حصار مالطا
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
حصار مالطا
| ||
 | ||
| معلومات أساسية | ||
| نوع د لمطايفة | حصار و حملة عسكرية | |
| طرف من | مسرح عمليات المتوسط والشرق الأوسط في الحرب العالمية الثانية و لحرب لعالمية جّاوجة | |
| لبلدان لمعنية | مالطا | |
| لموضع | Crown Colony of Malta | |
| تاريخ د لبدية | 11 يونيو 1940 | |
| تاريخ د لمسالية | 20 نونبر 1942 | |
← → | ||
حصار مالطا كان حملة عسكرية فـ البحر البيض المتوسط ف لوقت ديال الحرب العالمية الثانية. بدا فـ يونيو 1940 و تسالى فـ نونبر 1942.[1] كانو كيتقاتلو فيها القوات الجوية و البحرية ديال الطاليان لفاشية و ألمانيا النازية ضد القوات الجوية الملكية و البحرية الملكية البريطانية، باش يسيطرو على جزيرة مالطا، اللي كانت مستعمرة بريطانية و مهمة بزاف من الناحية الستراتيجية. فـ اللخر، ربحو الحلفا المعركة.
الحصار بدا فـ 1940 من بعد ما علنات الطاليان الفاشية الحرب على فرانسا اللي كانت كتعيش يامها اللخرة، و على المملكة المتحدة. البريطانيين و الوطنيين المالطيين كانو مركّبين رادار فـ الجزيرة من 1939، و كانو ربعة د الطيارات قدام (من نوع گلوستر گلادييتور)، ثلاثة منهم سموهم "الإيمان" Faith، "الأمل" Hope و "الصدقة" Charity، و كانو واجدين باش يحميو الجزيرة.
مالطا كانت كتعاون المخابرات ديال بريطانيا باش يوجدو الهجوم على تارانت فـ نونبر 1940، و هادشي داروه ب مساعدة طيارات كتجسس.
فـ عام 1941، جا عدوّ جديد و هاجم، اللي هو ألمانيا النازية. الفراقي ديال "أفريقيا كورپس" Africa Corps، اللي كان كيقودها روميل، عاونو الطاليان اللي كانت فـ حصلة كبيرة فـ الجبهة ديال إفريقيا وسط حرب الصحرا. هادشي بدّل الوضع، ولكن كان مشكل كبير فـ تموين جيوش المحور، حيت البريطانيين، اللي زادو عدد الجنود و السلاح فـ مالطا، بداو كيهجمو مزيان و ب فعالية على القوافل اللي كانت كتجيب التموين والسلاح للعديان (هادشي تحكى فـ كتاب عوافي من السما Feux du ciel ديال پبيير كلوسطيرمان). القصف على الجزيرة تزاد بزاف و بشكل قوي.
فـ مالطا، البريطانيين زادو عدد الطيارات المقاتلة، و الطيّارين ديال سلاح الجو الملكي كانو كيدافعو ب شراسة على القواعد و المنشآت. التموين كان كيجي فـ ظروف صعيبة بزاف، بحال فـ عام 1942، ملي طرا هجوم كبير من عند 800 طيارة ألمانية و طاليانية على لباطوات ديال التموين فـ عملية سميتها "پيديسطال". واحد الباطو ديال الطيارات سميتو "إيگل" ضرباتو غواصة ألمانية و غرقاتو.
من علاين خمسطاش باطو، غير خمسة اللي قدرو يوصلو، و منهم تانكر ديال لپيطرول كان مضروب بزاف، و جرّوه ب صعوبة كبيرة حتى وصلوه ل خليج سان پول وسط القنابل. الپيطرول كان ضروري بزاف باش الطيارات تقدر تطير و تقاتل.
المحور، وخا ب كثر من 1700 غارة جوية، اللي دمّرو فيها 75% ديال الديور، و طيحو قنابل على مالطا كثر من اللي طاح فـ معركة بريطانيا كاملة، ما قدروش يهرّسو الصمود ديال الشعب المالطي. الملك جورج السادس عطا ميدالية ديال الشجاعة و التبات ديال سكان مالطا، اللي سماوها "القلعة المالطية".
عدد الطيارات اللي كانت كتحارب من مالطا تزاد من علاين 200 فـ نونبر 1942، ل كثر من 600 فـ ماي 1943.
فـ عام 1943، الهروب ديال الألمان من تونس، و ستسلام واحد الجزء من الجيش الطالياني، من بعد ما نزلُو الحلفا فـ صقلية، كان كيعلن بالنّسبة للمالطيين على نهاية واحد المرحلة صعيبة بزاف فـ حياتهم، اللي دامت علاين ثلاث سنين.
الخسائر ديال الحلفا كانت كبيرة بزاف، فاتت 600 طيارة ف المجموع، جوج طرادات ديال الطيارات، ربعة د الطرادات لبحرية، جوايه 30 مدمرّة، و جوايه 40 سفينة نقل و باطوات ديال لپيطرول اللي تخرّبات ولا تغرقات بين يونيو 1940 و غشت 1943، و هادشي كامل باش يقدّمو التموين للجزيرة اللي كانت محاصرة من قوات المحور.
ف المقابل، الطيارات اللي كانت دايرة قاعدة فـ مالطا غرّقات كثر من 700000 طن ديال لباطوات الألمانية و الطاليانية فـ البحر البيض المتوسط ولا فـ لمراسي ديال الطاليان، صقلية ولا شمال إفريقيا، و دمّرو فـ الجو ولا فـ الأرض كثر من ألف طيارة ألمانية و طاليانية.
- Spooner، Tony (1996). Supreme Gallantry (ب نڭليزية). Londres: J. Murray. ص. 358. OCLC 36040124. ردمك 978-0-7195-5706-4. Spooner.
- Frédéric Stahl, « La bataille de Malte », revue Navires & Histoire، نمرة 51، دجنبر 2008.
- L'as disparu، ڤيرسيون ب لفرانساوية ديال "Mystery of the Missing Ace" (أدريان واربورتن)، إخراج ديال مايكل وادينڭ، TimeWatch & BBC/History Channel, 2003.
- Le siège de Malte، وتائقي ديال التلفازة د التوارخي لعسكاري لكانادي نورم كريستي، Breakthrought Films & The History Channel, 2008.