حاجة سخونة (فيلم 1971)
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
حاجة سخونة
| ||
| معلومات عامة | ||
| نوع د لفيلم | Social guidance film | |
| تاريخ د نّشر | 1971 | |
| شركة د لإنتاج | المجلس الوطني لأفلام كندا | |
| لموساهمين | ||
| لمخرج | زلاتكو غريغيتش | |
  | ||
حاجة سخونة (نّݣليزية: Hot Stuff) هو فيلم رسوم متحركة قصير كاناداي، من إخراج زلاتكو ڭرݣيتش و كتابة دون أريولي، و خرج سنة 1971. الفيلم مدتو جوايه 9 دقايق، و كان الهدف منو التوعية ب خطورة النار و فوايدها بطريقة فكاهية.[1]
تنتج الفيلم من عند المجلس الوطني د لأفلام د كانادا على ود قسم الحماية من العوافي، واحد القسم فـ وزارة الأشغال العمومية ديال كانادا. بزاف ديال الكوميديا ف الفيلم كانت مرتاجلة، بحال أصوات شخصية أفعى و قط اللي ضافها جيرالد بودنر.[2]
كتدور أحداث حاجة سخونة حول العافية، منين جات، شنو الفوايد ديالها و شنو المخاطر. الفيلم كيعطي نظرة فكاهية على كيفية التعامل مع العافية، و كيوري الشخصيات المختالفة اللي كيتعرضو ل مواقف مضحكة و حذرة[تدريج] فـ نفس الوقت.[3]
حاجة سخونة كان واحد من سبعة أفلام قصيرة ديال المجلس الوطني لأفلام كانادا اللي تشراو من عند إي بي سي، و كانت هادي لمرة اللولة كايبيع فيها المجلس الوطني لأفلام كندا أفلام ل شبكة تلفزيونية ميريكانية كبيرة. الفيلم تفرجو فيه الأطفال فـ برنامج Curiosity Shop سنة 1971 من إنتاج تشوك جونز، و فـ الثمانينات حتى بان فـ The Great Space Coaster بلا الجينيريك ف اللول و اللخر.[4]
- مهرجان نيويورك الدولي ديال الرسوم المتحركة: Grand Prix - Silver Praxinoscope، قسم تعليمي، 1972
- مهرجان زاڭريب العالمي ديال لأفلام المتحركة: أفضل فيلم تعليمي، 1972
- مهرجان أطلانتا ديال لأفلام: ميدالية ذهبية، السلامة، 1972
- مهرجان ميلبورن: شهادة تقدير، 1972
- مهرجان أوبرهاوزن ديال لأفلام القصيرة، ألمانيا: شهادة من المجلس الدولي ديال تصميم الڭرافيك، 1972
- اللجنة الوطنية ديال لأفلام على ود السلامة، شيكاڭو: Bronze Plaque, 1972
- جائزة كانادا د السينيما 23، طورونطو: أفضل سيناريو خيالي، دون أريولي، 1971، لكل من حاجة سخونة وPropaganda Message.[5]
- ↑ "Hot Stuff". NFB.ca. Retrieved 2026-01-22.
- ↑ Mazurkewich, Karen (1999). Cartoon Capers: The Adventures of Canadian Animators. p. 57.
- ↑ "Hot Stuff". NFB.ca. Retrieved 2026-01-22.
- ↑ "Hot Stuff IMDb". Retrieved 2026-01-22.
- ↑ "Don Arioli". Archived from the original on 2026-01-24. Retrieved 2026-01-22.