تطوان

تطوان
‫Tetwān تطوان‬ (ar) ⵜⵉⵟⵟⴰⵡⵉⵏ (tzm)
لبلاصة
لبلاد	لمغريب
لإقليم	إقليم تطوان
السكان
شحال دالسكان	422,757 (2024)
شحال دلفاميلات	113,837 (2024)
لجغرافيا
لعلو	90 م
خط الطول بـ °	-5.35304546
خط لعرض بـ °	35.58229165
معلومات خرين
توقيت ديال لمدينة	التوقيت د وسط أوروپا
كود د لبوصطة	93000
السيت الرسمي	tetouan.ma
الرمز لجغرافي	2528910
لخريطة

تطوان ولاً تيطًاون هي واحد المدينة فالشمال د لمغريب، و تاتسمًا تا الحمامة البيضا. تيطاون هي كلمة بالأمازيغية د غمارة، و تاتعني العينين. تيسكنو ف تطوان تقريبا 380.000 واحد، و لمنطقة ديالها معروفة ب لبحورا الزوينين لي تيجيوليهم بزاف د الناس ف الصيف.

التاريخ

سمية ديال تيطوان جاية من لأمازيغية تيطاوين (ⵜⵉⵟⵟⵇⵡⵉⵏ) اللي كاتعني العينين.

تبنات لمدينة لقديمة د تطوان على جبل درسة و كانت من ديما عندها أهمية كبيرة ف التاريخ د لمغريب لإسلامي حيت كانت محطة ف التحركات بين لمغريب لإسلامي و لأندلس.

ف وقت الإستعمار الصبليوني للشمال د لمغريب كانت تطوان هي لعاصمة د المنطقة. ديك المنطقة كانت تاتسمى المنطقة الخليفية و كانت تاتحكمها صبانيا ب التنسيق مع واحد السيد لي تيمثل الملك و كانت سميتو الخليفة السلطاني.

جغرافيا

أوّل إحصاء د سّكان تدار ف لمغريب مورا سّتيقلال ف 1960، تّلقا فيه بلي كاينين 101.155 لي ساكنين ف تطوان، سوا مغاربا ؤلا ڭور.

جماعة تطوان

لجماعة لحضرية تابعة ل إقليم تطوان، جهة طنجة تطوان الحسيمة، ساكنين فيها 377866 واحد، على حسب لإحصاء لعام 2014.

تعليم

• نسبة لأمية (نّاس لّي ما كايعرفوش يقراو ولا يكتبو) : 20,8%
• نسبة سّكان لّي قاريين فوق الليسي (ليسي و جامعة): 21,3%

قتيصاد

• نسبة نّاس نّشيطين (لّي يقدرو يخدمو): 50%
• نسبة لبطالة (نّاس لّي ما خدامينش و تايقلبو على خدمة): 21,5%
• نسبة نّاس اللي خدامين ف دّولة (ولا لبيطاليين اللي سبق ليهوم خدمو): 12,5%
• نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):53,3%

لمعالم

من بعد ما سالا لوجود لإسلامي ف لأندلس، ولات مركز ديال لأندلسيين اللي لجؤو ل لمغريب و هادشي اللي عطا ل لمدينة روح أندلسية ف لمعمار و لبني ديالها. داكشي علاش فيها بزاف ديال لمعالم و دخلات لمدينة لقديمة ل لّيستا د معاليم التراث العالمي د ليونيسكو من 1997.

تصاور

• 
  تصويرة قديمة د تطوان تايبان فيها جبل درسة
• 
  لمدينة لقديمة د تطوان

شوف حتا

• لمدينة لقديمة د تطوان

مصادر

ويكيميديا كومنز عندا تصاور و معلومات على تطوان.