تفرݣيعات د كازا د 2003
تفرݣيعات د كازا د 2003
| ||
.png) | ||
| معلومات عامة | ||
| نوع د لهجمة | تفجير انتحاري | |
| مول لهجمة | تنظيم القاعدة و السلفية الجهادية | |
| لبلاد | لمغريب | |
| لموضع | الدار البيضا | |
| تّاريخ | 16 ماي 2003 | |
| عاداد ضّحايا | 45 | |
| عاداد لمجروحين | 100 | |
| لأهداف | الحضارة الغربية و يهود | |
| لخريطة | ||
 | ||
تفرݣيعات د كازا د 2003 هوما أحدات إرهابية طراو ف كازا، لمغريب، ف 16 ماي 2003، ؤ كيتّعتابرو أميـٰت هجمة إرهابية طرات ف تّاريخ د لمغريب. 45 واحد ماتو ف هاد لأحدات منهوم 33 ضحية ؤ 12 نتيحاريين ؤ كتر من 100 واحد تّجرح.[1] نّتيحاريين أصلهوم من حي سيدي مومن ف كازا.[2]
لهجمة نفّدوها 14 أعضاء من جماعة سّلفية لجهادية، شوية مورا 9 د لّيل، على شكل 5 د لهجمات مفرّقة على بلايص ديال ليهود ؤلا لبلدان لغربية، هوما كاسا دي إسپانيا، ؤطيل فرح، ريسطو طالياني مولاه يهودي، لقنصلية د بلجيكا، مقبارة ؤ مركز جتيماعي. جماعة لقاعدة تبنات لهجمة ف شخص زعيمها أبو مصعب الزرقاوي لي خطّط ليها، ب معاونة ديال كريم مجاطي لي تكلف ب تدريب لإرهابيين لي نفّدو تّفجيرات.[2]
لفيلم يا خيل الله د نبيل عيوش لي خرج ف 2012 تأنسپيرا من هاد تفرݣيعات.
- كاسا دي إسپانيا: ريسطو سپنيولي كيزوروه سيرتو رجال لأعمال ؤ دّيپلوماسيين. ماتو فيه 20 واحد ف لوقت لي كانو كيتعشّاو ؤ كيلعبو لبينݣو.
- ؤطيل فرح: تّقتلو فيه لكونسييرج ؤ سّيكيريتي لي كانو مݣارديين لباب د لوطيل. واحد من نّتيحاريين تشد تماك حيت ماقدش يفرݣع لقنابل ديالو.
- لقنصلية د بلجيكا: لهجمة على لقنصلية كيبان بلي تدارت ب لغالاط، حيت لهدف لحقيقي كان ف لغالب ريسطو طالياني سميتو "پوصيطانو"، مولاه يهودي فرانساوي من أصل مغريبي. ماتو جوج بوليسيين ف هاد لهجمة.
- لمقبرة ليهودية: نّتيحاري لي كان باغي يهجم على لمقبارة غلط ف لموضع، حيت تخالطات ليه واحد نّافورة معا نّافورة لي كاينة قدّام لمقبارة ليهودية. 3 د لمغاربا مسلمين ماتو ف هاد لهجمة.
- لمركز جّتيماعي ليهودي: لمركز كان مسدود نهار سّبت داكشي علاش وخا جوج نتيحاريين فرݣعو راسهوم تماك، ما مات تا حد.
| لبلاد | لحساب |
|---|---|
 لمغريب |
25 |
 ESP |
4[3] |
 فرانسا |
3 |
 الطاليان |
1 |
ف 24 أبريل 2004، دشن لماليك محمد ساديس ؤ لوزير لول د صبانيا د ديك لوقيتة خوسي لويس رودريڭيز زاپاتيرو لوحة تدكارية ف ساحة محمد لخاميس ف وسط دارلبيضا.[4] وكان مكتوب ف لوحة آية من لقرآن: "من قتل نفساً فكأنما قتل الناس جميعاً" (سورة لمائدة 52-53).
- ↑ "Germany arrests Frenchman over 2003 Casablanca attacks" (ب الإنجليزية). 30 أكتوبر 2012. Archived from the original on 2022-05-20. Retrieved 2022-05-20.
- 1 2 "Analysis: May 16, 2003 Suicide Bombings in Casablanca, Morocco". Archived from the original on 11 أكتوبر 2007.
- ↑ خوردان, خاڤيير; هورسبورݣ, نيكولا (2006). "Spain and Islamist Terrorism: Analysis of the Threat and Response 1995–2005". Mediterranean Politics. 11 (2): 209–229. doi:10.1080/13629390600682933.
- ↑ "20 ans des attentats du 16 mai: Un rassemblement sera organisé à la mémoire des victimes". هيسپريس (ب الفرنسية). 2023-05-10. Retrieved 2024-03-06.
 هادي زريعة ديال مقالة خاصها تّوسع. تقدر تشارك ف لكتبة ديالها. |