جاڤا
جاڤا
| ||
| ||
| معلومات عامة | ||
| نوع د لّونڭاج | لغة متعددة أنماط البرمجة و JVM language | |
| طرف من | جافا | |
| شكون ختارعو | جيمس غوسلينغ و صن ميكروسيستمز | |
| شكون طورو | صن ميكروسيستمز و أوراكل | |
| تسما علا | قهوة الجافا | |
| فين تصاوب (بلاد) | لميريكان | |
| متأتر ب | سي++، سي، أيدا، Simula 67، سمول توك، سي-الكائنية، أوبجكت باسكال، أوبيرون (لغة برمجة)، إيفل، مودولا-3، ميسا، سيمولا، سي شارب (C#)، UCSD Pascal، object type، variadic function، Java annotation، نيكلاوس ويرث، Patrick Naughton و foreach loop | |
| تّرخيص | رخصة جنو العمومية | |
| لفلسفات د لبرمجة | برمجة مهيكلة، برمجة ستونية، برمجة وظيفية، برمجة أمرية، class-based programming، Reflection، generic programming، concurrent object-oriented programming و هندسة البرمجيات بالمكونات | |
| تّنواع | static typing، نوعية قوية، سلامة الأنماط، nominative typing و manifest typing | |
| جّرات د لفيشي | java، class، jar، jad و jmod | |
| مايتخالطش معا | جافا، جافا سكريبت و جافا | |
| سّيت رّسمي | https://www.oracle.com/java/ | |
جاڤا هوّا لونݣاج ستوني د لمستوى لعالي، مبني علا لكلاصات، لي تصاوب بحيت يكونو عندو أقل عاداد د تّيكاليات تّطبيقية. جاڤا لونݣاج ب تخدام عام، مديور باش يخلي لموبرميجين يطورو لكوض ديالهوم مرة وحدة، ؤ يعاودو يستعملوه ف أي پلاطفورم لي كاتقبل جاڤا، بلا مايعاود يتكومپيلا. تّطبيقات ديال جاڤا عادتن كيتكومپيلاو ل بايتكود، لي كيخدم ف أي ماكينة ڤيرتوالية د جاڤا (Java Virtual Machine ؤلا JVM) كيما كانت تّسطيرة د لورديناتور علاياش خدامة. سّانطاكس ديال جاڤا كاتشبه ل سّانطاكس ديال سّي ؤ سي++، ولاكين فيها عاداد قل ديال لوضايف د لمستوى نّازل. جاڤا هوّا لّونݣاج لّول لي عليه لقابول ف ݣيتهاب، سيرتو ب نّسبة ل تّطبيقات د لويب ب لموضيل كليان سيرڤور، ؤ تاني أكبر لونݣاج من حيت لعاداد د لمسوالات عليه ف سطاك ؤڤرفلو، ؤ رابع أكبر لونݣاج من حيت عاداد د لإعلانات د لخدامي ف لينكدين.[1]
لي ختارع جاڤا هوّا دجيمس ݣوصلين ف لكامبيانة د صان مايكروسيستمز (لي منبعد شراتها شّاريكة د ؤراكل)، ؤ صدر ب شكل رسمي ف 1995. وخا صدر ف لبدية ب ليصونص ملكاوية، جاڤا ولا ف ماي 2007 تحت ليصونص د ݣنو دجي پي إيل، لي مفتوحة ل لعموم. لڤيرسيون لّخرة د جاڤا هيا 16.0.2[2] ؤ خرجات ف مارس 2021. ؤراكل كاتنصح لخدادمية د لڤيرسيونات لقدام د جاڤا باش يحيدوهوم ؤ يأنسطاليو لڤيرسيون لّخرة، بسباب رّيسك لأمني.
تاريخ[بدل | بدل لكود]
دجيمس ݣوصلين، مايك شيريدان ؤ پاطريك نوطون بداو لپروجي د جاڤا ف 1991، ؤ ف لبدية هاد لّونݣاج تسما ؤوك Oak علا واحد نّوع د شّجر كان منو نابت حدا شرجم ديال ݣوصلين. من بعد بدلو ليه سّمية ل ݣرين Green (خضر ب نّݣليزية)، ؤ ف لّخر وقع تّيفاق علا جاڤا، علا نوع د لقهوة أصلو من أندونيسيا. ݣوصلين قاد سّانطاكس د جاڤا باش تكون قريبة ل سي ؤ سي++، ؤ تجي ساهلة ف لفهامة ل لموبرميجين.
عيون لكلام[بدل | بدل لكود]
- ^ "The Most Popular Programming Languages" (بنڭليزية). 22 أبريل 2021. تطّالع عليه ب تاريخ 26 يوليوز 2021.
- ^ "Java SE at a Glance". ؤراكل (بنڭليزية).
|
تقدر تزيد شوف بزاف د تّصاور و لمعلومات ديال Java (programming language) ف ويكيميديا كومنز. |