انتقل إلى المحتوى

جوزيف كالييا

من ويكيپيديا
لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.
جوزيف كالييا
معلومات عامة
زيادة 4 غشت 1897
مدينا
لموت 31 أكتوبر 1975 (78 عام)
سليمة
طريقة دلموت موتة طبيعية
سباب لموت نوبة قلبية
لجنسية مالطا (1974–)
دولة مالطة (1964–1974)
Crown Colony of Malta (1897–1964)
الولايات المتاحدة د ميريكان
لحرفة مومتيل، مغني، سيناريست، مومتيل مسراحي و ممتيل د التلفازة
لّوغات لي كيعرف نڭليزية
معلومات خرى
لألة صوت
IMDB: nm0130407 Allocine: 1046 Allmovie: p10308 89248 IBDB: 60728
Find a Grave: 8044869 Modifica els identificadors a Wikidata


جوزيف كالييا (بالنݣليزية: Joseph Calleia؛ سميتو ديال بصح جوزيف أليكساندر سيزر هيرسطال ڤينسينت كاليجا، تزاد ف 4 غشت 1897 و مات ف 31 أكتوبر 1975) كان ممثل و مغني مالطي-ميريكاني. خدم ف المسرح، السينيما، الراديو و التلفازة.

بعدما خدم ف السرڨيس ديال النقل البريطاني (British Transport Service) ف لوقيتة ديال لحرب العالمية اللولة، سافر للميريكان و بدا لكاريير ديالو ف المسرح. ف اللول خدم ف الكوميديا الموسيقية، ولكن من بعد داز لمسرحيات برودواي الأصلية بحال برودواي (1926)، الصفحة اللولة (1928)، الميل اللخر (1930)، ولوطيل لكبير (1930). كالييا تشهر بزاف ب مسرحية المعجزة الصغيرة (1934)، لي كانت أول دور كبير ديالو كشخصية شريرة، و دارت معاه كونطرا شركة ميطرو ڭولدوين ماير.

كالييا برع ف الأدوار ديال الشرير ف الأفلام ديال هوليوود، ولكن حارب باش مايبقاش محصور غير ف هاد النوع ديال الأدوار، و قدم مجموعة ديال الشخصيات الغامضة لي فيها شوية ديال الفكاهة ف أفلام بحال الجزاير (1938)، خمسة رجعو (1939)، الولد الذهبي (1939)، الساروت الزاجي (1942)، وڭيلدا (1946). ف لوقيتة ديال لحرب العالمية الجاوجة، كالييا كان كيقود المنظمة ديال "إغاثة مالطا ف الحرب" (Malta War Relief) ف ميريكان، و دار جولات مع USO و "لجنة هوليوود للنصر" (Hollywood Victory Committee). من بعد الحرب، بقا خدام بشكل منتاظم ف السينما و التلفازة، و لعب دور البطولة ف العرض اللول ف لندن عام 1948 للمسرحية ديال آرثر ميلر لي ربحات جايزة طوني، كلهم ولادي. الأداء ديال كالييا ف الفيلم ديال أورسن ويلز لمسة ديال الشر (1958) كيتعتبر من أحسن الأدوار ف لكاريير الفنية ديالو.

صغرو

[بدل | بدل لكود]
كالييا ف المسرحية ديال برودواي المعجزة الصغيرة (1934–1935)

جوزيف أليكساندر سيزر هيرسطال ڤينسينت كالييا[1][2][a] تزاد ف 4 غوشت 1897،[4] ف نوطابيلي (لي دابا سميتها مدينة)،[4][5] ف المنطقة الإدارية ديال سقاية،[b] ف مستعمرة مالطا. والديه هوما پاسكوالي وإليونور كاليجا؛باه كان مهندس معماري.[6] كالييا قرا ف كوليج سانت جوليان و سانت ألويسيوس. فاش كانت عندو 12 عام، خدّم الجنيه الإسترليني لي تعطا ليه ف لكريسماس باش يشري جوج دزينات ديال الهارمونيكات، و نظم فرقة محلية لي العروض ديالها دغيا ولات كدخل 100 جنيه إسترليني ف السيمانة. باه صيفطو ل لندن باش يقرا الهندسة، ولكن كالييا خدم صوتو الزوين ك تينور ف قاعات الموسيقى (music halls)، كيغني أغاني شعبية ديال المرتفعات السكوتلاندية باللبسة التقليدية (الكيلت). خدم بسمية جوزيف سپورين، على كنية مو حيتاش باه ماكانش موافق.[1]

ف 1914، كالييا لتاحق بالخدمة ديال النقل البريطانية. من بعدما ضار ف لعالم ل مدة عامين و نص، لبابور ديالو تضربات ب طورپيد ف القنال النڭليزي. بقا ف السبيطار تلت شهور،[7] و توشح ب ميدالية ديال الحملة[8] وتسرح بشرف. سافر لميريكان ف 1917.[7] كان شومور،[9] غنا للصليب الأحمر و القوات المسلحة، و تطوع ف لفيلق لميريكاني د الطنوڭا.[7]

كالييا بدا لكاريير المسرحية ديالو ف نهار الهدنة.[10] من بعد الحرب العالمية اللولة، كان عندو نجاح محدود ف لڤودڤيل Vaudeville. كان كيعيش من الخدمة ديال تسخين الفران ف واحد المحل تجاري كبير، و كان خدّام ف الليل كيغسل و كيصلح طراموايات ديال مدينة نيويورك. ف النهار، كان كيضور على مكاتب الحجز المسرحي.[11] لوكالة ديال هنري و. ساڤاج صيفطات كالييا ل دينڤر، فين دار أول عرض مسرحي ديالو كيغني ف الكورال ديال الكوميديا الموسيقية ديال جيروم كيرن كون قلبك كبير. الموسم لي موراه، كان عندو دور صغير ف مسرحية پييترو (1920)، لي كانت من بطولة أوتيس سكينر و دارت ستة سيمانات ف برودواي و 40 سيمانة ك جولة. كالييا كان كيكمل الصالير ديالو بالخدمة كمساعد مدير خشبة المسرح و كيصلح الصنادق بـ 3 دولار للواحد.[12]

أول دور د كالييا فيه الهضرة ف المسرح كان ف الجناح المكسور (1920)، كوميديا ديال برودواي شارك فيها جورج أبوت و لويس وُلهايم. كان كيعوض ڭاع الأدوار و طلع ف دور فلاح مكسيكي كيعزف على الݣيطار و كيغني أغنية سميتها "أديلاي". كالييا لحن الأغنية، و طلب من أبوت يكتب ليها الكلمات؛ الأغنية تنشرات و من بعد جابت لكل واحد فيهوم حقوق تأليف وصلات حتال 2000 دولار ف العام.[13] الجناح المكسور كانت ناجحة بزاف،[13] و من بعد العرض ديال المسرحية ف نيويورك، كالييا و ثورستون هول شاركو ف لإنتاج ف لندن.

من بعد ربع شهور، العرض سالا، و كالييا مشا ل مالطا، فين تصالح هو و باه. ب طلب من باه، بدا كيخدم الكنية ديالو الحقيقية، و ولا كيتشهر بسمية جوزيف سپورين-كالييا.[14]

ف 14 فبراير 1925، كالييا دار أول حفل موسيقي ديالو ف "قاعة المدينة" ف نيويورك، مع عازف الپيانو فيرديناند ݣرينوالد. "تبين بلي عندو صوت عالي زوين، خدمو ب مهارة كبيرة ف الأغاني الطاليانية،" كتب ناقد الموسيقى ديال نيويورك تايمز أولين داونز، "من بينها أغنية رودولفو من لا بوهيم ديال پوتشيني و أغاني خرة من إل تروڤاتوري و ريݣوليتو ديال ڤيردي."[15] ف حفلة ف قاعة ستاينواي ف نيويورك ف 21 فبراير 1926، كالييا "بين على صوت زوين و جذاب" ف برنامج فيه أعمال ديال سكارلاتي، پايزييلو، شومان، ݣونو، و ليونكاڤالو، و جوج د الألحان ديالو.[16]

كالييا تخاد ف دور السفير الصبليوني ف الإنتاج ديال برودواي لمسرحية الأميرة فلاڤيا (1925)، لي هي أداپطاسيون موسيقية ديال سيڭموند رومبرڭ ل رواية لمحابسي د زيندا. بينما كان كيتسنا الإنتاج الضخم يوجد، كان كيبيع الپيانوات ب واحد النجاح كبير ل درجة بلي مول المحال عرض عليه محال ديالو يلا بقا خدّام معاه.[17]

لكاريير د لمسرح

[بدل | بدل لكود]

ف 1926، كالييا خدا أول دور مسرحي بارز ليه، ف المسرحية الناجحة بزاف ديال جورج أبوت و فيليپ دانينڭ برودواي.[18] لعب دور سرباي كيمشي بشوية و كيخششخ ب الفلوس ف الميلودراما لي الناقد ديال نيويورك تايمز بروكس أتكينسون سماها من بعد "سيكلوراما صاخبة و مزاحمة ديال حياة الكواليس [لي] بقات معلمة ف لمسرح لميريكاني."[19] كالييا خدم تا ك مدير خشبة للفرقة، ل صالح المنتج جيد هاريس، و شرف على جوايه 10 د لإنتاجات لمعاودة ديال برودواي ف ميريكان و على برّا.

تبعوها سلسلة ديال العروض المشهود ليها ب النجاح ف مسرحيات برودواي الناجحة، بحال دور صحافي مهمل ف الصفحة اللولة (1928)، و دور قتّال مدان ف [الميل اللخر (1930)، و دور الشيفور الغامض ف لوطيل لكبير (1930). كالييا ولا نجم مع المعجزة الصغيرة (1934)، مسرحية ديال برودواي لي وصفتها النيويوركر بلي راها "ميلودراما مُرضية بزاف مع جوزيف سپورين-كالييا ك ألطف قتّال شفتيه ف حياتك."[20]

تريلر ديال البطل الشعبي نمرة 1 (1935)
كالييا خدا جايزة المجلس الوطني للمراجعة لعام 1938 على الأداء ديالو ف دور المفتش سليمان ف فيلم الجزاير (1938).

"ممثل واعر بالجهد—جوزيف كالييا"، قال أورسن ويلز، لي خرّج و مثل مع كالييا ف لمسة ديال الشر (1958):

«عشقتو وأنا ولد عندو عشر سنين. شفتو ف مسرحية ف نيويورك[c] ... ميلودراما متقونة بزاف و دارت نجاح كبير ل مدة عام تقريبا — تحولات لفيلم من بعد ب شي واحد آخر. كان عندو الدور الرئيسي، و عمري ما نسيتو. و على مر السنين شفتو ف أفلام — حوايج صغار. و عمري ما قدرت ننسى داك الأداء ديالو. ديما كيلعب أدوار نمطية بزاف ف الأفلام ولكن هو واحد من أحسن الممثلين لي عرفتهوم. كنحتارمو بزاف. كتمثل حداه و كتحس بداكشي لي كتحسو مع ممثل كبير—هاد الدينامو خدام.[21]:298»

فاش ختار شرير العام ف المسرح لعام 1934، الكاتب الصحفي المشهور پول هاريسون ديال نيوزپايپر إنترپرايز أسوسييشن ختار "جوزيف سپورين-كالييا، لي الدور ديالو ك راجل عصابات ف المعجزة الصغيرة قدم واحد من أروع العروض ف برودواي."[22]

لكاريير د السينيما

[بدل | بدل لكود]

كالييا كان عندو أول دور حقيقي ديال شرير ف المعجزة الصغيرة، و النجاح ديالو ف المسرح هو السبب لي خلاه ينتاقل ل هوليوود. الكونطرا ديال كالييا مع ميترو ڭولدوين ماير كانت كتسمح ليه ب عطلة ديال ست شهور ف العام، باش يكمل خدمتو ف المسرح.[23] ماكانش جديد فالسينما—كان دار تلاتة أفلام طويلة ف الساحل الشرقي—ولكن فاش MGM دارت معاه كونطرا، روجو ل أول فيلم ليه، البطل الشعبي نمرة 1 (1935)، على أنه أول ظهور ليه فالشاشة.[24] الأداء ديال كالييا كقناص كان من بين أفضل 10 أداءات رجالية فالعام حسب ناقد السينما ديال نيويورك تايمز أندريه سينوالد.[25][26]

كالييا برع ف دور الشرير ف الأفلام، ولكن بغا يدير شخصيات فيها شوية ديال التعاطف. "بغيت نبعد على أدوار الشرير لحرفية"، قال ف واحد المقابلة ف 1936. "ولكن ماعنديش رغبة نكون بطل. كيعجبوني الأدوار لي كاناخد فيها شوية د التصرفيق. كيكون محفز كتر تلعب شخصية ماشي كلها حاجة وحدة—ماشي كلها خايبة و ماشي كلها مزيانة."[27] خلق سلسلة ديال الشخصيات الغامضة لي فيها لمسة ديال الفكاهة ف أفلام بحال الجزاير (1938)، خمسة رجعو (1939)، الولد الذهبي (1939)، المفتاح الزاجي (1942) و جيلدا (1946).[28]

ف يونيو 1935، تّعلن بلي كالييا غادي يلعب دور البطولة ك خواكين مورييت ف فيلم أنا خواكين[29] (لي تسمّا من بعد روبن هود إل دورادو)، فيلم كان هو لي كتب السيناريو ديالو. MGM بدلاتو ب وارنر باكستر، ظاهريًا حيتاش كالييا كان كبير ف لعمر، واخا باكستر كان كبر منو ب ست سنين.[30] كالييا لعب دور البطولة ف فيلم راجل الشعب (1937)، دراما سياسية على محامي شاب كيحارب شلاهبيا د الشركات.[31]

كالييا بقا كيحارب الصورة النمطية، و رفض أدوار شريرة مربحة باش يطور شخصيات أكثر تعقيدا.[32] الأداء ديالو ك مفتش د لبوليس سليمان ف فيلم والتر وانجر الجزاير (1938) تعترف بيه المجلس الوطني للمراجعة. فاش خدم مع المخرج جون فارو ف شركة آر كيي ؤ بيكتشرز عام 1939، قدم دراسة شخصية واعرة ك أنارشي محكوم عليه ب لإعدام ف فيلم خمسة رجعو،[33] و فرايلي بطل ف فيلم إعتراف كامل. تّعلن بلي كالييا غادي يلعب دور الأب داميان ف فيلم لشركة RKO من كتابة و إخراج فارو،[32][34][35] ولكن المشروع ماتحققش.

كالييا ولا مواطن ميريكاني مجنس ف نونبر 1941. خلال الحرب العالمية التانية، كالييا كان كيقود منظمة "إغاثة مالطا ف الحرب" (Malta War Relief) ف ميريكان. الدار لي تزاد فيها تهدّمات ف 1942؛ عائلتو لجات ل مقابر قديمة تحت الأرض خلال القصف الجوي لمستامر تقريبا ل مالطا من عند دول المحور لي دام كتر من عامين. تحت رعاية قسم الأفلام ديال عروض معسكرات USO، دار عروض شخصية ف منشآت عسكرية ميريكانية ف 1943.[36] قبل تا دعوة من "لجنة هوليوود للنصر" باش يدير جولة ف المعسكرات العسكرية ف شمال إفريقيا، خصوصا حيتاش المسار المبدئي كان فيه مالطا. ف السفرة لي طولها موضيل:حول، كالييا و الفرقة الصغيرة ديالو متعو أفراد الخدمة ف ناتال، دكار، على طول الساحل حتال الدار البيضا و عبر تونس، من بعد مشاو ل مالطا، لي كالييا مازارهاش من 1922. قدمو جوج عروض ف اليوم و زارو ڭاع السبيطارات ف كل محطة؛ و قدمو ست عروض ف مالطا ك جزء من برنامج التبادل بين وحدات الترفيه الميريكانية و البريطانية.[37][d]

بالإضافة ل خدمتو لمستامرة ف الأفلام ل مدة 20 عام أخرى، كالييا لعب دور البطولة تا ف العرض اللول ف لندن عام 1948 ديال مسرحية آرثر ميلر لي ربحات جايزة طوني، كلهم ولادي، و لقى إشادة نقدية ب الإجماع.[38] الأداء ديالو ف فيلم لمسة ديال الشر (1958)—ف دور پيت مينزيز، الشريك القديم ديال لكوماندان د لبوليس الفاسد هانك كوينلان (أورسن ويلز)—كيتعتابر من أحسن لأدوار ف مسيرتو الفنية.[39][40][41]

"ماشي نادر ف أفلام ويلز باش ممثل واحد يخرج على الإطار العام للفيلم باش يجسد حقيقة إنسانية خالصة،" كتب كاتب سيرة ويلز سايمون كالو. "ف لمسة ديال الشر كاينين جوج ممثلين كيديرو هادشي—ديتريش و جوزيف كالييا، لي كيلعب دور مينزيز، زميل كوينلان المخدوع. ملامح كالييا المعذبة كتظهر بشكل متزايد ف الشاشة كلما تكشفات ليه الحقيقة ديال كوينلان، مع العلم بلي خاصو يخونو. ... الحياة الداخلية الغنية ديال كالييا كترمي سحر متزايد على الفيلم و هو كيوصل للذروة ديالو، و كتجيب للحياة بشكل شخصي واضح موضوع ويلز الأبدي: الخيانة."[42]

اللخر د حياتو

[بدل | بدل لكود]

كالييا تقاعد ف 1963 و مشا ل سليما، مالطا.[43] مراتو، إليونور ڤاسالو كالييا، لي تزوجها ف 1929، ماتت تما ف 1967.[e] كالييا مات ف 31 أكتوبر 1975، و عمرو 78 عام، ف سانت جوليانز.

لورت

[بدل | بدل لكود]
تمثال كالييا ف الرباط، مالطا، قريب من مدينة، بتمويل من بنك ڤاليطا.

كالييا تكرم بعد وفاتو من عند السلطة د لبوسطة المالطية ب مجموعة ديال جوج د التنابر تذكارية تصدرات ف 1997.[45][46] ف 2005، تمثال نصي د كالييا نحتو أنطون أڭيوس تحط ف لموضع فين تزاد ف مالطا ب مبادرة من إيمان بونيتشي لي كان عمرو ديك الساعة 15 عام.[47][48] الدار لي ف زنقة مرابط، سانت جوليانز فين عاش كالييا من بعد 1963 تهدّمات ف شتنبر 2023.[49]

نويطات

[بدل | بدل لكود]
  1. ^ لكنية ديال كالييا كاتنطق "كال-إي-ا"، مع التشديد على المقطع التاني.[3]
  2. ^ سقاية Saqqajja هي منطقة إدارية تابعة ل مدينة ولكن برا السور ديال المدينة. ثقافيا، كاتعتبر جزء من الرباط و مدينة. سقاية تاريخيا كانت جزء من الرباط ولكن ف التاريخ القريب ولات رسميا جزء من مدينة؛ شوف تا مليطة (مدينة قديمة).
  3. ^ المسرحية، لي سميتها المعجزة الصغيرة، تعرضات ف برودواي ف 1934–1935 و تحولات ل فيلم ف 1935 ب سمية ربع سوايع للقتل!، من بطولة ريتشارد بارثلميس.
  4. ^ فرقة كالييا ديال USO كانت فيها المغنية مارشا رايس، عازف الأكورديون بوني بروكس، و مقدم الحفل ݣاري ويب. كالييا غنا، و مثل مشهد من المعجزة الصغيرة—"و ساليت العرض ب ستريپتيز هزلي. هاديك كانت أصعب بارتي ف العرض. الجو كيكون بارد بزاف ف شمال إفريقيا."
  5. ^ جوزيف كالييا و إليونور ڤاسالو (تزادت ف 19 غوشت 1898، بروكلين، نيويورك) تزوجو ف 29 دجنبر 1929، ف لونݣ آيلاند، نيويورك. ماتت ف سليما ف 17 دجنبر 1967.[44]

مصادر

[بدل | بدل لكود]
  1. ^ a b "من مالطا". نيويورك تايمز. 21 أكتوبر 1934. تطّالع عليه ب تاريخ 11 نونبر 2015.
  2. ^ كاتز، إفرايم (1998). موسوعة السينما (طبعة التالتة). نيويورك: هاربر پيرينيال. ص. 208. ردمك 0-06-273492-X.
  3. ^ يورك، كال (دجنبر 1939). "ثرثرة كال يورك من هوليوود؛ دليل النطق". فوتوپلاي. ڭزو  53 no. 12. ص. 70. تطّالع عليه ب تاريخ 4 يناير 2016.
  4. ^ a b الأرشيف الوطني ف ريڤرسايد؛ ريڤرسايد، كاليفورنيا، الولايات المتحدة د لميريكان؛ طلبات التجنيس، محكمة مقاطعة الولايات المتحدة للمنطقة الوسطى د كاليفورنيا (لوس أنجلوس)، 1940–1991؛ NAI: 594890؛ عنوان مجموعة السجلات: سجلات محاكم مقاطعات الولايات المتحدة، 1685–2009؛ رقم مجموعة السجلات: 21. Ancestry.com، كاليفورنيا، سجلات التجنيس، 1887–1991 [قاعدة بيانات على الإنترنت]. پروڤو، يوتا: Ancestry.com Operations Inc.، 2014. تاريخ الاطلاع: 11 نونبر 2015.
  5. ^ "ممثل سينمائي يرأس إغاثة مالطا الحربية". پيتسبورغ پريس. 22 نونبر 1942. تطّالع عليه ب تاريخ 13 نونبر 2015.
  6. ^ "وفاة لواليد ديال جوزيف كالييا". نيويورك تايمز. 4 يوليوز 1945. تطّالع عليه ب تاريخ 11 نونبر 2015.
  7. ^ a b c "الصفحة اللولة". پلايبيل. 1 أكتوبر 1928. ص. 47. مأرشيڤي من لأصل ف 20 ماي 2016. تطّالع عليه ب تاريخ 29 نونبر 2016.
  8. ^ "جوزيف كالييا". Ancestry.com. بريطانيا، ميداليات الحملة الممنوحة لبحارة التجارة فالحرب العالمية اللولة، 1914–1925 [قاعدة بيانات على الإنترنت]. پروڤو، يوتا، الولايات المتحدة د لميريكان: Ancestry.com Operations, Inc.، 2014. تاريخ الشوفة: 11 نونبر 2015.
  9. ^ "جوزيف كالييا سپورين". Ancestry.com. الولايات المتحدة، بطاقات تسجيل التجنيد فالحرب العالمية اللولة، 1917–1918 [قاعدة بيانات على الإنترنت]. پروڤو، يوتا، الولايات المتحدة الأمريكية: Ancestry.com Operations, Inc.، 2005. تاريخ الاطلاع: 11 نونبر 2015.
  10. ^ الجناح المكسور (پروݣرام مجلة المسرح). نيويورك: شركة پروݣرام مسرح نيويورك. 21 مارس 1921. ص. 23.
  11. ^ ويلر، أ. هـ. (21 نونبر 1943). "قطعة حقيقية من الصخرة المالطية القديمة". نيويورك تايمز. تطّالع عليه ب تاريخ 11 نونبر 2015.
  12. ^ "Across from Malta". The New York Times. October 21, 1934. تطّالع عليه ب تاريخ November 11, 2015.
  13. ^ a b أبوت، جورج (1963). السيد أبوت. نيويورك: راندوم هاوس. ص. 99. OCLC 330940.
  14. ^ "سمية فيلم مركبة عندها قصة غريبة". شيكاغو تريبيون. 28 أبريل 1935. تطّالع عليه ب تاريخ 16 يناير 2016.
  15. ^ داونز، أولين (15 فبراير 1925). "أوبرا: جوزيف كالييا، تينور، ف أول ظهور ليه". نيويورك تايمز. تطّالع عليه ب تاريخ 20 نونبر 2015.
  16. ^ "جوزيف كالييا، تينور، يعجب الجمهور". نيويورك تايمز. 22 فبراير 1926. تطّالع عليه ب تاريخ 20 نونبر 2015.
  17. ^ Weiler، A. H. (November 21, 1943). "A True Chip Off the Old Maltese Block". The New York Times. تطّالع عليه ب تاريخ 11 نونبر 2015.
  18. ^ برجر، ماريلين (2 فبراير 1995). "George Abbott, Broadway Giant With Hit After Hit, Is Dead at 107". نيويورك تايمز. تطّالع عليه ب تاريخ 21 نونبر 2015.
  19. ^ برجر، ماريلين (22 يوليوز 1968). "Philip Dunning, Playwright, 76, Co-Author of 'Broadway,' Dies". نيويورك تايمز. تطّالع عليه ب تاريخ 21 نونبر 2015.
  20. ^ "أحداث المدينة". النيويوركر. ڭزو  X no. 46. 29 دجنبر 1934. ص. 2.
  21. ^ ويلز، أورسن، وپيتر بوڭدانوڤيتش، تحرير جوناثان روزنباوم، هادا هو أورسن ويلز. نيويورك: هاربر كولينز للنشر 1992 ردمك 0-06-016616-9.
  22. ^ هاريسون، پول (30 دجنبر 1934). "Variety of Broadway's plays listed among dying year's best stage fare". ذا پيتسبورڭ پريس.
  23. ^ "ذهاب وإياب". ذا فيلم دايلي. 15 يناير 1936. تطّالع عليه ب تاريخ 17 شتنبر 2016.
  24. ^ موضيل:مرجع وسائط سمعية بصرية
  25. ^ سينوالد، أندريه (5 يناير 1936). "أفضل عشرة، تقريبا". نيويورك تايمز. تطّالع عليه ب تاريخ 16 نونبر 2015.
  26. ^ سينوالد، أندري (8 يونيو 1935). "Movie Reviews" [مراجعة فيلم: البطل الشعبي نمرة 1]. نيويورك تايمز. تطّالع عليه ب تاريخ 16 نونبر 2015.
  27. ^ "تسالي". سومرست دايلي أمريكان. سومرست، پنسلڤانيا: 5. 8 شتنبر 1936.
  28. ^ هاليويل، ليزلي (1984) [1965]. رفيق هاليويل لعشاق السينما (طبعة التامنة). نيويورك: تشارلز سكريبنرز صانز. ص. 103. ردمك 0-684-18183-5.
  29. ^ "SCREEN NOTES" [خبار الشاشة]. نيويورك تايمز. 11 يونيو 1935. تطّالع عليه ب تاريخ 17 شتنبر 2016.
  30. ^ "Robin Hood of El Dorado (1936)" [روبن هود إل دورادو]. كاطالوݣ AFI للأفلام الطويلة. معهد الفيلم لميريكاني. تطّالع عليه ب تاريخ 17 شتنبر 2016.
  31. ^ "عندو دور جديد ف الصورة؛ جوزيف كالييا بطل 'رجل الشعب'، ف كوين". بيݣ سپرينݣ دايلي هيرالد. 16 أبريل 1937.
  32. ^ a b كونز، روبين (24 يوليوز 1939). "مشاهد وأصوات هوليوود". بيݣ سپرينݣ دايلي هيرالد.
  33. ^ سوينز، وود (9 يوليوز 1939). "أفلام ماشي عادية معروضة هاد السيمانة". أوكلاند تريبيون. من هاد العمل خرج أداء مصروع ديال جوزيف كالييا، ممثل تخاد من المسرح من بعد عدة أدوار ممتازة و ما تعطاتوش فرصة كبيرة يبين قدراتو ف الشاشة. حيتاش 'خمسة رجعو' ماكانش كيتشاف كملحمة ف وقت لمصاوبة ديالو، و ب التالي ماخضعش ل إشراف ستوديو قوي، كالييا قدر يقدم دراسة شخصية واعرة.
  34. ^ "'DAMIEN THE LEPER' PURCHASED BY RKO; Robert Sisk to Be the Producer --Joseph Calleia Has Been Assigned to Title Role 'SORORITY HOUSE' TO OPEN Max Gordon Asserts Sherwood Has Made Film Script of 'Abe Lincoln in Illinois'". نيويورك تايمز. 17 ماي 1939. تطّالع عليه ب تاريخ 17 شتنبر 2016.
  35. ^ "هوليوود كتشري 45 قصة أخرى باش تضيفها لبرامج الأفلام ديال 1940". موشن بيكتشر هيرالد. ڭزو  136 no. 1. 1 يوليوز 1939. ص. 34. تطّالع عليه ب تاريخ 17 شتنبر 2016.
  36. ^ "زيارة ممثل سينمائي للمركز المحلي". بيݣ سپرينݣ هيرالد. 14 شتنبر 1943.
  37. ^ سوينز، وود (25 مارس 1944). "هدية مالطا للسينما، جوزيف كالييا، يفرح إخوته المنكوبين بالقصف واليانكيز فشمال إفريقيا". أوكلاند تريبيون.
  38. ^ "'كلهم ولادي' ناجحة". نيويورك تايمز. 12 ماي 1948. تطّالع عليه ب تاريخ 18 شتنبر 2016.
  39. ^ كوميتو، تيري, إيديتور (1998) [1985]. "مقابلة مع تشارلتون هيستون". لمسة ديال الشر. مطبعة جامعة روتجرز. ص. 215. ردمك 0-8135-1097-X. كانو بعض العروض لواعرة، خصوصا جو كالييا. كانعتاقد بلي راه واحد من أفضل الأعمال لي قدمها ف مسيرتو كاملة.
  40. ^ برادي، فرانك (1989). المواطن ويلز: سيرة ذاتية لأورسن ويلز. نيويورك: تشارلز سكريبنرز صانز. ص. 500. ردمك 0-385-26759-2.
  41. ^ ماكݣيليݣان، پاتريك (2015). أورسن الشاب. نيويورك: هاربر. ص. 297. ردمك 978-0-06-211248-4.
  42. ^ كالو، سايمون (2015). أورسن ويلز: رجل فرقة واحد. نيويورك: ڤايكينݣ. pp. 255–256. ردمك 978-0-670-02491-9.
  43. ^ "جوزيف كالييا - ممثل مالطا ف هوليوود". ذا مالطا إندبندنت. 21 ماي 2013. تطّالع عليه ب تاريخ 9 شتنبر 2016.
  44. ^ إدارة الأرشيف و الوثائق الوطنية (NARA)، واشنطن العاصمة؛ السجلات العامة لوزارة الخارجية؛ مجموعة السجلات: RG59-Entry 5166؛ رقم الصندوق: 51؛ وصف الصندوق: 1968 BI - CAZ. Ancestry.com. تقارير وفيات المواطنين الميريكانيين على برا، 1835–1974 [قاعدة بيانات على الإنترنت]. پروڤو، يوتا: Ancestry.com Operations Inc.، 2010. تاريخ الاطلاع: 22 نونبر 2015.
  45. ^ "ذكريات 1997 - 6c جوزيف كالييا وبكرة فيلم". بريد مالطا. تطّالع عليه ب تاريخ 10 نونبر 2015.
  46. ^ "ذكريات 1997 - 6c جوزيف كالييا وكاميرا فيلم". لبوسطة د مالطا. تطّالع عليه ب تاريخ 10 نونبر 2015.
  47. ^ "رسائل: تمثال كالييا تخرب". تايمز أوف مالطا. 12 فبراير 2006. تطّالع عليه ب تاريخ 11 فبراير 2017.
  48. ^ "رسائل: تمثال جوزيف كالييا". تايمز أوف مالطا. 15 يوليوز 2007. تطّالع عليه ب تاريخ 11 فبراير 2017.
  49. ^ كارابوت، سارة (28 شتنبر 2023). "دار 'الأسطورة المالطية' جوزيف كالييا تهدّمات باش تبنا بلاصتها دار ضيافة". تايمز أوف مالطا. مأرشيڤي من لأصل ف 28 شتنبر 2023.
مرجّعة من "https://ary.wikipedia.org/w/index.php?title=جوزيف_كالييا&oldid=434656"