بزطام د كريپطو

سمع (فيشي)
من ويكيپيديا
بزطام د لبيتكوين فيه أدريسة باش يشد بيتكوين ؤ ساروت خاص باش يصيفط

لبزطام د لكريپطو ؤلا لبزطام د كريپطوصولدي نّݣليزية Cryprocurrency wallet) هوّا جهاز، ؤلا واساط فيزيكي ؤلا پروݣرام ؤلا سربيس لي كيصطوكي سّوارت لعوموميين ؤ/ؤلا لخاصّين ديال تعاملات ب كريپطوصولدي. ب لإضافة ل هاد لمزية ديال صّطوكاج، لبزطام د لكريپطو كيكون قادر باش يكريپطي ؤ يسني تّعاملات.[1]

كلمة "بزطام" هنا شوية ماشي ف محلها، حيت لبزطام د لكريپطو ماكيصطوكيش لفلوس رّقمية (بحال بيتكوين) براسهوم، مي سّوارت لي كيخليو بنادم يصيفط ؤلا يشد لكريپطو، ؤلا باش يسني شي تعامل ديجيطالي من نوع أخور بحال كونطرا دكية. لحصيصة د لكريپطو لي كاتكون تابعة ل شي أدريسة كاتكون مصطوكية ف لبلوكتشيين براسها، ؤ ب تّحديد ف لكناش لموزع ديالها.[1]

سّاروت لخاص ؤ لادريسة كيتجينيراو بشكل عشوائي، ؤ تقريبا مستحيل باش جوج بزاطم يكون سّاروت لخاص عندهوم بحال بحال.

نقدرو نقسّمو لبزاطم د لكريپطو ل تلاتة د نّواع:[1]

  • بزاطم د لهاردوير: بزطام كيكون ف لهارد ؤلا ف ؤ إيس بي متلا، ؤ كيقدر بنادم يختار فوقاش يكونيكطيه معا أنتيرنيت باش يدير شي موعاملة. صعيب بزاف يتهاكا، ولاكين ساهل يتّسرق.[2]
  • بزاطم د سّوفتوير: بزطام كيكون ف سوفتيور كيطيلاشارجيه بنادم ل سمارتفون ديالو ؤلا ؤرديناتور. حتا هوّا كيكون مسيكوريزي مزيان، ولاكين كيبقا ديما حتيمال د لهاكاج.
  • بزطام ؤنلاين: كيكون ف شي سيت ويب لي يقدر يتقيد فيه بنادم. أسهل نوع ف تّخدام، ولاكين يلا تهاكا سّيت يقدرو يمشيو ل بنادم فلوسو كاملين.

عيون لكلام[بدل | بدل لكود]

  1. ^ a b c "What Is a Cryptocurrency Wallet" (ب نڭليزية). 18 فبراير 2021. مأرشيڤي من لأصل ف 2021-10-27. تطّالع عليه ب تاريخ 2021-10-13.
  2. ^ "How to send bitcoin to a hardware wallet" (ب نڭليزية). 15 دجنبر 2017. مأرشيڤي من لأصل ف 2021-10-27. تطّالع عليه ب تاريخ 2021-10-13.
هادي زريعة ديال مقالة خاصها تّوسع. تقدر تشارك ف لكتبة ديالها.