خدايمي:سكيزو الشوهاني

شخصيات من التاريخ

كليوباترا 

هدي اخر ملكة حكمات مصر وأشهر مراة قدات تشد عرش الحكم 20 عام كليوباترا بنت بطليموس التاني فاش مات شدات الحكم على 18 عام هادشي ف عام 51 ق م من العادات ديال الحكم البطلمي خاصها تزوج بخوها وهادشي لدارتو تزوجات بخوها لعندو غا 10 سنين البرهوش كبر وغدر بها وجرا عليها من القصر ماشت عند بيوليوس القيصر درومانيا ختنا كانت بوقوصة تزعط وهز الجيش ديالو وقصد مصر تردها للعرش فالمعركة مات خوها أي راجلها غرق وختها لكانت كتعاونو ارسينو الرابعة دخلوها للحبس تهدانت القاضية وتزوجات كليوباترا من خوها الصغير بطليموس الرابع عشر وهنا تعرفات اشهر قصة تقحبين فالتاريخ كليوباترا قبل متزوج بوخوها طاحت فعلاقة مع قيصر رومانيا ولدت منو دري سماوه بطليموس قيصر مشات هيا وراجلها وصاحبها يوليوس لروما ومن زهر هاد الأمير انهو أي واحد حطو فكليوباترا كيموت تهموه الشعب ديالو بالخيانة وفالقصر ديالو شبعو فيه طعنات ولكن بقا صامد وهنا غتجي واحد القصة تارخية دواو عليها بزااف دالمؤرخين هيا فاش صاحب يوليوس الروح فالروح عشيرو سميتو برتوس ا طعنو طعنة مقودة طيحو بيها هاد اللحظة سماها شكسبير أخبت عملية اغتيال فالتاريخ خصوصا فاش طعنو برتوس وقاليه يوليوس "واش تانتا يابرتوس " فاش رجعات كليوباترا لمصر وبقات متبعة الروينة لي خلاتها نايضة فرومانيا بين انطونيو واكتافيوس موهيم شبكات مزيان ووسط الحرب انطونيو مقدرش انسا كليوباترا فايت شافها فاش جات مع يوليوس موهيم صيفط ليها باش تجي عندو دات السفينة ديالها ومشات جهزاتها بأجمل ديكورات إنفوا دخل عندها تزعط فيها خصوصا هيا مشهورة القصة ديالها انها كان عندها واحد العطر كدوخ بيه بنادم وتخليك تزعط فيها وخاك تكون معرت شكون هوا بغاها من قلبو وهيا بغات تشد الامبرطورية الرومانية مرا وقادة بالرجولة السيد مبقاش كيتفارق معاها دوز معاها 10 سنين وفنفس الحرب باقا مشادا ولكن نهار هجم اكتافيوس على مصر هز الجيش ديالو ومشاو وتشادو فيها الطايح كتر من النايض والنايض فاتيغي كليوباترا مقودة فالحرب وكتعرف شكون يربح من اللول عرفات العاشق ديالها قودها هربات وخلاتو السيد مزعوط دبصح سمح فالجيش وكولشي ومشا تبعا هيا مطورة عرفات حبيبها غيخسر الحرب ونشرات خبر موتها باش ميقلبش عليها اكتافيوس (دارت البلان لي دار الحسن التاني فانقلاب الصخيرات ) فاش يدخل لمصر ولكن عشيرها طلع عنيبة مقود سمع الخبار ونتاحر وسمح فكولشي هيا تخبعات فقصرها ولكن فاش سمعات خبار موتو صافي عرفات راسها قوداتها ونتاحرت شدات واحد الافعى وخلاتها كتقرص فيها .