حكايات الخضرة (مسلسل)
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
حكايات الخضرة
| ||
 | ||
| النوع | مسلسلات الأطفال التلفزية و مسلسل كوميدي | |
| لبلاد | لولايات لمتاحدة د أمريكا | |
| اللوغة | نڭليزية | |
| لينتاج | ||
| الشركة د لينتاج | Big Idea Entertainment | |
| لبت ولعرض | ||
| لبدية | 21 دجنبر 1993 | |
| النيهاية | 3 مارس 2015 | |
| شحال د لحلقات | 51 | |
| لقنوات اللي داز منها | إن بي سي | |
          | ||
حكايات الخضرة (ب لونڭلي: VeggieTales) هيّ سلسلة مريكانية د أفلام ومسلسلات أنيميشن بـ لورديناطور، لأبطال ديالها خضرة وفواكه كيهضروا ويتصرفوا بحال بنادم، كيعاودوا ويمثلوا قصص فيها العبرة ولأخلاق مبنية على الكتاب المقدس (الإنجيل) والثقافة المسيحية [1]. هاد السلسلة فيها حتى لكتوبة و لألعاب د الفيديو.
الحلقات كايعاودوا ولا كيمثلوا قصص من الإنجيل، وفي نفس الوقت كيديروا ضحك وفلاي كيتماشفاو مع الثقافة الشعبية. شي مرات كيديروا قصص معروفين، وشي مرات قصص جديدة ديالهم. السلسلة صاوبوها فيل فيشر ومايك ناووركي، وهومة براسهم الّي كيديروا لأصوات د بزااف د الشخصيات [1]. السلسلة مديورة للدراري الصغار من 3 سنين ولفوق.
تخلاقت السلسلة فـ 1993 من عند الشركة د لإنتاج بيج إيديا إنترتينمنت. الهدف ديالهم كان هو يعلموا الدراري العبرة ولأخلاق المسيحية والمبادئ د الإنجيل. فيل فيشر جاتو الفكرة فـ البدية د التسعينيات فاش كان كيجرب لوجيسيال لأنيميشن ف الكمبيوتر باش يدير أفلام للدراري.
فـ ذاك الوقت، الوجيسيال الّي كان يخدم بيه (سوفت إيميج ثري دي) كان فيه مشاكل فنية وماكانش يقدر يصاوب بيه اليدين، الرجلين، الشعر، والحوايج د بنادم. فـ الأول فكر يدير الشخصية على شكل قطعة د شكلاط، ولاكيني مرتو قالت ليه بلي الوالدين غادي يعجبهم الحال كثر يلا شافوا شخصيات كاتشجع الدراري ياكلوا ماكلة صحية. من تمّا بدا كيرسم الشخصيات على شكل خضرة وفواكه.
الشخصيات د السلسلة هومة خضرة وفواكه عايشين مع بعضياتهم فوق البوتاجي د الكوزينة. عندهم أسماء حقيقية وكيلعبوا أدوار مختلفة ف كل حلقة. أهم هاد الشخصيات الّي بانوا من الأول هومة:
- لاري (Larry): خيارة ضاحكة ومهبولة.
- بوب (Bob): مطيشة حمرا، هو الّي كيسير العروض.
- جونيور أسپاراڭوس (Junior Asparagus): سكوم صغير.
- أرشيبالد أسپاراڭوس (Archibald Asparagus): سكوم كبير ومتقف.
- با ڭراپ (Pa Grape): عنبة كبيرة وحكيمة.
- جيمي وجيري (Jimmy & Jerry): جوج قرعات خوت.
خرجوا بزاف د الأفلام نيشان ف الكاسيط والدي ڤي دي، منها:
- 1993: فين راه ربي فاش كنكون خايف؟ (!Where's God When I'm S-Scared)
- 1994: ربي بغاني نسمح ليهم!؟! (!?!God Wants Me to Forgive Them)
- 1995: واش نتا هو جاري؟ (?Are You My Neighbor)
- 1996: دافيد واللفتة العملاقة (Dave and the Giant Pickle)
- 1997: لاري بوي والكدبة د الفضاء (!Larry-Boy! and the Fib from Outer Space)
- 2000: الملك جورج والفرخ د الما (King George and the Ducky)
- 2002: جوزيف والأغاني د السيرك (Jonah Sing-Along Songs)
- 2008: توماتو سوير وهكلبري لاري (Tomato Sawyer and Huckleberry Larry)
- 2015: الفلك د نوح (Noah's Ark)
- حكايات الخضرة: ف الدار (VeggieTales in the House) (2014–2016) [2]
- حكايات الخضرة ف المدينة (VeggieTales in the City) (2017)
- شو د حكايات الخضرة (The VeggieTales Show) (2019–2022)
- 1 2 "VeggieTales Official Website". VeggieTales. Retrieved 2026-08-24.
- ↑ "VeggieTales in the House". Retrieved 2026-08-24.
{{cite web}}: Unknown parameter|published=ignored (معاونة) - ↑ "Jonah: A VeggieTales Movie". Retrieved 2026-08-24.
{{cite web}}: Unknown parameter|published=ignored (معاونة) - ↑ "The Pirates Who Don't Do Anything". Retrieved 2026-08-24.
{{cite web}}: Unknown parameter|published=ignored (معاونة)