جبر مجرد
فـ لماط، و بالخصوص فـ الجبر، الجبر المجرد ولا الجبر العصري هو دراسة البنيات الجبرية، اللي هما مجموعات عندهم عمليات ثنائية وسط منهم (بحال الجمع + ولا الضرب ×) و كيتطبقو على العناصر ديالهم.[1] البنيات الجبرية كيدخلو فيهم الڭروپات، الحلقات، الحقول، الموديلات، الفضاءات المتجهية، الريزوات، والجبر على الحقول.
التسمية ديال الجبر المجرد جات فـبداية القرن العشرين باش تفرّقوها على المجالات لي سبقات ديال الجبر، و بالخصوص على الجبر البدياني اللي كيستعمل المتغيرات باش يمثل الأعداد ف الحساب و التفكير.
المنظور المجرد ف الجبر ولا أساسي بزاف فـ الماط العصري حتى ولا كيتسمى غير "الجبر"، بينما مصطلح "الجبر المجرد" ولا قليل و كيتستعمل غالباً غير فـ البيداڭوجيا.
البنيات الجبرية، مع المورفيزمات ديالها، كيشكلو كاطيڭوريات ف لماط. نظرية الكاطيڭوري كتعطي إطار موحّد باش ندرسو الخصائص و البنايات اللي متشابهة عند بزاف ديال البنيات.
- ↑ Finston, David R.; Morandi, Patrick J. (29 August 2014). Abstract Algebra: Structure and Application (ب الإنجليزية). Springer. p. 58. ISBN 978-3-319-04498-9.
Much of our study of abstract algebra involves an analysis of structures and their operations
