيرة.

النضال باش تحيد خدمة دراري

شي سنوات هادي تطلقات واحد المبادرة عالمية للدفاع على حقوق دراري واللي البطل ديالها هو طائر الدودو، هاد المبادرة الهدف ديالها هو نشر الإتفاقية الدولية لحقوق دري فجميع أنحاء العالم، كيما بغا يكون الجنس ولا الدين ولا العرق ولا المستوى الإجتماعي ولا التوجه السياسي. وتيشكل الموقع ديال "سايبردود، المدافع على الحياة"،^[35] أداة تواصل عالمية كيتجمعو فيها ݣاع المهتمين بالدفاع على الحياة والبيئة بالتعاون مع منظمات دولية بحال المفوضية السامية لحقوق الإنسان فالأمم المتحدة والانتربول الدولي.