بورݣراݣ

من ويكيپيديا
(تحولات من بورڭراڭ)
اذهب إلى التنقل اذهب إلى البحث

لواد د بورݣراݣ.

بورݣراݣ هو واحد لواد فلغرب د لمغريب، الطول ديالو 240 كلم, تيخرج من لأطلس لمتوسط (جبل متورزݣان حدا مولاي بوعزة) وتيصبً فلمحيط لأطلسي، مابين لمدن د سلا والرباط.

لمعدل د الصبيب د بورݣراݣ هو 23 ميترو مكعب فالتانية، ولكن فوقت لفيضانات, يقدر يوصل تال 1500.

لأصل د سميتو[بدل | بدل لكود]

ف لعصر لقديم كان واد بورݣراݣ كيتسما واد سلا.[1] كاين بزاف د النظريات على سميت بورݣراݣ ولأصل ديالها. من بينهم كاين هادو:

  • بورݣراݣ بلأمازيغية تاتعني هاداك اللي غادي جاي (المد و الجزر).
  • بورݣراݣ بلأمازيغية تاتعني مول لحجر الصغير (زعما لواد فيه حجز صغير "الرݣراݣ").

التاريخ ديالو[بدل | بدل لكود]

لمسار د بورݣراݣ.

بورݣراݣ عندو تاريخ قديم ومرتابط بزاف بلمدن د سلا والرباط. ما بين أهم لأحدات اللي وقعو فبورݣراݣ:

  • ف 1269 بناو لمرينيين قناة مابين لواد وباب لمريسة فسلا، اللي خلا لما يوصل تال تمًا، وولاً لميناء فلباب د لمدينة نيشان.
  • ف لقرن 17 تأسسات لجمهورية د بورݣراݣ، اللي خدات سميتها من لواد، واللي كانت دولة جمعات سلا والرباط ولوداية، وكان لواد عنصر مهم فيها.
  • ف 1755 تبدلو التضاريس د لواد مورا الزلزال د لشبونة، ومابقاش صالح باش يكون فيه مرسى.
  • ف 1936 حبسو لبركاصات من لواد وبدات تاتبنا لقنطرة د مولاي لحسن، اللي كانت هي أول قنطرة على لواد.

السدود اللي فيه[بدل | بدل لكود]

ف 1974, تبنا السد ديال سيدي محمد بن عبد الله على بورݣراݣ, ف 17 كلم من المصب ديالو. كاين 7 د السدود خرا صغيرة عليه. لهدف دهاد السدود هو أولا تجمع لما اللي تيعاون فالشريب ولفلاحة, وثانيا باش ينتج الضو اللي تيمشي للمصانع.[2]

لمارينا د بورݣراݣ[بدل | بدل لكود]

بدا لمشروع د لمارينا د بورݣراݣ ف 2006, و لهدف ديالو هو تتقاد الضفة د لواد من الجوايه بجوج د الرباط وسلا, ويكونو فيه بزاف د لحوايج ولأنشطة اللي يقدر يديرهم الواحد إما سائح ولا تا اللي ساكن تمًا.

أغاني عليه[بدل | بدل لكود]

بزاف د لمغنيين غناو على بورݣراݣ حيث عندو تاريخ كبير كتيرشي حيت تيجمع مابين سلا والرباط. من بين لإنتاجات اللي كانو عليه كانلقاو:

  • أوپيريط مشروع بورقراق, اللي معروفة تا بسميت "أنا رباطي, انا سلاوي", اللي كتبها لمسرحي أحمد الطيب لعلج, واللي لحًنها لموسيقار عبد السلام عامر.[3]

عيون لكلام[بدل | بدل لكود]

  1. كريستيان ماركس. "The western coast of Africa in Ptolemy's Geography and the location of his prime meridian [شّط لغربي ديال إفريقيا ف لجغرافيا د پطوليمايوس ؤ لموضع ديال لميريديان رئيسي]". doi:10.5194/hgss-7-27-2016. Cite journal requires |journal= (مساعدة)
  2. معلومات عن نهر ابي رقراق - تعرف على كل ما يخص نهر ابى رقراق
  3. نهر أبو رقراق في الأغنية المغربية - ليتيحاد ليشتيراكي (2018).
Wikimedia Commons تقدر تزيد شوف بزاف د صور و معلومات ديال Bou Regreg ف ويكيميديا كومنز.