حضارة
لحضارة هيّ مصطلح كينطابق على أي مجتمع معقد لي عندو دولة، تراتبية إجتماعية (طبقات ديال لمجتمع)، تمدين، و سيستيم رمزي ديال التواصل لي كيتجاوز اللوغات د لإشارة و لمهضورة، يعني عندها سيستيم د لكتابة و فن مرسوم.[2][3][4][5][6]
لحضارات كيتميّزو ب وجود الزراعة، لفن د لمعمار، قلدة تحتانية، تطور طيكنولوجي، صولدي، ضرائب، قانون، و توزيع ديال التخصصات ف لخدمة.[5][6][7]
تاريخياً، لحضارة ف أغلب لحالات كاتّفهم بلي هيّ تقافة "متطورة بزاف"، مقارنةً معا تقافات "صغر" و "مامطورينش" ب نفس الدرجة.[8][9][9][10] ف هاد لمعنى لأعم، لحضارة هيّ الضد ديال لمجتمعات لمشتتة و لقبايلية، لي منهم مجتمعات الرحالا لبدويين، و لمجتمعات النيوليتية ولّا الصيادا لميخالا hunter-gatherers. شي مرات كيتم تمييز "لحضارة" حتى بين التقافات لي كاينين وسط منها. لحضارات كيكونو منظمين، و مكوّنين من تجمعات سكّانية كتيفة و مقسّمة ل طبقات إجتماعية هيراركية، ب طبقة عالية حاكمة، و ساكنة حضرية و قروية تابعة. هاد الساكنة كاتمارس مجموعة د النشاطات لإقتصادية بحال الزراعة، تامنجميت، التصنيع على مستويات صغيرة، و التجارة. لحضارات كيركّزو لقوة ف ليد د بنادم لي كيولي قادر يبسط السلطة ديالو على الطبيعة، و حتى على أفراد خرين ديال بنادم.[11]
ف اللوغات لؤروپية كلمة حضارة (ب النڭليزية civilization) جات من لكلمة اللاتينية civitas (كيوِيطاس) لي كاتعني "مدينة". على حساب مجتمع ناشيونال جيوڭرافيك، أبسط تعريف ديال لحضارة هي "مجتمع مكوّن من مدون".[12] لبون ديال أقدم لحضارات مرتابط ب لمراحل اللخرين ديال التورة النيوليتية ف غرب أسيا، لي وصلات ل لأوج ديالها ب لپروصي السريع ديال تورة التمدين، و تشكيل الدولة، لي كيمتّلو تطور سياسي مرتابط ب لبون ديال طبقات حاكمة.
- ↑ "Chronology". Digital Egypt for Universities. University College London. 2000. Archived from the original on 16 مارس 2008.
- ↑ Haviland, William; et al. (2013). Cultural Anthropology: The Human Challenge. Cengage Learning. p. 250. ISBN 978-1-285-67530-5. Archived from the original on 13 يوليوز 2019. Retrieved 20 يونيو 2015.
- ↑ Fernández-Armesto, Felipe (2001). Civilizations: Culture, Ambition, and the Transformation of Nature. Simon & Schuster. ISBN 978-0-7432-1650-0. Archived from the original on 1 أبريل 2021. Retrieved 20 يونيو 2015.
- ↑ Boyden, Stephen Vickers (2004). The Biology of Civilisation. UNSW Press. pp. 7–8. ISBN 978-0-86840-766-1. Archived from the original on 30 دجنبر 2016. Retrieved 20 يونيو 2015.
- 1 2 Solms-Laubach, Franz (2007). Nietzsche and Early German and Austrian Sociology. Walter de Gruyter. pp. 115, 117, 212. ISBN 978-3-11-018109-8. Archived from the original on 30 دجنبر 2016. Retrieved 20 يونيو 2015.
- 1 2 AbdelRahim, Layla (2015). Children's literature, domestication and social foundation: Narratives of civilization and wilderness. New York: Routledge. p. 8. ISBN 978-0-415-66110-2. OCLC 897810261.
- ↑ Morris, Ian (2013). The Measure of Civilization: How Social Development Decides the Fate of Nations. Princeton: Princeton University Press. ISBN 978-0-691-15568-5. Archived from the original on 29 ماي 2023. Retrieved 29 ماي 2023.
- ↑ Adams, Robert McCormick (1966). The Evolution of Urban Society. Transaction Publishers. p. 13. ISBN 978-0-202-36594-7. Archived from the original on 30 دجنبر 2016. Retrieved 20 يونيو 2015.
- 1 2 Wright, Ronald (2004). A Short History anthropological. House of Anansi Press. ISBN 978-0-88784-706-6.
- ↑ Bolesti, Maria (2013). Barbarism and Its Discontents. Stanford University Press. ISBN 978-0-8047-8537-2. Archived from the original on 21 نونبر 2023. Retrieved 20 يونيو 2015.
- ↑ Mann, Michael (1986). The Sources of Social Power. Vol. 1. Cambridge University Press. pp. 34–41.
- ↑ "Civilizations". National Geographic Education (ب الإنجليزية). National Geographic Society. 20 ماي 2022. Archived from the original on 29 ماي 2023. Retrieved 29 ماي 2023.