حفيضة زيزي
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
حفيضة زيزي
| ||
 | ||
| معلومات عامة | ||
| زيادة | 25 ماي 1976 (49 عام) أغبالة | |
| لجنسية | لمغريب | |
| لحرفة | رسامة | |
| لّوغات لي كيعرف | عربية و لوغات أمازيغية | |
| سّيت رّسمي | https://www.hafidazizi.com/ | |
حفيضة زيزي (مزيودة ف 5 ماي 1976) رسامة و نحاتة مغريبية. و هيّ معروفة ب لأسلوب لفني ديالها لي فيه لعفوية و كترة اللوان، و كاتمتل فيه لحياة ديال لعيالات لأمازيغيات.
تزادت حفيضة زيزي ف أغبالة لي جات ف لأطلس لمتوسط، و كبرات ف مجتمع أمازيغي تقليدي. مّها كانت نسّاجة د الزرابي، شي لي عطا ل حفيضة أول كونطاكط معا تاحرايفيت د لفن و التخدام د اللوان. مشات للمدراسة مابين عمر د 7 سنين و 15 عام، ولايني خرجات ملي تجوجات. دوّزات السنوات الجايين معا الشقا ديال مولات الدار و كانت أم ديال 3 د الدراري. بعدما توفات مّها لي كانت لمركز د حياتها، و حيت ماكانتش سعيدة ف جواجها، تطلقات من راجلها و مشات ل مراكش باش تسكن معا خوها.[1][2][3]
على عمر د 28 عام، بدات لكاريير ديالها ديال رسامة و نحاتة عيصامية. لمعرض لإنفرادي اللول ديالها تنظم 7 سنين موراها ف 2011، ف إميلشيل. تبعوه معارض خرين ف مدون مغريبية بحال الدارلبيضا و مراكش، و على برّا تحت مشاريع دولية بحال ف لميريكان، فرانسا و سپانيا. حفيضة كاتسيّر معرض ف قصر أيت بن حدو من 2015، لي كايتعتابر موقع د الترات لعالمي، و ف 2024 حلات واحد خور ف مراكش.[2][4]
معا حلول عام 2025، كانو لأعمال ديالها بانو ف بزاف ديال لمعارض ف لمغريب و على برا. مابين مارس 2023 و أبريل 2024، و عاوتان من نونبر 2024 تال يونيو 2026، خصص متحف لعيالات د مراكش لمعرض لمؤقت ديالو للأعمال ديال حفيضة زيزي.[5][6]
حفيضة عزيزي تعلّمات الرسيم و النحت بوحدها، و الستيل ديالها معروف ب لعفوية و تخدام اللوان بشكل كبير.[7][8]
لأعمال ديالها كايركّزو على لحياة ديال لعيالات لمغريبيات، سيرتو التجربة د كل نهار ديال لعيالات لأمازيغيات، و الدور لمحوري ديالهم ف لمجتمع لمحلي. كاتخدّم موتيفات كلاسيكية بحال مشاهد ديال توجاد و تناول لماكلة، ولّا لعب لموسيقى ولّا الشطيح. هاد لمشاهد السردية كاتبان بزاف ف لأعمال ديالها. واحد من لموتيفات لي كاتعاودو عندها هوّ لعيون لكبار، لي كايفكّرو ب لخميسة (يد ب خمسة د الصباع و عين ف لوسط)، لي كاتخدّم بحال حجاب ضد لعين الشريرة.[7][8][1]
لأعمال ديالها كيمزجو بين عناصر عصرانية و تقليدية، و توصفو ف نفس لوقت ب لقوة و الليونة، لفانطازية و لواقعية.[7][5]
حفيضة زيزي كاترسم على التوب، و كاتخدم حتى على لمنحوتات. لڤازات، لڭلات و لبولات من بين أهم لحوايج لي كاتخدم بيهم.[4][3]
الشعيبية طلال كانت من أهم لفنانين لي تأترات بيهم.[9][3]
- 1 2 Abdeljalil Didi (2019-09-01). "Une femme de l'Atlas, sur les ailes de son rêve d'artiste peintre" (ب الفرنسية). Retrieved 2025-03-28.
- 1 2 Ben Birchall (2023-05-08). "Hafida Zizi: an ocean of colours" (ب American English). Retrieved 2025-04-04.
- 1 2 3 Aya Bhilat (2022-04-01). "Hafida Zizi, du tissage des tapis à la peinture". Dialna (ب الفرنسية). Retrieved 2025-04-04.
- 1 2 PAr Meriem Benmhamed (2016-05-30). "Hafida Zizi, la nouvelle Chaïbia du Maroc ?" (ب الفرنسية). Retrieved 2025-03-28.
- 1 2 "Women's Museum in Marrakesh preserves culture of Moroccan women" (ب الإنجليزية). Retrieved 2025-04-04.
- ↑ "Musée de la Femme" (ب الفرنسية). Archived from the original on 2025-04-27. Retrieved 2025-04-04.
- 1 2 3 "Recherche de Peintre Artiste Zizi". Galerie-Creation (ب الفرنسية). Retrieved 2025-04-04.
- 1 2 Ben Birchall (2023-05-08). "Hafida Zizi: an ocean of colours" (ب American English). Retrieved 2025-04-04.
- ↑ "HAFIDA ZIZI. De la laine aux toiles, une artiste qui peint avec audace le quotidien des femmes marocaines" [HAFIDA ZIZI. From wool to canvas, an artist who boldly paints the daily lives of Moroccan women.] (ب الفرنسية). Vol. 16. Reunion Island: Dominique AISS. 2024. pp. 62–85. Retrieved 2025-08-28.
- حفيضة زيزي على إنسطاڭرام