جهة الشرق
جهة الشرق (ar)
ⵜⴰⵎⵏⴰⴹⵜ ⵜⴰⴳⵎⵓⴹⴰⵏⵜ (zgh) | ||||
| ||||
| ||||
| التقسيم لإداري | ||||
| لبلاد | لمغريب | |||
| لعاصيمة | وجدة | |||
| لأقاليم | ||||
| التأسيس | 2015 | |||
| تسمات على | الشرق | |||
| لجغرافيا والسكان | ||||
| لميساحة | 36,241 كم² | |||
| لبلاصة طايحة | لمحيط لأطلسي (0 م) | |||
| محادية معا | جهة طنجة تطوان الحسيمة جهة فاس مكناس جهة درعة تافيلالت ولاية تلمسان ولاية النعامة ولاية بشار | |||
| شحال دالسكان | 2,314,346 (2014) | |||
| معلومات خرى | ||||
| التوقيت | ڭرينيتش + 1 | |||
| اللوغات | ||||
| السيت الرسمي | لموقع الرسمي[1] | |||
| كود إيزو 3166-2 | MA-02 | |||
| خريطة لجيهة | ||||
.svg)
| ||||
جهة الشرق (بلأمازيغية: ⵜⴰⵎⵏⴰⴹⵜ ⵜⴰⴳⵎⵓⴹⴰⵏⵜ، بالفرانساوية: Oriental) وحدة من لجيهات ديال لمغريب اللي تصايبو عام 2015، من مورا ما نقصو عدد لجيهات من 16 لـ 12.[2] لجيهة كاينة فالشرق ديال البلاد، و لعاصيمة ديالها هي وجدة، و مابين لمدون اللي كاينين فلجيهة: بركان وتاوريرت والناظور وجرادة وفيݣيݣ. عدد السكان على حساب لإحصاء اللي تدار فـ2014 وصل فهاد لجيهة لـ2,314,346.[3] لميساحة ديال لجيهة هي 36,241 كم².[4]
السكان ولأقاليم[بدل | بدل لكود]
السكان فلأقاليم ديال لجيهة[بدل | بدل لكود]
هاد لجدوال كايبين لأقاليم ديال لجيهة والسكان ديالها:[3]
| لأقاليم أولا لعمالات | شحال دلفاميلات | شحال دالسكان |
|---|---|---|
| عمالة وجدة أنݣاد | 124,508 | 551,767 |
| إقليم بركان | 66,372 | 289,137 |
| إقليم الدريوش | 43,935 | 211,059 |
| إقليم فيݣيݣ | 28,439 | 138,325 |
| إقليم ݣرسيف | 40,666 | 216,717 |
| إقليم جرادة | 20,983 | 108,727 |
| إقليم الناظور | 125,951 | 565,426 |
| إقليم تاوريرت | 43,676 | 233,188 |
| جهة الشرق | 494,530 | 2,314,346 |
التطور ديال شحال دالسكان[بدل | بدل لكود]
| 1994 | 2004 | 2014 | |||
|---|---|---|---|---|---|
| 1,768,691 | align=center| 1,918,094 | align=center| 2,314,346 | |||
| 1994 و2004 و2014: إحصاء رسمي ديال الدولة. | |||||
لجغرافيا ولموناخ[بدل | بدل لكود]
جهة الشرق محاديها من لجانوب جهة درعة تافيلالت ومن الشمال لغربي جهة طنجة تطوان الحسيمة ومن لغرب جهة فاس مكناس. هاد لجيهة فيها بزاف ديال لخصائص لجغرافية بحال أنه دايز منها سلسلة لهيضاب لعالية، تلال لعيون وسهول أنݣاد، ؤويدان بحال واد كورت وواد ملوية وواد زا. لميساحة ديال لجيهة واصلة لـ49,266 كم². لموناخ فجيهة الشرق متنوع، ولاكين على لعوموم فالصيف سخون وناشف ؤفالشتا منتاعش وكاطيح فيه الشتا، أوبعض لمرات كايطيح التلج فالريوسا دالجبال والتلال لعاليين. هاد لجدوال كيعطي لمعلومات على لحرارة والشتا فمدينة وجدة اللي هي لعاصيمة ديال لجيهة.
| لموناخ ديال وجدة (مطار وجدة أنݣاد الدولي) | |||||||||||||
|---|---|---|---|---|---|---|---|---|---|---|---|---|---|
| الشهر | يناير | فبراير | مارس | أبريل | ماي | يونيو | يوليوز | غشت | شتنبر | أكتوبر | نونبر | دجنبر | |
| أكبر درجة دلحارارة تسجلات بـ C° | 25 | 33 | 32.3 | 35 | 41 | 44 | 45 | 45 | 42 | 37 | 31 | 26 | |
| معدّال لحرارة لعليا بـ C° | 15 | 17 | 18.7 | 20.2 | 23.8 | 28 | 32.7 | 33.1 | 29.9 | 24.7 | 19.8 | 16.3 | |
| معدّال لحرارة بـC° | 9.8 | 11 | 12.2 | 13.8 | 17 | 20.9 | 24.8 | 25.2 | 22.5 | 18 | 13.7 | 10.5 | |
| معدّال لحرارة السفلانية بـC° | 3.9 | 5 | 5.8 | 7.4 | 10 | 13.8 | 16.8 | 17.4 | 15.1 | 11.3 | 7.6 | 4.8 | |
| أدنى درجة دلحارارة تسجلات بـC° | −6 | −4 | −5 | −1 | 1 | 7 | 10 | 7 | 5 | 1 | 0 | −6 | |
| معدل الشمس فالشهر | 188.6 | 184.7 | 229.3 | 239.9 | 281.5 | 308.5 | 336.5 | 311.3 | 261.6 | 242.4 | 194.4 | 185.9 | |
| معدّال الشتا فالشهر بلميليميتر | 31 | 38.8 | 44.8 | 48.4 | 39 | 11.8 | 2.2 | 4 | 10 | 33.5 | 37.8 | 45.4 | |
| معدل الروطوبة % | 83 | 82 | 84 | 87 | 86 | 83 | 76 | 77 | 81 | 85 | 82 | 83 | |
لبينية التحتانية[بدل | بدل لكود]
مطار الناظور العروي الدولي هو مطار كاين فمدينة لعروي وكايسيرڤي لجيهة دالشرق. كيبعد لمطار على الصونطرڤيل ديال الناظور بـ30 كيلوميتر، وقريب من الطريق لوطنية 2 والطريق لوطنية 15 والطريق لوطنية 19. كيتعتابر سابع أكبر مطار فلمغريب من ناحية عدد لمسافرين، ومنو كايمشيو بزاف ديال الرحلات فالداخل وحتى فلخارج.
مطار وجدة أنݣاد الدولي هو مطار كاين فمدينة وجدة. كيبعد لمطار على الصونطرڤيل ديال لمدينة بـ14 كيلوميتر، وقريب من لوطوروت ديال الرباط-وجدة. كيتعتابر ثامن أكبر مطار فلمغريب من ناحية عدد لمسافرين، ومنو كايمشيو بزاف ديال الرحلات فالداخل وحتى فلخارج وكايقدر يهز 3.200.000 مسافر. كاين حتى مطار بوعرفة الداخلي ؤهو مطار كاين فمدينة بوعرفة. كيبعد لمطار على الصونطرڤيل ديال بوعرفة بـ2.7 كيلوميتر، وقريب من الطريق لوطنية 4 والطريق لوطنية 17. كيتعتابر هاد لمطار فلمغريب مطار داخيلي، وكايقدر يهز 100.000 مسافر فلعام.
لوطوروت لوحيدة اللي دايزة من جيهة الشرق هي لوطوروت التانية اللي كاتبدا فيها من مسون (قريب من ݣرسيف) حتال مدينة وجدة. الطرقان لوطنية اللي دايزة من لجيهة هي: N2 و N4 و N6 و N15 و N16 و N17 و N19 . (ورّك على الطريق إلى بغيتي تمشي للمقالة ديالها!)
ليقتيصاد[بدل | بدل لكود]
لفلاحة[بدل | بدل لكود]
.jpg)
لميساحة اللي ممكين تفلح فجيهة الشرق واصلة لـ892 ألف هيكتار (10% ديال لارض اللي صالحة للفلاحة فلمغريب). لميساحة لمسقية واصلة 111 ألف هيكتار. التلتاين ديال لينتاج دلحبوب فلمينطاقة كايجي من الشعير، من موراه لݣمح الطري وعاد لݣمح لقاصح ولينتاج ديال الدرة فلمينطقة ضعيف. لمينطاقة فيها بزاف دلمرارك دلغلة، واللي طاغي هو الليمون. التربية دلبهايم عندها بلاصة كبيرة فليقتيصاد دلجيهة. كاين تقريبا 3 دلمليون دالراس ديال لبهايم. الصيد لبحري فلجيهة وصل لينتاج ديالو فـ2012 لـ11 ألف طن بقيمة ديال 134 مليون ديال الدرهم.[5]
الصيناعة[بدل | بدل لكود]
كاينين بزاف ديال لمناطيق الصيناعية فلجيهة ديال الشرق، فمدون بحال وجدة وتاوريرت وجرادة وبركان وزايو. ف2011 وصل لعدد ديال لمؤسسات دالصيناعة لـ401 اللي خدّمو تقريبا تسعالاف دلپيرصونيل لمدة دايمة. لجهة معروفة حتى بلمجال ديال الطاقة ولمعادين، ولجيهة كاتنتج بزاف من هادشي بحال شاربون ولحديد والزنك والرصاص فأقاليم جرادة وفيݣيݣ. لمحطة لحرارية ديال الضو فجرادة نتجات ف2012 شي 608 دلمليون كيلوواط/ساعة.[5]
السياحة[بدل | بدل لكود]
وصل لعدد ديال لوطيلات فجيهة الشرق فعام 2012 لـ65 أوطيل اللي جا ليهوم 533 ألف سايح.[5] لبحر ديال السعيدية فيه 15 كيلوميتر وكاين قبالة لبحر لبيض لمتوسط وقريب من أوروبا. فليام لعادية كايسكن فلمدينة قريب من 9000 واحد، ولكن فالصيف يقدر يوصل عدد السكان ل250 ألف. الضاية ديال مارتشيكا (شادة من بني نصار حتال أركمان وكادوز من الناظور) فيها 120 كلم² وفيها 25 كيلوميتر فالطول. لواحات ديال مدينة فيݣيݣ هما جغرافيا أكتر واحات قراب لأوروبا، وفيهوم واحد لكنز ميعماري كايتجلى فلقصور. كاينين بزاف ديال لعيون ولحامات فلجيهة، بحال لحامة دفزوان فبركان، وحامة بنقاشور فوجدة وعين مسعودة فالناظور.[6] الرݣادة ديال بني يزناسن والرݣصات ديالها كايتعتابرو من الترات لمغريبي اللي كايجيو السياح على ودّيتو باش إيشوفوه.
شوف حتى[بدل | بدل لكود]
عيون لكلام[بدل | بدل لكود]
- ^ oriental.ma
- ^ "le maroc compte desormais 12 regions (بلفرانساوية)". مأرشيڤي من لأصل ف 5 يونيو 2015.
- ^ a b "لجريدة الرسمية عدد 6354 بتاريخ 23 شهر 4، 2015 - الصفحة 3" (PDF). مأرشيڤي من لأصل (PDF) ف 2021-09-25. تطّالع عليه ب تاريخ 2020-10-05.
- ^ "قائمة جهات لمغريب ولعواصيم ديالها ولميساحات ديالها - موقع sport-histoire.fr". مأرشيڤي من لأصل ف 2023-06-08. تطّالع عليه ب تاريخ 2020-10-07.
- ^ a b c "MONOGRAPHIE REGIONALE - REGION ORIENTALE (بلفرانصاوية)" (PDF). مأرشيڤي (PDF) من لأصل ف 2022-01-23. تطّالع عليه ب تاريخ 2020-10-05.
- ^ "مونوغرافيا جهة الشرق 2016" (PDF). مأرشيڤي (PDF) من لأصل ف 2021-06-20. تطّالع عليه ب تاريخ 2020-10-05.
|
تقدر تزيد شوف بزاف د تّصاور و لمعلومات ديال Oriental Region ف ويكيميديا كومنز. |
 | ||