تاريخ د لباسك
لباسكيين (ب لباسكية Euskaldunak) هوما لمجموعة لإتنو لوغاوية لأصلية ديال بلاد لباسك (لي جات ف سپانيا و فرانسا). هادشي علاش التاريخ ديالهم متشابك معا التاريخ د سپانيا و د فرانسا، زيادة على بلدان مابقاوش و وحدين خرين باقيين ف ؤروپا و لقارات د أميريكا. عدد ديال الناس من أصل باسكي على برا باقين مرتابطين ب الجدور ديالهم و كيتلاقاو ف نوادي باسكيين.
يد إيروليجي، سيلويت ديال يد برونزية عندها 2200 عام (لقرن اللول قبل لميلاد) تكتاشفات ف شهر يونيو 2021 ف كدية لاكيداين الناڤارية و هي أقدم نص باسكوني حتى لدابا.
لكتابات لباسكونية كاتبان بحال إيلا كتعكس التأثير لإقليمي لكيلتي لإيبيري، حيت لعولاما د الليسانيات لقديمة قدرو يعرفو الصوت لباسكي "SORIONEKU" (ب لباسكية لعصرية: Zorioneko؛ ب الداريجة: مبارك، مزهار) و كلمات خرة.[1] هاد الدلائل كتبين بلي لقلدات اللوغاوية لباسكونية كانت قبل من التاريخ لمقدّر لي كانو حطوه لعولاما، و بلي اللوغة لقبل-هندو-ؤروپية كانت مستعملة عند سكان هاد الجيهة ديال جبال لپيريني هادي تنين و عشرين قرن.
مور لغزوات الرومانية، ف لقرن اللول قبل لميلاد، سترابون كتب بلي لمناطق الشمالية ديال ناڤارا ديال دابا و أراڭون كانو ساكنين فيها لڤاسكونيين. وخا كاينة علاقة إيتيمولوجية واضحة بين "ڤاسكون" و السمية لعصرية "باسك"، ما كاينش دليل مباشر بلي لڤاسكونيين كانو جدود لباسكيين ديال دابا ولا كانو كيهضرو اللوغة اللي تطورات ل لباسكية لعصرية، وخا هادشي كيتأكد بقوة من السميات التاريخية ديال لمنطقة و بعض السميات الشخصية اللي كاينين على لقبور من لعصر الروماني.
- ^ "Deciphering an Ancient Enigma: The Irulegi Hand's Linguistic Mystery". The Archaeologist (ب نڭليزية). 2024-02-20. تطّالع عليه ب تاريخ 2024-02-29.