انتقل إلى المحتوى

تيبيت

بدل ليانات
من ويكيپيديا
تيبيت
التقسيم لإداري
لبلادشينوا
لجغرافيا والسكان
لميساحة2,500,000 كم²
بلاصة لعاليةجبل إيڤريسط (8,848.86 م)
شحال دالسكان3,002,166 (2010)
خريطة لجيهة


فاميلة تيبيتية غادية ل فيستيڤال د لعودان ف منطقة خام

تيبيت (ب التيبيتية བོད، لهجة لاصا [pʰøːʔ˨˧˩] بود، ب الشينوية 藏区، تساكتشو) ولّا تيبيت لكبيرة،[1] هيّ منطقة ف لغرب ديال شرق أسيا، لي كاتكوڤري أغلبية د لهضبة د تيبيت و مساحتها 1,200,000 كلم².[2] تيبيت هيّ لوطن ديال التيبيتيين. كاينين مجموعات إتنية خرة تا هيّ كاتعيش ف هاد لهضبة لي هوما لمنڭوليين، مونپا، طامانڭ Tamang، تشيانڭ Qiang، شيرپا Sherpa، لوبا Lhoba، و من لقرن 20 شعوب هان و هوي.[3] تيبيت هيّ أعلى منطقة فوق لأرض، حيت لعلو لمتوسط ديالها كيوصل ل 4380 ميترو.[4][5] جات ف جبال لهيمالايا، و أعلى نقطة فيها هيّ جبل إڤيريست لي عندو أعلى قمة ف لعالم كاتوصل ل 8848 ميترو فوق سطح لبحر.[6]

لإمبراطورية التيبيتية بانت ف لقرن 7، و ف لأوج ديالها ف لقرن 9 فاتت لحدود ديالها هضبة التيبيت، من حوض طاريم و جبال پامير ف لغرب، تال منطقة يونّان و لبنڭال ف الجنوب الشرقي. تقسمات من بعد ل بزاف د لأقاليم. أغلبية ديال لمناطق لغربية و لوسطانية ديال تيبيت (ؤ-طانڭ) توحّدو، وخا غير ب السمية، تحت السلطة ديال سلسلة د لحكومات التيبيتية ف لاصا، شيڭاتصي ولّا بلايص قراب ليهم. لمناطق الشرقية د خام و أمضو كانو فيهم قلدات سياسية مشتتة ديال السكان لأصليين، حيت كانو مفرّقين مابين إمارات صغار و تجمعات قبلية، و ف بزاف د لحالات كانو كيطيحو تحت لحكم ديال الشينوا. أغلبية د هاد لمنطقة سيطرو عليها لأقاليم د سيتشوان و تسينڭهاي ديال الشينوا. لحدود د تيبيت ديال دابا تشكّلو سيرتو ف لقرن 18.[7]

من مور التورة د شينهاي ضد سلالة تشينڭ Qing dynasty ف 1912، لعساكريا د تشينڭ تحيّد ليهم السلاح و تجرّى عليهم من منطقة ؤ-طانڭ، ولايني تديكلارات ف الدستور ديال جمهورية الشينوا كا طرف منها تحت مسمّى ديال "منطقة د تيبيت". الدالاي لاما نمرة 13 ديكلارى لإستقلال ديال لمنطقة ف 1913، وخا هاد الدولة ماعتارفات بيها تا شي دولة خرة.[8] لعاصمة لاصا من بعد سيطرات على لغرب ديال شيكانڭ تا هوّ، و بقات تيبيت مستاقلة تال 1951 ملي حتلاتها و ضمّاتها ليها الجمهورية الشعبية الشينوية، من مور معراكة تشامضو، و لهضبة ولات تابعة إداريا للشينوا. لحكومة د تيبيت تحيّدات من مور التمرد لفاشل ديال تيبيت ف 1959.[9] دابا، الشينوا كاتحكم لغرب و لوسط ديال تيبيت كا طرف من لمنطقة لمستاقلة د شيزانڭ، بينمّا الشرق تابع ل مناطق إداريين مستاقلين ديال أقاليم تشينڭهاي، ڭانسو، يونّان و سيتشوان.

لحاراكة د لإستقلال د تيبيت[10] كايقودوها سيرتو الزماڭريا التيبيتيين.[11] لمونضامات ديال حقوق بنادم تاهمو لحكومة د الشينوا ب إنتهاكات ديال حقوق بنادم ف تيبيت، لي منها التعديب، لحبس لعشوائي، و لقمع الديني، بينمّا لحكومة د الشينوا كاكونطرولي لمعلومة و كاترفض باش يجيو مراقبين من على برّا.[12][13] كاينين أخبار متناقضين على لحجم ديال لإنتهاكات د حقوق بنادم، منها لي كاتوصل ل إبادة تقافية و تشنوين ديال تيبيت. لمضاهر ديال لقمع ديال التقافة التيبيتية باقين كيتوتّقو.

أكبر ديانة ف تيبيت هيّ لبوديه التيبيتية. كاينين أديان خرين بحال بون، لي هيّ ديانة أصلية ف تيبيت كاتشبه للبودية التيبيتية،[14] لإسلام، و لمسيحية. لبودية التيبيتية عندها أكبر تأتير على لفن، لمزّيكة و مراسيم لإحتفال ف لمنطقة. لمعمار التيبيتي كيعكس التأتير ديال لمعمار الشينوي و لهندي. لماكلات و لمشروبات لمنتاشرين ف تيبيت كاين منهم الشعير لمحمّر، لحم ياك Yak، و أتاي ب الزبدة. معا التزايد ديال عدد السياح ف السنوات اللخرة، ولّات السياحة أكبر سيكتور ديال لإقتصاد د تيبيت، لي شكّل 50,1% من الدخل لإجمالي ديالها ف 2020.[15]

مصادر

[بدل | بدل لكود]
  1. ↑ Wang, Lixiong (2005). "Indirect Representation Versus a Democratic System Relative Advantages for Resolving the Tibet". In Sautman, Barry; Teufel Dryer, June (eds.). Contemporary Tibet: Politics, Development and Society in a Disputed Region. Routledge. p. 114. ...the whole of Tibet, sometimes called Greater Tibet.
  2. ↑ The Question of Tibet and the Rule of Law (PDF). Geneva, Switzerland. 1959. p. 1. Retrieved 1 February 2025. The state of Tibet occupies an area of about 470,000 square miles.{{cite book}}: CS1 maint: location missing publisher (link)
  3. ↑ Wang, Ju-Han Zoe; Roche, Gerald (March 16, 2021). "Urbanizing Minority Minzu in the PRC: Insights from the Literature on Settler Colonialism". Modern China (ب الإنجليزية). 48 (3): 593–616. doi:10.1177/0097700421995135. ISSN 0097-7004. S2CID 233620981.
  4. ↑ "Altitude sickness may hinder ethnic integration in the world's highest places". Princeton University. July 1, 2013. Archived from the original on March 18, 2021. Retrieved March 6, 2021.
  5. ↑ Wittke, J.H. (February 24, 2010). "Geology of the Tibetan Plateau". Archived from the original on May 23, 2019. Retrieved March 29, 2019.
  6. ↑ US Department of Commerce, National Oceanic and Atmospheric Administration. "What is the highest point on Earth as measured from Earth's center?". oceanservice.noaa.gov (ب American English). Archived from the original on May 28, 2016. Retrieved November 12, 2021.
  7. ↑ Goldstein, Melvyn, C., Change, Conflict and Continuity among a Community of Nomadic Pastoralist: A Case Study from Western Tibet, 1950–1990, 1994: "What is Tibet? – Fact and Fancy", pp. 76–87
  8. ↑ Clark, Gregory, "In fear of China", 1969, saying: ' Tibet, although enjoying independence at certain periods of its history, had never been recognized by any single foreign power as an independent state. The closest it has ever come to such recognition was the British formula of 1943: suzerainty, combined with autonomy and the right to enter into diplomatic relations. '
  9. ↑ "Q&A: China and the Tibetans". BBC News (ب British English). August 15, 2011. Archived from the original on July 16, 2018. Retrieved May 17, 2017.
  10. ↑ Lee, Peter (ماي 7, 2011). "Tibet's only hope lies within". The Asia Times. Archived from the original on دجنبر 28, 2011. Retrieved ماي 10, 2011. Robin [alias of a young Tibetan in Qinghai] described the region as a cauldron of tension. Tibetans still were infuriated by numerous arrests in the wake of the 2008 protests. But local Tibetans had not organized themselves. 'They are very angry at the Chinese government and the Chinese people,' Robin said. 'But they have no idea what to do. There is no leader. When a leader appears and somebody helps out they will all join.' We ... heard tale after tale of civil disobedience in outlying hamlets. In one village, Tibetans burned their Chinese flags and hoisted the banned Tibetan Snow Lion flag instead. Authorities ... detained nine villagers ... One nomad ... said 'After I die ... my sons and grandsons will remember. They will hate the government.'
  11. ↑ "Regions and territories: Tibet". BBC News. دجنبر 11, 2010. Archived from the original on أبريل 22, 2011. Retrieved أبريل 22, 2011.
  12. ↑ Wong, Edward (February 18, 2009). "China Adds to Security Forces in Tibet Amid Calls for a Boycott". The New York Times. ISSN 0362-4331. Archived from the original on June 16, 2017. Retrieved May 17, 2017.
  13. ↑ "China: Tibetan Detainees at Serious Risk of Torture and Mistreatment". March 19, 2008. Archived from the original on March 7, 2023. Retrieved March 7, 2023.
  14. ↑ "Bon". ReligionFacts (ب الإنجليزية). Archived from the original on May 9, 2017. Retrieved May 17, 2017.
  15. ↑ "2020年西藏自治区国民经济和社会发展统计公报". State Ethnic Affairs Commission. Archived from the original on March 20, 2022. Retrieved April 24, 2022.
مرجّعة من "https://ary.wikipedia.org/w/index.php?title=تيبيت&oldid=451341"