حنا دببة

مقالة ؤلا فقرة ناقصينها عيون لكلام. لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها عيون لكلام باش تكون موتوقة. شوف هنا كيفاش تزيد لعيون. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!

حنا دببة
النوع	كوميديا و قصة تقدم في العمر
التأليف	دانيال تشونغ
التطوير	دانيال تشونغ
لبلاد	ميريكان
اللوغة	لونݣلي
لينتاج
الشركة د لينتاج	كرتون نتورك ستوديوز
التوزيع	تلفزيون وارنر بروس، نتفليكس و هولو
لبت ولعرض
لبدية	27 يوليوز 2015
النيهاية	27 ماي 2019
شحال د لحلقات	140
شحال د لمواسيم	4
لقنوات اللي داز منها	كرتون نتورك

حنا دببة (بلونݣلي : We Bare Bears) هو مسلسل روسوم ديال ميريكان الي أنتجاتو كرتون نتورك و بدا ف 27 يوليوز 2015 على كرتون نتورك ديال ميريكان و سالا ف 7 شتنبر 2020 بعد ما داز لفيلم ديالو ف 30 يونيو 2020 . لمسلسل كيهدر على ثلاثا ديال دببة كيعيشو مع لبشر فمدينت سان فرانسيسكو ف كاليفورنيا و كيدوزو فمغامرات و تجارب جديدا . لملسلسل فيه 4 لمواسم و 140 حلقة

ف 30 ماي 2019، كرتون نتورك دارت اعلان على فيلم حنا الدببة لي غادي صدر ف لمنتصف ديال لعام 2020 و بلي غادي تكون واحد سلسلة جديد سميتها حنا دببة صغار (We Baby Bears) لي غادي تهضر على دببة ثلاثا ملي كانو صغار و حتال دابا مازال كتنتج و غادي يصدر ف ربيع ديال عام 2021. و من بعد صدر لفيلم ديال حنا دببة ف 30 يونيو 2020 و ف كرتون نتورك ف 7 شتنبر 2020، و هي بمثابة للخر ديال لمسلسل .

لقصا

كيهضر لمسلسل على ثلاثة دببة صحاب لدرجة أخوة : غريزلي (باندا كيقول ليه غريز)، باندا (كلشي كيقول ليه بان-بان) و دب ثلج. كتحاول دببة يندامجو مع الناس، بحال ياكلو ماكلتهم و يتصاحبو مع ناس يشريين و يكونو مشهورين فلانترنيت، و ديما كتشارك دببة فمغامرات مع صحابهم بحال، طفل لمعجزا كلو بارك، بيغ فوت تشارلي، مشهور لأنترنيت كوالا نام نام، لحارسا ديال لغابة تيبس، و لبائعا لوسي. و فبعض لحلقات كتكون فلاش باك ملي كانو صغار و هوما كيقلبو على دار فين اسكنو .

شخصيات

شخصيات رئيسية

• ݣريزلي : غريز، هو دب بغا يكونو عندو صحاب و خصوصا ايكون مشهور فلأنترنيت و عزيزين عليه خوتو .
• باندا : هو دب عزيز عليه تيليفونو بزاف و عزيزين عليه لبنات و هو ضريف بين دببة .
• دب ثلج : هو دب ماكيهدرش بزاف و عزيز عليه نينجا لعيب ديالو لوحيد هو كيقول سميتو فكل بديت كلام و كيعرف ادير كلشي .

شخصيات ثانوية

• كلوي : هي بنت كوريا كتقرا ف ميريكان، واخا هي صغيرا ولكن عقلها ناضج و ما عندهاش صحاب. و لكن بعدما تعرفات على غريز، باندا و دب ثلج ولاو عندها بزاف د صحاب.
• تشارلي : هو مخلوق ما عندوش هويا و ماعارفش معنى دنيا، لبعض لمرات كيكون مصضع دببا و لكن هو ظرييف و عزيز ليه كرات لفرماج.

تقدر تزيد شوف بزاف د تّصاور و لمعلومات ديال We Bare Bears ف ويكيميديا كومنز.