خدايمي:سعيد الشاعر الغريب/مجلس لأمن ديال لأمم لمتحدة
مجلس الأمن ديال الأمم المتحدة هو واحد من أهم الهيئات ديال الأمم المتحدة، وكيتحمل المسؤولية الأساسية فحفظ السلم والأمن العالميين. المجلس عندو صلاحيات واسعة بحال اتخاذ قرارات ملزمة للدول، فرض عقوبات، وإرسال بعثات حفظ السلام.
مجلس الأمن كيتكوّن من 15 دولة: 5 أعضاء دائمين عندهم حق النقض (الفيتو) وهم: الولايات المتحدة، روسيا، الصين، فرنسا، والمملكة المتحدة؛ و10 أعضاء غير دائمين كيتنتاخبو كل عامين من الجمعية العامة للأمم المتحدة. [1]
المجلس مسؤول على:
- اتخاذ القرارات اللي كتساهم فحل النزاعات الدولية.
- إصدار قرارات ملزمة قانونياً على جميع الدول الأعضاء.
- تكليف بعثات حفظ السلام ومراقبة وقف إطلاق النار.
لكل عضو دائم حق الفيتو، أي أنه يقدر يمنع أي قرار حتى لو تصوت عليه الأغلبية. القرارات الأخرى كتحتاج أغلبية 9 أصوات من أصل 15 عضو. [3]
مجلس الأمن كيسير بعثات حفظ السلام فمناطق نزاع بحال الكونغو، مالي، وشرق الأوسط. هاد البعثات كتهدف لحماية المدنيين، دعم تطبيق السلام، والمساعدة فالإنتخابات. [4]
المجلس كيواجه بزاف ديال الانتقادات، من أبرزها: هيمنة الأعضاء الدائمين على القرارات باستخدام حق الفيتو، اللي كيعني أنهم يقدرو يمنعو أي قرار حتى إلا كان أغلبية الأعضاء موافقة عليه. وقصور المجلس فالتدخل فبعض النزاعات الإنسانية الخطيرة، بحال الحروب الأهلية أو الأزمات اللي كتطال المدنيين بشكل مباشر. وزيد عليها مطالب مستمرة بإصلاح المجلس باش يكون التمثيل متوازن أكثر، خصوصاً لقارات إفريقيا وأمريكا اللاتينية اللي كيحسو أنها ممثلة بشكل ضعيف فصنع القرار.[5]