إعدام

لإعدام هي واحد لعقوبة، لي كاتوافق عليها لحكومة، لي من خلالها شي شخص كايتحكم عليه أنه يتقتل من قبل دولة، ك عقاب ليه على شي جريمة. لجرائم لي كايتعاقب عليها لواحد ب لإعدام كايختالفو من بلاد لبلاد، وغالبا كيضمّو مخالفات متعلقة ب انهاء لحياة ديال ناس، بحال لقتل و لقتل لجماعي، ولجرائم لخايبة بزاف، بحال لغتيصاب، غتيصاب لأطفال، تحرش لجنسي ب لأطفال، لإرهاب، لخيانة، تجسس، تحريض، و لجرائم ضد دولة بحال محاولة قلب نيضام، و لقرصنة.

56 دولة ف لعالم مازالا كاطبق عقوبة لإعدام، و 106 ديال دول لغاوها نهائيا لجميع لجرائم. 8 د دول لغاوها من لجرائم لعادية و خلاوها ل لجرائم لإستتنائية، بحال جرائم لحرب، و 28 دولة لغات هاد لعقوبة ف تطبيق، ولكن باقا ف لقانون.