حليب

حليب
معلومات عامة
نوع د لمشروب	ماكلة، مكون د لماكلة، سوائل الجسم، مستحلب، إفرازات، كيان تشريحي معين، dairy-milk beverage و مشروب ماشي كوحولي

لحليب هو واحد السائل لونو مايل للبْياض، كيتاخد غالباً من الحيوانات بحال البڭر، الماعز، و الغنم. الناس ف المغرب و ف العالم كامل كيشربوه و كيديروه ف بزاف د الحوايج و الماكلة. فيه عناصر غذائية مهمة بحال الكالسيوم، الپروتين، و ڤيطامينات، و كيعاون باش العظام و الجسم يبقاو قويين و يكبرو مزيان.

لحليب من أقدم المشروبات اللي عرفها الإنسان ف التاريخ، و دابا كيتباع ف كل بلاصة ف العالم، سوا كان طبيعي، معالج، ولا مصاوب ف منتوجات أخرى بحال الفرماج، الزبدة، و اليوڭورت.

المكونات

لحليب فيه الپروتين اللي كيعاون ف لبني ديال العضلات و تقوية الجسم، و فيه الكالسيوم اللي ضروري للعظام و السنّان. فيه حتى الدهون و سكّار طبيعي سميتو اللاكطوز. نسبة الدهون كتختالف حسب النوع، حيث كاين لحليب كامل الدسم، و كاين اللي قليل الدسم، و كاين حتى منزوع الدسم.

النواع

كاينين بزاف ديال النواع ديال لحليب:

• ̆حليب ديال البڭر
• حليب ديال الماعز
• حليب ديال الغنم
• لحليب النباتي (بحال حليب اللوز ولا الصوجا)

لحليب النباتي ما كيجيش من الحيوان، ولكن كيتصاوب من النباتات. الناس كيشربوه يلا كان عندهم مشكل مع اللاكطوز ولا كيتبعو نظام غذائي خاص.

الإستعمال

لحليب كيتشرب بوحدو ف الفطور ولا ف أي وقت، و كيدخل ف صناعة الحلويات و الماكلة بحال الكيك، الشكلاط، لاكريم، و حوايج أخرى. و منو كيتصاوب الفرماج، الزبدة، و اليوڭورت.

الفايدة

لحليب فيه الكالسيوم اللي مهم باش العظام و السنّان يبقاو صحاح. مفيد بزاف خصوصاً للأطفال و المراهقين حيث كيعاونهم ف النمو. ولكن خاص يتشرب ب إعتدال حيث فيه دهون و سكار طبيعي، و ما خاصش يكثر لواحد منو بزاف.

المشاكل

بعض الناس ما كيقدروش يهضمو اللاكطوز، و يلا شربو لحليب كيحسو بوجع ف الكرش ولا النفخة. و كاينين ناس عندهم حساسية من لپروتين ديال لحليب، و ف هاد الحالة كيلجأو للحليب بلا لاكطوز ولا بدائل نباتية باش ما يوقعش ليهم مشكل.

شوف تا

• لبن