لفرق بين الجوج ڤيرسيونات ديال: "جوف خنافري"

من ويكيپيديا
تم حذف المحتوى تمت إضافة المحتوى
وسوم: تعديل من تّيليفون تعديل ويب بالتيليفون تعديل المحمول المتقدم
وسوم: تعديل من تّيليفون تعديل ويب بالتيليفون تعديل المحمول المتقدم
سطر 38: سطر 38:
الرگا(مصطلح كايتخدم فلمدون لمغريبية لقديمة بحال مراكش، تارودانت، الصويرة.. وكايعني لعكس ديال السقف : أرضية)= Plancher.
الرگا(مصطلح كايتخدم فلمدون لمغريبية لقديمة بحال مراكش، تارودانت، الصويرة.. وكايعني لعكس ديال السقف : أرضية)= Plancher.


قرجوتة =Pharynx.
حلقوم =Pharynx.


بوعويدوشكلية= Piriforme.
بوعويدوشكلية= Piriforme.

مراجعة 00:49، 31 مارس 2021

جوف خنافري ولا غار خنافري (ب لفرانصاوية: Fosse nasale، ب نڭليزية:Nasal cavity) هيا واحد ليصپاص واسع على شكل تجويفة فوسط لوجه واللي كاينة فوق لحفرا الفمية و بين لوربيطات لعينينية، ؤ هوا موهيم فالتنفوس و الشمان ولايني حتا الدوقان و النطقان اللي كايتعتابرو تانويين فلخدمة ديالو.

كاع الناس عندهوم جوج ديال الجوفات لخنافرية واحد فليمن ولاخر فليسر مفرقين بواحد اللامة عضمية سميتها فراقة خنافرية أولا سيپتوم خنافري.

تقطيعة جبهية دلوجه كاتوري الجوف لخنافري

لاناطومي

فيشي:شيما كايبين لاناطومي ديال لحلق.jpg
شوفة جنبية كاتبين لاناطومي ديال جوف خنافري

الجوف لخنافري داير بحال شي بيت فيه ربعة دلحيوطا اللي كايتكونو من كادر عضمي و لكورنيتات. و فهاد الجوف كاينين جوج فتحات وحدا قدامية سميتها التقبة لبوعويدوشكلية هي اللي كاطل على التقبات ديال النيف، ؤ لورانية كاطل على الشكوانة اللي هيا واحد لفتحة كاتربط بين الجوف لخنافري و لحلقوم . الا بغينا نوصفو الجوف بلمزيان غادي نقولو عليه باللي فيه:

  • حيط فوقاني(السقف).
  • حيط تحتاني(الرگا) اللي هوا نيت لفرصادة لفوقانية ديال اللها.
  • حيط جنبي(براني).
  • حيط وسطاوي(دخلاني) واللي هوا نيت السيپطوم لخنافري.

لكادر لعضمي ديال الجوف لخنافري

- لفرّاقة لخنافرية أولا السيپطوم لخنافري هيا لامة عضموكارتيلاجية كاتكون من تلاتة ديال لپياسات : جوج عضومة :لقومير و اللامة لعمودية ديال ليتمويد. زيد عليهوم لكارتيلاج السيپطالي هوا اللي هاز النيف وكايعطي ليه لفورمة ديالو.

رد لبال: لكارتيلاج السيپطالي الا مكاينش ولا تديفورما فشي تهريسة ديال النيف كايتعتابر موشكيلة خايبة سيرتو فلجانيب التزويني ديال بنادم و اللي صعيب باش يتقاد.

شوفة جنبية ديال السيپطوم لخنافري

-لحيط لتحتاني : كايتكون من اللها لقاسح وفيه جوج عضومة هوما لپروصيص اللهاوي ديال لعضم لماكسيلاري فالتلتين القداميين، و التلت اللي باقي كايتكون من لپلاكة لؤفقية ديال لعضم اللهاوي. هاد لحيط متقوب بواحد لقناة كادوز لعصب لخنفرواللهاوي ولأرتير اللهاوية لكبيرة.

-لحيط الجنبي : هوا اللي معقد فهاد لحيوطا حيت كايتكون من ستا ديال لپياسات عضمية : عضم ماكسيلاري ،عضم دمعاوي، متاهة غربالية(لعضم لغربالي)، پلاكة عمودية ديال لعضم اللهاوي و لپروصيص الجناوحي ديال لعضم السحتليلي(لخفاشي).

ترجمة دلكلمات لعلمية بلفرانصاوية

رد لبال :مكايناش شي ترجمة متافقين عليها صحاب التخصوص الناطقين باللغة لمغريبية. شوف واش كاين شي حل حسن من هادا .

لوربيطات لعينينية = Orbites oculaires.

فراقة خنافرية = Cloison nasale.

سيپطوم خنافري = Septum Nasal.

لامة = Une lame.

كورنيتات = les cornets.

الرگا(مصطلح كايتخدم فلمدون لمغريبية لقديمة بحال مراكش، تارودانت، الصويرة.. وكايعني لعكس ديال السقف : أرضية)= Plancher.

حلقوم =Pharynx.

بوعويدوشكلية= Piriforme.

الشكوانة= choane.

لقومير =Vomer.

لعضم لغربالي=Os Éthmoïde .

لعضم السحتليلي=Os sphénoide.

لپروصيص الجناوحي=Processus Ptérygoide

عيون دلكلام