بوميرانݣ

من ويكيپيديا
اذهب إلى التنقل اذهب إلى البحث
بوميرانݣ صاوبوه السكان لأصليين دؤسطراليا.
بوميرانݣات جداد ديال الرياضة.

لبوميرانݣ (بلعربية: الخَذُوف أولّا الكيد، بالنݣليزية: Boomerang) هو تويشية كاتطير ملّي كاتصافط، ومعروفة باللي كاترجع عند مولاها، وكاتستعمل للرياضة أولا لحرب. فلماضي كان كايتصاوب بلخشب، أمّا دياول دابا كايتصاوبو ببزاف ديال لماتاريال.

تاريخ[بدل | بدل لكود]

بزاف ديال الناس كايعرفو باللي لبوميرانݣ مرتابط بالسكان لأصليين دؤسطراليا. ولاكين أقدم واحد تلقا فكهف فپولونيا وعندو كتر من 20 ألف عام. هاد النوع ماكايرجعش عند اللي سيفطو، ولاكين كايبقى طاير فالسما. ليوما هاد لبوميرانݣات كايتصاوبو للترفيه والرياضة.

فراقي[بدل | بدل لكود]

ليوما كاينين بزاف ديال لفراقي اللي كايلعبو لبوميرانݣ فلعالام. هاد لفراقي كايديرو ورشات دلخدمة وتورنوايات. أحسن الناس اللي كايتقنو التشيار ديال هاد اللوعبة كاينين فؤسطراليا وفرانسا وألمانيا والجاپون وسويسرا ولميريكان. شي عوام هادي تأسسات لفيديرالية الدولية ديال لجمعيات دلبوميرانݣ (IFBA) باش تعاون تعّلم الناس كيفاش كاتقصّر هاد اللوعبة.

Wikimedia Commons تقدر تزيد شوف بزاف د صور و معلومات ديال Boomerangs ف ويكيميديا كومنز.