فرتيتة معمرة

شكل الذرّة و الإلكطرون فالموضيل ديال بور.

الحاجات، الكسدات، الضو، الشعى و شلاّ حوايج فالدنيا مصاوبين من التّركاب ديال واحد الفرتيت، هادي هي النّضرة ديال الموضيل العادي لي فالفيزيك د الفرتيت . كاين شي نواع من هاد الفرتيت عاينّاهوم من شحال هادي، وشي نواع آخرين يالله عاينّاهوم بحال البوزون د هيڭز لي عاينّاه فعام 2012. .

الفرتيت ديال الضّو المعمّر

الذرّة ماشي هي أصغر حاجة فالدنيا، كاين لي صغر منها، و داكشي لي صغر منها هو لي تانسمّيوه الفرتيت. كاين فالقلب د الذرّة جوج نواع من الفرتيت، الپروطونات و النوطرونات. و ضاير بالقلب د الذرّة واحد النوع من الفرتيت لي تانسمّيوه الإلكطرون، و هاد الإلكطرون تاينقز من بلاصة لبلاصة، و العاقبة ديال داك التنقاز هو الخروج ولّ الدخول ديال واحد الفرتيت لي تانسمّيوه الفوطون.

ملي تاينقز الإلكطرون من موضع لموضع غادي يـخلي واحد الخوى، هاداك الخوى تانسمّيوه الخوى، و تانسمّيوه عاوثاني الفرتيت الزايد، والإلكطرون تانسميوه الفرتيت الناقص. حيثاش ملي تايتلاقى الفرتيت الناقص مع الفرتيت الناقص، تايتدافعو، وملي تايتلاقى الفرتيت الناقص مع الفرتيت الزايد، تايتجارو.

الكونداساتور

ماكينة تخراج الضّو بالحكّان تاع فرانسیس هاوکسبی.

الكونداساتور هو واحد الحيلة فالإلكترونيك تانكدّسو بيها الفرتيت د الضّو، و أول كونداساتور صاوبنا هو القرعة ديال لايدن ، صاوبها پيتر ڤان موشنبغوك فمدينة لايدن الهولاندية. ف 1740 كنّا تانخرّجو الفرتيت د الضّو بالحكّان، دابا نيت فاش تانحكّو شي ستيلو مع شي حاجة و تانقرّبوه لشي طريّف صغير د الورقة تايجرّها. و ديك الساع كانو تايخرّجو بزّاف تاع الفرتيت د الضّو بالمكينة ديال فرانسیس هاوکسبی.

هاد فرانسیس هاوکسبی كان حرايفي واعر فالأكاديمية الملكية النڭليزية، وكان صاوب البومبة لي تاتخوي القراعي من الهوى، ومن بعد بدا تايخمّم فواحد القاضية : ملّي تايحرّك شي قرعة فيها الزّواق و خاوية من الهوى، تايبدى واحد الشعى زرق تايضرب فالقرعة. بدّل الزّواق بالحجر د العنبر،و ملّي حرّك القرعة خرج عاوتاني داك الشعى، هو يقول مع راسو علاش مايحرّكش القرعة براسها فموضع مايحرّك شي حاجة وسطها.

هي هاديك ملّي حرّك القرعة و فنفس الوقت تايحك القرعة بيديه بدا تايخرج الشعى.