حلوف مربي
 مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف صفحة لمعاونة. يلا بان ليك بلي هاد لمقال مامحتاجش ل تصاور، زيد التصنيف تصنيف:ستيتناء من طاݣ ناقصين تصاور ف لّخر معا التصنيفات و حيّد هاد لموضيل. |
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
| مقالة ؤلا فقرة ناقصينها مصادر. لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها مصادر باش تكون موتوقة. شوف هنا كيفاش تزيد لمصادر. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
حلوف مربي
| ||
 | ||
| معلومات عامة | ||
| سمية لعيلمية | Sus scrofa domesticus (يوهان كريستيان بوليكارب إركسليبن، 1777) | |
| لخاصية د ترتاب | نوع تحتاني | |
| تابع ل | خنزير بري | |
| لعيشة | ||
| أقدم تاريخ | لألفية 15 قبل لميلاد | |
| لمودة د لعيشة | حتال 27 عام | |
| خصايصو | ||
| كاين منو | pig's tail *خَنْزُوَان *خنزيرة | |
| معلومات خرين | ||
| لكائن مصدر ديال | لحم خنزير *pig nail *pork liver *knuckle *pig's bladder *Crackling *pig's intestine *pork tail | |
| رمز ديال ليونيكود | 🐖، 🐷 | |
لحلّوف لمربّي ولا لحلّوف لمستانس ولا لحلوف لمضوميستيكي ولا غير حلوف، هو واحد لحيوان بزولي حافري جاوجي الصبعان. هو كايتسمى حلوف مربي باش يتفرّز عل لأعضاء لخرين من ݣنس لحلوف. شي سلطات كايعتابروه نويّع ديال لحلوف لبرّي (ولا لحلوف لأوراسي)؛ سلطات خرين كايعتابروه نوع مفرّز. لحلالف لمربيين تضوميستيكاو ب شكل مستاقل جوج مرّات وقيت لعصر لحجري الجديد، ف الشرق لقريب جوايه حوض دجلة، و فالشينوا.منين جاو لحلالف لمربيين ل أوروپا من الشرق لقريب، تجاوجو ب شكل موسع معا لحلوف لبرّي بلحق شيّطو خصايلهم لمضوميستيكيين.
لحلالف لمربيين كايترباو ب شكل لولاني على ود لحمهم. جلدة لحيوان ولا لهيضورة كاتخدّم على ود الجلد لمبيوع (leather). الشينوا هي لمنتج لكبر ديال لحم لحلوف ف الدنيا، متبوعة ب التيحاد لوروپي عاد لولايات لمتاحدة. جوايه 1.5 مليار حلوف مربي كايترباو كل عام، لي كايخرّجو شي 120 مليون طن ديال اللحم، غالباً مصايب ب صيفتو ݣدّيد. شي وحدين منهم كايخلّيوهم كا حيوانات ديال الرفقة.
لحلالف لمربيين تعرْضو ف التقافة لبنادمية من لوقات ديال لعصر لحجري الجديد، و بانو ف لفن و لأدب ل الطفال و لبالغين، و تّحتافل بيهم ف مدون بحال بولونيا على قبل منتوجات لحمهم.
لحلوف لمربي عندو واحد الراس كبير، ب قنوفة طويلة مصححة ب واحد لعضم قبل نيفي سپيسيال و واحد الديسك ديال لغضروف (cartilage) ف قمقومة لقنوفة. لقنوفة كاتخدّم ف حفير التراب على ود لقيان و هي واحد لعضو حسّي ماضي. التسنينة (dental formula) د لحلالف لمربيين لبالغين هي 3.1.4.33.1.4.3، لي الطوطال نتاعهم 44 سنّة. السنان اللورانيين كايكونو مأضاپطين على قبل تدݣديݣ لماكلة. عند الدكور، النياب يمكن ليهم يصايبو نياب برانيين (tusks)، لي كايكمّلو ف لكبورية و كايتمضّاو ب تغزاز السنان معا بعضياتهم. كاينين ربعة ديال الصبعان لحافريين ف كل رجل؛ الصبعان لوسطانيين الجوج لكبر كايرفدو جل التقل، ف لوقيتة لي الجوج لبرانيين حتى هوما كايتخدّمو ف لوطا لهشيش. لغالبية ديال لحلالف لمربيين عندهم زغب حرش و قليل ف جلدهم، وخا كاينين شي سلالات مصوّفين لكبوط بحال لمانݣاليتسا (Mangalitsa). لحلالف لمربيين لبالغين ب شكل عام كايوزنو بينات 140 و 300 كيلوݣرام، وخا شي سلالات يقدرو يفوتو هاد لحد. ب شكل ستيتنائي، واحد لحلوف مستانس سميتو بيݣ ويل وزن 1,157 كݣ و كانت عندو طولة لكتاف ديال 1.5 ميطرو.
لحلالف لمربيين عندهم غدد لعرَق لفرّازين لفوقانيين (apocrine) و لبرانيين (eccrine)، وخا اللخرين كايكونو محدودين ف لقنوفة. لحلالف لمربيين، كيف ما لبزوليات "لملطين" لخرين بحال لفيال، ماكايخدّموش غدد لعرَق لحراريين ف التبراد. لحلالف لمربيين قادرين ب شكل قل عل لبزوليات لخرين ف تصراف السخونية من لغشاوات لخنونيين (mucous membranes) لفازݣين ف لفم ب النهيج. الزون لمحايدة حرارياً (thermoneutral zone) ديالتهم هي 16–22 °C. ف درجات لحرارة الزيْد، لحلالف كايخسرو السخونية ب التمراغ (wallowing) ف لغيس ولا لما على طريق التبراد التبخاري، وخا تقتارح بلي التمراغ يقدر يخدْم وضايف خرين، بحال التمناع من حريق الشمش، كونطرول لپارازيطات لبرانيين، و التعلام ب الريحة. لحلالف لمربيين بينات ربعة ديال النواع لبزوليين ب طفرات ف ريسيپطور لأسيتيكولين النيكوتيني (nicotinic acetylcholine receptor) لي كايحامي ضد سم لحنش. النموسا، وكّالات لعسل، لقنافد، و لحلالف لمربيين كاملين بيهم عندهم تعدالات مبدلين ل الرسيپطور الجيب لي كايجنب السم لعصبي-α من الربيط. لحلالف لمربيين عندهم ريّات صغار على حساب قد كسدتهم، و عليها هوما محسوسين كتر من لحيوانات لمضوميستيكيين لخرين ل لتيهاب لقصيبات (bronchitis) و لتيهاب الرية (pneumonia) لقتالين. الجينوم نتاع لحلوف لمربي تسنسل؛ فيه جوايه 20,000 ل كتر من 22,000 من الجينات لي كايكوضيو لپروتين.
لحلالف لمربيين مرتابطين ب نواع لحلوف لخرين كيف ما باين ف لكلاضوݣرام، على حساب التحليل لفيلوجيني ب تخدام لاديئين لميطوكوندري.
لحلوف لمربي دايماً كايتعتابر بلي هو نويّع من لحلوف لبرّي، لي تعطات ليه سمية سوس سكروفا (Sus scrofa) من كارل لينيوس ف 1758؛ ب تبيع هادشي، السمية الرسمية ديال لحلوف لمربي هو Sus scrofa domesticus. غير هو، ف 1777، يوهان كغيستيان پوليكاغپ إغكسليبن كلاصا لحلوف لمربي كا نوع مفروق على لحلوف لبرّي. هو عطاه السمية Sus domesticus، لي باقة كاتخدّم من شي طاكسونوميستات. لمجتمع لميريكاني ديال عولاما لبزوليات كايعتابروه نوع مفروق.
الدليل لأركيولوجي كايورّي بلي لحلالف لمربيين تستانسو (تضوميستيكاو) من لحلوف لبرّي ف الشرق لقريب وسط ولا جوايه حوض دجلة، و تسيّرو ف واحد لحالة نص برّية كيف ما باقيين كايتسيّرو من شي غينيين جداد عصريين. كانو حلالف مربيين ف قبرص كتر من 11,400 عام هادي، لي تدخّلو من لأرض لقارّة، هادشي لي كايعني بلي لحلوف لمربي كان مضوميستيكي ف لأرض لقارة لمحادية ف ديك لوقت. لحلاف تضوميستيكاو ب شكل مفارق ف الشينوا، علاقل 8,000 عام هادي تقريباً. ف الشرق لقريب، التاكسابت ديال لحلوف لمربي بدات تديع ف الشوية ديال لأفيات الجايين. بدات تنقص ب شوية ب شوية وقيت لعصر لبرونزي، لاحقاش سكان لعروبية ركزو ف بلاصة هادشي على لكسيبة التجارية، بلحق بقات ف لمدون.
الضوميستيكاسيو ماشملاتش لعزلة (isolation) لمكاترية ب نسمات عنق جاجيين. لحلالف لمربيين لغرب أسيويين تدخّلو ل أروپا، فين تكروزو معا لحلوف لبرّي. تماكين كايبان بلي هوما تجاوجو معا واحد النسمة طيف منقارضة دابايا ديال لحلالف لبريين وقيت عصر لپليستوسين. جينومات لحلالف لمربيين كايورّيو عزيلة (selection) مجهدة ل الجينات لي كايأترو على السلوك و لمورفولوجيا. لعزيلة لبنادمية على ود لمزيّات الضوميستيكيين ف لغالب جات ضد التأتيرات لمماتلين جينيا ديال التدفاق الجيني من لحلالف لبريين و صاوبات ݣزاير د الضوميستيكاسيو ف الجينوم. لحلالف لمربيين وصلو لأوروپا من الشرق لقريب علاقل 8,500 عام هادي. على طول ال3,000 عام لي من بعد تجاوجو معا لحلوف لبرّي لأوروپي حتى جينومهم ورّى قل من 5٪ من النسل د الشرق لقريب، وخا هاكداك بقاو عندهم لخصايل لمضوميستيكيين.
الدليل د لأديئين من الشياطا الشبه فوصيلية ديال السنان و عضام لفك ديال لحلالف لمربيين د لعصر لحجري الجديد بيّن بلي لحلالف لمربيين اللوالا ف أوروپا تجابو من الشرق لقريب. هادشي حفّز الضوميستيكاسيو ديال لحلوف لبرّي لأوروپي اللوكال، هادشي لي ودّى ل واحد لواقعة د الضوميستيكاسيو تالتة و جينات الشرق لقريب بداو يتفسخو من خزينة لحلوف لمربي لأوروپي. ف اللواخر كانو تباديلات معقدين، ب النسول لأوروپيين لمضوميستيكيين بداو يتصدّرو، ب دورهم، ل الشرق لقريب. التسجيلات التاريخيين كايشيرو بلي لحلالف لمربيين لأسيويين عاوتاني تدخّلو ل أوروپا وقيت لقرن 18 و بدية لقرن 19.
لحلالف لمربيين كانو بينات تلاتة ديال لحيوانات مربيين ساسيين (هوما و الدجاج و للكلاب) لي ترفدو ف الرحلات لمنقولين ف لبحر ديال لعصر لحجري الجديد من لقومان لأوسطرونيزيين (Austronesian) ل ݣزاير د جنوب شرق آسيا و أوقيانوسيا، جوايه 4000 ع.ه. لغالبية ديال لحلالف حرار لعيشة و لمضوميستيكيين من لفيليپين ل هاواي جاو من لحلالف لمضوميستيكيين (Sus scrofa) لي تدخّلو من لأوسطرونيزيين من جنوب شرق الشينوا و الطايوان من لفيليپين. نواع خرين د لحلالف (لحلوف السولاويساوي، لحلوف بو لحية، حلوف سيبو لمجبه، و لحلوف لمتولل)، حتى هوما داعو قبل ب زايد من لأرض لقارّة ف جنوب شرق آسيا ل ݣزاير جنوب شرق آسيا غرب خط والاس (Wallace Line)، على طريق وسايل طبيعيين ولا ݣروپات بكرانيين ديال الصيّادا لمجمعين (اللاؤوسطرونيزيين). بزاف من هاد لحلالف لوطّانين ف اللاحق تهجّنو معا لحلوف لمربي لي جابوه لأوسطرونيزيين، بلحق لحلالف ف ؤقيانوسيا لقريب ولا لمعزولة ماكايورّيوش هاد التخليطة لمزيودة.
لحلالف لمربيين من بينات لحيوانات لي الصبليون دخّلوهم ل أرخبيل تشيلوي ف لمبادلة لكولومبية ديال لقرن 16، لي كانو لفالحين كتر ف لأضاپطاسيو معا الضروف اللوكال. لحلالف تنفّعو من فروتات لبحر و لخز لكتارين لي كايتعرّاو ب لماريات لكبار ديال لأرخبيل. لحلالف تجابو من أوروپا ل جنوب شرق أمريكا الشمالية من دي سوطو و لمستكشفين الصبليون اللوالا. لحلالف لهاربين ولاو وحشيين (feral).
لحلالف لمربيين هربو من لفيرمات و ولاو وحشيين ف شلا قنات ف الدنيا. لحلالف لوحشيين ف جنوب شرق ميريكان رحلو ل الشمال ل لوسط لغربي، فين عند شلا وكالات ولاياتيين پروݣرامات باش ينحّيوهم. لحلالف لوحشيين ف نيوزيلاندا و شمال كوينزلاند سببو هليك بيئي كبير. لهجاين لوحشيين ديال لحلوف لبرّي لأوروپي معا لحلوف لمربي كايعكّلو لبيئة و الزراعة، حيتاش كايخرّبو لمحاصيل، و كايفرّقو لمرضات لحيوانيين بحال السخانة لقلاعية (foot-and-mouth disease)، و كايقصّيو لحياة لبرية بحال طيور لبحر لبزاقل و فكارن لرض لبراهش. لهليك د لحلالف لوحشيين كايشكل ب لخصوص واحد لموشكيلة ف جنوب شرق أمريكا الجنوبية.
نتوات لحلوف كايقفلو لبلوغ ف 3–12 الشهر من عمرهم و كايوصلو ل لوداق (estrus) كل 18–24 يوم يلا مافلحوش ف لمجاوجة. لمفاوتة ف معدال لمباضة (ovulation) تقدر تتقرن ب لعوامل اللبّيين بحال لعمر و الجينوتيپ (النمط الجيني)، و حتى لعوامل الضاهريين بحال التقوات، لبيئة، و التكميلات ديال لهورمونات برانيين لأصل. وقيت لحبالة كاتكون 112–120 يوم ف لمتوسط.
لوداق (السخونية ولا الشالور ب لمعنى الشعباوي) كايبقى يوماين ولا تلت يام، و الستيقبالية لمورّية من النتوا على ود لملاقية معروفة ب سمية السخونية لمكنززة (ولا لواݣفة). السخونية لمكنززة هي واحد الستيجابة رد فعلاوية لي كاتتحفّز منين النتوا كاتكون ف كونطاكط معا الدفال د شي حلوف فحل (Boar) بالغ جنسياً. لأندروسطينول (Androstenol) من لفيرومونات لي كايتطلقو من لغدد الدفاليين التحت فوق-فكيين (submaxillary salivary glands) ديال لحلالف لفحلين لي كايزندو ستيجابة النتوا. عنق لولادة نتاع النتوا فيه سيرية ديال خمسة د لوسايد لمشابكين، ولا طويات، لي كايشدّو قضيب لحلوف لي على شكل جبّاد لبوشونة (تير بوشون) وقيت لمجامعة (copulation).
النتوات عندهم ولّادات جاوجيين لݣرن (bicornuate uteruses) و جوج محامل (conceptuses) كايخصهم يكونو حاضرين ف لݣرون لولّاديين باش يخلّيو لحمالة تزيد ل لقدّام. كسدة لم كاتعرف بلي راه هي حاملة ف النهار ال11 ولا ال12 من لحمالة، و كايتّعلم ب لكسدة الصفرا كاتنتج هورمون السيكس لپروجيسطيرون (progesterone). باش تبقى لحمالة كمالة، الجنين (Embryo؛ مضغة) كايسينيالي ل لكسدة الصفرا ب هورمونات لإيسطراديول (estradiol) و لپروسطاݣلاندين E2. هاد السينيالاج كايخدْم ف بطانة لولّادة و النسيج الصفراوي (luteal tissue) ب جوج بيهم باش يجنّب من التحدار (regression) ديال لكسدة الصفرا ب تفعال جينات مسؤولين على لمحافضة على لكسدة الصفرا. ف لوسط ولا اللخر ديال لحمالة، لكسدة الصفرا كاتعوّل ف الساس على لهورمون الصفّار على قبل لمحافضة حتى ل لولادة.
الدليل لأركيولوجي كاينعّت بلي لحلالف لأوروپيين د لعصور لوسطانيين كانو كايولدو خلفة ديال لحليلفات، غير مرّة وحدة ف لعام. ف لقرن تسعطاش، لحلالف لأوروپيين بداو ب شكل روتيني يولدو ب الدوبل، ولا يفرّخو جوج خلفات ديال لحليلفات ف لعام. ماواضحش إمتى وقعات هاد لݣلبة. لحلالف لمربيين عندهم تيساع عمري ماكس ديال 27 عام تقريباً.
واحد لخصلة ديال لحلالف لمربيين لي كايشركوها معا اللحايميات هي لبني د لعش. لحلوفات كايخنششو ف لوطا باش يصايبو حفاري قد كسدتهم، و من بعد كايبنيو جبيّلات د لعش، ب تخدام لعريّشات و لوراق، رطبين لوسط، فين كايولدو. منيين الجبيّل كايوصل ل الطولة لمرغوبة، لحلوفة كاتحط عروشا كبار، حتى ل 2 ميطرو ف الطول، على السورفاص. هي كاتدخل ل الجبيّل و كاتبدا تخنشش باش تصايب حفرة وسط لمواد لمجموعين. من بعد كاتولد ف واحد لوضعية مّددة، عكس جاوجيات الصبعان لخرين لي ف لعادة كايولدو و هوما واقفين.
لبني د لعش كايطرا وقيت ال24 ساعة اللخرة قبل لبدو د الزيادة. لحلوفة كاتّفرق عل لݣروپ و كاتقلّب على موضع لايق ل التعشاش ب تراب ناشف مزيان و مدرّق من الشتا و الريح. هادشي كايعطي ل التفريخة التدراق، الراحة، و التريݣيل لحراري. لعش كايعطي حماية ضد الطقس و لمفتارسين، ف لوقيتة لي كايخلّي لحليلفات قراب ل لحلوفة و بعاد على لباقي ف لقطيع. هادشي كايضمن بلي هوما ماغاديش يترفسو، و كايجنّب لحليلفات من شفرة لحليب من لحلوفة. لبدو ديال لبني د لعش كايتزند ب واحد النوضان ف النيڤو د لپرولاكتين، لي سبابو نقصان ف لپروجيسطيرون و زيادة ف لپروسطاݣلاندين؛ تجماع لمواد د لعش كايبان بلي مريݣل كتر من شي محفّز براني بحال درجة لحرارة.
لحلالف عندهم سلوك معقد ديال الترضاع (nursing) و الرضيع (suckling). الترضاع كايطرا كل 50–60 دقيقة، و حلمات لحلّوفة كايخصهم تحفاز من لحليلفات قبل مايبدا يخرج لحليب. لمدخولات لحسّيين (التشكال الصوتي، الروايح من لموايع لبزوليين و و ديال لولادة، و نماط الشعر ديال النتوا) كايكونو ب الضبط مهمين فيساع من بعد الزيادة باش يسهّلو لقيان لحلمة ل لحليلفات. ف لبدو، لحليلفات كايتنافسو على لبلاصة د الضرع (udder)؛ عاد باش لحليلفات كايبداو يدلّكو جوايه لحلمات ب قنانفهم، ف هاد لوقيتة لحلّوفة كاتبدا تنخر (grunts) ف فواصل وقتيين تقال و منتاضمين. كل سيرية من المرات كاتفاوت ف التعاويد، النبرة و لمادى، هادشي لي كايلمّح ل لمرحالات الترضاع ل لحليلفات.
لمرحالة ديال لمنافسة على ود لبزازل و التقلاب على الضرع ب النيف كاتبقى ل شي دقيقة، و كاتسالي منين لحبيب كايبدا يدّفّق. لحليلفات موراها كايحكمو لحلمة ف فّامهم و كايبداو يمصّو ب حركة د لفم تقيلة (خطرة ف التانية)، و معدل نخير لحلّوفة كايتزاد ل 20 تانية تقريباً. الدروة د النخير ف لمرحالة التالتة د الرضيع ماكاتصادفش معا لقدف د لحليب، بلحق معا الطليق د لأوكسيطوسين من لغدة النخامية ل مجرى د الدم. لمرحالة الرابعة كاتصادف معا لوقيتة ديال التدفاق الساسي د لحليب (10–20 تانية) منين على غفلة لحليلفات كايبعّدو ب شوية على الضّرع و كايبداو يمصّو ب حركة زربانة ديال لفم جوايه تلاتة د لخطرات ف التانية. وقيت هاد لمرحالة، لحلّوفة كاتنخر ب الزربة، قل ف النبرة و دايماً ف تلاتة ولا ربعة ديال الدفعات لمزروبين. ف اللخر، التدفاق كايحبس و حتى النخير د لحلّوفة. لحليلفات يقدرو يقلْبو من بزولة ل بزولة و كايعادو يبداو الرضيع ب حركات تقال، ولا ب التقلاب الضّرع ب نيفهم. لحليلفات كايدلّكو و يمصو من بزولة لحلّوفة من بعد لحبيس د لحليب كا شكل باش يبيّنو ل لحلوفة لحالة التقواتية ديالتهم. هادشي كايعاونها ف مريݣلة كمية لحليب لمطلوقة من بزولتها ف الترضيعات الجايين. ماحد التدلاك د شي بزولة مور لماكلة كايكون مجهد، ماحد كايزيد لحليب لي كايخرج منها ف اللاحق.
عند لحلالف، هرميات لحكام كايتصايبو ف بكري ف لعمر. لحليلفات كايكونو بكرانيين النضيج (precocious)، و كايجرّبو يرضعو مور ماكايتزادو ب شوية. لحليلفات كايتولدو ب سنان ماضيين و كايدابزو على ود لبزازل الدخلانيين، لاحقاش هاد لبزازل كايخرّجو لحليب كتر. غير كايدار ليه الساس، هاد الترتاب د لبزازل كايبقى تابت، كل حليلف كايميل باش يتقوّت من شي بزولة فلانية ولا ݣروپ من لبزولات. التحفيز ديال لبزازل الدخلانيين كايبان بلي مهم حيت كايخلّي لحليب يدّفّق. عليها يقدر يكون مزيّة ل لخلفة كاملة يكونو هاد لبزولات معمرينهم حليلفات صحاح. لحليلفات كايعرفو بلاصة لبزولات ب الشوف و من بعد الشمان.
سلوك لحلوف لمربي كايكون موسّط بينات لي عند جاوجيات الصبعان لخرين و لي عند وكالات اللحم. لحلالف كايقلبو على رفقة لحلالف لخرين و دايماً كايتزاحمو باش يخلّيو لكونطاكط لفيزيكي، و لايني ماكايصايبوش ب شكل طبيعي قطعان كبار. هوما كايعيشو ف ݣروپات د جوايه 8–10 د لحلوفات لبالغات، شي فراد صغار ف لعمر، و شي دكور فرّاديين. لحلالف لمحبوسين ف شي بيئة مبسطة، مزاحمة، ولا مامرتاحاش يقدرو يلجؤ ل عضان لقزيبة؛ لخدادميا د لفيرمات شي خطرات كايقزّبو زناطط لحلالف باش يتفاداو هاد لموشكيل، ولا يقدرو يعمرو لبيئة ب اللوعاب ولا أوبجيات لخرين باش يقللو الريسك.
حيت كاينقصوهم ب شكل نسبي غدد لعرق، لحلالف غالباً كايكونطروليو درجة حرارة كسدتهم ب تخدام التعدال لحراري السلوكي. التمراغ (Wallowing)، تغلاف لكسدة ب لغيس، هو واحد السلوك شايع. هومايا ماكايتغمّسوش ب لكامل تحت لغيس، و لايني كاينوّعو لغرق و توقيت التمراغ على حساب الضروف لبيئيين. لحلالف لبالغين كايبداو التمراغ غير كاتولي درجة لحرارة لبرانية ف جوايه 17–21 °C. هوما كايغطيو ريوسهم ب لغيس من الراس ل الزنطيط. يقدر يخدّمو لغيس بحال شي إيكرو د الشمش (حْجاب د الشمش)، ولا باش يخلّيو لپارازيطات بعاد. جل لحلالف لي عندهم الزغب لحرش "كاينفضو كبوطهم"، معنيتها بلي كايطيّحو لغالبية د شعرهم الصليب و لحرش و الطوْل مرّة ف لعام، عادةً ف الربيع ولا بدية الصيف، باش يوجّدو ل الشهور الجايين الدافيين كتر.
ف لبلايص فين كايتسمح ل لحلالف يجولو حرّين، كايتمشاو علاين 4 كل يوم، ب التقمام (scavenging) وسط شي نطاق مملوك د جوايه ݣطار. لكسابا ف إفريقيا دايماً كايختارو بحال هاد السيستيم لإنتاجي حر النطاق و الطايح ف لمدخولات.
يلا الضروف سمحو، لحلالف كايتقوتو ب شكل مكمّل ل شلا سوايع عاد كاينعسو ل بزاف د السوايع، عكس لمدايغيات، لي كايميلو باش يتقوتو ل وقيتة قصيرة و موراها كاينعسو ل وقت قصير. لحلالف كايكونو (omnivorous) و معددين التخدامات ف سلوكهم د لماكلة. هوما كاياكلو ب شكل لولاني لوراق، السيقان، الجدورا، لفروتات، و النوّارات.
التخنشيش (Rooting) هو واحد السلوك غريزي ديال الترياح عند لحلالف مخصّل ب نغيز شي حاجة ب لقنوفة. هادشي كايوقع ف اللول منين كايتزادو لحليلفات باش يكسبو حليب مهم، و يقدر يولي واحد السلوك عوايدي و مهووس، كايكون بارز كتر ف لحليلفات لي فطمو بكري ب زايد. لحلالف كايخنششو و كايحفرو ف لوطا باش يقلّبو على لماكلة. التخنشيش عاوتاني واحد لوسيلة ديال التواصل.
لحلالف لمربيين هوما حيوانات دكيين نسبياً، على بونت كيف كيف معا لكلاب. هوما كايفرّزو بعضياتهم ب صيفتهم فراد، كايدوّزو لوقت لاعبين، و كايصايبو جماعات مهيكلين. هومايا عندهم ميموار طويلة لحد و كايجرّبو لعواطف، كايبدّلو سلوكهم كا ستيجابة ل لحالات لعاطفيين د لحلالف لخرين. من جيهة الشغال التجريبيين، لحلالف يمكن ليهم يديرو شغال (طاشات) لي كايحتاجو منهم يعرفو لموضع ديال لأوبجيات؛ هوما يقدرو يفكّو لمتاهات؛ و يقدر يخدمو ب واحد اللوغة بسيطة ديال الرموز. هوما كايورّيو السلوك د معرفة الدات قدّام شي مراية. لحلالف تطرينا بيهم باش يبداو يقرنو شكال مبدلين من لمزيكة (باخ و واحد لموكب عسكري) ب لماكلة و لعزلة الجتيماعية ب شكل مرادف، و يقدرو يتواصلو ب لعواطف السلبيين ولا ليجابيين ل لحلالف لمامطرينيينش. لحلالف يمكن ليهم يتدريساو باش يخدّمو شي عصا د لفيتيس (joystick) ب قنوفتهم باش يعزلو شي هدف ف ليكرو.
لحلالف عندهم شوف پانورامي (panoramic) ديال 310° تقريباً و شوف جاوجي (binocular vision) د 35° ل 50°. كايتشاف بلي ما عندهم حتى شي تكياف د لعين (accommodation). لحيوانات لخرين لي ماعندهمش هاد التكياف، بحال لغنم، كايهزو ريوسهم باش يشوفو لأوبجيات ابعاد. لحد فين الشوف الجاوجي عند لحلالف لمربيين باقي واحد لعوينة د اللغيط؛ وخا هاكداك ، لحضور ديال لخلايا لمخروطيين (cone cells) ف الشبكية ب جوج حساسيات مفرّزين ديال طول لموجات (الزرق و لخضر) كايلمّح بلي كاين علاقل واحد النسبة من الشوفان د اللوان.
لحلالف عندهم حاسة ديال الشمان محسّنة مزيان؛ هادشي تستاغل ف أوروپا فين دريساو لحلالف باش يصيبو فݣيع الطروفل (truffles) تحت لرض. لحلالف عندهم 1,113 جين على قبل ريسيپطورات الشمان، ب لمقارنة معا 1,094 عند لكلاب؛ هادشي يقدر ينعّت ب واحد لحاسة د الشمان مجهدة، و لايني عكس هادشي، لبخوش عندهم غير جوايه 50 حتى ل 100 من هاد الجينات بلحق كايخدّمو الشمان ب شكل موسّع. لمحفزات الشميين ف عاوض لمحفزات الشوفيين كايتخدّمو ف معرفة لحلالف لخرين.السميع كايكون مديڤلوپي مزيان؛ الصوات كايتقلّعو ب التحراك ديال الراس. لحلالف كايخدّمو لمحفزات السمعيين ب شكل موسّع على وديت التواصل ف ݣاع النشاطات الجتيماعيين. لالارم ولا لمحفزات النفّارين كايتدوزو ل لحلالف لخرين ماشي غير ب ليمارات السمعيين و لايني حتى ب لفيرومونات. بحال هادشي، لمعرفة بينات لحلّوفة و لحليلفات كاتكون ب ليمارات السمعيين و لحلقوصوتيين.
لحلالف لمربيين كايكونو معرّضين ل بزاف ديال لأفات و لمرضات لي يمكن ليهم يأترو ب شكل خطير على لمنتوجية و يسببو لموت. هادشي كايشمل لپارازيطات بحال ݣنس دودة لمصران من الدود السطواني، مرضاتڤيروسيين كيف ما سخانة لحلوف لإفريقية (African Swine Fever) لمنقولة ب لݣراد، لعدوات لباكتيريين بحال لمغيزلية (Clostridium)، لتيهاب لمفاصل (arthritis) ب سباب لݣنس لباكتيري لمفݣوعة (Mycoplasma)، و لولادات لمملصين (stillbirths) لي ب سباب ڤيروس لپارڤو.
شي پارازيطات ديال لحلّوف كايكونو ريسك عل الصحة لعامة حيتاش كايمكن ليهم يدوزو ل بنادم من لحم لحلّوف الناقص ف الطياب. لي هوما الدود السينتاوي ديال لحلوف لمربي، الشريطية لفرّادية(Toxoplasma gondii)؛ و واحد لخيطية، لمشيعرة لببوشية (Trichinella spiralis). الدوزان يقدر يتّجنب ب التطهار الشامل ف لفيرمات؛ ب تقلاب اللحم و لمعالجة التجارية لمردود ليها لبال؛ و ب الطياب لكامل، ولا ب شكل مغيّر ب التجماد لكافي و التملاح (curing).
لحلالف لمربيين كايترباو برّا لبني، و شي خطرات كايخلّيوهم يسرحو ف لغابات و لمراعي. ف لبلدان لمصنْعين، إنتاج لحلّوف تّقلب ب زايد ل تربية مشددة واسعة النطاق د لحلّوف. هادشي هبّط تكلفة لينتاج و لايني سبب واحد الترباج على قبل شي قساوة (cruelty) تقدر تطرا ضدّو. ف لوقيتة لي لمستهلكين ولاو مشطونين على لمعاملة لبنادمية ل لكسيبة، الطلب على لحم لحلوف لمربي ف لمراعي ف هاد لبلدان تزاد. لغالبية ديال لحلالف ف ميريكان كاياخدو الراكطوپامين (ractopamine)، لي هو ضروݣ نوّاض بيطا أدرينالي، لي كايروّجو لعضلة ف عاوض الشحمة و زيادة مزروبة ف التقل، و كاينتج سماد (manure؛ فضلات لحلّوف) قل. الشينوا طلبات بلي صادرات لحم لحلوف خصهم يكونو صافيين من الراكطوپامين. ب نسمة ف جوايه مليار فرد، لحلوف لمربي واحد من أكتر لبزوليات لكبار ف لكترة وسط الدنيا.
بحال ݣاع لحيوانات، لحلالف كايكونو محسوسين ل التأتيرات لمضادّين من التبدال د لمناخ، كيف ما السطريس لحراري (heat stress) من درجات لحرارة لمزيودين كل عام و موجات د الصهد الشداد كتر. السطريس لحراري تزاد دغيا بينات 1981 و 2017 ف فيرمات د لحلوف ف أوروپا. النصيب د شي بدّال حراري تحت أرضي (ground-coupled heat exchanger) هو واحد ليجراء فعال.
جوايه 600 سلالة د لحلوف لمربي تخرّجو من مّالين لفّارم ف ݣاع قنات الدنيا، ب شكل ساسي ف أوروپا و آسيا، هاد السلالات مبدلين ف التلوينة، الشكل، و لقد. على حساب لمحافضية لميريكانية د لكسيبة (Livestock Conservancy)، على حساب 2016، تلاتة ديال السلالات نادرين ب شكل مطرّف (عندهم نسمة عالمية قل من 2000). هوما حلوف التشوكطاو (Choctaw hog)، حلوف رجل لبغل (Mulefoot)، و حلوف ݣزيرة اوساباو (Ossabaw Island hog). سلالة لحلوف الصغر ݣاع ف الدنيا هي مينيحلوف ݣوتينݣين (Göttingen minipig)، لي كايوزنو ف لعادة جوايه 26 كيلوݣرام كا حلوف بالغ ب لكامل و صحيح.
مادام لحلالف كايترباو ب شكل ساسي ب صيفتهم كسيبة و ماترباوش كا حيوانات ديال لوناسة ل وقيتة طويلة بزاف، لمجاوجة التعازيلية على قبل شي مجاج مرزّن ولا ساهل ف التݣياد مازال ماحطوطش ليه الساس مزيان. لحلالف عندهم سيكولوجيا و سلوكات مبدلين ب شكل مطرّف على لكلاب، و كايورّيو لغرايز ديال ضرب ولا هرب (fight-or-flight)، طْبْع مستاقل، و توكاد ديال الدات طبيعي. لحلالف الدكور و النتوات لي مازالين ما تزوّلو ليهم لمناسلات يقدرو يبيّنو سلوك عدواني مامرغوبش بيه، و كايكونو محسوسين ل ضرار صحّيين خطيرين.
1.5 مليار حلوف مربي تقريباً كايتݣزرو كل عام على قبل لحمهم.
لكونطرا لمستقبلية (ولا عقد لأجل) د كرش لحلوف ولا إيقونة ديال بورصة السلعة. كاتبان ف التصوارات ف لوسايل د الترفيه الشعبي، بحال لفيلم د 1983 تباديل لبلايص. لبيع و الشرا ف كروش لحلوف نقص، و تحيّدو من ليستة لي ف بورصة شيكاݣو التجارية ف 2011.
ف 2023، الشينوا نتجات لحم ديال لحلوف كتر من أي بلاد خرى، 55 مليون طن، متبوعة ب التيحاد لوروپي ب 22.8 مليون طن و لولايات لمتاحدة ب 12.5 مليون طن. لينتاج لعالمي ف 2023 كان 120 مليون طن. لهند، وخا ب النسمة ديالها لكبيرة، كونصومات قل من 0.3 مليون طن ف 2023. التجارة لعالمية ف لحم لحلوف (اللحم ماكايتكونصوماش ف لبلاد لمنتجة) وصلات ل 13 مليون طن ف 2020.
لحلالف كايترباو ب شكل ساسي على قبل لحمهم. لحم لحلوف كايتكال على شكل شرايح (تݣارض)، طراف من لحم لخاصرة ولا الضلعة، مفاصل لكتف، و لخاصرة (loin؛ لي كايعيطو ليها عاوتاني فيلي). لمنتوجات لمعددين د اللحم لمصاوب من لحلوف كايشمل الجومبو (ham، ولا لهام)، ݣديد لحلوف (bacon؛ موخود ب شكل ساسي من الضهر و لكرش)، و لمرݣاز. لپورک كايزيد يتصايب ل منتوجات الشاركوطري (charcuterie) بحال الطيرين (terrines)، لݣالونتين (galantines)، لپاطي (pâtés؛ معجون لحم لحلوف)، و لخليع د لحم لحلوف (confits). شي مرݣازات بحال السالامي كايتخمّرو و كايتنشفو ف لهوا، باش يتكالو خضرين. كاينين بزاف د الشكال، التنواعات الطاليانيين لأصليين منهم الجينوية، لميلانية، و لكاتشياطورينية، ب نواع معطّرين كتر (spicier) من جنوب إيطاليا بحال لكالابرية، الناپولية، و لپيپيرونية.
لهيضورة كاتصايب ل جلد د لحلوف مبيوع، لي كايكون رطب و صبّار؛ يقدر يتحك باش يولي جلد السويد ولا الدان (suede). هادو كايتخدّمو على وديت منتوجات كيف ما الصباعيات، لبزاطم، صبابط د الدان، و جاكيطات د الجلد. ف لقرن 16، جلدة لحلوف كانت أكتر مادة كاتخدّم ف تجلاد لكتوب ف ألمانيا، وخا جلدة لعجل كانت شايعة كتر ف أي بلاصة خرى.
لحلالف لمربيين، يا ب صيفتهم حيوانات حيين ولا كا عوينة ديال لانسيجة مور موتهم، كايكونو حيوانات موضيل قيّمين ب سباب لمشابهات لبيولوجيين، لفيزيولوجيين، و لأناطوميين ديالهم معا بنادم. متلاً، جلدة بنادم كاتشبه ب زايد ل جلدة لحلوف، عليها جلود لحلوف تخدّمو ف شلا دراسات ماقبل كلينيكيين.
لحلالف كايكونو مترشّحين مزيانين على قبل التبراع ب لأعضاء ل بنادم، و ف 2021 ولاو لحيوان اللولاني لي فلح ف التبراع ب شي عضو ل كسدة بنادم. ليجراء خدّم واحد لحلوف مبرّع مهندس جينياً باش مايكونش عندو شي كاربوهيدرات فلانيين لي كاتعتابرهم كسدة بنادم خطيرين–ݣالاكطوز-آلفا-1,3-ݣالاكطوز. لحلالف كايكونو مزيانين كا متبرعين ل بنادم حيت الريسك ديال دوزان لمرضة بينات النواع لمكروزين كايكون ناقص ب سباب لبعد لفيلوجيني لمعتابر بينات لحلوف و بنادم. هوما كايكونو متّاحين ب زايد، و خطر لمصايبة د مرضات بتادميين جداد كايكون هابط لاحقاش لحلالف لمربيين ف كونطاكط قريب معا بنادم ل أولوفات د لعوام.
فريمات لحلوف يقدرو يخدمو ب صيفتهم ريزيرڤوارات ديال لمرضات لڤيروسيين لي كايكونو خطيرين ل بنادم و عليها كايعاونو ف تفشية ديالتهم ف النسمات لبنادميين. جايحة أنفلوانزا لحلوف ف 2009 سبابها واحد السلالة من لأنفلوانزا A لي بانت ل لمرّة اللولى ف لحلالف لمربيين. لحلالف عاوتاني كانو طرف كبير ف التفشية اللولى د ڤيروس نيپاه (Nipah virus) ف 1999، ب 93٪ من الناس لمعديين تكونطاكطاو معا لحلالف. وخا لتيهاب لمخ الجاپوني (Japanese encephalitis) داع ب شكل لولاني ب الناموس، لحلالف معروفين ب صيفتهم مضيّفين وسيطين. كاين عاوتاني واحد لحتيمال ديالڤيروسات كورونا لحلوفيين كيف بحال ڤيروس السريسرة لحلوفية لوباوية ولا ڤيروس كورونا لمسبب ل ملازمة السريسرة لحلوفية لمجهدة باش يتفرّقو ف النسمات د بنادم.
كيف ما هو الحال معا الشكال لخرين د اللحم، إنتاج لحم لحلوف كايسوا طاقة كتر على لماكلة لمبازية عل النبات، و كايكون مقرون ب نبيعاتات ݣازات بيت لغرس ف كل كالوري. وخا هاكداك، النبيعاتات د لحم لحلوف كايكونو قل ب بزاف د لمرّات على دوك د لحوم لبݣري، لعجل، و لغنمي، وخا كتر من ديال لحم الدجاج.
لينتاج لمشدد د لحلوف عاوتاني مقرون ب تقلاقات التلوات د لما، حيت الشياطات د لحلالف ف لغالب كاتّخزن فوق لوطا ف لمواضع لي كايسميوهم لمرجات ولا اللاݣونات (lagoons). هاد لمرجات ف لعادة عندهم نيڤوات طالعين ديال نيطروجين و ل[]فوسفور]]، و يقدر يكون فيهم لفلزات التقال السامين بحال الزنݣ و النحاس، لمرّاضات لميكروبيين، ولا كايملكو تركازات زايدين ديال لمواد الصيدلانيين من تخدام لأونتيبيوتيكات التحت علاجيين (subtherapeutic antibiotic) ف لحلالف. هاد لما الشياطا من اللاݣونات يقدر يوصل ل مياه الجوفيين ف لفّارم، وخا ماكاينينش براهن كتار عليه كايوصل ب شكل غارق ل إمدادات مياه الشريب اللوكال. وخا هاكداك، لفيضان د لمرجات، بحال الصبان لكتير د الشتا ف لفياق د شي بركان، يقدرو يودّيو ل قتيلة لحوت و تزوهير الطحالب (algal blooms) ف لوديان اللوكال. ف لولايات لمتاحدة د ميريكان، 56,000 كم من لواد على طول 20 ولاية تقدّرو بلي تلوّتو ب تسراب لفضلات لعضويين على حساب 2015. كاين عاوتاني واحد الدليل بلي التبخار من لمرجات يقدر يسبب ف ديعان النيطروجين و لفوسفور ف لهوا ب صيفتهم ݣسيّمات ناشفين باش ف التالي يوصلو شي حوض خر د لما فين كايطيحو على طريق الترساب الناشف (dry deposition). هاد لعملية من بعد كاتعاون ف فرط التقاوت (eutrophication) د لما.
لينتاج لمشدد د لحلوف كايشمل ممارسات بحال التخصية (castration)، رشيم لودنين، لوشيم على ود معرفة التفريخة، تقزاب الزنطيط، لي دايماً كايدّار بلا التخدام د لبنج. تݣصاص سنان لحليلفات لي كايوعّت حتى هو كايدّار باش يتحبس التاكانيباليت (cannibalism)، اللاسقرار السلوكي و لعدوانية، و عضان لقزيبة، لي كايتزندو ب سباب لبيئة الضيقة لي عايشين فيها. ف التربية النݣليزية وسط لبني، لحلالف الصغار ف لعمر ( قل من 110 كݣ ف التقل) كايخلّيوهم يبقاو ف قل من ميطر مربع د التيساع ل كل حلوف.
لحلالف ف لغالب كايبداو حياتهم ف واحد الشجنة ديال لحبالة، لي هي واحد الزريبة صغيرة ب واحد لقفز لوسط، مديزايني باش يخلّي لحليلفات يتقوتو من مهم و يجنّبها من لهجيم و لعفيس عليهم. الشجنات كايكونو صغار بزاف ل درجة لم ماكايمكنش ليها تتلفت. ف لوقيتة لي لحليلفات لبريين كايبقاو معا مهم ل 12 حتى ل 14 سيمانة، حليلفات لفيرمة كايفطمو و كايتنحاو من ماواتهم بينات جوج و خمسة د السيمانات ف عمرهم. من لحليلفات لمزيودين حيين، 10٪ حتى ل 18٪ ماغايقفلوش عمر لفطامة، ف بلاصة هادشي غايتهدو ب لمرض، لهيمري، الشحفة، ولا شي رفسة علّاوية من ماواتهم. لحليلفات لمشعطين (Runt) الصغار ب شكل ماشي عادي كايتقتلو عادةً فيساع من السطاف ب ضربة مجهدة ل الراس. زيد على هادشي، تربية لحلالف لمشددة كاتشمل لحلوفة كاتولد قدود كبار ديال التفريخة ب وتيرة لاطبيعية، و كاتسبب ف لموت ولا التدرديب(prolapse) ديال حتى 25٪-50٪ من لموت د لحلوفات.
لحلالف لمربيين دايعين ب شكل عريض ف الدنيا من الزمانات د لعصر لحجري الجديد، و تخدّمو ف بزاف ديال لغراضات ف لفن، لأدب، و التعبيرات لخرين ديال التقافة لبنادمية. ف الزمانات لكلاسيكيين، الروم عتابرو لحم لحلوف من أخيْر اللحوم، و تمتعو ب لمرݣاز لمصاوب منو، و صوّروهم ف لفن ديالهم. على طول أوروپا، لحلالف لمربيين تفيشطو بيهم ف لكارناڤالات من لوقيت د لعصور لوسطانيين، و ولاو ب الضبط مهمين ف ألمانيا د لعصور لوسطانيين ف مدون بحال نوغمبيغݣ، و ف إيطاليا لمعاصرة لبكرانية ف مدون بحال بولونيا. لحلالف، خصوصاً السلالات لمصغّرين، شي خطرات كايربيوهم ب صيفتهم حيوانات د الرفقة.
ف لأدب، يا ديال الطفال ولا لبالغين، شخصيات لحلوف كايبانو ف لمتولات (ولا لأليݣوريات، allegories)، لقصص لكوميكيين، و الروايات لمعقولين. ف لفن، لحلالف تمتلو ف نطاق واسع ديال لوسايط (لميديا) و الستيلات من الزمانات لبكرانيين ف شلا تقافات. سميات لحلالف تخدّمو ف لمتلات و لقاب لحيوانات، دايماً ب شكل محݣور، حيتاش لحلالف من شحال هادي تربطو ب لوسوخية و الطمع، أما ف قنات بحال سويندن تسماو على قبل لقرانة ديالتهم معا لحلالف (swine؛ سمية خرى ل لحلوف). ماكلة لحم لحلوف حرام ف لإسلام و ليهودية (كوشير)، بلحق لحلالف لمربيين كايكونو مقدسين ف شي ديانات خرين.