جواد شامي
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
جواد شامي
| ||
 | ||
| معلومات عامة | ||
| زيادة | 22 شتنبر 1962 مكناس | |
| لموت | 12 دجنبر 2024 (62 عام) مكناس | |
| لجنسية | لمغريب | |
| لحرفة | سياسي و بيزنيسمان | |
| معلومات خرى | ||
| لحيزب | حيزب لأصالة ؤلمعاصرة | |
| سّيت رّسمي | https://jaouadchami.ma | |
جواد شامي (مزيود ف 22 شتنبر 1962، توفى ف 12 دجنبر 2024) سياسي و بيزنيسمان مغريبي. شامي كان عضو ف مجلس النواب على مدينة مكناس، و قبل من داكشي لمندوب لعام ديال لمعرض الدولي د لفلاحة ف لمغريب (سيام). و كان عضو ف حيزب لپام.[1]
تزاد جواد شامي ف مكناس. لواليد ديالو هوّ عبد العزيز الشامي و لواليدة ديالو لحاجة بنونة. دار التعليم د لإبتدائي و الليسي ف نفس لمدينة، و خدا لباكالوريا ف 1981. خدا ليصونس ف إدارة المقاولات من مدرسة إدارة و تسيير لأعمال ف باريز، فرانسا، و ديپلوم ديال السلك التالت ف ستراتيجية لمقاولات من لمعهد لفرانساوي ديال التدبير ف الدارلبيضا.[2]
توفى شامي ف كلينيك ف مكناس ف الساعات اللولة ديال نهار لخميس 12 دجنبر 2024، بعد معاناة طويلة معا لمرض.[3] تّدفن ف مقبرة سيد الشريف الوافي مور ڭنازة حضرو ليها بزاف د الشخصيات د السياسة و لأعمال.[4]
كان شامي بيزنيسمان عندو نشاطات إستتمارية متنوعة، ما بين توزيع الطونوبيلات و لماكينات د لفلاحة، و لأنشطة د لفلاحة و الصناعات د لماكلة.[1] كان رئيس ديال لكونفدرالية لعامة د مقاولات لمغريب، جهة مكناس تافيلالت، و سيّر عدد ديال الشركات.[2]
ساهم شامي بشكل كبير ف تطور لمعرض الدولي د لفلاحة من نهار بدا، و دار بزاف د الجهد باش يولي أكبر لأحدات لفلاحية الدولية و مرجع عالمي ف لقطاع لفلاحي،[5] و كان شاد منصب ديال لمندوب لعام ديال لمعرض من 2006[2] تال 2023.[1]
كان شامي عضو ف مجلس النواب على مدينة مكناس، و عضو ف لمكتب السياسي ديال حيزب لأصالة و لمعاصرة (پام).[1] و كان عضو منتاخب ف مجلس جماعة مكناس.[2]
كان شامي عضو ف عدد ديال الجمعيات لمدنية، بحال نادي الليونز، و كان عضو ف لمجلس لإداري ديال مركز لمكفوفين و عضو مؤسس ديال جمعية لأطلس للأشخاص مالين لإحتياجات لخاصة.[2]
- 1 2 3 4 "جواد الشامي يرحل إلى دار البقاء". 2024-12-12. Retrieved 2025-05-19.
- 1 2 3 4 5 "من هو جواد الشامي". Archived from the original on 2021-08-28. Retrieved 2025-05-19.
{{cite web}}: Unknown parameter|deadurl=ignored (|url-status=suggested) (معاونة) - ↑ "Jaouad Chami est décédé".
- ↑ "جواد الشامي يودع أهل مكناس في جنازة التأمت فيها كل أطياف القوى الحية وطنيا ومحليا". Retrieved 2025-05-19.
- ↑ "An Eloquent Goodbye to SIAM". 2024-12-13. Retrieved 2025-05-19.[ليان مهرس ديما]