انتقل إلى المحتوى

جوديا حصار بنسليمان

من ويكيپيديا
لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.
جوديا حصار بنسليمان
معلومات عامة
زيادة1943
لموت22 ماي 2018 (74/75 عام)
لجنسيةلمغريب
لحرفةأركيولوجي
لّوغات لي كيعرفلفرانساوية
لفاميلة
شريكحسني بنسليمان


جوديا حصار بن سليمان (1943[1][ن 1] – 22 ماي 2018) كانت توارخية و أركيولوجية مغربية، كانت متخصصة ف الأركيولوجيا الإسلامية، التاريخ، و الهندسة المعمارية الإسلامية.[2] كانت من الخبيرات اللولات ف ميدان الأركيولوجيا ف المغريب،[3] و ساهمات بزاف ف دفيع البحث الأركيولوجي ف المغريب للقدّام، طوال 30 عام ديال لكاريير ديالها.[4] كاتّعتابر عامةً من بين الشخصيات المهمة بزاف ف الأركيولوجيا المغربية.[1][5][6]

حياتها

[بدل | بدل لكود]

جوديا حصار تزادت ف 1943 ف واحد لفاميلة سلاوية قديمة.[7]

تجوجات ب جينيرال د الجادارمية و لمسؤول الرياضي لمغريبي، حسني بنسليمان.[8]

لكاريير

[بدل | بدل لكود]

حصار بنسليمان دخلات ل وزارة الثقافة ف المغريب ف 1972، و تلحقات ب المتحف الأركيولوجي ديال الرباط. ف عام واحد، ولات هي المديرة ديال المتحف، و لمديرة حتى ديال مصلحة الأركيولوجيا ف الوزارة.[6] كانت كتشارك ف الحفريات، خصوصاً ف الميادين ديال الأركيولوجيا الإسلامية.[9] أول حفريات ديالها كانت ف الموقع ما قبل الحضري ديال بليونش، حدا سبتة.[6] ومن بعد، شاركات ف الحفريات ديال أول مقبرة ملكية سُلالية ديال المرينيين ف تافرتاست، اللي كانت هي اللولة اللي حدّدات البلاصة ديالها ف منطقة الغرب. شاركات حتى ف الحفريات ديال جامع تينمل و بلايص خرين. الكتاب ديالها "Le passé de la ville de Salé dans tous ses états: histoire, archéologie, archives" (ماضي مدينة سلا بكل حالاتو: تاريخ، أركيولوجيا، أرشيڤات)، ولى مرجع ف المجال ديالو.[6]

حصار بنسليمان دارت مجهود كبير ف تكوين الجيل الجديد ديال الأركيولوجيين المغاربا، و ف الحفاظ على التراث الثقافي ديال لبلاد.[6] كانت أستاذة ديل لأركيولوجيا و تاريخ لفن ف جامعة محمد الخامس ف الرباط، ما بين 1978 و 1983.[10] و ساهمات بشكل كبير ف تأسيس لمعهد لوطني د لأركيولوجيا و التراث (INSAP)،[11] و ولات هي أول مديرة ديالو ف 1986.[6][12][13] الدور ديال هاد المعهد هو تكوين الطالابا ف ميدان لأركيولوجيا، و تنظيم بحوث و حفريات ف مواقع أركيولوجية ف المغريب، ب تعاون مع شركا دوليين.[14]

ف 1986، نشرات واحد لمقال على لأركيولوجيا ديال سيجيلماسة، و بيّنات فيه الأهمية ديال هداك الموقع. ف1987، خذات دوكتورا ف لأركيولوجيا من جامعة السوربون باريز IV. كانت لأطروحة ديالها على مدينة سلا، تحت لإشراف ديال جانين سورديل-طومين، و عطاتها لعنوان: "Recherches sur la ville de Salé et problèmes d'archéologie marocaine" (بحوث على مدينة سلا و مشاكل لأركيولوجيا ف المغريب).[1]

ف 1992،[1] أسسات جمعية Société marocaine d’archéologie et du patrimoine (SMAP)، و هي جمعية كترأسها رسمياً لأميرة لالة حسناء، وكانت حصار بنسليمان هي الرئيسة المفوّضة ديالها حتى ل 2015.[1] من بين المبادرات ديال الجمعية، ساهمات ف الحفريات و الحفاظ على المواقع الأركيولوجية ديال ليكسوس و خديس. و ب لإضافة لهادشي، و ب الجمعية، كانت كتسهر على النشر ديال لمجلة لأركيولوجية Le Jardin des Hespérides من فبراير 2004 حتى فبراير 2015، ملي تقاعدات.[6][15]

على حساب لأركيولوجي لمغربي عبد الجليل بوزڭار، اللي هو دابا مدير INSAP، حصار ساهمات ف تحرير لأركيولوجيا لمغريبية من لفرضيات و التفسيرات لإستعمارية اللي كانت مهيمنة ف زمان لحماية لفرانساوية و الصبليونية،[16] و ساهمات ف خلق "مدراسة مغريبية ف لأركيولوجيا".[13][17] و زيد على هادشي، عدد لبرامج لأركيولوجية ف لمغريب تزاد بزاف: من 4 ديال لبرامج ف 1975، حتى ولاو علاين 40 ملي تقاعدات من لمنصب ديالها كمديرة ديال INSAP ف 2005، بعد ما سهرات على تكوين كثر من 200 شاب و شابة متخصصين ف مختلف مجالات لأركيولوجيا.[4]

لوفاة

[بدل | بدل لكود]
لوحة تذكارية تكريمية ل جوديا حصار ف متحف التاريخ و لحضارات

حصار بنسليمان توفات نهار التلات 22 ماي 2018 مع 3 د الصباح، من بعد مرض طويل. تدفنات ف مقبرة حي الرياض ف الرباط.[9][18]

نهار 13 غشت 2018، المؤسسة الوطنية د لمتاحف كشفات على لوحة تذكارية ل تكريم جوديا حصار ف متحف التاريخ و لحضارات ف الرباط، و سمّات واحد لقاعة فيه ب سميتها.[19][20]

منشورات

[بدل | بدل لكود]

من بين لأعمال لبارزة ديال جوديا حصار بنسليمان:[21]

  • Salé : étude architecturale de trois maisons traditionnelles, 1979[22]
  • Archives familiales et architecture privée à Salé, Bulletin Archéologique du Comité des Travaux Historiques et Scientifiques. Fascicule B, Afrique du Nord. 1984.
  • Tinmel : l'épopée Almohade, 1992
  • Le passé de la ville de Salé dans tous ses États. Histoire, archéologie, archives, Paris : Maisonneuve et Larose, 1992.[23]
  • L'archéologie islamique au Maroc et son apport à l'Histoire, Bulletins de l'Académie Royale de Belgique, 1993, pp. 457–468[24]
  • Maroc, terre de lumière. Morocco, land of light, Joudia Hassar-Benslimane, Philippe Ploquin, and Françoise Peuriot. 1999
  • La recherche archéologique au Maroc durant deux décennies, Actes des 1ères Journées Nationales d’Archéologie et du Patrimoine. Volume 1 : Préhistoire : Rabat, 1-4 juillet 1998. 2001.

شوف تا

[بدل | بدل لكود]

نويطات

[بدل | بدل لكود]
  1. ↑ عام الزيادة ديالها مذكور ف عدد ديال لمصادر كـ 1943، غير ف التصويرة ديال اللوحة التذكارية اللي كاينة ف لمتحف لأركيولوجي ديال الرباط كيبان مكتوب 1953.

مصادر

[بدل | بدل لكود]
  1. 1 2 3 4 5 Bahri، Farid (2025-02-01). "Joudia Hassar-Benslimane: Archéologue en chef". Zamane. نمرة 169. pp. 64–67.
  2. ↑ "الموت يفجع الجنرال حسني بنسليمان". 2018-05-22. تطّالع عليه ب تاريخ 2025-03-11.
  3. ↑ Com، Yabiladi (2018-05-23). "L'archéologue marocaine Joudia Hassar-Benslimane n'est plus". تطّالع عليه ب تاريخ 2025-03-11.
  4. 1 2 "Hommage au professeur Joudia Hassar-Benslimane, une militante en archéologie". Lematin. 2005-12-13. تطّالع عليه ب تاريخ 2025-03-11.
  5. ↑ Hbaieb، Mohamed Ali. "Hommage à Joudia Hassar-Benslimane, Actes du colloque organisé à Rabat (9-10 décembre 2005)". Hespéris-Tamuda: 343–48. Quatre vingt deux chercheurs se sont réunis en 2005 au musée des Oudayas à Rabat pour rendre hommage à Madame Joudia Hassar-Benslimane, l’une des figures emblématiques de l’archéologie marocaine pendant les trois dernières décennies du XXème siècle.
  6. 1 2 3 4 5 6 7 Touri، Abdelaziz (2019). "In memoriam Joudia Hassar-Benslimane (1943–2018)" (PDF). Hespéris-Tamuda. 59: 9–11. doi:10.34780/hatf-vt8n. تطّالع عليه ب تاريخ 2025-03-11.
  7. ↑ "Maroc, terre de lumière. Morocco, land of light". تطّالع عليه ب تاريخ 2025-03-11.
  8. ↑ "وفاة جوديا حصار زوجة الجنرال حسني بنسليمان". 2018-05-22. مأرشيڤي من لأصل ف 2025-03-12. تطّالع عليه ب تاريخ 2025-03-11.
  9. 1 2 Mohamed Baba (2018-05-23). "LA FAMILLE BENSLIMANE ENDEUILLÉE PAR LA PERTE DE JOUDIA HASSAR BENSLIMANE". تطّالع عليه ب تاريخ 2025-03-11.
  10. ↑ "Joudia Hassar-Benslimane, VIAF". تطّالع عليه ب تاريخ 2025-03-11.
  11. ↑ "زوجة الجنرال حسني بنسليمان في ذمة الله إقرأ المزيد". 2018-05-23. تطّالع عليه ب تاريخ 2025-03-11.
  12. ↑ "Joudia Hassar Ben Slimane". 22 March 2021. تطّالع عليه ب تاريخ 2025-03-11.
  13. 1 2 "عبد الجليل بوزوكار: حلي بيزمون بالصويرة.. هل ارتبطت بنشأة اللغة؟". bayanealyaoume. 2024-03-15. مأرشيڤي من لأصل ف 2024-08-16. تطّالع عليه ب تاريخ 2025-03-11.
  14. ↑ "Ostour, A Bi-annual Peer-reviewed Journal for Studies Historical, February 2024" (PDF). Ostour: 251.
  15. ↑ "Oours de la revue". مأرشيڤي من لأصل ف 2025-03-15. تطّالع عليه ب تاريخ 2025-03-15.
  16. ↑ "Joudia Hassar-Benslimane: Archéologue en chef". Zamane. 2025-02-04. تطّالع عليه ب تاريخ 2025-03-11.
  17. ↑ "علم الآثار يفتقد بنسليمان في المغرب". 2025-03-10. تطّالع عليه ب تاريخ 2025-03-11.
  18. ↑ "وفاة جوديا حصار زوجة الجنرال حسني بنسليمان". 2018-05-22. تطّالع عليه ب تاريخ 2025-03-11.
  19. ↑ "Hommage à l'archéologue Joudia Hassar-Benslimane". 2018-08-14. تطّالع عليه ب تاريخ 2025-03-11.
  20. ↑ Ouiddar، Nadia (2018-08-14). "Hommage posthume à Joudia Hassar-Benslimane". تطّالع عليه ب تاريخ 2025-03-11.
  21. ↑ "Hassar-Benslimane, Joudia (1943-....)". تطّالع عليه ب تاريخ 2025-03-11.
  22. ↑ "Hassar-Benslimane ,Joudia : Salé, étude architecturale de trois maisons traditionnelles / E.T.A.M. 1979". تطّالع عليه ب تاريخ 2025-03-11.
  23. ↑ "Le passé de la ville de Salé dans tous ses états : Histoire, archéologie, archives". تطّالع عليه ب تاريخ 2025-03-11.
  24. ↑ "Hassar Benslimane, Joudia (1943-)". تطّالع عليه ب تاريخ 2025-03-11.
مرجّعة من "https://ary.wikipedia.org/w/index.php?title=جوديا_حصار_بنسليمان&oldid=451401"