تشي ݣيڤارا
تشي ݣيڤارا
| ||
 | ||
| معلومات عامة | ||
| زيادة | 14 يونيو 1928 روساريو | |
| لموت | 9 أكتوبر 1967 (39 عام) لا هيغويرا | |
| طريقة دلموت | قتيلة | |
| سباب لموت | ضربة ب لقرطاس | |
| لجنسية | كوبا لارجونتين | |
| لحرفة | توري و بارتيزان | |
| لّوغات لي كيعرف | صبليونية | |
| لفاميلة | ||
| لواليد | Ernesto Guevara Lynch | |
| لواليدة | Celia de la Serna | |
| شريك | إيلدا جاديا (1955–1959) أليدا مارش (1959–1967) | |
| لولاد | أليدا تشي جيفارا | |
| معلومات خرى | ||
| لحيزب | الحزب الشيوعي الكوبي | |
| لأعمال |
| |
| تأتر ب | كارل ماركس، ماو تسي طونݣ و ڤلاديمير لينين | |
| رياضة | ||
| رياضة | اتحاد الرغبي | |
| لعسكر | ||
| لڭراد | رائد | |
| لحروب | الثورة الكوبية، حرب عصابات نانكاهوازو، أزمة الكونغو، معركة سانتا كلارا و غزو خليج الخنازير | |
| لجوايز | ||
 | ||
        | ||
تّسافيرة اللي دار تشي ݣيڤارا بلموطور فأمريكا اللاتينية
إرنسطو ݣيڤارا دي لا سيرنا (بالصبليونية: Ernesto 'Che' Ernestico Guevara de la Serna) (14 يونيو 1928 - 9 أكتوبر 1967) و اللي معروف بتشي ݣيڤارا, كان مناضل ثوري وطبيب وكاتب وسياسي أرجونتيني كان معروف فلعالم حيث كان تيشجع على الثورة. ݣيڤارا كان من لقادة ديال الثورة ف كوبا على الديكتاتور فولخينسيو باتيسطا, وملًي نجحات الثورة اللي قادها فيديل كاسطرو, عطاو لݣيڤارا لجنسية د كوبا وولاً وزير تما. تشي ݣيڤارا كان تيشجع الثورات فلعالم كلًُو ودار محاولات خرا بحال ف لكونݣو[ماواضحش] (ولكن ماصدقاتش) و ف بوليڤيا, اللي شدُّوه فيها وعدموه ف 1967, وهو كانت عندو غي 39 عام.
خلاق إرنيسطو ݣيڤارا فلمدينة د روزاريو ف لأرجونتين نهار 14 يونيو 1928, وكان هو لكبير من بين 5 د الدراري (3 د لولاد و جوج بنات). لعائلة ديالو كانت من الطبقة لمتوسطة وماكان خاصًو تا شي خير.
ف 1948, دخل للكلية د الطب ف بوينوس آيريس, وكان تيقرا مزيان و تيدير الرياضة بحال الريݣبي. فلعام اللخر ديال قرايتو (1953) سافر هو و صاحبو ألبيرطو ݣرانادو بموطور ف أمريكا اللاتينية كاملة, و تما كتاشفو الظلم لإمبريالي ولفقر وبزاف د لمشاكيل اللي خلاتهم مصدومين. من ديك الساعة, قرر تشي ݣيڤارا باللي ماغاديش يخدم طبيب و باللي أيدير أي حاجة اللي قدر باش يحبس الظلم ويكون من جيهت لمظاومين, وعليها بدا يشجع الثورات.
ف 1959, عرض لوزير اللُول د لمغريب عبد الله ابراهيم على تشي ݣيڤارا باش يجي. وفعلا جا فغشت وزار سلا و الرباط و مراكش وتلاقا بزاف د المسؤولين. عجباتو بزاف مراكش اللي ݣلس فيها 18 ليوم.[1]
ف 1960, ملًي مشا ݣيڤارا ل مصر, زار السفارة د لمغريب ف لقاهرة وتلاقا مع محمد بن عبد الكريم الخطابي, وقاليه باللي كان "معجب بزاف بالتجربة ديالو فحرب لعصابات, و باللي جا خصيصا باش يتعلًم منو".[2]
حيث تشي ݣيڤارا هو رمز د التحرر ومحاربة الاستبداد, قررو لأولترا ديال لفرقة د لجيش لملكي يسمًيو راسهم "كورڤا تشي", نسبة لتشي ݣيڤارا, وتيهزًو ديما تصويرتو فݣاع لماتشات و لمناسبات د لفرقة ديالهم.[3]
- ↑ "تشي ݣيڤارا فلمغريب". Archived from the original on 2022-03-13. Retrieved 2020-02-16.
- ↑ "ݣيڤارا, الثائر الأرجنتيني المعجب بالخطابي". Archived from the original on 2020-10-27. Retrieved 2020-02-16.
- ↑ "لكورڤا تشي و لجيش لملكي". Archived from the original on 2020-10-27. Retrieved 2020-02-16.
| عالمي | |
|---|---|
| وطني | |
| أكاديميا | |
| فنانين | |
| ناس | |
| غيرهم | |
 |
ويكيميديا كومنز عندا تصاور و معلومات على تشي ݣيڤارا. |