جمال الدين لقادري لبودشيشي
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
جمال الدين لقادري لبودشيشي
| ||
| معلومات عامة | ||
| زيادة | 1942 | |
| لموت | 8 غشت 2025 (82/83 عام) | |
| لجنسية | لمغريب | |
| لحرفة | معلم روحي | |
| لفاميلة | ||
| لواليد | حمزة بن العباس بودشيش | |
سيدي جمال الدين القادري البودشيشي (مزيود ف 1942 ف مداغ - توفا ف 8 غشت 2025) هو عالم ومرشد روحي مغريبي، وكان هو الشيخ ديال الطريقة القادرية البودشيشية لي لـمقر ديالها ف مداغ ف إقليم بركان.[1]
تزاد جمال الدين ف عام 1942 ف مداغ، ف نفس لـعام لي باه سيدي حمزة وجدو سيدي عباس بداو فيه لمشيخة ديالهم. هو لولد لكبير ديال الشيخ حمزة القادري البودشيشي لي مات ف 2017. كبر سيدي جمال ف واحد لوسط لي جامع بين لعلم والتربية الروحية، وقرا لقرآن ولعلوم الشرعية ف الزاوية موراها كمل قرايتو ف ثانوية مولاي إدريس ف فاس.[2]
خدا لإجازة ف الشريعة لإسلامية من كلية الشريعة ف فاس، ومن بعد كمل ف "دار الحديث الحسنية" فين شد الدكتورا ف 2001 بـ واحد لـبحث كايناقش "مؤسسة الزاوية ف لمغريب بين التقليد والحداثة". وخا كان ولد شيخ زاوية كبيرة، اختار يخدم ف لـوظيفة لـعمومية وخدم أستاذ ومفتش ف وزارة التربية الوطنية ف إقليم بركان تال ملي تقاعد.[3]
مورا ما مات باه سيدي حمزة ف يناير 2017، ولى سيدي جمال هو لـمرشد الروحي ديال لـبودشيشية بـ وصية مكتوبة وموثقة. كان كايشرف على لـملتقى العالمي للتصوف لي كايتجمعوا فيه لآلاف د لـمريدين من كاع لعالم كل عام ف ذكرى لـمولد لنبوي. كان كايأكد ديما على أن لـهدف ديال الزاوية هو تربية لـمواطن على لـقيم د لوسطية والجمال وحب لـوطن.[4]
توفا ف 8 غشت 2025 مورا ما دوز حياة عامرة بـ لـخدمة د لـمريدين و تـسيير وحدة من أكبر لـزوايا ف لـعالم لإسلامي.
- ↑ "Le Cheikh de la Tariqa Qadiriyya Boutchichiyya s'est éteint à l'âge de 83 ans". h24info.ma (ب الفرنسية). 2025-08-08.
- ↑ "Maroc : voyage au cœur de la Boutchichiya". JeuneAfrique.com (ب الفرنسية).
- ↑ "Sidi Jamal al Qadiri al Boutchichi". tariqa.fr (ب الفرنسية).
- ↑ "S.M. le Roi reçoit M. Jamal Eddine Al Boutchichi Al Qadiri". Le Matin (ب الفرنسية).
